大仔大女媽媽會 今日: 0 | 主題: 177861

積分: 12319

2024年龍年勳章

982^#

發表於 10-6-12 13:15 |只看該作者

elbb:

請勿介意我將你既問題搬左黎呢樹, 因為答問可以好長好多, 所以我開左呢個答問區, 你原先 post 個樹係精華篇, 只放 info, 咁媽咪們就唔駛 scroll all the way....拜托下次問野可以過黎呢邊...thanks....

Dear Yin Mum,

My son is on waiting list of Pui Ching this year. If based on the past record, what is the chance of waiting list??

==> 以過去經驗, 培正一向都係搶手學校, 考得到而唔去讀既人唔多, 坦白講, 個個都係 "執到寶" 咁入去的, 就算連原先都係人考我考心態考入個d 都會因為 "咁多人考都收我小朋友, 唔讀好嘥架" 呢類諗法而入去讀, 亦唔到 last moment 都唔會 give up 的, 試過有學生係 9 月初開左成個星期學先被 call on waiting list 的, 因此, 我只可以講...(1) 唔易 wait 得到 , 但一定有人 wait 到, 咁講唔係揾你笨, 係一定有 3 幾個位的, 只不過, 冇人知你係 waiting 排第幾, 所以好難講, 另, 若然有, 多數都係見有兄姊讀緊個d 會先 wait 到多d.... (2) 依家只係 6 月, 培正 call waiting 係要 "走一個, 補一個" 的, 咁一日d 家長仲係 1 人 hold 10 個位既話, 你都冇符, 分分鐘如我上面講可以等到 9 月添, 所以你先唔好等, 另謀後路, 到時真係收就當 bonus 咁既心態 wait 會易等好多.

By the way, 忠言一句: 讀得到當然開心, 讀唔到絕對唔係損失, 信我! 就係咁.

elbb

私人傳訊

積分: 2150

983^#

發表於 10-6-14 01:32 |只看該作者

Hi 彥媽你好,
想搵人傾下我個大仔0604架,住HK side,呢4年我一路諗住點入華仁,St.Jo... 想佢入間好學校識D好D的同學唔好學壞,甚至屋同公司都搬埋灣仔,但自從越了解仔仔的性格知佢係坐唔定,轉數快但一言九頂,叫佢做好玩的工課ok,但做重複的如公文數就真係要用好多力至得,大人細路都好辛苦.
我想佢黎緊漫長的學習生活可以開心D,想幫佢揀活動教學係咪就一定要揀直資?好似有一條龍的駁中學會好D.你有咩好提議呀?
C6一直想搬入大埔空氣好D地方大D又多屋企人住o個邊.之前我一直反對而家我都無所謂啦.但若揀近近o地的田家丙千禧又驚無聯系的中學到時又唔知會唔重死!!!因鬆開?
若叠埋心水揀直資,最近係咪要去返大圍eg.培僑呢?有冇更好的提議?
真係好頭痛,成日想為2個仔設想得好D,但真係唔容易,盡人事啦.
Thanks a lot !!

私人傳訊

積分: 12319

2024年龍年勳章

984^#

發表於 10-6-14 10:54 |只看該作者

fifi618:

想搵人傾下我個大仔0604架,住HK side,呢4年我一路諗住點入華仁,St.Jo... 想佢入間好學校識D好D的同學唔好學壞,甚至屋同公司都搬埋灣仔,但自從越了解仔仔的性格知佢係坐唔定,轉數快但一言九頂,叫佢做好玩的工課ok,但做重複的如公文數就真係要用好多力至得,大人細路都好辛苦.
==> 先就呢點, 我唔認為呢點同入 St Jo , WY 有必然性既關係, 相反地, 你地平時本身點 mould 佢生活習慣同行為既呢....你是否有幫佢建立日常生活既規律同習慣?

另一方面, 唔好話你阿仔啦, 我d 仔都唔 likey 公文, 包括我, 呢點又唔係阿仔有問題既, 係個 learning mode 有問題嘛, 公文最大既毛病在於 "重覆性", 呢點對日本人黎講係得, 因為佢地民族既服從性相當強, 唔同香港人, 因此 culture-wise 我根本唔認為 Kumon 呢套會 work, 所以我地學左幾個月都 stop la...成日 repeating 咁做 3+3 , 莫講細路, 大人咁有定力都頂唔順啦, 所以依家我都唔俾d 仔學既, 我地學 Selin (學林) instead.

不過, 整體而言, 畢竟你最熟你阿仔, 若然佢係跳跳紮既話, 咁唔好話 St Jo/Wah Yan, 就算係一般既小學, 你都要預左有一定性重覆既功課架 (e.g. 做句, 抄寫生字), 所以都要有番咁上下專注力先得.

