nikinokb 發表於 12-3-8 08:21 
回覆 rose-mag 的帖子
你仔果班有無小朋友都係戴眼鏡?如果有就可以做例子!應該ok嫁!
Sunset都有好學校，其中一間萬人吹捧好出名嘅係Alice Fong Yu，
係中文沉浸式學校，但我老公唔鍾意間學校，尤其是個校長，
好鬼大枝嘢，態度又差，我仔學校個校長咩時候你想同佢傾都歡迎，
Alice Fong Yu果個就唔係，不過老師係幾好，而且由K讀到第8班，
唔駛6至8級又轉第二間，但你插班唔駛點諗，因為報K都已經二千幾人爭66個位
入到嘅都唔會咁輕易放棄，而且每年都有人等轉入去插班。
另外Sunset大部份學校都係大間，即係一般全校5百幾人，我仔果間得251，\
校長老師個個學生名都記得，呢樣真係好impressive。
我要去睇下資料，應該最緊要係TB肺鏈針，我要睇留個仔張針紙至知，
開學前交最新資料，要有醫生簽名嘅醫療表格，所以你一嚟到就要幫個仔搵醫生，
普遍保險會同醫生簽contract，你可以揀保險公司個plan有contract嘅，
到時只要俾診金每次幾十就得（我地普通每次25，專科50，其他另計），
根據加州法例，保險公司唔可以唔包自閉，唔批係犯法，你可以去加州醫療局投訴，
而且唔可以因為你個仔係A而唔受理，最多係收貴D，因為我地係跟老公公司份保險，
我唔知會唔會有分別，應該就冇。如果係多過50人嘅公司，
仲有一D叫spending accounts，你可以每張糧單扣起錢去支付托兒及醫療費用，
呢個最大好處係筆錢係免稅，即係話僱主先幫你扣起筆錢唔駛報稅，
而家講你應該唔明，到你嚟到我慢慢解釋俾你聽啦，呢D都係因為我做而家份工，
同有小朋友我至知道，好多人就好似我老公咁，以前單身係聽都冇聽過，
我估你問你老公都未必會知。
報學校，你可以有兩種做法：
1）去學校問咗有冇位再去校區報，咁你可以先同校長講仔仔有A仔報告，
要轉介評估，睇下佢有咩反應，如果個校長答你唔到，又或者變臉，
你就可以心裏有數報唔報好。因為入咗之後，你有要求，
校長同老師一定要填表入信轉介，當然聽過有老師校長係拖拖拖，
有埋IEP都唔跟住去幫個小朋友，所以真係要睇邊間學校同老師。
2）去咗校區問邊間有位，唔理三七廿一，收咗去學校註冊時至同校長講，
佢點都要做嘢架啦。我會建議你去校區辦事處問咗攞咗表填先，如果想去睇下間學校，
就打電話約個時間見校長，因為有時校長會有會開，唔喺學校，
咁同校長傾過睇過學校之後，如果啱又有位就即刻交番表去校區，
因為年中都有學生會申請轉校，而且中途插班要睇果年收生滿唔滿。
SF有學校係俾新移民讀架，不過我唔知質數如何，我所知有一間喺downtown近Chinatown，
有一間喺Sunset（而家重新裝修緊，今年唔知有冇學生），應該仲有，
不過我唔知喺邊。總之轉介評估一定係有學校收咗仔仔之後做嘅，
好可能要等到開學老師見過至做都唔定，不過趕得到就註冊時，
連埋你仔香港醫生嘅報告影印本交俾學校，佢地會開F，一切資料會一直跟住仔仔，
去到middle school high school都會有紀錄，每年都會重新做評估。
花旗太太生活在花旗國，留意時差，你問我未必即時答到。
發表於 
返回列表
