夫婦情感 今日: 1 | 主題: 42777

積分: 6329

81^#

發表於 07-1-19 20:49 |只看該作者

Re: 我唔想再同99住,我好想搬,但會不孝嗎

小寶貝兒
我囝囝宜家2歲1個月大喇,我唔係屯門生bb,我係瑪加烈生嫁,因為我報媽咪地址,所以好d,我生下一個都會返瑪加烈,因為好多人話屯門生bb唔太好,太多大陸人,姑娘唔太好,如果你可以又唔怕遠,去瑪加烈好d
你其實喜歡囝or囡?我就喜歡囡多d,雖然我第一個係囝囝,
但好彩佢好叻又醒目又可愛

如果唔係我就傷心死lo

私人傳訊

積分: 30295

82^#

發表於 07-1-19 23:19 |只看該作者

Re: 我唔想再同99住,我好想搬,但會不孝嗎

小麵麵,
我都想去遠d但好d既醫院生啊~~
我可以報公公婆婆以前住既地址, 係深水步, 不過我怕每次都出去咁遠檢查會唔會好辛苦呢?

而且我想係娘家(屯門)坐月, 老公答應左我, 但要搵個理由同99講, 唔係佢又會發癲架啦!! 所以唯有以醫院同娘家比較近黎做借口囉.......

為左我坐月既美好日子, 唯有忍耐幾日係屯門醫院生啦... 希望唔係太差啦.....

囝囡我都ok既, 生仔好聽, 生女好命, 其實我本身鐘意囡多d, 不過生左個仔就一了百了, 唔使成日比身邊d 3姑六婆吹生仔!!

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

積分: 6329

83^#

發表於 07-1-20 00:47 |只看該作者

Re: 我唔想再同99住,我好想搬,但會不孝嗎

小寶貝兒
咁你會唔會生兩個b呀!我當初生囝囝時我成日都話唔會再生,但可能我成日見到囝囝自己同自己玩,一係就玩我隻dog(好慘)而佢本身又非常好動,我住果到又...深山,so我唔想囝囝咁寂寞,生兩個好似好d咁
又或者你可能twins就勁喇,唔洗煩

我堂妹就係生左twins,囡囡,佢不知幾happy,而且又唔洗煩要生多一個,兩個b一齊大幾好呀,但佢要返工,留比工人湊,因為佢都幾好人工嫁

其實你有冇返過工(part-time or full-time)我咁大個女都只係做過一份全職(2~3年),之前做過好多年part-time,我因為大病所以遲左份全職,病好只做pt,之後結婚,生完bb後就唔做喇,so我媽同爸其實唔係太開心,佢覺得我堂妹好叻,生完bb都返工,而我就.....
我覺得遲d到我地生bb果陣,可能會好d,因為now政府真係做下野,好過之前好多,so 三日兩夜都唔洗怕

私人傳訊

積分: 30295

84^#

發表於 07-1-20 14:32 |只看該作者

Re: 我唔想再同99住,我好想搬,但會不孝嗎

小麵麵,
咁夜都唔訓啊~~~ 不過我都係

我尋晚睇discovery 睇到3點, 因為裡面講點樣令到日夜顛倒既bb變返正常呢~~ 好近啊~~

哈哈~~ 我以前諗住生3個架, 因為我屋企都係3姊弟, 好好玩架, 3個人, 有時我同個妹夾埋蝦個細佬, 有時就同細佬夾埋玩個妹, 有時佢地2個夾埋黎蝦我, 好好架~~ 我地3個一齊果時, 就會一輪咀咁講野, 快到阿媽都聽唔到我地講乜, 好好笑架!! 所以我都想生3個, 等佢地可以有伴一齊玩~~~

生twins都好, 不過照顧就麻煩d囉~~ 樣樣野都要買雙份, 到時一定儲唔到錢搬屋架~~~ 不過2個bb一模一樣, 一定好好玩!!