在你既 case, 你當然可以放佢去活動教學, 但在我, 我會認為 : 小時太鬆, 大時更難 control, 我咁講唔係唔讚成 International schools, 而係我都屬 "有原則" 型既人, 所以我認為小朋友係要有一定程度既 "規矩" , 唔係想點就點的, 呢個對佢日後做人處事有好大幫助, 因此, 我較傾向, 要小朋友細既階段都有一定良好習慣建立 (e.g. 夠鐘 zzz 就要 zzz, 唔係下下半夜三更都由佢, or 要做完一樣野, 執好, 先可以再開始另一樣, 唔可以下下旨意大人執手尾....呢類)...咁既話, 傳統小學係會有用過 international schools 的

我想佢黎緊漫長的學習生活可以開心D,想幫佢揀活動教學係咪就一定要揀直資?
==> 所謂活動教學大多只會係 international schools 出現, 呢d 多係 "私立", 即係學費預左會高 ($5000+ per month) , 直資既多數都係傳統學校, 即係都係有測驗, 有默書, 有功課, 有名個d 既仲會都幾多 assessments, 大人細路都會忙就真, 點會活動...??

好似有一條龍的駁中學會好D.你有咩好提議呀?
==> 你自己可以上教署既網樹揾下 "一條龍" 有咩學校, 先自己做下 info search, shortlist 左再黎傾啦, 從你問題中就睇出你既 "意向" 根本都未 firm , mission 係乜都未確家, 對選校冇幫助的, 依家你乜都未知, 咁好難同你由最闊既地方開始講架 wor...

C6一直想搬入大埔空氣好D地方大D又多屋企人住o個邊.之前我一直反對而家我都無所謂啦.但若揀近近o地的田家丙千禧又驚無聯系的中學到時又唔知會唔重死!!!因鬆開?
==> 你成日要去一條龍, 我好懷疑你係咪知一條龍既問題係邊...?? 我先表達意向 here: 我對阿公既一條龍既支持度係 50/50 , 因為表面睇, 佢理念係好, 但實行出黎既效果我就有懷疑...

原因: 凡事唔好只睇一邊, 一條龍既好處係直升, 唔好處亦就係直升, 得既又升, 肥佬既又升, somehow 我唔認為係好事, 我理解要經過考試先可以去到好中學係一個辛苦既過程, 但對小朋友亦係一個適當既壓力丫 (冇人要你下下 target 名校嘛). 即係好似大人做野咁, 你做成點都好, 年年老馮跳 point 加人工, 得又加, tun pok 既都係咁加, 你會點打工呢..?? 乜多勞多得唔係先係 more motivating 咩..? 同樣道理, 你依家想一條龍, 唔好介意我直言, 你係驚小朋友到時唔得, 咁都有樣野 "包底" ji ma...well...我唔認為咁快就要長他人志氣, 滅自己威風, 依家小朋友先得個幾歲, 將來學成點, 佢自己, 家長...都有好大既影響力, 家長要幫手令佢有學習動力, 唔係幫佢揾一間唔駛郁都可以讀完中學既學校呀, 依家又唔係冇時間, so 佢成績係得既, 冇一條龍又如何..?? 一樣可以自行派中學時以成績考到好學校架嘛...so 何需一定要一條龍..?? 因此, 彥媽 always 個句, 考到一條龍, OK, no problem 照去讀, 但考唔到既, 一樣唔係損失嘛...

若叠埋心水揀直資,最近係咪要去返大圍eg.培僑呢?有冇更好的提議?
==> 培僑近幾年好受家長歡迎, 我都識有家長小朋友入左去讀, so far so good, 呢間係可以考慮的, 但我冇聽過佢地個 talk, so 唔敢直接評論, 建議你有興趣到時留意佢d open day 去聽下, 問下, 咁會親身 feel d...

真係好頭痛,成日想為2個仔設想得好D,但真係唔容易,盡人事啦.
==> 咪係囉, relax D....有好多野唔係大人想點就點的, 當日我地都唔係 100% 按阿媽阿爸既心願, 讀佢想我地讀既學校, 打佢想我地打既工, or even 嫁佢地想我地嫁個類人啦, 哈哈....所以, 人係要有 plan, but 亦要 be flexible enough to change when it's needed ga ma....:)

[ 本帖最後由彥彥媽咪於 10-6-14 14:08 編輯 ]

私人傳訊

積分: 2150

985^#

發表於 10-6-15 00:14 |只看該作者

Wah 好多謝你的詳盡意見,令我重新用唔同的角度去睇一條龍的學校,我會考慮清楚我究竟想個仔係點? 時間到等直升安安全全,定付出努力同代價去爭取佢應得的結果,呢一課係寶貴的因為將來社會都要在壓力下競爭的.
我會再收集多D學校資料再傾過,我有個朋友個女讀大埔田千的讀成點? 咁多課外活動重點平衡學術呢?

