夫婦情感 今日: 2 | 主題: 42751

積分: 30295

81^#

發表於 06-8-31 16:03 |只看該作者

Re: 我呀哥個女朋友好黑人憎!

cherrychin,
妳都係唔明妳既問題係邊!!
唔係話幫佢地做晒D家務, 煮埋飯, 就叫做尊重!!
尊重係人地D家事, 人地個女/妹點衰點差, 都唔到妳出聲鬧!!

好似我咁, 我夠入左門咯, 我夠係大嫂啦, 但我見到2少奶有D咩唔岩, 我唔會直接出聲, 我只會同老公講, 再由老公同佢細路講, 等佢地2公婆自己搞掂, 真係傾唔掂, 我至會出手, 咁樣同妳直接鬧人地個妹好大分別!! 我係有預先警告左, 都係咁樣, 我先會出聲, 而且我係唔會"鬧"囉, 只會講同傾, 佢唔聽既, 係佢既事, 唔關我事, 佢既人生, 應該由佢自己負責返!!

妳而家未入門已經唔尊重佢屋企人, 入左門, 佢地仲有訂企既?!

妳話妳只不過唔鐘意人地個妹, 喂, 我夠唔鐘意3叔仔個女友咯, 但我從來都客客氣氣, 係呀, 佢擺明要我幫佢執埋房, 買埋野比佢食, 幫佢交埋水電媒, 仲要比佢擺左間大房, 日日係房開行冷氣, 自出自入當我透明, 招呼都唔打聲!! 咁我係咪又要鬧佢, 趕佢出門口添呀!!

有D野, 我地做外人既(即使入左門, 都一樣係外人!!), 真係唔可以加埋口埋去, 第一, 人地會覺得妳冇家教, 會覺得妳阿媽點教女架! 第二, 妳咁樣鬧, 可能當時妳會覺得出左啖氣, 但將來呢? 人地屋企人對妳敵意更深, 係咪能夠順利入門都未知, 即使入左門, 有好多CASE都係個老公聽得太多家姐細妹阿媽既說話, 搞到成個人變晒!! 妳又係咪想咁?!

而家我地好意勸妳, 妳都不能接受, 第日99話妳, 鬧妳, 妳點頂?

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 30295

82^#

發表於 06-8-31 16:06 |只看該作者

Re: 我呀哥個女朋友好黑人憎!

cherrychin 寫道:
[quote]
鈍豬925 寫道:
難道我亞媽養到我咁大要去人地屋企做實實 ~~~~ 完全同意

人地亞媽養到個仔咁大,諗住可以享下福啦,點知要做埋人地個女朋友個賓賓不突至仲要個女比人鬧,咩世界呀

難為你講得出人地細妹"寄人籬下", 請問間屋你有名架,
講"寄人籬下" 你真係 "實至名歸"

人地亞媽要享福...我亞媽呢???[/quote]

咁妳咪返屋企囉!!
點解一定要住男朋友屋企?
如果自己屋企冇地方既, 咪打地鋪, 訓梳化囉!!
再唔係租D平平地既套房住, 一樣可以!!

私人傳訊

積分: 417

83^#

發表於 06-8-31 16:15 |只看該作者

Re: 我呀哥個女朋友好黑人憎!

我依家淨係佢放假先去佢度住...
你地成日叫人忍下...咁人地人忍喇...唔出聲喇...你地又話人地當佢地透明...唔尊重人...都唔知你地想點...

私人傳訊

積分: 417

84^#

發表於 06-8-31 16:20 |只看該作者

Re: 我呀哥個女朋友好黑人憎!

小寶貝兒:
可能係我語氣唔好啦...其實我同佢一整四年...都係鬧過佢妹一次咁多...因為嗰次真係覺得好嬲... :-( :-( :-(

私人傳訊

鈍豬925

男爵府

積分: 5959

85^#

發表於 06-8-31 16:31 |只看該作者

Re: 我呀哥個女朋友好黑人憎!

男朋友都未出聲鬧個妹,你用咩身份鬧人呢? 大嫂呀?

