吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 情緒病是否跟一世係唔會好架?

心聲留言今日: 0|主題: 17540

收藏本版

發帖

返回列表

跳至頁

樓主: 希爾達

3 456 7...17

積分: 3005

81^#

發表於 13-4-18 15:47 |只看該作者

VCMS 發表於 13-4-16 11:23
回覆 mini122 的帖子

我之前成日鬧個女，少少事就鬧，有時自己控制唔到情緒，最初老公以為我脾條暴燥，當 ...

同你有d似, 成日鬧仔,一有唔順眼就發脾氣, 之後就喊, 唔想聽電話唔想見人, 舊年阿媽走左, 直至如家半年都未返過外家, 剩下想係樓下食下野行一陣公園就要返屋企, 我就唔係怕有人害我, 而係我情緒抑鬱有好多連串唔舒服, 心跳快, 胃氣, 腳軟... 成日怕突然要call 白車, 又怕自己會段氣至死. (對死有恐懼), 去行下街都唔想. 迷年果時要辦年貨都唔去買. 我都好幸運有個好錫我既老公, 日日都開解我, 無野解決唔到, (以前呢句係我既金句),比多d信心自己, 所有大小事情佢一個人搞曬, 叫我唔好擔心.但我都係成日喊, 睇左醫生一個月都唔肯食藥, 最終都影響生活, 先至開始食, 如家食左3個月有d好轉了. 不過脾氣仍需改進, 對阿仔態度要改. 請問你係邊行山呀 ? 都有朋友見義我去行下山, 但我從來都未行過, 又怕辛苦. 又怕自己體力唔得.

私人傳訊

mini122

伯爵府

積分: 15762

82^#

發表於 13-4-18 17:08 |只看該作者

sandyhome 發表於 13-4-18 15:24
回覆 mini122 的帖子

係, 我都有返工, 返工就做野, 不過就無左以前開心果種感覺. 如果有身邊人問下自己近 ...

請問你會是因為生活環境上的一些轉變而讓你得上這個病嗎? 還是無端端得病呢?

我果時就係因為冇做野，成個人好不安，日日屋企亂諗野就得病。我都食左一年藥，最後係因為搵返份工先慢慢好返。
所以有時抑鬱症，係要睇個源頭係咩原因，源頭解決左，自然唔駛食藥都可以好返。

其他同路人同唔同意?

私人傳訊

sandyhome

大宅

積分: 3005

83^#

發表於 13-4-18 17:46 |只看該作者

回覆 mini122 的帖子

我自己都唔知, 係舊年11月我陪d大陸同事去山頂玩, 果日又凍又大風, 因我休息唔好, 平時又體力透支過度, 太晏無食野頭暈入左院, 個心猛跳, 都唔知咩事, 一直排住對(政府)照果樣驗甲狀腺...咩都無事, 醫生就話我太緊張, 叫我放鬆d. (入院前5個月前我阿媽就係醫院度好地地就走左), 我住院期間側面對面3更半夜入來又走左, 所以成日喊, 驚自己會死. 出院之後係出面度睇私家, 原來係話個胃漲頂住心跳, 呢樣唔妥個樣唔舒服, , 成個人瘦曬. 影響到日常生活, 所以就開始左睇精神科.