私人傳訊

積分: 12319

2024年龍年勳章

986^#

發表於 10-6-15 13:35 |只看該作者

fifi618:

我會再收集多D學校資料再傾過,我有個朋友個女讀大埔田千的讀成點? 咁多課外活動重點平衡學術呢?
==> 你呢句係咪問緊我野呀, 定係自己有感而發..?? 我有d 睇唔明....

私人傳訊

積分: 2150

987^#

發表於 10-6-17 21:13 |只看該作者

Sorry 係我對朋友個女有感而發,但唔知你有無都聽聞過呢間小學好唔好呢?
其實我係咪都要對個仔有信心,讀唔同的小學都可以考到好中學呢??

私人傳訊

積分: 12319

2024年龍年勳章

988^#

發表於 10-6-18 15:02 |只看該作者

Fifi618:

Sorry 係我對朋友個女有感而發,但唔知你有無都聽聞過呢間小學好唔好呢?
==> 冇 specific info about this school, 建議你問下有讀緊既家長啦.

其實我係咪都要對個仔有信心,讀唔同的小學都可以考到好中學呢??
==>係, 你都未試過, 你咁快就知阿仔就唔得..?? 另外, unless 你心中已鎖定只某幾間先會讀, 其他唔吼的話, 咁條路自會辛苦d ga la...so it all depends on your expectation ja wor...你有睇彥媽寫開野就知, 我一向唔視讀書係唯一既出路, 一個人成功快樂與否仲有好多 factors to consider 既, 再者, 一日未死, 冇人可以 conclude 我讀唔成書的, 至緊要係個 "心" 仲係度, 就乜都有商量, 所以, 我一向著重小朋友既學習心態多於去邊間學校, 因為學習心態係自發, 可以 control/influence 既, 反之, 邊間學校係外在因素, 唔係家長可以自由控制的, 我一向著眼於做自己可以做到既野, 自己控制唔到既野我諗都冇用 , 對嗎?

私人傳訊

alicialee1210

寶石宮

積分: 336264

虎到金來勳章牛年勳章 HiPP勳章(2) HiPP勳章(1) 2018父親節勳章 2018母親節勳章 2018復活節勳章 Poo得好勳章 15週年勳章親子王國15週年勳章 FUN享自然‧郊遊一夏親子探索遊玩具勳章趣教勳章畀面勳章叻叻勳章有「營」勳章環保接龍勳章大廚勳章親子達人勳章 wyeth冷知識勳章爸B勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章 DHA勳章貓狗褓姆育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

989^#

發表於 10-6-18 23:23 |只看該作者

Hi 彥彥媽咪
我終於睇晒你嘅PART1&2&精華篇,睇完之後對選校,教育孩子,教學方法都比之前認識多了很多.真的謝謝你!當睇到PART2嘅尾聲時候,真的有種唔捨得嘅感覺,因為從你回覆中知你有了自己嘅BLOG(我覺得你)已經唔再好似之前咁熱衷在BK去SHARE你嘅感受和睇法.我由你2006開始寫到2010,一路睇一路擔心會唔會我睇到最後嘅時候你已經唔再喺BK出現喇!冇得問你問題冇得聽你意見.但其實我擔心的都是多餘呀,雖然你真少了在BK出現,但你依舊都有問必答.今次留言給你其實我冇問題要問你,因我想知嘅野都大致上從你之前嘅內容上都搵到答案,但真的好想好想對你講聲謝謝!因為我覺得現今社會樂於助人嘅人已越來越少.有機會可以和你做個朋友就好喇!

私人傳訊

積分: 12319

2024年龍年勳章

990^#

發表於 10-6-20 15:13 |只看該作者

alicialee1210

首先, 好多謝你 (1) 肯花寶貴既時間睇哂我既文章, 因為好多, 真係唔容易, 我之前叫過好多媽咪們去睇, 睇完先 chat 會仲有意思, 但我知好多都係係跳 + scroll 咁睇兩行跳 3 行架喇...呵呵...邊會真係有耐性丫 (嗱..真係有睇哂既媽咪 friend 我都係樹多謝埋你地!!!), 所以你肯真係睇哂我好感激+感動, 所以都要提筆係樹寫句多謝俾你; (2) 亦多謝你欣賞我寫既野, 之前我寫既全係真心感受+經驗, 眼睇住好多媽咪們一面倒只側重培養小朋友既某一部份而忽略左人既 balance, 好唔忍心, 我知好多人係未諗到 or unaware, 所以我先不厭其煩咁寫完一篇又一篇, 講完一次又一次, 希望可以令大家有所領會, 先再作決定. 你上面俾我既說話係一個好好既鼓勵, 好多謝你. 真的