講咁耐你都唔明, 同居唔係錯,但同得人地父母一齊住, 你就要尊重別人, 掉轉想下,如果你男友係搬到你家住,仲要你阿媽服侍埋佢,你個心會點呀,你阿媽個心又會點諗呀,

私人傳訊

http://www.hk-laufamily.com/_445.gif

積分: 30295

86^#

發表於 06-8-31 16:32 |只看該作者

Re: 我呀哥個女朋友好黑人憎!

cherrychin,
唉, 我同我老公一齊左4年幾, 結婚都就黎一年, 我夠有好多野睇唔過眼啦, 我老公以前夠因為睇在兄弟情份上被2少搵著數啦!!
唔好講3少條女果d野, 剩係佢地兄弟之間有d咩野, 我都唔會差隻腳埋去, 因為佢地係親人, 而妳就係女友/老婆, 有好多野妳明知佢地屈緊妳bf, 妳都唔可以出聲, 因為一出左聲, 妳既立場固之然冇晒(就係因為妳係外人), 而妳男友都會因為咁樣而承受住佢屋企人既壓力!! 何必呢!!

佢地做左咁多年親兄妹, 總有佢地相處既方法, 好似我屋企咁, 都係玩玩鬧鬧咁架, 有時仲會好似好嚴肅咁鬧人, 其實邊係真係嬲丫, 玩下之麻, 但係我老公就有d嚇親囉!!

所以下次有咩事, 妳覺得妳bf 被人鬧緊, 覺得佢個妹好過份, 妳可以拉開佢, 等佢地雙方都冷靜下, 咁樣大家就會覺得妳係一個明事理, 識大體既女仔, 而唔係火上加油既女仔!! 對妳印象真係會好好多架!!
拉佢出去行下街, 一邊再同佢傾返件事, 覺得佢又火起既, 咪買d凍飲(或涼茶)比佢, 同佢講比佢下火先啦!! 咁樣佢咪能夠平伏返d囉!!

妳要明白, 做為一個伴侶, 妳要做既, 並唔係係妳男友火滾時加多2錢油落去, 而係令到佢熄火!! 妳鬧佢個妹, 大家都難落台, 睇時見面都面左左啦, 有乜謂呢! 妳唔鬧佢個妹, 返而拉開男友, 等佢地都有一個好d既下台階, 咁咪皆大歡喜囉!!

相嗌唔好口呀!!!

私人傳訊

tweetybird

男爵府

積分: 5929

87^#

發表於 06-8-31 16:35 |只看該作者

Re: 我呀哥個女朋友好黑人憎!

唔係邊個受委屈，邊個要羅公道的問題。係自己的位置應該點樣擺的問題。就算一齊住埋，就算嫁了入去，就算生埋個仔..我們都唔係同姓的，無血緣關係的。人家關埋門打餐死都係一家人的事，有很多的事要留一線，唔係下下去到盡的。正如其他媽咪講，今日未嫁都覺得氣頂，日後再事事你點？開片呀？斬人呀？

就算我叔仔所有的女友有問題，我都唔會同我叔仔直接講的，都係搵我老公講的。兩兄弟打餐飽都係兩兄弟，所謂打死不離親兄弟，如果由我這個外人講，一有問題就真係無彎轉，日後見到面都面左左，到時咪又係累了個老公。唔係叫你下下都要忍，但要睇自己的位置，有問題的你咪同你男友講，再叫你男友出聲羅。自己出聲就自己蝕底。

係，無人叫你同他父母家人做人世，但你男友唔得呀嘛..他始終都係他們的仔和大佬，無可能斷絕關係的的。係人家屋企住(就算係個weekend)，就要守人家的規矩，做好本份。你無叫人幫你，照顧你，幫你做野，但事實係你真係住了係人家屋企，這個係不變的事實。係自己家，喜歡做什麼就做什麼，但係別人的家就不同了，這個就是分別，如你那麼不喜歡他的細妹，你都係搬啦。如果唔係就係小說話多做事，無人會理你係背後發脾氣又或者向你男友教路，但自己出手就未免有點兒...

私人傳訊

peddymama

別墅

積分: 688

88^#

發表於 06-8-31 16:44 |只看該作者

Re: 我呀哥個女朋友好黑人憎!

cherrychin 寫道:
每個人要求既野都唔一樣...你地係一個好新抱...但我唔係囉...你地心甘情願為咗你地既一半忍氣吞聲...我唔會囉...你地可以睇住你地既叧一半俾人閙都唔出聲...我唔得囉...反正我又唔係要你地接受我呢一套...我既另一半接到咪得咪囉...我只不過想分亨吓人哋細妹都好乞人憎...而唔係俾人去評論我既處事方法...我唔係一d小女人...樣樣千呢d係人地個仔對我做架...