不過我真係有咁既機會架~~ 我婆婆生左對孖女(即係我媽咪同我阿姨), 我太太婆又生左對龍鳳胎(我婆婆同我舅公), 我99又生左對孖仔(2個叔仔), 所以都有機會遺傳到架~~

我畢左業之後做過3~4份全職, 不過都唔係耐, 每次半年度就走架啦, 我老公都話我真係唔適合返工啊~~

我媽咪同老豆起初都唔like架, 覺得個囡讀左咁多年書, 做下野又停下, 不過好彩佢地覺得我搵到個好老公, 而家唔做都ok, 不過佢地擔心萬一第時我老公唔要我, 我冇晒謀生技能姐!!

我個格係小女人黎架, 做唔到女強人, 以前有返工時都諗住有左就做到放產假, and then就唔做, 留係屋企湊仔, 而家冇工做, 咪直頭等生仔囉~~

望就咁望啦, 希望果d措施真係可以打擊到, 唔比d內地孕婦黎香港食晒我地d資源啦!! 妳知啦, 我地呢d高不成低不就既, 有少少能力, 但去完私家生完可能就已經冇晒錢, 去政府生, 又被d大6婆圍!! 真係2頭唔到岸架......

私人傳訊

pocopoco

大宅

積分: 1162

wyeth冷知識勳章

85^#

發表於 07-1-20 21:55 |只看該作者

Re: 我唔想再同99住,我好想搬,但會不孝嗎

可唔可講句，我好贊成呀！搬出黎住．我得２５歲，上年因為有左ＢＢ而同Ｃ６結左婚，而家就奶哂野，無諗過比９９湊會有咁多問題，最慘而家我坐緊月，我又唔識煮飯，之前一路都係做野，而家丫Ｂ比９９湊，Ｄ問題就發生了，佢又唔識量奶粉溫度，成日都諗住奶應該熱Ｄ比丫Ｂ飲先好，奶溫度應該３７Ｃ佢又唔知，慘就慘左佢成７０歲，又唔識字，剩係識煮飯洗衫，最大獲佢屋企連洗衣機都無 :-( 衫要手洗，我Ｄ衫緊係唔比佢洗，我情願令出去洗，而家我地巳經成日唔出聲，早一倆日因為出左去而病左，佢就成機叫我唔好抱ＢＢ，變哂佢湊，好多野好辛苦，你一係見唔到佢點湊ＢＢ，見到真係好得文憎．

私人傳訊

venus.c

積分: 7712

好媽媽勳章畀面勳章

86^#

發表於 07-1-21 01:53 |只看該作者

Re: 我唔想再同99住,我好想搬,但會不孝嗎

絕對唔會不孝,當初我都覺得只有99一個住唔係太好,所以一家三口同佢住,但而家唔多唔少好多事因為佢同老公嘈,十分後悔,有得搬就快

私人傳訊

積分: 6329

87^#

發表於 07-1-22 01:05 |只看該作者

Re: 我唔想再同99住,我好想搬,但會不孝嗎

小寶貝兒
我多數等囝囝訓左先可以上網,而且我老公要12:30先回到家,如果我唔等佢我就真係唔洗見到佢lo,有時都會等到成一兩點,我都會等,係好辛苦嫁,你咁夜都唔訓,老公唔丙你咩

我都係三姊弟呀!我老公係獨仔,我唔想第時個仔好似我老公咁得一個,so我會生多一個

星期六我入左元朗睇下d環境,我差唔多行晒成個元朗,我老公都幾like馬田村,so好大機會選馬田

不過都要睇下有冇好既又平既屋先得,so要努力儲錢,大家加油

私人傳訊

積分: 6329

88^#

發表於 07-1-22 01:16 |只看該作者

Re: 我唔想再同99住,我好想搬,但會不孝嗎

pocopoco
嘩嘩嘩

冇洗衣機都得,點解你唔搬呢?申請間公屋都好呀,我老公就話唔like公屋唔想申請,你同老公and bb申請都好呀,真係唔好講笑.....冇洗衣機

你如果下次再生bb可以比你媽咪湊嫁,我諗你媽咪唔會好老呢

venus.c
你都可以搬,快d儲錢,如果唔係過多幾年就重煩,你都唔想因為99而影響你同老公感情嫁,我老公當初唔識諗,一定要同99住,好喇真係到左頂唔順喇,我宜家會串下c6

