吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我好憎我奶奶

懷孕前後今日: 2|主題: 330553

收藏本版

發帖

返回列表

跳至頁

樓主: jelly168

我好憎我奶奶 [複製鏈接]

1 2 3 45

方麗娟

珍珠宮

積分: 40343

好媽媽勳章醒目開學勳章陪月勳章

81^#

發表於 07-10-14 10:33 |只看該作者

ypjchan,

多謝你的鼓勵! 希望到時我忍到啦^^

草莓芝士餅,

99又係話清水洗, 唔好用bb專用的清潔液. 不過呢個好minor, 因為bb衫基本上都唔係好污糟, 我自己都未必次次用清潔液的. 只想講句, 佢地上一代人唔知有d咁o既野, 所以好抗拒, 覺得係唔好 (但點解唔可以嘗試接受呢? 唔通我地做人阿媽o既會害自己個bb咩??)

我99又係咁講, 生bb好容易, 所以我唔應該開刀...我唔排除佢好易就必出黎, 但我冇信心自己得, 唔通咁都唔可以開刀咩? stubborn!

我99同你99一樣咁講, 話唔駛照b...唔照又點知仔定女呀? 佢同62咁恨抱孫...

adawuhiu,
算啦, 人地唔會遷就自己的, 大肚又點, 我都同佢地打N次邊爐...未熟的食物99都會照叫我食.

私人傳訊

louiebb

別墅

積分: 505

82^#

發表於 07-10-14 12:09 |只看該作者

點解你地咁想開刀既

,其實開刀都係一個手術來既wor,我就希望順產,好驚開刀,同我這裡的e生都唔健2開刀
好彩我老公企我呢邊,當我受左99氣,我唔開心,c6會幫我,好多時走去鬧鬼我99,我就叫c6唔好,因我99她喜歡轉彎講野,佢d仔女永遠都話知佢講咩,仔女鬧佢,佢就係咁:-( 住同佢地講sorry,轉頭就同我講,"係咁既啦,佢地d鬼仔性格,佢地都係講真野姐,唔同我地d唐人要尊敬老人家,要聽老人家話."我真係頂佢個肺,咩佢地係鬼仔性格,我地,無錯係我地(姐係話我要聽佢話)

私人傳訊

Sharon886

男爵府

積分: 5817

83^#

發表於 07-10-14 17:18 |只看該作者

恕我得罪講句，「壓力」某程度上係自己俾自己既，如果你已經決定左，又有你自己的原則和理由，何必再去理身邊的人講ｄ咩呢？我唔係講風涼話，我自己都就來生（11月尾），都係過來人，雖然我奶奶冇話好長氣，但係仲有好多係我身邊既朋友自以為是咁好似好有經驗咁「指揮」我做乜做物。不過每次我都只會聽完就算，激氣？唔會lu～激來做咩？朋友又好親戚又好62or99又好，都唔係同我住，我做乜／唔做乜洗咩同佢地report呢？啱咀形咪傾多兩句，唔啱既咪聽完就算囉。至於自己個老公，都係果句啦，bb係你個肚度出來，一句「我係ｂｂ既媽咪」，仲唔大晒？如果ｄ62or99or其他人講東講西，一句「我先至係bb既媽咪」，點到佢地出聲？（老公都係咁話！當然啦，每到呢ｄ具argument既moment，最好你自己有理據囉，我自己就會不停上網搵有力既資料。好似我朋友同我講話人奶唔夠奶粉咁好營養，即時我冇反駁佢，不過之後就forward條港台拍既film俾佢睇，根住佢冇再同我argue喇！同樣我都叫老公睇呢個film再問佢會唔會support我餵人奶既決定

）

我都明白如果對住62or99唔想得罪佢地（我都勸朋友係咁），所以如果可以既話，「推莊」囉～一句唔想佢地辛苦，嘩！仲唔掂晒？如果佢地年紀大仲好添！包保推得干干淨淨！

