吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 濕濕碎碎，同Bruce生活的癲佬情趣

夫婦情感今日: 1|主題: 42773

收藏本版

發帖

返回列表

跳至頁

樓主: oguh

48 495051 52...59

積分: 12833

981^#

發表於 12-8-16 00:00 |只看該作者

揮手鳥

私人傳訊

Karenabb713

大宅

積分: 4110

982^#

發表於 12-8-16 00:01 |只看該作者

引用：Quote:原帖由+DanDiMa+於+12-08-15+發表頭

原帖由 misseleve 於 12-08-15 發表
如果依邊出書合理化好多囉。個邊咁都出到書既話我即刻閉關三日寫下d 19戀事

...

私人傳訊

Carmen8866

禁止訪問

積分: 2771

畀面勳章

983^#

發表於 12-8-16 00:02 |只看該作者

回覆：濕濕碎碎，同Bruce生活的癲佬情趣

提示: 作者被禁止或刪除內容自動屏蔽

私人傳訊

kian

大宅

積分: 1665

984^#

發表於 12-8-16 00:03 |只看該作者

濕濕碎碎，同Bruce生活的癲佬情趣

私人傳訊

layma601

複式洋房

積分: 176

985^#

發表於 12-8-16 00:03 |只看該作者

回覆：濕濕碎碎，同Bruce生活的癲佬情趣

快！快！快！

私人傳訊

yatlam

別墅

積分: 739

986^#

發表於 12-8-16 00:04 |只看該作者

回覆：濕濕碎碎，同Bruce生活的癲佬情趣

揮手！

私人傳訊

tchu

子爵府

積分: 10881

環保接龍勳章

987^#

發表於 12-8-16 00:04 |只看該作者

Can't wait to see your new post!

私人傳訊

pcbu

子爵府

積分: 13022

988^#

發表於 12-8-16 00:05 |只看該作者

引用：Quote:原帖由+pcbu+於+12-08-15+發表x+2...

原帖由 Luv-em 於 12-08-16 發表
希望唔係0 2的野。我好細膽不過又想8。矛盾-ing~~

我仲諗係米d晚上活動，哈哈哈哈哈哈

私人傳訊

Cat205

大宅

積分: 1219

989^#

發表於 12-8-16 00:06 |只看該作者

回覆：oguh 的帖子

好奇待呀!

私人傳訊

layma601

複式洋房

積分: 176

990^#

發表於 12-8-16 00:07 |只看該作者

回覆：濕濕碎碎，同Bruce生活的癲佬情趣

本來好眼瞓準備瞓覺，而家好緊張瞓唔著tim

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

991^#

發表於 12-8-16 00:08 |只看該作者

麻煩樓主一樣野, 如果你出新POST又有新UPDATE 可以MARK 埋幾多樓麻, 丙媽有老花

點評

mini122 一按只睇該作者，咪好快搵倒囉發表於 12-8-16 00:21

私人傳訊

venus228

侯爵府

積分: 20805

好媽媽勳章

992^#

發表於 12-8-16 00:08 |只看該作者

回覆：濕濕碎碎，同Bruce生活的癲佬情趣

我今晚一次過睇晒所有帖子，
你地好攪笑，好溫馨。
真係好正！
揮手先！

湊3個真係好辛苦！希望個個快高長大、身體健康![color=DarkOrchid]

私人傳訊

oguh

子爵府

積分: 11575

993^#

發表於 12-8-16 00:09 |只看該作者

本帖最後由 oguh 於 12-8-16 00:09 編輯

鬼佬見鬼

Bruce佢聲稱自己係一個可以「見鬼」既鬼佬。當年係英國生活，同佢去過蘇格蘭短途旅行，我地住一間好舊既酒店。入住第一晚，我完全感覺唔到怪異，瞓醒第二日，我見Bruce好似通左宵咁，無厘精神，不停打呵欠。我問佢咩事。
佢：「今日我地要轉酒店，準備執野。」
我：「點解呀？咩事？」
佢：「尋晚我瞓唔到。」我以為大爺佢唔鍾意酒店床褥。佢若無其事繼續講：「尋晚成晚我地被人望住，點瞓得著。」
我：「下？」
佢：「係呀，我地間房有鬼呀。」繼續淡淡然。
我：「下！！！」
佢：「尋晚你瞓著之後，我都準備瞓，但我覺得有D野望住我地，周身唔自在，然後係黑暗中，我見到房間角落裡面，有個人影，隱約覺得係一個老人，佢一直企係角落，望住我地。」
嘩，明明日光日白，我都即刻起雞皮，真係好驚，即刻捉住Bruce，唔比佢離開我半步，連去廁所都要佢陪我去，以防我去廁所都被「人」望住。由於佢唔係第一次遇見呢D野，佢表現得好平靜，呢個騰雞人，呢方面真係比佢威下。

我聽過佢講一D更驚嚇既「見鬼」事件，以前佢成日要周圍飛，去第二D國家工幹，成日都係異地發生。有次佢去印度新德里，佢同其他同事日間去一個地盤視察，晚間回到酒店後，其中一個英國白人同事突然係房間內跌低，然後不停抽搐，之後趴係地上突然開口講一大輪印度話，Bruce直覺知係鬼上身，都好驚慌，但佢同我講：「覺得好過癮，忍唔住不停聽佢講野，好似連自己都著魔咁。」然後有一個印度人同事，唔知唸一D咩經，唸左一陣，咁果位白人同事就停左落黎，係地上面突然醒左咁，好慌張咁望住佢地，問點解咁多人望住佢瞓，點解佢瞓係地面。印度人同事話佢地當日去過地盤，可能當時「惹」到野上身，佢話鬼上身同事係講一D古代印度話.......依家已經無人咁講野。Bruce覺得非常恐佈，同時又非常有趣。