,佢未唔出聲lo

私人傳訊

積分: 30295

89^#

發表於 07-1-22 11:29 |只看該作者

Re: 我唔想再同99住,我好想搬,但會不孝嗎

小麵麵,
icic, 難怪會咁夜啦~~ 妳囝囝幾點訓架??
我老公唔會丙架, 因為佢12點度就訓左lu, 最多忽然扎醒, 然後大叫 "老婆~~~" 跟手我出現係佢面前就得架啦!! 因為佢見到我之後又會訓返落去!!

我老公唔係獨仔, 係4兄弟, 所以其實佢都想生多d既, 不過覺得應付唔到咁多個, 唔係生一隊足球隊都得呀!!
而家佢諗住生2個囉~ 仲話最好係twins, 一次過!
我就話 "生twins冇問題, 你係咪幫手湊同做家務丫!!!?"
根住佢就話 "ar....... 咁生住1個先啦!!!"

c 懶鬼, 平日除左返工, 唔好話做家務呢d粗重野, 連斟水都要我去斟, 仲好意思問我佢係咪好懶!!! 哼!! 梗係啦, 唔係愛佢, 鬼得閒做佢妹仔呀!!!!

元朗馬田真係唔錯架, 附近靜, 但行遠少少就買野食野都方便~~
大家都要努力呀!!!! 到時可能會做埋鄰居唄~~~

私人傳訊

fionawang

禁止訪問

積分: 1721

90^#

發表於 07-1-22 14:25 |只看該作者

Re: 我唔想再同99住,我好想搬,但會不孝嗎

提示: 作者被禁止或刪除內容自動屏蔽

私人傳訊

積分: 6329

91^#

發表於 07-1-22 21:43 |只看該作者

Re: 我唔想再同99住,我好想搬,但會不孝嗎

小寶貝兒
我囝囝訓唔定嫁,最早都要10:30,有時11:30嫁,佢飲完支mike未必一定立即訓著,成晚要我唱歌,(佢要點歌嫁),如果我唱左第二d or唔唱,佢就唔肯訓

我都怕左佢

我覺得你好大機會生twins,到時真係twins既話,你老公就慘lo,因為你要佢幫你做家務

你恐嚇下佢,話如果唔幫手做家務就唔煮飯比佢食

其實真係唔知2年後d屋會唔會貴左,你知啦2年又唔係多又係唔少,so我希望到時可以有間好屋啦

我有d野想問嫁,係小學問題,你知唔知元朗or Tuen Mun有冇好既小學and中學,因為我唔太熟悉,當然我只係想比囝囝係荃灣讀書,都好多好學校,但入面d學校我真係冇太大信心,可能我有d偏見啦,覺得有d唔太好,so希望你可以幫下我呢

私人傳訊

積分: 30295

92^#

發表於 07-1-23 14:07 |只看該作者

Re: 我唔想再同99住,我好想搬,但會不孝嗎

小麵麵,
哈哈~~ 我細個時要媽咪講故事先肯訓架~~ 仲要一定要講3隻小豬, 媽咪話呢個故事大大話話都講左3年!!! 晚晚一樣, 佢講其他故事, 最後一定要再講3隻小豬我地先訓得著!!

哈哈~~ 我老公會話, 唔煮飯咪煮麵囉~~ 佢至叻煮公仔面架啦!!! 到時我就慘囉..... 日日食公仔面......

生twins都幾好玩, 不過得一個人照顧真係有d難度呀~~ 剩係飲奶呢下都夠呢hea啦!! 我想餵人奶架, 不過唔知到時能唔能夠堅持到呢??

我諗應該唔會差好遠, 最多10萬上落!! 因為我留意左呢次97, 發現真係新界樓比市區樓會遲好多先升, 而且升幅真係唔會多到成倍咁囉!! 放心啦, 到左2,3年後, 一定會有d好盤既!!!! 我老公都成日咁講既!!