當睇到PART2嘅尾聲時候,真的有種唔捨得嘅感覺,因為從你回覆中知你有了自己嘅BLOG(我覺得你)已經唔再好似之前咁熱衷在BK去SHARE你嘅感受和睇法.
==>呢句 partly right partly wrong la...的確我係有個 blog, 因為入面可以又講下自己 3 個仔既野 (呢樹話哂係公開地頭, 好似唔適合太個人化嘛), 我亦真係對此 BK 有d 意興闌珊, 大大話話係樹 10 yrs+ 由最初係出面搭訕, 搞埋活動 (當時我仲多野講), 到依家匿埋一二角係呢樹 chat, 無非因為岩傾既人同 topic 都越黎越少了, 睇見出面大家仲係好 eager 咁傾 "人學乜我又學", "人考乜學校我又考", "總之唔好蝕底", even 學校專區都係 3 句唔埋, 只會問你阿仔 "溫哂書未", "有咩好既課外學習好玩", 呢 D 俾我感覺細路 1 日 24 小時都係要讀書學野既環境下 (我真係唔多覺有家長會問我 "最近邊隻甲蟲王者夠 hit" , "係邊樹有 XX 漫畫買" 呢d 較 relaxed D 既 topic) 我自己明明唔係一個精神緊張既阿媽, 都會受到呢d 言論令我不斷問自己 "我係唔係俾得唔夠補充練習阿仔做呢...." 咁架...但事實係...我 3 個仔係讀書上都已夠忙, 我最想係俾到佢地 Sat/Sun 唔再係幾廿個 interest class, 我唔駛佢地做全港 XX 比賽冠軍, 我反而只係想見到佢地係公園玩到 hehe haha, 面都紅埋個種興奮, 我深信好多媽咪們都係同我一樣, 何謂真正既快樂呢...? 大家見解可是一樣...?

因此, 係 BK I really can't see this la...由十幾年前到依家....真係變左好多, 我自問以前都同依家d 家長一樣, 一樣有做過同類野 (學野學到傻), 所以先更有感受, 所謂經一事, 長一智, 我相信我比你地個個都老一d (shu...) 我開始明白我要既, 想見到既結果係乜, 所以, 我既目標更明確, 人就輕鬆左好多.

以前, 都會有心態好想講俾人聽自己既經驗, 所以你見我 2006 開始一直寫左好多, 亦好熱心係出面答人問題, 但我發覺, 一切都係 learning process la...當人係有既定既諗法時, 你講乜都冇用, 反而仲會被人猜度你既動機, 亦會否定你講既野 (你見出面間間學校都有 fans 就知), 係 BK, 用詞要相當小心 (出面), 否則, 唔認同你都仲算, 俾人話埋, 就真係相當氣餒, 極有 "好心冇好報" 既感覺...因此, 多年累積既經驗 here 令我不如少說話, 多做事了, 所以, 匿埋係 0604 here 都係好事, 一來少受滋擾, 二來我總相信有人岩傾既, 亦自會不介意行多兩步入黎揾我傾的, 如我之前所言, 入得黎呢樹揾我既, 我自會知無不言, 言無不盡咁幫下手, 但呢排可以大家都冇咩 special questions ma, 咁我無理由成日自言自語架嘛...hehe...

我由你2006開始寫到2010,一路睇一路擔心會唔會我睇到最後嘅時候你已經唔再喺BK出現喇! 冇得問你問題冇得聽你意見.但其實我擔心的都是多餘呀,雖然你真少了在BK出現,但你依舊都有問必答.
==> yes, this is for sure. 其實早前都仲有 d 野想發表, 不過懶懶地未提筆而已, 就黎架喇....heheheee

今次留言給你其實我冇問題要問你,因我想知嘅野都大致上從你之前嘅內容上都搵到答案,但真的好想好想對你講聲謝謝!因為我覺得現今社會樂於助人嘅人已越來越少.有機會可以和你做個朋友就好喇!
==> welcome, 你有興趣既 I will give you the link of my blog, 個邊講野我仲可以直接d 添啦, 哈哈....因為係自己獨立地頭丫嘛...呵呵.... :mrgreen:

[ 本帖最後由彥彥媽咪於 10-6-20 15:19 編輯 ]

私人傳訊

積分: 2150

991^#

發表於 10-7-7 01:48 |只看該作者

HI HI,
又係我呀大B係0604架,我有方向啦! 我自問唔想放左工重要倍太子做3幾個鐘功課及夾佢溫書,咁好破壞關係,適量功課就最好,我又唔打算訓練小天才只想佢喜歡學習,學識做人就夠.所以我首選活動教學小學較適合活潑坐唔定佢多D,唔知揀以下呢幾間好唔好?希望幫忙俾D意見.
我打算為亞仔報讀呢幾間:
1,港大同學會2,漢華3,培僑書院4,播道
到時睇下邊間收,若果無間收就先至大抽獎.係wanchai得o個15分想入華仁都係好難gala,何況入得到亦未必好,費時大家辛苦.我想佢學到o野,唔駛佢考高才生,唔想佢讀深人一級或80分都話要見家長,免得過都唔想佢一放學就返補習班,我覺得好似重慘過大人返工,so係咪揀軒小下午好D呀?
係香港要真正愉快學習,係咪等於行慢人一步呢? 但我唔想個仔太大壓力,想放假係可以去到公園玩或游下水,唔係密麻麻的學呢學路.