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

84^#

發表於 13-4-18 17:52 |只看該作者

mini122 發表於 13-4-16 11:51
回覆 VCMS 的帖子

你好叻呀，你嘅故事都好有鼓勵性。

"我都好鍾意放工時，望上黃昏的天空，遇著D高雲晚霞，個人真係豁然開朗，個心都鬆晒。" - 我好中意你呢幾句，呢D係發自內心的滿足，平時很難形容

私人傳訊

子搖

男爵府

積分: 6424

85^#

發表於 13-4-20 13:30 |只看該作者

回覆：mini122 的帖子

同意！

私人傳訊

愜意貓

複式洋房

積分: 163

86^#

發表於 13-4-20 18:41 |只看該作者

本帖最後由愜意貓於 13-4-21 01:35 編輯

回覆 sandyhome 的帖子

多謝誇獎！因愛寫文章亦曾經透過文字舒緩病情，從那時開始寄情文字，亦曾在某刋物寫過專欄。你要加油！我吃了一年抗抑鬱藥，當時醫生同時給安眠藥和鎮靜劑，摻雜躁鬱有時會發狂亢奮，所以跟身一定要有鎮靜劑，緊記定時吃藥，不要自行停藥。當時病發會手震心跳不安，與親友見面手心冒汗，不想見人，現在不想見人的感覺有時也出現，枯勿論是否患者，作為一個人總有不想見人應酬時。而旅行且視乎本身你是否喜歡，強迫自己反不宜，就算想去，不要找城市，去些觀山觀水的，舉例：如去台灣，不選台北西門町選台中清境；如去泰國不選曼谷選清邁。我本身愛旅遊，天大地大，放眼看世界，可能不同人事物啟發更深。曾經我去泰國布吉島一個不太熱門區，每天很早醒來走上沙灘，總見到一個年輕泰國人把沙灘摺椅逐一張開，過百張的放得井井有條給遊客租用得以支撐生活費，一天我忍不住問他，每天最早踏上沙灘為的是張開摺椅，不悶嗎？原來十來歲便在這裡工作，一做十年了，看着他形容旺季時沙灘開滿摺椅的欣然樣子，很自滿，更計劃結婚，他簡樸自然樂觀，要是香港人，怎甘心開足十年沙灘摺椅，更沒有那持久耐性，香港有的人學滿十八般武藝而自視過高卻十分懶惰，以為不費力便賺得大錢，亦有的終日在公司混水摸魚哄哄騙騙滿以為阿諛奉承上司又過一天，當時單純簡樸的泰國人啟發我很多，他清楚自己的位置，亦堅守自己的位置，而一個人要是勤力的，在任何範疇都會優勝，同時也是一個優點。情緒病人會逃避人事物，反過來說，情緒病人這麼勤力去想着要逃避的人事物，不如勤力地去找一條正面的路，無謂浪費我們的思維和能力。

私人傳訊

VCMS

男爵府

積分: 5989

BK Milk勳章

87^#

發表於 13-4-22 11:05 |只看該作者

本帖最後由 VCMS 於 13-4-22 16:53 編輯

回覆 sandyhome 的帖子

其實情緒病單靠藥物唔可能100%幫到自己，當然有d情緒病係因為腦部唔能夠釋放開心賀爾蒙因至，撇除呢個生理因素，環境對自己康復都有好大影響，我老公同我行山時我行最後，就係因為我行最後，當個女問老公d 石點呀，樹點呀時，我見到佢地兩個背影好融洽，我更要同自己講唔可以跌低，更加要堅強面對自己

我之前唔識行山路徑，老公都唔多識架，我上網搵到呢條link，入面有齊各條路徑風光、難度，適合邊種人仕行，初初行建議行郊遊徑，我住港島區，所以都係行港島區徑，太遠太高行太耐我又驚體力唔夠，老公知我想行山，仲買埋行山杖俾我，我比較喜歡行龍脊，沿途風景好靚，上到山頂仲靚，仲可以一直行去石澳再搭車回家，行一日返到屋企都攰，唔會有時間俾自己亂諗野

http://www.hkwalkers.net/chi/trail_list/type.htm (適合初行山人仕)

http://www.hike.hk/load.jsp?route=hk1&page=1

行山會行上癮架，我試過同老公夜行水塘添，幾好玩架

你唔想見人，可能你有心事未解，你喊係因為你覺得冇人幫到你而你又唔知旁人點幫你才令你釋懷，我以前都有呢種感覺，儘管我每件事都同老公講我唔開心等等，但仲係覺得點講都唔會明我感受，一直悶悶不樂唔知做咩好，但我當我回頭一看嗰段日子，其實好似好小事，我到依家都唔明，自己當日做咩咁傻諗埋一邊，搞到自己唔開心，老公又好擔心，真係好傻，好多事真係要睇自己點去面對，你有個對自己咁好嘅老公，又冇埋怨你，如果你想愛你嘅人開心，那麼，你首先要令自己開心才行啊