元朗屯門其實都多好既小學同中學架~~
屯門既資料我就唔算update, 因為仲係停留係我讀書既年代, 果時我讀拔臣小學, 呢間學校幾唔錯架, 雖然細d, 但班數少, 唔會太多功課, 每年入讀band 1中學(仲有5個band時)既比率有成80%架~~ 其他小學真係要問下人先知, 但好既都不在少數囉~
中學屯門最出名就梗係保良局百周年李兆忠紀念中學, 老牌band 1學校~

元朗小學同中學可以問我老公, 佢係天水圍教中學既, 我諗佢會清楚d~~

其實我覺得市區同新界既學校開始會拉近左距離架啦, 妳睇d 10優而家都唔係剩係拔萃喇沙先有啦~~

我以前有個朋友, 讀男拔萃既, 諗住佢會好叻啦, 但有一次一齊溫書, 解數學題, 我用左2秒就解出, 佢仲係度諗緊, 連續好幾題都係咁!! 到左會考, 佢都考得唔算叻, 佢只係比我高4分咋~~ 我都唔係讀d咩好好, 好出名既學校, 所以有時學校係重要, 但更重要既係學生本身既自發性!!

到時妳想知d咩學校, 妳pm我, 我再問下我老公~~

私人傳訊

積分: 6329

93^#

發表於 07-1-23 18:11 |只看該作者

Re: 我唔想再同99住,我好想搬,但會不孝嗎

小寶貝兒
其實我真希望我之前有儲定錢,唔洗等多兩三年,最衰我老公啦,我叫左佢搬都講左成兩三年,但佢成日話唔好,遲d 99百年歸老唔係到,我地就可以做乜都得lo,佢真係好笑

遲d遲d,而家就真係臨急抱佛腳喇,雖然兩三年唔多,但都唔少呀 :-( 我同你講我剛星期六睇下d屋既,你知嗎,果日99又發脾氣,我老公都唔知佢咩事,我地出左街99就係咁打電話來鬧我老公,又話當佢死,又話我唔好,又話我地成日想搬,叫我地快d走,佢重打電話比佢d妹,咸晒咁口話我地對佢咁咁咁....又唔去食飯(99約左佢d妹),之後兩個姨分別咁電我老公問下咩事lo,都講左成日咁多

我地已經同d阿姨講左,我地會搬,佢地話咁都好,如果唔係就辛苦死我,因為我成日對住99,遲d又唔知會點,我真係想死lo

bb食人奶好呀,我囝囝佢食到11個月就唔肯食,可能我鬧佢啦,(點解?).佢出牙仔係到咬我lo,痛死我喇,(我話唔好咬我好痛嫁),可能佢知啦,大約過左一排我比佢都唔肯食lo,但如果你生twins既話就真係好似難左d,點食呢

學校果到(小學,中學)我真係好擔心嫁,雖然你話有好學校,但一定多人搶,如果比間唔好既小學我囝囝,我諗我會想死lo :-(

私人傳訊

積分: 30295

94^#

發表於 07-1-23 19:04 |只看該作者

Re: 我唔想再同99住,我好想搬,但會不孝嗎

小麵麵
咁即係其實妳99都知道妳地想搬???
咁以後又真係好難和平共處架喎.......

我而家一邊想搬, 但一邊就對我99非常之咁好, 點都唔會比佢估到/知道我地想搬, 唔係一定搬唔成!!!

我99又係咁架, 發脾4想鬧我老公時, 無論佢係邊度, 返緊工都好, 照樣打去鬧架!! 有次佢打我老公手提想鬧佢, 但老公返緊工冇聽到(佢係lab, 聽唔到電話), 佢夠膽死打去公司電話, 然後無論個仔點樣講話而家做緊野, 佢都死唔收線, 老公cut左佢線佢仲繼續打黎鬧!!! 連老公個老細都問發生咩事!!!

