大仔大女媽媽會 今日: 0 | 主題: 177861

積分: 1239

82^#

發表於 06-8-30 17:57 |只看該作者

Re: 彥媽與你 BB 讀書/學習交流站

彥彥媽咪,

好開心等到你出場.

我都好認同, 返幼稚園首選要近, 無謂明明15分鐘車程, 白白兜足成個鐘先返到屋企, 小朋友未訓醒就去受刑咁.

thank you very much.

私人傳訊

積分: 12319

2024年龍年勳章

83^#

發表於 06-8-30 22:27 |只看該作者

Re: 彥媽與你 BB 讀書/學習交流站

luilok:

維多利亞幼稚園 ==> 佢唯一俾我既感覺係"貴", 亦強調係"國際幼稚園", 主攻英語及普通話..etc...但佢考小一既成績又唔係特別突出噃....因為當中好多學生係直升佢既小學...所以佢地都唔會特別去谷d學生...而佢幼稚園收費唔平, 小學亦都幾貴...so 讀得佢要諗定出路先得...

明我幼稚園==> 你睇我講阿公派小一制度都知津小係要搞珠架嘛...so 基本上唔存在 "多數可去基灣小學" 呢個現象...而且你既是基灣小學舊生, 咁小朋友自可有 20 分去搏 1st round la....已好大機會...so 讀唔讀明我根本對入唔入到基灣唔係太大影響....咁明我仲有冇其他賣點係吸引到你去報呢...???

私人傳訊

積分: 12319

2024年龍年勳章

84^#

發表於 06-8-30 22:48 |只看該作者

Re: 彥媽與你 BB 讀書/學習交流站

係講一條龍之前先清清一d問題先...

回應早前 cheerful BB 個問題~~~~~

有無拔萃女小學資料呀
==> 你想知乜...? 點考? 鍾意收乜人...?? 嗱...呢d 都冇一定既答案...但可以講d我收到既料你參考...

1) DGJS 係每年 super 多人考, so competition super keen 既小學....佢係私小, 中學已轉 DSS 與 DGJS 結龍...so far 九龍區 (我諗你會有興趣知), 就係得佢同 St Mary 已落實結龍, 但 St Mary 係津小, so 要等搞珠...

2) 據不同資料顯示, 考得入 DGJS 個d 都真係有d "背景", 我咁講唔係 only 指家底呢個問題, 事實係有d小朋友冇家底都收, 但我會睇 if 真係咁...個小朋友一定有其過人之處 (e.g. 醒目, 表達能力高, etc)

3) 有d 家長曾講過 DGJS 鍾意收 full time mom , 貪咁即係代表阿媽會教女讀書, i.e. 幫學校唔少...但當然都有 exceptional case, 信不信就由你...但 DGJS 亦有唔少係專業人士父母之類人物存在

4) 你係講 CCKG 基督堂, right? 呢間以往係被稱為入拔萃既長勝幼稚園 (both 男拔 and 女拔), 佢只收 K2 起, 對父母及小孩既英文水平都幾高, 響以前小學校長仲有 10 分 discretionary marks 既年代的確有唔少學生係由 CCKG 畢業而考入兩拔萃既...但近年佢既 success rate 已大不如前, ....對考女拔....據d家長報料, 亦真係成績冇以前咁好喇 (即指可以有畢業生考入女拔小)...so 你可以 consider 吓 other 英文幼稚園 if you really want your girl to enter DGJS...

私人傳訊

積分: 12319

2024年龍年勳章

85^#

發表於 06-8-30 22:51 |只看該作者

Re: 彥媽與你 BB 讀書/學習交流站

sophieso0117

你呢個問題要俾d時間我, 等我望望呢個 online shop 係乜冬冬 (太多類似教材), 所以要睇真d先可以 comment ....

Will get back to you here later... :mrgreen:

sophieso0117 寫道:
彥彥媽咪,

你可唔可以幫我去睇下以下on-line shop既教材 (特別係posters同特大書)買唔買得過呀? 我有朋友訂過，佢話都ok，唔錯，而且佢個bb都幾like~但我都係想上黎問下你，因為我又唔想買一套教材咁死板，你有咩野提議呢?

http://www.fotop.net/el

唔該哂~~

私人傳訊

積分: 12319

2024年龍年勳章

86^#

發表於 06-8-31 00:19 |只看該作者

Re: 彥媽與你 BB 讀書/學習交流站

又先從另一d link 樹 post D info 比大家睇吓

過去10年出生數字﹕
1996年 63300人
1997年 59300人
1998年 53000人
1999年 51300人
2000年 54100人
2001年 48200人
2002年 48200人
2003年 47000人
2004年 49800人
2005年 57100人

參考﹕
http://www.censtatd.gov.hk/hong_kong_statistics/statistical_tables/index_tc.jsp?charsetID=2&subjectID=1&tableID=004

06 figure 未出, 但有理由相信會多過 2005, bcos economic condition is getting better ... but this figure 內亦包含內地人士來港產子, 即係佢地生完就走, so 小朋友 not necessarily study in HK.