根據非正式統計，10個媽媽有9個都話俾99陪坐月和湊bb唔好。以下係我自己的分析：

佢係BB既嬤嬤，實縱容個孫
佢係老公既阿媽，唔通你叫佢serve你飲水咩？叫佢幫你洗衫拖地咩？佢唔做既話你可以點？
同樣道理，佢唔煮飯／煲湯／燉野俾你食，你可以點？（係BK見過有ｄcase係坐緊月果個要serve返上來話「照顧ｂｂ」果個添！）
可以唔俾返$$$佢咩？
唔好話係99啦，自己同朋友之間點樣照顧bb既方法、方針...都可以好大分歧啦，朋友就話見下啫，叫佢來陪坐月日日對住？

...等等...等等...
所以我請陪月

至於順產定開刀，醫學上係話順產好ｄ既（Whatever對ｂｂor對媽媽），不過呢ｄ係個人遺選擇，冇所謂啦，揀左就係揀左，ｂｂ係你個肚度出來，係你訓係產床上面，唔係其他人，個人覺得除左老公之外，冇必要要同其他人交代囉～

至於照ultrasound，好簡單啫，喂，而家既科技可以早ｄ見到ｂｂ，唔好咩？唔係咁，佢點可以係ｂｂ出來之前已經可以知道係孫仔定孫女呀？（俾著我仲會俾佢睇下ｄ相添！以前係冇得睇啫，而家有呀嘛！）至於咩理由要去照，你自己知咪得囉，唔洗同佢地交代既～

原文章由 方麗娟 於 07-10-14 10:21 發表
Sharon886,

我記得你呀~ 你好叻識得推莊, 講真我地做人新抱的, 就係唔想同99有衝突才唔想同佢咁多"正面交鋒", 如果可以避我地都盡量避啦! 所以我唔想99陪坐月就係怕左佢...唔想有衝突...關係差左到頭來蝕底o既咪又 ...

[ 本文章最後由 Sharon886 於 07-10-14 17:26 編輯 ]

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

84^#

發表於 07-10-14 23:50 |只看該作者

louiebb,
面對老人家, 長輩...錯o既永遠都係我地後生的錯.
有人話佢地根本改唔到, 要改的只能夠係我地後生的去改.
有咩唔開心就响度發洩下, 我近排都好唔開心, 但上黎up完一大輪, 又聽下你地o既勸解, 心情又好返d.

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

85^#

發表於 07-10-15 00:02 |只看該作者

Sharon886,

我都知自己比左自己好多壓力, 又容易諗多左搞到自己唔開心. 面對老公和他的家人, 以及我婆婆, 都會成日擔心佢地點睇我, 會話我. 如果我可以豁達d, 樣樣睇開心, 佢地有佢地發up風, 我有我自己的做法咁就好了.

我預產期都係11月尾, 不過怕左順產驚唔知要痛幾耐, 又怕小便果度痛, 寧願捱兩刀...其實我咁大個人從未開過刀架, 都唔知開刀究竟有幾傷...唉...但真係好驚順產, 好似陀住個計時炸彈咁隨時生得. 而家話話就book左開刀, 但都唔知係咪可以成事, 始終生bb太多變數了, 話唔定阿b趕住出黎見我同daddy呢? 不過叫做book左, 個心定左d, 反而有心理準備去迎接bb(無論順產早出黎or如期開刀).

我只係想減少煩惱和憂慮, 同老公講而家book左開刀, 個心唔會再十五十六, even阿b要自己走出黎都係整定o既. 其實好多時我只係想個心可以定d, 唔想咁多野煩, 但老公唔明我點解有咁多野要煩...唉...我真係唔可以咁樂天, 天跌落黎當被com, 如果可以最好樣樣野都可以早d有個安排啦~ 雖然我明白世事往往唔會盡如人意, 唯有盡量吧!

面對99, 我都係憂慮多過憎佢, 同埋湊bb的問題上有太多變數, 所以越來越擔心...

anyway多謝你開解我. 上黎傾下計好過冇得同人傾訴呀!