當晚老公收工後返去剷佢阿媽, 問佢係咪冇左份工佢每個月比2皮野佢!!! 之後99就再唔敢打電話去公司啦!!!
後尾老公轉左工, 99成日叫老公比底學校電話, 話有乜事都可以通知到佢!! 但老公醒呀, 死都唔比!!!

有時真係唔明99, 佢自己以前都返過工架, 點可能咁樣打電話去公司鬧仔架呢??? 佢真係想累到個仔冇左份工佢先安樂??? 果時仲要供樓架!! 一個月供成皮野有多架.....
真係唔知佢個腦咩結構!!

出牙仔呢個又係大難關黎架, 不過我聽d人講話可以泵出黎用瓶餵, 咁就唔驚bb咬損啦!! (我已經一早收集定d資料啦!! 嘻嘻~~

)

如果真係生到twins, 我估真係要泵晒出黎lu, 唔係佢地同一時間要食奶, 邊有咁多手抱住黎餵呀~~
不過呢d係"快樂的負擔"黎既~~ 就算辛苦都會開心!!

我明妳擔心搵唔到好學校~~
我果時入小學, 我媽咪都想我入另一間讀書好得既學校, 但最後考唔入, 派位派左去拔臣, 但我覺得會開心過係另一間囉~~ 因為我聽聞果間小學d功課多到上午班既學生要做到夜晚10點幾11點先做得完架!!! 一到星期六日, 就會有17,8份功課等住佢地架...... 真係冇乜得幾多時間去玩!!!

其實妳囝囝係咪諗住今年9月入讀幼稚園, 定係而家已經讀緊n1之類架啦??

私人傳訊

積分: 6329

95^#

發表於 07-1-23 21:48 |只看該作者

Re: 我唔想再同99住,我好想搬,但會不孝嗎

小寶貝兒
我99緊係唔知我地想搬啦,只不過佢發親脾氣都講話我地成日想搬呀,有毛有翼喇,唔洗理佢喇之類既說話

我99唔會係我老公返工時打比佢,佢只會係我地出街時煩我老公,好似要我地出街都唔安樂咁,果日真係搞到我冇心情行街嫁,我老公都話佢專登既,你話係未玩野

其實餵人奶最好直接餵,因為用泵既話d奶係唔多嫁,而且感覺唔同(其他人講),你直接餵係好d嫁,我出街都會餵,我試過一路行一路餵,好型嫁

,當然我一定唔會走光啦,我有餵奶衫呢

d小學都好恐怖姐,十幾樣功課,真係嚇死人,到時係我做功課而唔係囝囝做

so我希望到時找到間好既學校,如果唔係我真係想囝囝返荃灣讀書
我囝囝今年讀k1喇,係荃灣綠楊幼稚園,唔知你有冇聽過呢?
佢冇讀n1呀,要比錢佢返n1.不如我同佢出去玩好過lo,太細就比佢返n1唔太好,因為好容易病,你知啦有d媽咪要返工,小朋友病左都要佢地返學,咁就煩喇,傳染晒比人,真係好黑人憎嫁

私人傳訊

積分: 30295

96^#

發表於 07-1-24 14:03 |只看該作者

Re: 我唔想再同99住,我好想搬,但會不孝嗎

小麵麵
哦~~ 咁都好d~~
我仲以為佢知道晒添~~ 原來係發脾4!!

我99發脾4果陣會講埋d咩 "有毛有翼, 曉飛啦, 唔使理阿媽啦!!" "呢d野, 我對得住天地良心, 你得唔得丫!!!" <--其實我唔明佢講乜架.... 咩佢對得住天地良心.... 拍戲咩.....