早前曾見有家長 post 過每年既男女比例添架, 不過依家又揾唔番....印象中係男多過女架....

不過...點都好...對個d heat 既學校幾多出生率都係多人爭架喇....但到我地 BB 個年怕競爭激烈情度又會再下一城了...

私人傳訊

AngieTinna

積分: 4204

87^#

發表於 06-8-31 09:31 |只看該作者

Re: 彥媽與你 BB 讀書/學習交流站

彥媽 & klwy,

Thank you soooo much.

私人傳訊

DodoluMama

積分: 3122

88^#

發表於 06-8-31 11:31 |只看該作者

Re: 彥媽與你 BB 讀書/學習交流站

彥媽,
我都想請教2個問題:
1. 而家有D新興小學,如蔡"計"有,浸大王錦輝, "維記"小學IB課程etc etc... 教學理念都好似好正, 正是"讀書不是求分數", 不用填鴨吹谷D學生, 又中英兼備.. 我好buy佢地套idea, 但響香港辦學不久,末有solid track record. 唔知自己個細佬會唔會做佐白老鼠.. 你又點睇?

2. 我一女一仔, 如果大果個咁好彩入到女校 (大部份出名又直上中學都係齋男or齋女), 無左首名子女分 & 兄弟姊妹分, 細果個仔搞珠抽 or 考小學咪好慘, 通常D人"口既"strategy 係點呢?
thank you

p.s.我個女培幼waitlist 失敗, 未能做同學仔.. 所以佢小學安排更頭痛, 仲耍顧住個細既

私人傳訊

積分: 12319

2024年龍年勳章

89^#

發表於 06-8-31 13:58 |只看該作者

Re: 彥媽與你 BB 讀書/學習交流站

Dodulumama:

小學IB課程
==> 呢樣我都明...好多家長都好想小朋友響冇壓力下去學習同成長....但正如你所講, no solid track record, so 以我行事作風, 學習關乎將來一生, impact 較大, so 我作風就會較保守 (唔同投資, 衰左至多勤力d做野望再揾番, 但仔仔讀得唔好就多多錢都補唔番) 所以我唔多會信一d新開既學校....唔會想俾仔仔做白老鼠, 都係 prefer 等睇到 result 先算...

另...仲有一點...呢類行 IB 學校, 佢既理念係以外國教育為基礎, 同 HK 既填鴨教育係 totally two systems, so 讀佢梗係好..不過揀得佢亦即意味會同本地主流學校會好唔同, 即係易入難出...then 你就要問自己一個問題....能否 and 願意承擔到小朋友一直讀上去, and even 出國升學既費用, 時間..?? 因為講到尾係好現實既...好多野 (including learning 都係要一定程度用錢) IB 課程, 師資, 地方都比傳統學校鬆動, 即係 means 要維持呢d學校費用唔會平 (請個外籍老師都貴喇), so it will means the school fee also quite high (as compared to local schools) 咁你就要問自己, 你想為小朋友將來 map 個乜 plan 先...因為揀得佢都多數都會 follow 佢地個 system 一直讀上去 (cos syllabuses are quite different ma)~, finally 出國, so do you wish to go for this way? and are you sure things can be kept stable (income, preference, etc) so far for 1x years sin?

我咁講唔係代表我支持 HK education, 只係我份人較傾向 more choices for me to choose, 即係話, if 我放小朋友去傳統學校, then 至某一年我先再放佢地出去"輕鬆", 會易過先放佢地去"輕鬆", 但一旦將來有任何變動, 佢地要再接受番傳統教育個個心理/能力轉變囉...

因為始終 HK 既填鴨教育係"根深柢固", 唔易一朝一夕去改, this will include 人既諗法 (就好似你講 ==>讀書不是求分數"~~又有幾多個人會做得到呢?) 而且, 若最終小朋友長大後都係會響 HK 生活, 揾工, 咁我會話你知...好多人都唔係咁"遠大"去睇呢d喇...講到尾, 又係睇你成績有幾好, 邊間學校出嚟....云云....呢個係 HK 既獨有"悠久"觀念, 成績好先=叻", 個個都係問你考幾多個 A 先多過問你識乜喇....very 現實哇.....