[size=large]唔係針對你，不過睇到呢d觀念就真係想分享吓，如果我老公比人鬧比人屈，我會第一時間挺身撐佢，郁埋手都仲得，總之我都會以我性命去保護我老公同個仔，但如果同我老公有爭執既係佢兄弟，咁我唔出聲又或者加咩意見，因為佢地始終係親生兄弟，佢地係有血綠關係，就算佢地點鬧始終會有佢地既解決方式，唔到其他外人理甚至係另一半去理，如果我地做人老婆既插手，咁對方就會更加反感，何況仲未正式入門，不論我地係咪出於善意，如果因為我地既插手而令到佢地關係更惡劣或者無彎轉咁你就害咗人地兼對唔住人地父母，仲有，我都唔係小女人，但我老公亦對我樣樣千依百順，任勞任怨，但咁唔代表我可以抹煞對人地家人既一份尊重，你估人地無亞媽生架？人地亞媽都係十月懷胎生個仔出嚟架，生出嚟比人咁樣對佢？咁，唔怪得咁多做奶奶既會對新袍呢個身份咁反感，因為如果有個咁既新袍，即係等如無咗個仔，或者叫做引狼入室，唔啱聽既你可以skip咗去，nevermind

私人傳訊

積分: 417

89^#

發表於 06-8-31 16:49 |只看該作者

Re: 我呀哥個女朋友好黑人憎!

小寶貝兒寫道:
cherrychin,
唉, 我同我老公一齊左4年幾, 結婚都就黎一年, 我夠有好多野睇唔過眼啦, 我老公以前夠因為睇在兄弟情份上被2少搵著數啦!!
唔好講3少條女果d野, 剩係佢地兄弟之間有d咩野, 我都唔會差隻腳埋去, 因為佢地係親人, 而妳就係女友/老婆, 有好多野妳明知佢地屈緊妳bf, 妳都唔可以出聲, 因為一出左聲, 妳既立場固之然冇晒(就係因為妳係外人), 而妳男友都會因為咁樣而承受住佢屋企人既壓力!! 何必呢!!

佢地做左咁多年親兄妹, 總有佢地相處既方法, 好似我屋企咁, 都係玩玩鬧鬧咁架, 有時仲會好似好嚴肅咁鬧人, 其實邊係真係嬲丫, 玩下之麻, 但係我老公就有d嚇親囉!!

所以下次有咩事, 妳覺得妳bf 被人鬧緊, 覺得佢個妹好過份, 妳可以拉開佢, 等佢地雙方都冷靜下, 咁樣大家就會覺得妳係一個明事理, 識大體既女仔, 而唔係火上加油既女仔!! 對妳印象真係會好好多架!!
拉佢出去行下街, 一邊再同佢傾返件事, 覺得佢又火起既, 咪買d凍飲(或涼茶)比佢, 同佢講比佢下火先啦!! 咁樣佢咪能夠平伏返d囉!!

妳要明白, 做為一個伴侶, 妳要做既, 並唔係係妳男友火滾時加多2錢油落去, 而係令到佢熄火!! 妳鬧佢個妹, 大家都難落台, 睇時見面都面左左啦, 有乜謂呢! 妳唔鬧佢個妹, 返而拉開男友, 等佢地都有一個好d既下台階, 咁咪皆大歡喜囉!!

相嗌唔好口呀!!!

吓!!!連比人屈都要忍氣吞聲呀!!! :-( :-( :-(
不過點都好啦...多謝你既好意...如果再有d咁既事發生我會試吓忍啦!!!

私人傳訊

積分: 417

90^#

發表於 06-8-31 16:58 |只看該作者

Re: 我呀哥個女朋友好黑人憎!

我都有叫佢搬嚟我屋企住架...不過佢話返工遠喎!
事情己經過去咗啦...依家咪當事後檢討...希望下次有呢d事發生既時候會用得返啦...因為嗰刻真係好嬲嘛...所以咪行過佢房門講咗2句粗口囉...點知佢叫我講野大聲d...我咪大大聲鬧佢囉...

私人傳訊

http://www.hk-laufamily.com/_445.gif

積分: 417

91^#

發表於 06-8-31 17:05 |只看該作者

Re: 我呀哥個女朋友好黑人憎!

