好煩好慘呀!
擒日下午我同女傭講我老豆唔見咗樽olay cream, 如果佢攞咗就攞番出嚟,因為老豆可能會報驚(我想嚇佢), 我唔想佢坐監。佢一口話冇攞過, 我叫佢諗清楚, 夜晚再答搭我。食晚飯同佢提起, 佢依然否認, 仲好多道理話佢知偷嘢要坐監架。 我話如果佢冇攞就好啦, 咁如果老豆要報警我都唔駛制止佢。
到瞓教時間沚淘要我陪吓佢瞓, 個衰妹似足我咁失眠, 陪佢一個鍾佢到瞓唔到。我同佢講媽媽要出去唔陪佢啦, 佢話ok。出咗佢個房我去
toilet, 跟住聽到沚淘喊喊扭話要mami, 我出咗toilet係佢房門口(係關咗門嘅)聽到好大聲一啪打耳光嘅聲, 我衝入房問女傭做乜打人, 佢好咁惡咁理直氣壯我話邊有打人, 只係沚淘落地撻一聲。沚淘喺樹喊話好痛, 我問佢姐姐有冇打佢,佢話有, 我問佢邊道, 佢指住塊面話哩度。女傭仲唔認。我抱咗沚淘出佢房見到塊面紅晒, 有手指痕,好似人地啲藤條痕咁, 可想而知係幾大力。我同沚淘影相留證, 跟住叫埋大女出嚟影movie, 全程拍低我質問佢。偷嘢佢始終唔認,打沚淘佢都一路唔認,直到我話佢喺咪唔想番印尼, 想結唔到婚, 因我如我報警佢監都分分鍾有得坐, 佢先死死氣躬弓say sorry。
我叫佢醒醒定定做埋哩半年, 有咩e郁我會拎啲相同movie去報警。
好嘞, 佢入番房我諗吓都係check check佢啲passport先。比我發覺咗passport連埋佢份
contract都唔見咗。我叫佢起身, 問佢喺咪攞咗, 佢認, 佢話因我話佢偷嘢, 而且個個女傭都係自己keep passport嘅。我話佢要攞番冇問題, 但係之前係佢主動擺喺我樹, 佢要事先問我先, 唔係我都唔知點解會唔見咗。我問佢係咪諗住走, 我嚇佢就算佢走咗我報警佢番咗印尼都會拉番佢番嚟hk嘅, 因為我有晒啲相同movie喺樹證明佢打沚淘。
唉, 而家要"予"敵同屋, 驚佢會做啲咩衰嘢, 唯有氹佢叫佢好好做埋哩6個月, 唔好再偷嘢打沚淘, 話我都想佢順利過渡完約番印尼過佢嘅婚姻生活動(其實我一路都係咁希望佢番印尼有好嘅生活), 佢做得好走嗰陣我會比多一個月佢(哩樣我都係一早諗住咁做,因為我都係好感謝佢對沚淘好好, 除咗執拾洗熨唔ok, 其他都有80分)。佢叫做承諾我會好好做落去, 但係我都唔知往後哩6個月我點樣會放心得落。但係又冇可能搵人即時補上, 加上沚淘剛剛轉咗校, 如又轉埋女傭都唔知會唔會好影響佢情緒同心理。
我係一個都幾八卦嘅人, believe in 因果, 風水命理。有果必有因 。
mouth:
發表於 
？！
返回列表