要完全做到唔理人唔係咁容易, right? So, in view of this, 你要take 埋一併考慮~~

我一女一仔 strategy
==>呢個有兩個 way, 點揀係父母點睇....
(1) 為個仔著想 (under such 搞珠 system) 要"保障"佢就要為阿女揀男女校...then 細佬就冇問題, 但呢個方法係個女未必有得入一d較好既女校...但我又咁睇既....就算係男女校都唔代表就係"差左"架嘛...囡囡一樣可以讀得好同開心既...

(2) 照去為個囡揀女校, 抽得到就由佢去, 到細佬時再諗喇...可以為佢揀私小/DSS 架嘛...而且, 有d時候, 唔一定要兩姊弟讀埋一間就係好既 (係麻煩d要接送唔同地方喇), 每個人有每個人能力 ge... so 唔應該為細佬就 somehow sacrifice 家姐既利益喇...不過家長就要煩多次咁喇....

For me, 我會 go for (2), 即係盡全力一試俾家姐入好學校先, 一來唔一定抽到, 話唔定都係派到間男女俾你呢...但咁叫做試過, 起碼唔會後悔喇...另外, if 真係好彩派到, then 仲有幾年時間去幫個仔喇..到時可以揾多幾間私小/DSS 去 back up la....

我個女培幼waitlist 失敗, 未能做同學仔
==>Other than 培幼, 出面都有好多 good choices ge...dun get disappointed...而且, 再真係有心, 你留意 every Dec/Jun la...搏考插班生喇....另..小一再嚟考...you may succeed at that time lei....

私人傳訊

積分: 1383

90^#

發表於 06-8-31 14:36 |只看該作者

Re: 彥媽與你 BB 讀書/學習交流站

提示: 作者被禁止或刪除內容自動屏蔽

私人傳訊

reginefhk

積分: 4284

91^#

發表於 06-8-31 15:24 |只看該作者

Re: 彥媽與你 BB 讀書/學習交流站

彥彥媽咪,
我想問蘇淅幼稚園/小學和浸會大學附屬幼稚園/小學又點睇呀?

私人傳訊

klwy

積分: 1239

92^#

發表於 06-8-31 15:39 |只看該作者

Re: 彥媽與你 BB 讀書/學習交流站

reginefhk 寫道:
彥彥媽咪,
我想問蘇淅幼稚園/小學和浸會大學附屬幼稚園/小學又點睇呀?

彥彥媽咪,
本應我都想問<浸會大學附屬幼稚園>憑咩咁貴, 簡單諗就係佢靠個名掛牌都夠<殺食>啦, 再吹噓話大學老師共用, 又一齊開會研究, 咁就貴左囉! 所以我都唔打算問, oY, 最後都係有人發問喎!

其實我想請教下, 我想小朋友k1 & k2玩下開心下, 但到k3時就嚴番d, 做下功課黙下書咁, 等佢地適應下小一生活, 唔好玩足3年, 升小學就死緊, 咁大轉變會好辛苦, 請問有咩好提議? 我住鑽石山, 有咩好介紹近似呢個方針呢? thank you very much!

私人傳訊

積分: 1383

93^#

發表於 06-8-31 15:55 |只看該作者

Re: 彥媽與你 BB 讀書/學習交流站

提示: 作者被禁止或刪除內容自動屏蔽

私人傳訊

klwy

積分: 1239

94^#

發表於 06-8-31 16:10 |只看該作者

Re: 彥媽與你 BB 讀書/學習交流站

車厘2媽助教,

請問有咩幼稚園可以配合到呢個approach 呢 ? 九龍塘or 九龍城or 黃大仙 or 慈雲山有咩好介紹呢?

因為我家附近冇得揀得1間, 要坐車先多選擇.

私人傳訊

積分: 1383

95^#

發表於 06-8-31 16:40 |只看該作者

Re: 彥媽與你 BB 讀書/學習交流站

提示: 作者被禁止或刪除內容自動屏蔽

私人傳訊

klwy

積分: 1239

96^#

發表於 06-8-31 16:46 |只看該作者

Re: 彥媽與你 BB 讀書/學習交流站

車厘2媽,

啟思&靈糧堂唔係活動教學用足3年咩? 你意思係當小朋友k3時自己幫佢惡補呀? 定係以上提及的學校係玩2年, 第3年就收緊呢?