佢細妹真係好煩架...同親佢亞哥鬧交...返到嚟話佢亞哥既時候都要加埋...[size=xx-large]你哋...但我就連發生咗咩事都未知...就比人話喇...所以我對住佢細妹真係當佢透明...
到於佢亞爸亞媽都冇乜野...好客氣...
正因為咁我地本來都有諗住搬...但諗諗吓搬出去住最少都要6-7k每月咁不如儲首期買樓...每月供多d...

私人傳訊

peddymama

別墅

積分: 688

92^#

發表於 06-8-31 17:06 |只看該作者

Re: 我呀哥個女朋友好黑人憎!

cherry，
或者你仲係好細個，不過，有d嘢你真係要識，同男朋友或者第時係老公屋企人相處真係唔到你任性，因為始終蝕抵既係你自己，你因為愛你男朋友所以幫佢出頭原本係人之常情，不過如果對手係兄弟姐妹就真係唔到另一半理，你諗吓，如果你同你d姐妹鬧交，你男朋友幫拖柄鑊金既佢地，咁你點諗，你亞媽會點諗，況且你同佢個妹只不過係未來姑嫂咋，佢點都唔論到你管，姑嫂姑嫂，即係姑勿論你就算係佢亞嫂，都唔論到你管啦，我地咁多媽咪嚟提你，都係因為我地經歷過，想話番比你聽啫，唔係針對你

私人傳訊

積分: 417

93^#

發表於 06-8-31 17:10 |只看該作者

Re: 我呀哥個女朋友好黑人憎!

thx...

私人傳訊

積分: 30295

94^#

發表於 06-8-31 17:24 |只看該作者

Re: 我呀哥個女朋友好黑人憎!

cherrychin 寫道:
佢細妹真係好煩架...同親佢亞哥鬧交...返到嚟話佢亞哥既時候都要加埋...[size=xx-large]你哋...但我就連發生咗咩事都未知...就比人話喇...所以我對住佢細妹真係當佢透明...
到於佢亞爸亞媽都冇乜野...好客氣...
正因為咁我地本來都有諗住搬...但諗諗吓搬出去住最少都要6-7k每月咁不如儲首期買樓...每月供多d...

唏, 呢d野成日都有架啦!!
我99鬧我老公時, 夠拖埋我落水, 話我告枕頭狀, 仲鬧到我以為自己心臟病發(因為當時心跳快到嚇死人, 又頭暈又手震, 全身冇力, 差d返唔到屋企, 對面咋, 都差d返唔到去, 以為自己會死係呢度....), 我咪又係唔可以出聲!! 因為果個係99, 我一出聲就死梗, 即使佢鬧到我真係心臟病發, 因為我有頂咀, 咁我就會由全岩, 變成我都有錯!!

所以話點解做人新抱甚艱難, 唔單止係對住99又要忍得佢把毒口, 被佢鬧完仲要笑住口盡孝道, 唔可以黑面, 講是非, 頂咀, 仲要唔可以得罪姑仔姑嫂, 妳估容易架~~

學下啦~~ 妹!!

呢度好多媽咪都係咁樣過來既, 講既野真係有我地既道理, 唔係玩針對架!!!
呢個地方係我所見網友比意見最中肯, 最有用既地方!! 學多d, 第時入左門都冇咁蝕底呀!!

私人傳訊

tweetybird

男爵府

積分: 5929

95^#

發表於 06-8-31 17:45 |只看該作者

Re: 我呀哥個女朋友好黑人憎!

肺腑之言呀，真是係過來人先知的，可能你年紀細未知將來可能會發生的事，但真係家和萬事慶。日後搬了唔喜歡的，咪少些上去食飯或見面羅，喜歡的咪多些羅，但一日都係同一間屋住就盡量忍讓一下，大家都知相見好同住難啦。

總之記著精人出口蠢人出手，與人相處係一重學問來的，特別你一些唔係你家人的家人要一齊相處，有排捱呀。你估我奶奶開頭時無話過我咩，我咪要當聽唔到羅，最多同老公講完後話唔返去食飯住，費時見到唔開心。有時我唔想個老公做三文治，係喜歡和關心另一半的話，有時蝕底些少都要的，否則難過的人最後都係你的另一半。

私人傳訊

積分: 417

96^#

發表於 06-8-31 17:47 |只看該作者

Re: 我呀哥個女朋友好黑人憎!

[size=medium]以為自己心臟病發(因為當時心跳快到嚇死人, 又頭暈又手震, 全身冇力

我唔嫁啦 :-( :-( :-(

私人傳訊