私人傳訊

snow_083

洋房

積分: 65

86^#

發表於 07-10-15 03:50 |只看該作者

I hate them too! All are fxxking selfish bone!!!!!!!!!!!!!!!!!!!!!!!!!!!!!!!!!!

私人傳訊

snow_083

洋房

積分: 65

87^#

發表於 07-10-15 04:06 |只看該作者

''個人覺得除左老公之外，冇必要要同其他人交代囉''～totally agree ar, 啲長輩out la, 成曰以為自己好有經驗，佢哋生B凑B係講緊二、三十幾年前，時代會進步，依傢啲媽媽準備功夫好足，睇好多書啦，叫佢哋off la!!!!!!!!!!!!!!!!要信都信陪月Or呢幾年生BB嘅friend啦！！！！！！

原文章由 Sharon886 於 07-10-14 17:18 發表
恕我得罪講句，「壓力」某程度上係自己俾自己既，如果你已經決定左，又有你自己的原則和理由，何必再去理身邊的人講ｄ咩呢？我唔係講風涼話，我自己都就來生（11月尾），都係過來人，雖然我奶奶冇話好長氣，但係仲有好多係我身邊既朋友自以為 ...

私人傳訊

louiebb

別墅

積分: 505

88^#

發表於 07-10-15 08:06 |只看該作者

支持

但d99永遠都唔明呢一點,如果佢地明白,我地做新抱既就唔會上來bk度伸啦,希望我到時唔好好似佢地咁就好lou

原文章由 snow_083 於 07-10-14 12:06 發表
''個人覺得除左老公之外，冇必要要同其他人交代囉''～totally agree ar, 啲長輩out la, 成曰以為自己好有經驗，佢哋生B凑B係講緊二、三十幾年前，時代會進步，依傢啲媽媽準備功夫好足，睇好多書啦，叫佢哋off la!!!!!!!!!!!!!!!! ...

私人傳訊

Sharon886

男爵府

積分: 5817

89^#

發表於 07-10-15 11:49 |只看該作者

可能我自己的成長環境特別咗少少（爸爸早過身，單親家庭長大。以前阿媽成日叫我唔好周圍同人地講，怕俾人睇小。不過我後來覺得唔係罪過，又唔係我既錯，又唔係我害死佢，所以之後睇開咗～），結咗婚之後同ｄ姑9都相處唔到（佢地超黑人憎

，細嬸都同意），開頭果年我都為咗佢地唔開心，不過後來又係睇開咗～喂，我同你地個細佬相處得又好，我又幫到佢（我老公係結咗婚之後先至開始build up佢自己既生意，雖然唔係咩大公司，不過都要捱架。頭一、兩年根本佢唔洗問返我轉頭要錢周轉已經好好架啦，屋企大部份既開支都係我俾...除咗錢，可以既話仲會落手落腳幫佢添！)，又照顧頭家妥妥當當（佢地可以勁到咩叫「水滾」都唔識，講到尾都係拜我奶奶縱容佢地所至:tongue: ），屋企從來唔會立立亂，又識煲湯煮飯，之後仲part-time咁讀埋個degree返來，死未？所以我唔會再理佢地講乜，佢地自己冇見識還冇見識，唔識大體還唔識大體，總之我唔會好似佢地咁

所以最緊要知道你自己的優點係邊，人地點睇係人地既事，反正你都control唔到。冇既，你諗下，有邊個可以ensure別人完完全全明白你吖～自己老公都未必得啦～反正control唔到咪forget it囉～你同你老公做人世之嘛，又唔係ｄ冇謂人等。

不過老實講，順產係會唔知痛幾耐，不過開刀既創傷性會大過順產呢個係真既，我有兩個朋友佢地都係開刀既，一個係自己揀而另一個就係冇辦法之下要開刀，佢地都話之後一年有多既時間個傷口都會仲痛同醫生話入面個傷口未埋晒口，所以我諗你真係要諗清楚囉！