私人傳訊

積分: 1383

97^#

發表於 06-8-31 17:01 |只看該作者

Re: 彥媽與你 BB 讀書/學習交流站

提示: 作者被禁止或刪除內容自動屏蔽

私人傳訊

積分: 12319

2024年龍年勳章

98^#

發表於 06-8-31 17:08 |只看該作者

Re: 彥媽與你 BB 讀書/學習交流站

reginefhk:

我想問蘇淅幼稚園/小學和浸會大學附屬幼稚園/小學又點睇呀?
==>蘇淅幼稚園/小學學術水平一向平平, 不見有任何較突出之處, d人揀佢係貪佢一條龍而己...冇乜特別...不過除非我真係住就住 HK island , 又一定唔想搏搞珠, otherwise 我又唔會揀佢囉..寧取北角衛理堂...呢間歷史悠久d, 口碑一直唔錯...再考中學憑成績可考好d既 Band 1 中學

浸會大學附屬幼稚園/小學又點睇呀?
==> 呵呵..呢間...唉...以前我曾講過佢...老實講...之前我回應 sophie0117 about 培中 (學校亂呢個問題), 就令我諗起呢間喇......

先講d 歷史 about this school 你知先喇...

(1) 呢間野係我大彥 (i.e. about 6 years ago) 已開始搞...當年非常高調話要"貫徹一條龍", 想由浸幼一直駁到上浸大.....理想非常偉大, 又話會有一條龍小學 (即依家間王大輝)...etc...你知喇..好多家長好 prefer 一條龍, 因為唔想小朋友又搞珠, 又 interview, 又做 profile ga ma...so 一聽到有間咁有"名望"既幼稚園 (又有大學做 back up)...嘩~~仲唔飛到去咩...so 個年有不少家長特登去考佢地 K3 class (因為學校話明年會有小學) 就係搏想直升..唔駛煩...

哈....then 你地有眼睇...小學? 嗱...今年就有嘞.....

so...你可以想像下當日特登將個仔轉去讀 K3 個d有幾把火呢~~~

但冇計丫...當日學校係實牙實齒話會有小學...so 先寧願俾成 $3000 (I remember 係好貴架...but not sure exactly how much) per month 都俾小朋友去讀...結果...? see? 真係開唔切間學校你吹得佢漲咩....唔通叫小朋友等六年先去讀小一呀...so at that time, many 家長 (esp those K3) 都 !@%$#*$* 哂喇....

結果要到今年先起到有收生....嘿....see...我都話我只睇我睇到個d, 唔係人地"講"就得架喇....唔係分分鐘自己受罪而已...

(2) 當日浸幼係請左個猛人去做"開山校長" (I forget her name la), 佢的確好有理想, 亦好肯做, 但奈何浸大個 group d官僚你地真係無法想像 (我知, 因為我以前教過佢地d course, both day time and part time), 我都領教過了....so 好多野唔係校長想點就得架....then at that time 因為該校長關係, 所以好多家長慕名而去....亦好有期望...但後來該校長同一批老師突然唔做...走哂....so 依家換哂人...(at least 同當日個d完全唔同喇) .....so 學校又大 dull 亂.... (我知呢d係我識得有個教育界朋友佢識個個校長而 update 我既...呢位朋友都話浸幼當時真係好亂) ==> so 又一次引証新校就係會問題多多架喇...of course, system 未 run 熟嘛.... but I guess at least it should be much stable now...起碼好過以前既...

(3) 不過...despite of the above (much better now) 俾我揀, 我都係唔會揀佢, 因為 (a) 佢貴....活動教學...都話喇...除非係以後都一直讀上去既 je, otherwise 第日一轉番出傳統教學咪又係死... (b) 我唔會話一條龍就一定去架..老老實實...升我個仔去邊間先...去浸小? 新校...未試過, 極有保留 (點知佢會唔會好似當年浸幼咁又成日換人, syllabus 又成日改咪死...??

) (c) 就算有得直升浸大又如何...嗱...又老老實實講.....HK 大學之中, 有得揀你會唔會 1st choice 係浸大呢?

嗱...我好坦白架, 我就唔會囉...so if 我又唔會去浸大, then why bother study 浸幼?... (佢響我眼中既 major "advantage" 係直升而已, 但 if I am not interested 佢提供到比我直升既地方, then this is not an "advantage" any more la..., right?

)

私人傳訊

klwy

積分: 1239

99^#

發表於 06-8-31 17:27 |只看該作者

Re: 彥媽與你 BB 讀書/學習交流站

彥彥媽咪,

我早排買johnson 濕紙巾, 送左本幼稚園簡介, 我印象中浸幼已經over $3000/ month 呢個價, 好似係$40,000~50,000 一年, 總之比我印象係超貴, 唔洗睇.
如你所說唔平囉! 咁佢係首創一條龍到大學喎! 梗係要收得貴d啦!
而家<特衰政府>政策成日改, 講到一條龍到大學, 長遠左d.

私人傳訊