我99都會特登係我地去街時打黎叫我地返屋企!! 仲講到好urgent, 點知最後原來乜事都冇.....
試過一次, 我老公同佢講話下星期六係我生日, 唔返黎食飯, 跟住99就話果日要做節!! (我六月初生日架喎!! 有咩節好做呢???) 仲話做節唔可以過生日!!! (當時係食飯時候, 全家人都聽到!!)
咁好啦, 當日咪死死地氣死返去做節囉!! 跟住我見又唔係齊人, 又唔係特別好送, 咪問99 "乜做節唔可以過生日架咩?!" 跟住99話 "冇呀? 邊個同妳講架??!"
佢都幾好野, 幾日前先當住全家面咁講, 幾日後就完全冇左件事!!!
已經唔係第一次架啦, 鑊鑊老公話要同我慶祝d乜乜物物, 佢就梗有好多理由叫佢返黎食飯, 唔返又話叫都唔返, 咁大支野, 返又頂住道氣!!!
後尾老公學精左, 唔會再同佢講話要同我慶祝, 只係當日打返黎話開ot, 唔返黎食飯就算!!! 費事同佢講咁多!!!

真係, 呢d人咩心態呢!!

99呀, 夠膽係我同老公拍拖之後仲話介紹幾個好女仔比佢呀, 叫佢飛左我!!! 頂!!
未拍拖時就成日吹d仔拍拖, 一拍左拖又成日做d小動作想趕走個女友!! 真係唔知佢咩心態!!!

我老公個細佬娶左個大陸妹, 99居然係佢地婚後冇耐走去問2少奶, "如果而家有個有錢既老男人話好鐘意妳, 妳會唔會跟佢走??"
妳話佢係咪痴線!! 係, 我地對2少奶認識唔深, 唔知佢將來會唔會攞左身份證之後就走左去, 但係都唔可以咁樣問人架麻.... 就算2少奶真係有諗過會走, 都唔會答你啦!! 真白痴!! 佢問呢句說話只會顯示出佢係幾咁無聊, 無禮貌同幾咁歧視個2新抱!!!

講開餵人奶, 我想問妳一路行街一路餵, 係抱住定打橫揹住囝囝呀? 餵奶衫係咪成個罩咁樣架? 我第時都想買返件, 唔使下下都要呢埋先可以餵丫麻~~

我都聽聞過話泵唔夠埋身餵咁好, 不過點樣先可以教到bb唔好咬損媽咪呢??? 等我又去搵下資料先~~

我都係咁話, d小學真係太恐怖啦, 小學仔, 應該係開開心心咁玩, 開開心心咁讀書架麻...... 比咁多功課, 日日做到冇停手, 冇晒童真啦!!

我大約知間幼稚園係邊, 但係唔熟囉~~
咁又係, n1真係太細啦.... 同佢去玩下playgroup仲好啦~~ 而且咁細既小朋友, 真係成日訓, 學唔到好多野, 倒不如留係屋企, 少d病好過!!!

私人傳訊

積分: 6329

97^#

發表於 07-1-25 01:37 |只看該作者

Re: 我唔想再同99住,我好想搬,但會不孝嗎

小寶貝兒
你99真係好正呀,如果係我既話我一早就走左lo,不過你好彩就係唔同佢一間屋,如果唔係你可能會傻左,又或者

,哈哈哈,講下笑咋

你如果餵人奶既話,到時醫院會有一個專人教你嫁,so你放心就得喇,而我餵人奶既抱法就係好似抱bb咁,你有冇上網睇過餵奶衫呀,我幫你找下先,係我d書到,太多書要找下,佢有真人抱住b餵比你睇,當然係假餵啦

而且佢有好多款式,又平,我買左都有好多呀,而且你就咁著出街都唔知件衫係for餵奶,好多花款

讀書方面,我真係要諗下呀,雖然有好多好學校,但多人爭,如果爭唔到我就慘lo,雖然話讀書最主要係小朋友,但如果身邊d同學差(品格)或老師教得唔好,唔愛護小朋友,點叻既小朋友都會變差啦 :-( 講真小朋友真係好受同輩影響,so我真係要諗清楚d

私人傳訊

積分: 30295

98^#

發表於 07-1-25 12:20 |只看該作者

Re: 我唔想再同99住,我好想搬,但會不孝嗎

小麵麵,
妳覺唔覺個topic比我地用左黎傾計呀??