我諗我唔會特別去憎任何一個人，因為憎一個人係要用「力」既，所以我最多會唔like一些人...e.g.姑奶(x 3)反正唔啱咀形，慳返口氣唔洗次次見到都要social，最多入門口果下叫一句咁大把（好似ｄ售貨員咁叫，係冇感情既、機械式既，鬼叫佢地係我老公ｄ家姐咩！）咪當公司食飯咁囉，我諗你唔會同公司上上下下個個都咁好感情呱～

話說轉頭，ｄ長輩提你都係出於關心啫～你地唔通想好似我個99咁不聞不問咁咩，到而家（34 week啦）都仲係度問我幾時煲薑醋好，煲幾多好...妖！好彩我用幾廿個理由話同佢分開煲（大家住得咁遠，煲好咗拎來拎去好危險

...得咗！）我咪扮唔識咁話我未煲過（不過呢個又係事實，之不過我大概知道要幾耐之前煲同點煲！），又話佢煲過咁多次好有經驗（仲唔推佢上「神台」？

）湯水？No la~仲叫我自己煲腐竹旦～妖！有心既煲埋啦～淨係識得老吹

私人傳訊

wai_wai_121

別墅

積分: 762

90^#

發表於 07-10-16 15:35 |只看該作者

呢o的奶奶真係要拎去打把先得~~~~~

各位媽咪... 要支持住丫!!!!

私人傳訊

Sharon886

男爵府

積分: 5817

91^#

發表於 07-10-16 21:38 |只看該作者

打把就唔洗喇～（咪當我同肚裡面既ｂ女積吓陰德囉

）不過我會俾個最佳女主角既獎過佢囉！成日話自己咩都唔識，冇野呀～做咗幾廿年人仲咩都唔識？弱智定低能呀？佢做戲得架，佢講呢句既時候七情上面，有戲交架！所以我都俾佢扼咗幾年呀！不過佢而家越來越過份

冇理由我大住個肚你唔知咩湯咩野食係食得／唔食得，佢話做節叫我上去竟然煲粉「角」湯同蓮藕炆綠豆

而家又有新搞作，我老公個嬤嬤剛過身，佢話老人家會保護BB，想話用嬤嬤既衫來整枕頭仔俾BB喎！妖！第一，初生ｂｂ唔可以用枕頭；第二，冇錢開飯咩？要用既話買個軟軟熟熟既幾多錢呀？

原文章由 wai_wai_121 於 07-10-16 15:35 發表
呢o的奶奶真係要拎去打把先得~~~~~

各位媽咪... 要支持住丫!!!!

私人傳訊

karismilk

複式洋房

積分: 149

92^#

發表於 07-10-16 22:44 |只看該作者

Re: 我好憎我奶奶

嘩您奶奶真係好好好過份ah......仲勁過我奶奶....but我好o的唔駛同佢住.......佢以前都係對我好差....就係因為佢係我老公ge ah媽so 我要原諒佢........聽完您ge情況.....真係唔知講咩.....您老公又好.....唉.......if我係您都會學您話事解.....離婚.....橫掂都依家都係自己養自己......
anyway..您唔好諗咁多la..您仲有個可愛bb要take care!努力!

私人傳訊

ngchu623

民房

積分: 28

93^#

發表於 07-10-17 07:00 |只看該作者

我係第一個新抱有BB，唔知99 & 62係唔係無經驗，佢哋知我有BB真係得個知字，跟住乜都無提無做，跟住我作小產老公叫99工人煲啲湯俾我先有湯水飲，有咗4個月99都無問我坐月打算點，so我只好請陪月和問媽咪可唔可以返娘家坐月？我媽咪比較傳統，話驚99唔鍾意，又話好似唔吉利，基本上我係唔理媽咪講乜堅持返去坐月。幾個月後我阿嫂有咗，即刻有湯水飲，99仲叫佢去佢到坐月，又帮佢湊bb，我要自己俾錢請工人湊，仲要quit埋份工。佢哋以為我娘家有錢，以我大把補品食，有人服侍，其實我有苦自己知。