tsznok 寫道:
呢篇報導令我想起生生大仔時o既情況,都唔好得幾多...
話說2004年我o向威爾斯生第一胎,由於我第一胎乜經驗都冇,一心諗住相信助產士指示就ok。
當仲o向產前病房時,我係feel到有痛,但又唔算好利害,以為係正常啦(因為見隔離床o既產婦痛到叫生叫死),及後終於有個細心d o既護士見我半夜都唔訓行o黎行去,佢先幫我檢查,原來當時我已經開到五度,佢地臨急臨忙推我落一個細產房生,果度每個產婦只得一幅布隔住,隔離做緊乜都聽到晒,所謂產床亦只係一張普通病床。
落到產房後,好快我就開始大痛,我係咁叫人o黎睇我都冇人入o黎,好記得出面d助產士隔住塊布同我講:"你第一胎,邊有咁快丫!唔好叫,留番啖氣!"
我以為生仔就係咁,又怕o向公立醫院"惹人討厭"會得來唔好o既待遇,所以盡量叫自己唔好出聲,但過左一陣我已經feel到個bb出緊o黎,下面好似想爆開咁,我唯有再大叫鬧人:"我真係要生喇!"
呢個時候先有一個助產士入o黎,佢一睇就講:"哎呀唔得喇,個頭仔出緊o黎。"咁佢先再call多個人o黎幫手,叫我出力生,我push左唔夠三下就成個bb出左o黎。好彩埋尾都叫有個人理o下我,如果唔係我估都會同報導呢個產婦一樣要自己生仔。
youngmi 寫道:
同我好似...我03年9月又係o係威爾斯生第一胎,果陣o係病房痛足我13,14個鐘先推我落產房,落到去都冇人理我,係開頭痛到p哂k先有個實習既學生同我傾下,產房7~8成都係d大陸婆,之後就一直痛....冇人理,痛都喊都冇聲,隔左一陣如果唔係有人行過望下都唔知我生得,我聽到有人話見到頭髮喇~~先有4~5人過黎禁禁禁推推推...幾分鐘就生左!仲要等左成個鐘先有人幫我縫針...離譜!
YinFaiBB 寫道:
各位,
上周日舉行"爭取本港孕婦醫療權益"集會及遊行後, 醫管局連日來向傳媒透露他們擬增加對非本地人士入院按金及分娩收費, 以阻止非符合資格人士"走數"的問題, 及改善產房資源不足問題.
但是, 大家都很清楚, 這些措施根本無法改善現況, 亦欠缺解決產前產後醫療不足措施. 為此, 我們決定就醫管局近日的建議, 再次遞交請願信, 並作出回應.
遞交時間及地點如下:
日期: 11月26日(星期日)
時間: 下午2:15分 (約30-45分鐘)
地點: 醫院管理局 (位於旺角亞皆老街147B, 九龍醫院及眼科醫院附近)
活動形式: 遞交請願信, 表達意見
雖然時間緊迫, 未能及早通知大家.
我們仍希望大家屆時抽空出席, 發表大家寶貴的意見, 促使失們的政府積極正視本港產科醫療不足問題!!!
爭取本港孕婦權益行動義工上
發表於 
返回列表