唔係同一間屋都已經傻左啦.....
如果唔係每個星期我都會去搵阿媽訴苦, 同佢傾下, 我真係已經癲左架啦!!! 我次次都同阿媽傾足幾個鐘, 試過11點傾到下午4點!!! 坐係茶樓呀!! 我都覺得近!!

政府醫院有冇架?? 我想係政府醫院生喎, 平丫麻.... 慳返d錢比bb好過~~
好呀, 妳找左之後send比我丫, 但係呢.... 我出街有時都會留意d大肚婆衫, 都唔覺有得賣餵奶衫既??? 妳係邊樹買架??

我記得呢, 每年教統局都會出一本中小學指南, 裡面有晒d學校資料, 有公開考試資料, 有增值指標之類既野, 但我就唔知邊度有得攞, 我都係聽我老公講話有架咋~~ 妳想知我幫妳問丫~~

係架, 尤其是而家d小朋友, 真係好易受周圍既野影響, 當年我阿媽唔比我地放左學之後仲去同學屋企玩, 一定要即刻返屋企, 先至冇學壞咋!!!

同埋呢, 而家有好多父母都識生唔識教, 好似2少奶個朋友個仔咁, 有一次我陪2少奶返上大陸, 佢話同埋佢d fd一齊去食飯, ok啦, 咁其中一個帶埋小朋友去, 大約3,4歲, 咁個細路個阿爸係度傾電話, 粗口滿天飛, 講完電話後, 個細路忽然間講:"x你老x正仆x!!" 我就堂場呆左, 佢阿爸阿媽仲笑笑口咁話, "你講咩呀!!" 跟住就當話左佢, 當冇事發生過一樣!!!!
ps, 呢個細路個阿爸係香港人, 阿媽係大陸人, 所以將來都會落黎香港讀書果隻......
唉.... 遇著呢d人, 真係....c梗!!

私人傳訊

積分: 6329

99^#

發表於 07-1-25 23:55 |只看該作者

Re: 我唔想再同99住,我好想搬,但會不孝嗎

小寶貝兒
哈哈,我都覺得個topic比左我地兩個傾計

你媽咪都好得閒,你第時生左bb可以叫媽咪幫手,我就唔得lo,一來同緊99住,二來佢要返工,我坐月時差d精神有問題,好彩當時我老公返早,放工陪到我,如果唔係我可能已經 ?-(

政府醫院會有專人教你餵奶,而且你話餵人奶,佢地都對你好d,因為佢地可以餵少個b,你諗下得d姑娘同阿嬸餵b餵奶粉,d bb又飲得慢,so佢地都好辛苦嫁,講真餵少個佢地都輕鬆d啦

買大肚衫都有餵奶衫買,不過就好差lo,我最初未找到靚衫,咁我就買左一件(差),好彩一件咋,如果唔係激死我lo,之後畀我發現正衫,我立即買左(上網)

讀書方面,我老公叫我諗下先,因為重有兩年畀我諗

我今日同個fr講電話,我講得好含糊既(唔想畀99知我講乜),之後我99行左出外面(我見唔到既),佢原來打畀我老公問我地係未想靜雞雞搬而唔畀佢知,(我老公收左線立即打來問我),我老公同99講我地冇呀! 頂佢個x,我講個電話都畀佢(夾)住晒,其實我講電話時已經好細聲又好含糊,咁即係我真係冇晒私人啦,我點等兩年呀,我會

我諗我同我老公既一舉一動佢都知得好清楚,so我好似坐緊監 :-( :-( 我真係好唔開心

直到此刻,我真係好down,我好後悔當初點解唔(門)住老公申請左間公屋先,now我99只會憎恨我,佢一定覺得所有事都係我攪出來,我老公由細到大都係一個冇所為,冇要求既人,當識左我之後,佢就畀我感染到做人要有要求,自己大個結左婚,做埋爸爸就要長大,唔好成日畀阿媽照顧(99照顧開我老公,好似當個仔係老公咁照顧)可能99覺得我地重細掛

今日我好唔開心,希望我快d可以搬啦

我pm左個網址畀你喇,希望你快d有用啦

私人傳訊