私人傳訊

積分: 12319

2024年龍年勳章

992^#

發表於 10-7-9 10:44 |只看該作者

fifi618:

我打算為亞仔報讀呢幾間:
1,港大同學會2,漢華3,培僑書院4,播道
==> 從你問既學校睇, 你係住港島東區 then? 因為港同, 漢華, 培橋都係小西灣, 播道就 TKO, right?

仲有, 當中, 培橋係津小 (小西灣個間), 即係要計分抽獎的, 唔係考既

4 間之中, 又以港同最搶手, 個個媽咪 (尤其眼見 BK 呢樹, 真係人人都報咁滯) 所以你預左競爭都會大, 但又唔駛 worry, 因為到時又好多人會當佢係 back up , 再者, 真係唔好運考唔入, 佢年年都招插班生既, 即係有流失啦, 咁既話, 你再想入既話都唔係冇機會的

到時睇下邊間收,若果無間收就先至大抽獎.
==>岩丫, 試左先啦

有興趣就試係wanchai得o個15分想入華仁都係好難gala
==> 咁你 first round 15 分咁梗係唔駛諗啦, 但到 2nd round 搞珠時, 大家機會均等, 就一定係進取d 咁搏 ga la...

何況入得到亦未必好,費時大家辛苦.我想佢學到野, 唔駛佢考高才生,唔想佢讀深人一級或80分都話要見家長,免得過都唔想佢一放學就返補習班,我覺得好似重慘過大人返工
==> 嘩...哈哈..你呢句說話若係出面講, 華仁D 家長 fans 一定駁你咀呀, 佢地一定會話, 邊會呀, 老師唔會俾壓力家長的, 學生個個都好愉快呀....咁架....咁老師都真係唔會下下就見家長的 (佢地邊有咁得閒), 但問題係, 個個入得華仁既學生, 家長背後都一定發唔少功既, 即係到時唔係 80 分你要見老師, 係你會自己返屋企再幫多阿仔兩錢 je, 因為你會發現你阿仔 80 分係考尾 4 咁囉...呵呵....咁既話, 老師唔見你, 你都會想見佢, 問佢點先可以幫阿仔進步d, 唔駛做下游份子架喇....

so係咪揀軒小下午好D呀?
==> 單睇壓力, 我會話兩間都差不多, 因為入得呢d 學校既學生既家長都係有要求的 (WY 既想要直升到, 軒小既十個有九個都想搏 Queens ga la) 有得呢d目標, 就自然一樣家長個個會發功的, 因此, 你都要預左會陪太子讀書 ga la...

係香港要真正愉快學習,係咪等於行慢人一步呢?
==>我幫你自己答自己 here: 你話我就咁答你 "1+1 = 2
" 會快D , 並之後不停操練, 定係 "小朋友, 你左邊有個蘋果, 右邊又有一個, 咁依家總共有幾多個蘋果呀" 咁 lead 佢答, 又等佢慢慢諗先答...之類既時間快d 丫...唔用前者, 邊教得哂成本書..? 但用後者時, 阿仔好開心, 有人陪佢又傾又玩咁學, 但佢學一條數就會用 20 mins+ (前者 3 秒搞掂你)...OK, 睇到呢度, you should be able to answer yourself for your question la...

再者 HK 大多數人唔係重視過程 (learning process) 而係重視成果 (考到咩成績), 唔理你點學, 考試考唔到多幾條 A , 大學都唔 so 你, 你有好成績先有科揀, 有學校揀, D家長一見到咁, 你認為佢地點 plan ar...仲夠唔夠膽行得慢丫...你唔行, 人地係咁向前行緊丫嘛...你係咪可以做到唔理先, 係既話, 冇問題.

但我唔想個仔太大壓力,想放假係可以去到公園玩或游下水,唔係密麻麻的學呢學路.
==> 如我上述所言, 你想點係你去 control , 你認為學野學到點先叫夠係你去決定架嘛, 但有ｄ家長 (not sure if you will 動搖 too) 就硬係鍾意以人地既成績作為自己既 benchmark 既話, 就預左要辛苦 ga la...呢點係 manage expectation 既問題, 我冇呢個問題, 因為從來我都好知自己想要乜, 同咩先叫 "岩" in my mind, 每次我睇d仔既成績, 我都係用佢地以前既成績去 benchmark , 唔係人地既成績, 我唔認為我地要追趕人地既成績, 今日既阿仔比禽日既阿仔進步就 very good, 值得嘉許了, can you see the difference here?

