我仔仔都有專注問題, 有無過度活躍, 就等4月再揾醫生觀察, 已服藥差不多一年.
開頭唔知道, 一升上小一後不久, 老師問我有無帶過仔仔做任何評估, 我都無理到.
但原來佢上室時問題多多. 老師話佢又多手又多腳又多咀, 所以編佢坐咗課室最後貼牆位置 (即同最後一排小朋友再隔條河). 我去到第三次考試前, 先發覺真係有問題, 立即同佢睇私家醫生, 醫生就開藥比佢啦.
而家小二, 由佢開頭好唔想比其他人知到而家. 有一次, 佢覺得有個同學仔同佢一樣有呢個問題, 於是佢放學時主動同果個小朋友既家長講, 佢既睇法同佢自己都係食緊藥. 結果果位家長有無理會, 我就唔知啦, 因為並唔係我接佢放學, 同埋有D家長怕正視問題.
其實, 佢都有好多好處, 頭腦轉得快, 講野叻, 所以笑料勁多. 成日左耳入右耳出, 所以話完佢, 佢好快又會無事, 唔小氣+EQ高. 思想成熟, 好多同學仔當咗佢係顧問. 把口好識氹人, 人見人愛.
當然, 有時都會聽到朋友話佢頑皮 (唔係成日見果D), 但佢哋可能對呢種問題認識不深, 只要簡單解釋一吓, 信不信就由得佢哋了.
媽媽加油, 早D正視同接受, 小朋友越大, 你就可以睇到佢哋一路係到轉變緊. 而家仔仔仲要求開始自己處理功課, 考試只同佢温英文同普通話, 其他佢自己靠平日上堂聽書, 慢慢放手, 等佢哋自己自立, 比多D信心, 佢哋一定做到的 ~~ 
http://b4.lilypie.com/G4Wjp8.png
發表於 
返回列表