聽完佢呢D見鬼事件，我次次都覺得好不安，Bruce越見我驚，就越要講，等佢自己威下咁。

剛來港定居時，我地暫時租住既單位完左租約後，但依家既屋企仲裝修緊，差半年時間，咁我地搬左去一間我親戚留落黎既大屋暫住。果位親戚已經移居美國，大屋位置非當僻靜，空置左一段時間，有四邊花園，三層高，第三層係從前工人住既閣樓。剛搬入去第一晚，我好唔慣，因為屋太大，我地得兩個人，當時連狗都未養，晚上靜到我係大廳覺得有D耳嗚，要開落地玻璃門，比遠方少少車聲入屋先唔耳鳴。

有晚，我自己係樓下執緊野，Bruce沖完涼落來，問：「頭先你上過房？」
我：「無呀，一直係度執野。」
佢無出聲，坐低睇電視。我諗一諗，覺得唔對路，問：「點解咁問呢？」
佢：「無呀。」
我：「講啦，你個樣好古怪。」
佢：「我沖緊涼，聽到房出面有電視聲，仲開到非常大聲，以為你上左來，我咪大叫你電視細聲少少，好嘈。」
我覺得自己腳有D軟，話：「我一直係樓下，靜到幾乎耳鳴，我聽唔到有電視聲喎。」
大家都靜左一陣，然後Bruce咩都唔講，過來攬住我話：「夜喇，瞓覺啦，瞓醒天光無事。」

果次之後，我真係唔敢自己一個係屋企。有時朝早Bruce出門，日光日白我都會好驚，急急腳跟住出門，夜晚一定要等埋佢我先返去。有一晚（又係夜晚），今次我係花園出面，唔記得做緊乜，突然聽到有人叫我個中文全名。

我個心跳左一下，無咩人會叫我全名，同埋因為我分唔到係男定係女聲，唔知邊個方向傳來，只係聽到有人叫我個名。我冷靜咁同自己講，可能我太攰，自己有錯覺者，然後繼續係花園行來行去唔知做乜。

過左一陣，把怪聲又叫我個名，比上次更清清楚楚咁叫：「XXX，你係唔係到？」我嚇到有D想暈，又唔知Bruce去左邊，咁我就即刻衝入屋，直跑上二樓睡房，然後一野就跳入被窩裡面，用被包住自己，全身發抖。過左一陣，Bruce周圍搵我，佢見我縮埋一舊，問我咩事，我即刻攬住佢，話返比佢知頭先有把怪聲叫我。

Bruce大笑，佢話：「你表弟剛才係出面叫你呀！花園大閘個對講機壞左，佢來到無人應門，就圍住花園出面叫你。」

我：「@#$**$%&@$*(($($#!!!!!」然後衝落去，之前問表弟借一D野，佢竟然夜媽媽拿過來，之前又唔打個電話來，嚇死我！我同我表弟講：「你嚇死我！我以為有鬼！你把聲做咩咁怪！」原來佢叫我時高8度又大聲得濟，走音。

虛驚一場之後，我都仲係覺得果間大屋令人唔舒服，不停催迫新家那邊既裝修，我想盡快搬走。Bruce反而無咩所謂，佢好鍾意間大屋添，想買左佢，但我唔肯，我唔想兩個人住咁大間屋，起碼要請多十個工人同養十隻狗先無咁驚。

有一日，我同Bruce黃昏時好浪漫咁，望住日落，係花園飲下酒食下野。我同佢傾緊計時，佢望住我後面，然後佢突然唔出聲，神情古怪，好似見到D驚嚇野。我即刻好驚，我又唔敢出聲，然後佢同我講：「你坐係度，唔好行開。」佢想起身，我好緊張咁問：「你去邊呀？唔好留低我一個！」佢好冷靜咁講：「無事，你坐係度啦。」然後自己入左屋。

我呆呆咁坐係度，唔知點解，我覺得又有古怪野，但心諗，會唔會又好似上次咁，只係虛驚一場？自己嚇自己？唔得，我要自己大膽D，唔可以下下都咁驚青，於是起身去睇下咩事。Bruce上左去，我跟埋上去。二樓唔見人，咁即係上左三樓閣樓啦。我望住條樓梯已經有D驚，因為好暗又無開燈。行到上去閣樓，我見到Bruce企左係舊工人房門口，好似檢查緊一D野。

我：「咩事呀？」
佢：「嘩，你咁大膽跟住上來？」
我扮無野，話：「有幾大膽者，咁我都係住係度架ma！」
佢：「頭先同你傾傾下計，我無意望上來，見到呢間房著左燈。」

下，我又即刻覺得暈，好後悔跟佢上左來。

佢都有少少面青，口震震話：「我上來前，敲左幾下門。一打開門，原本都係著左燈，就突然熄左，我想開返燈，都開唔到，我聽到有怪聲，又唔知邊度傳出來。」

救命。我認我細膽。我輸。

當晚我地即刻執左一D衫同個人物件，搬左去酒店住。當時我地有好多傢俱放左係大屋，但我同Bruce住酒店期間，一直都無返過去。我地搬走晒所有野之後，大屋至今仍然空置，有時Bruce同我講，如果我地揸車路過，見到裡面著晒燈開緊party咁，入唔入去一齊玩，只係聽佢講，我都覺得心寒。