家長自己都過唔到自己心魔的話, 冇計...自己揀既路就要自己行, 個個能力唔同, 說不定人地又真係行得好呢...係既, 我都會欣賞架, 但 =/= 我都要行同一樣既路 je, right?

你問題中都講左"你唔想"啦, 係咁既話, 就唔好做囉, 理得人呢..但你若然又做唔到唔理得人既時候, 就要 compromise ga la...

私人傳訊

積分: 12319

2024年龍年勳章

993^#

發表於 10-7-10 00:34 |只看該作者

alicialee1210

我將你係我 blog 既留言 post here, 因為一來你係 blog 既留言版樹寫野我係 "回覆" 唔到 there, 一定要開個新 topic 先答到的, 另外, 你問既係學校問題, 我就會 put it back here, 因為呢樹媽咪們問既係 A school vs B school 個d 較多, 而我 blog post 既就多係一d 同選校, 定方向, 思維方面較多既野, 問學校 there 唔多夾, hehe, 都係呢邊會 consistent D...so let me answer you here.

Hi 彥媽, 有問題想問你呀? 唔知喺度留言給你, 你會收到嗎?
==> 係 blog 留言版真係會少睇架, 你想留言問我可以打係呢樹既, 我答既野都岩個邊用既話我會再 copy and paste there 的

自從睇完bk討論區後都知你好少上bk, 我就係喺bk留言給你話冇問題問你純粹想多謝你分享咁多心得嘅人, 唔知你記唔記得有我呢個人喺你個討論區出現過呢!
==> 當然記得啦, 我最叻係認 ID, 哈哈, 但其他既就唔掂...hehe

我係2008年9月嘅新手媽咪, 嚟緊9月我就要幫我兒子報幼稚園, 之前睇完你d分享都已經諗好了目標幼稚園, 但遇上了少少難題, 希望你可以幫幫我, 請問你知唔知道聖三一中心幼稚園及幼兒園和聖三一曾肇添幼稚園那間才是和聖三一堂小學有聯繫呢? 因我唔希望小學要大抽獎,因校網不是太好, 所以希望可以考入直資/私立小學, 因此希望知道那間幼稚園和聖三一堂小學是有聯繫的, 謝謝
==> 係前者 (聖三一中心幼稚園)

另外九龍禮賢學校和般咸道禮賢會學校是不是大家都是由禮賢會創辦外, 他們之間便沒有關連呀?
==> 冇

如2間比較, 那間比較口碑好呢?
==> 兩間唔可以咁比較, 一間九龍, 一間係香港, 地點己係一個問題, 一間有直升 (禮賢幼稚園可以有七成以上學生升到佢小學), 而另一間就冇, 因此, 九龍呢間係搶手好多, 亦相對地顯得般咸道個間係變成 "地區學校" 即係多係住附近既人先會去, 反之九龍個間因為有上述既 "優勢" , 就自然吸引到天水圍呀, 元朗呀家長都會出黎考的, 論教學, 幼稚園係我眼中間間都差不多, 只係有 "教得快" 同 "教得慢" d 既分別咁啦, 而你問呢兩間都係教學進度適中的

私人傳訊

積分: 2150

994^#

發表於 10-7-10 02:14 |只看該作者

我打算為亞仔報讀呢幾間:
1,港大同學會2,漢華3,培僑書院4,播道
==> 從你問既學校睇, 你係住港島東區 then? 因為港同, 漢華, 培橋都係小西灣, 播道就 TKO, right?
係ar宜家住HKside ga, Wan Chai ar.

仲有, 當中, 培橋係津小 (小西灣個間), 即係要計分抽獎的, 唔係考既
Sorry 係大圍o個間直資盛為$2100大洋ga,呢間又ok嗎?若果係好好,為2件細搬屋都無計.Aiya 差D唔記得直資細o個個唔包一定收Tim.

4 間之中, 又以港同最搶手, 個個媽咪 (尤其眼見 BK 呢樹, 真係人人都報咁滯) 所以你預左競爭都會大, 但又唔駛 worry, 因為到時又好多人會當佢係 back up , 再者, 真係唔好運考唔入, 佢年年都招插班生既, 即係有流失啦, 咁既話, 你再想入既話都唔係冇機會的
係Woo,俾你一言提醒o左!

有興趣就試係wanchai得o個15分想入華仁都係好難gala
==> 咁你 first round 15 分咁梗係唔駛諗啦, 但到 2nd round 搞珠時, 大家機會均等, 就一定係進取d 咁搏 ga la...
好!咁幾大都試o左大抽獎先.試下亞仔頂唔頂得住,又可益下個細佬Tim.

何況入得到亦未必好,費時大家辛苦.我想佢學到野, 唔駛佢考高才生,唔想佢讀深人一級或80分都話要見家長,免得過都唔想佢一放學就返補習班,我覺得好似重慘過大人返工
==> 嘩...哈哈..你呢句說話若係出面講, 華仁D 家長 fans 一定駁你咀呀, 佢地一定會話, 邊會呀, 老師唔會俾壓力家長的, 學生個個都好愉快呀....咁架....咁老師都真係唔會下下就見家長的 (佢地邊有咁得閒), 但問題係, 個個入得華仁既學生, 家長背後都一定發唔少功既, 即係到時唔係 80 分你要見老師, 係你會自己返屋企再幫多阿仔兩錢 je, 因為你會發現你阿仔 80 分係考尾 4 咁囉...呵呵....咁既話, 老師唔見你, 你都會想見佢, 問佢點先可以幫阿仔進步d, 唔駛做下游份子架喇....
明ar!宜家我就講得輕鬆,可能到時唔衰得又會加多兩錢力

,不過我會不時提醒自已ga la. 不要人比人而令亞仔及自已帶來不必要的壓力.
so係咪揀軒小下午好D呀?
==> 單睇壓力, 我會話兩間都差不多, 因為入得呢d 學校既學生既家長都係有要求的 (WY 既想要直升到, 軒小既十個有九個都想搏 Queens ga la) 有得呢d目標, 就自然一樣家長個個會發功的, 因此, 你都要預左會陪太子讀書 ga la...
唉!都係走唔luk架啦,所以幾時話做亞媽偉大,為佢將來條路易行D,多選擇D都係無得偷懶lu !

再者 HK 大多數人唔係重視過程 (learning process) 而係重視成果 (考到咩成績), 唔理你點學, 考試考唔到多幾條 A , 大學都唔 so 你, 你有好成績先有科揀, 有學校揀, D家長一見到咁, 你認為佢地點 plan ar...仲夠唔夠膽行得慢丫...你唔行, 人地係咁向前行緊丫嘛...你係咪可以做到唔理先, 係既話, 冇問題.
呢個世界係咁!現實遊戲規則就係咁,唯有盡量個平衡,都要enjoy生活,我絕對唔會對個仔過份要求的,我個人覺得讀書唔係唯一決定一個人的成功與失敗.我自已讀書都唔係好叻,亦唔係來自咩名校,但我都有自已run得唔錯的生意,有時識唔識得把握機會,績極與否都好重要,當然打好個底就梗係事半功倍!

但我唔想個仔太大壓力,想放假係可以去到公園玩或游下水,唔係密麻麻的學呢學路.
==> 如我上述所言, 你想點係你去 control , 你認為學野學到點先叫夠係你去決定架嘛, 但有ｄ家長 (not sure if you will 動搖 too) 就硬係鍾意以人地既成績作為自己既 benchmark 既話, 就預左要辛苦 ga la...呢點係 manage expectation 既問題, 我冇呢個問題, 因為從來我都好知自己想要乜, 同咩先叫 "岩" in my mind, 每次我睇d仔既成績, 我都係用佢地以前既成績去 benchmark , 唔係人地既成績, 我唔認為我地要追趕人地既成績, 今日既阿仔比禽日既阿仔進步就 very good, 值得嘉許了, can you see the difference here?
好明白我都係咁樣去鼓勵亞仔的,所以我見到佢都係一個幾有信心的小朋友,但過程都要好清醒好包容的,所以有o左細路的我,我的EQ都高o左ha ha! 大家加油呀!

家長自己都過唔到自己心魔的話, 冇計...自己揀既路就要自己行, 個個能力唔同, 說不定人地又真係行得好呢...係既, 我都會欣賞架, 但 =/= 我都要行同一樣既路 je, right?
Ha ha o岩呀! 但我就盡量唔想人云亦云.學習係好重要,但就唔係人生唯一的全部,各方面平衡到就最好!但真係要繼續學習,但首先我係清楚我的方向同原則,黎緊就要學習堅持行落去.

你問題中都講左"你唔想"啦, 係咁既話, 就唔好做囉, 理得人呢..但你若然又做唔到唔理得人既時候, 就要 compromise ga la...
明!但我真係唔想因為我愛我個仔,我只係想佢成為一個有品格,有責任心,有信心,態度績極的人,不必要的做唔到咁多la,學幾種樂器加十八般舞藝就唔係我杯茶了.好多謝你的分享令我獲益良多,好開心可以認識到你一個咁heart又願意與他人分享實在好難得,我們交個朋友好嗎?

私人傳訊

setrea

公爵府

積分: 26851

995^#

發表於 10-7-21 10:26 |只看該作者

請問協恩和德望就學術成績而言，邊間好d呢?因為網上找不到協恩有關的資料,無從比較,先謝!

私人傳訊

積分: 12319

2024年龍年勳章

996^#

發表於 10-7-21 15:18 |只看該作者

setrea:

請問協恩和德望就學術成績而言，邊間好d呢?因為網上找不到協恩有關的資料,無從比較,先謝!
==> 學校冇登出黎都唔奇, 因為呢兩間既有直屬中學, 咁九成畢業生有得揀都會直升番自己中學, 因此, 無論會考考到幾多分, 拎到幾多 A 都無必要公開了, 好多公開成績既學校唔多唔少都係想籍好成績去吸引更多人報讀, 咁呢兩間又係傳統名校既話, 更唔駛出呢招了

因此, 要揾一d 官方數據一定唔易, 只能從不同渠道既報導樹見端倪, 就以彥媽從唔同在內在外人士講既野分析, 我睇唔到兩間有好大分別 bor. 因為大家都係多 compare 校風 (前者較開放少少, 後者透明度較低), 多於直接以成績比較, 你大概可以估計下既係 : 協恩既學生係派入去既, 德望既就自己揀既, so will that make a difference to you?

私人傳訊

setrea

公爵府

積分: 26851

997^#

發表於 10-7-22 12:27 |只看該作者

多謝你咁快的回覆,咁我又想問下:
我見寶血會上智的成績好似幾好,及得上傳統名校,但好似好少人提呢間學校,講成績或論名校的時候,都很少提及它,到底它是否真係咁好?抑或有d咩嘢令它及不上傳統名校?

私人傳訊

積分: 12319

2024年龍年勳章

998^#

發表於 10-7-22 23:19 |只看該作者

setrea:

首先, "傳統名校" 呢個 term 係 HK 係有佢獨特既 definition 既....你有冇溫書? 我係精華篇講過的....

here: http://forum.baby-kingdom.com/thread-788388-2-1.html

message #39

歷史遺留下來, 我地會叫呢 22 間做 "傳統名校" , 講親呢 4 個字都多數係 refer to 呢堆學校, 都唔係因為佢地成績好先咁叫的, 而係以前佢地有個共同既組織, 當中大家有商有量再同政府角力, 成立日子亦耐, 咁當然, 學生對學校既感情又真係較強, 成績亦不俗, 就令外界都視佢地為首選

後來, 你口中類似上智既呢d , 辦得好, 學生成績亦不差既學校出左黎, 就變成家長眼中既"地區名校", 佢地可能拎 A 既數目唔及傳統名校, 但對好多家長黎講都好夠了, 因此收生亦唔差, 上智當然都係其中之一, 但因為呢類學校特色係 (1) 年資唔夠個 22 間耐, (2) 成績只可以話唔係差, 但唔會成日間唔時有幾個 8A 呀, 9A 呀咁俾你睇 (唔同傳統名校, 年年放榜日新聞界只要派人吼實個幾間, 就一定揾到三幾個 10A 的, 咁亦因此傳統名校都仲企得個招牌咁硬既原因之一啦.

我見寶血會上智的成績好似幾好,及得上傳統名校,
==>事實上, 如我上述所講, 佢係 "地區名校" 囉, 都算係"名校"之一, 咁岩唔岩你心水丫...? 定係係你心中 "傳統名校" 先叫真正 "名校" 呢?

但好似好少人提呢間學校,講成績或論名校的時候,都很少提及它,
==>當然, 佢係深水步, 地區問題, 幾好都唔容易吸引到人特登去揀佢地, 所以多係區內或遠 DD 既先會揀佢, 其他既, 多會去九龍城個d 啦, 名氣問題, 再加上學校唔高調, 咪唔多人留意佢囉.

到底它是否真係咁好?
==>佢程度唔淺, 收既 band 1 生都唔少, 但你話係咪年年有 9A, 8A 佢又未必咁囉, so depends on what you need, 你想搏多A 既, 可能真係要 target 個 22 間之一啦, 但想要返 3, 5 個 A 既, 佢應該都冇問題丫.

抑或有d咩嘢令它及不上傳統名校?
==>一句講哂, 名氣囉, 你問我點解呂方硬係及唔上張學友? 究竟邊個唱歌好聽d....??　我都好難答你, 可能就係因為張學友紅d , 咁是但比隻歌佢唱d 人都先入為主覺得佢好聽架喇...相反, 咁多年黎, 呂方都有出歌, 有唱歌, 亦好聽, 但賣座唔及學友, 就另人覺得佢差d 咁囉, 但事實係咪真係呂方表現差d 呢....論實力, 我又真係唔見呂方差學友好多 wor..不過d 人硬係鍾意聽學友多d 咁囉.

私人傳訊

welovefung

洋房

積分: 89

999^#

發表於 10-8-4 15:15 |只看該作者

Dear 彥媽,

我有個幼師朋友, 她現在所任職的幼兒園大部分都是一些基層的小朋友入讀, 因此，她的感覺是小朋友都冇禮貌, 比較唔聽話!
我想問大坑東幼兒學校的情況又如何呢?

謝謝!

私人傳訊