夫婦情感 今日: 0 | 主題: 42797

積分: 11510

1001^#

發表於 05-4-5 21:34 |只看該作者

Re: 天秤座老公...

andrea,

咁你會唔會扔低隻佬自己一個人出去玩架?你隻佬會唔會詐型???我隻佬就係咁,又唔帶人去玩,但又唔願俾我自己一個人出街玩,總之同佢一齊放假,我去邊都要預埋佢啦,佢唔願去既話,我就好似今日咁,同佢一齊响屋企度無聊...

私人傳訊

andreaaaa782004

禁止訪問

積分: 30347

1002^#

發表於 05-4-5 21:45 |只看該作者

Re: 天秤座老公...

提示: 作者被禁止或刪除內容自動屏蔽

私人傳訊

積分: 11510

1003^#

發表於 05-4-6 00:31 |只看該作者

Re: 天秤座老公...

我暫時都未試過,以前多數都係佢無咁早收工,我又約咗朋友食晚飯,就會扔低佢一個人,我自己一個出去玩,不過都唔敢玩咁夜,十二點前一定要番屋企...不過佢都有啲痴身,就算好早(只係夜晚八點幾...),佢就已經不斷打電話嚟搵我,好心情咪嗲吓我叫我快啲番屋企陪佢,遇着佢攰或者無mood,佢就會好cool咁問我幾時番屋企,叫我快啲番嚟,後者真係令人好討厭,佢一咁既款,我實專登玩夜少少至番,我好易就會同佢鬥氣!

好似頭先咁,今日至同我講話自己攰,咁我地咪唔出街玩囉...點知夜晚食完晚飯,佢就自己一條友上band房,成粒幾兩粒鐘至番到屋企(band房離我屋企好近,只係隔離街)...佢一坐埋嚟床邊(我瞓响張床度睇大長今),我即刻yang佢落床,仲要寸佢...要等佢氹番我,我先至放過佢~~~!!!

私人傳訊

積分: 4323

1004^#

發表於 05-4-6 20:17 |只看該作者

Re: 天秤座老公...

Bandband, 愛和老公耍花槍

私人傳訊

積分: 4323

1005^#

發表於 05-4-9 17:54 |只看該作者

Re: 天秤座老公...

bandband, 近來好嗎?

婦科藥要食足2 weeks, 反胃 + 流眼水...

今早, 我和公去食早茶, 嘩...2個人只是38..~.~ 因為..因為今天吃得不多, 平時都是70~80塊的. 之後, 就去醫生處拿藥.

到了醫生那兒, 我跟姑娘說不見醫生了.她實在是太兇了, 不想給她罵..後來醫生探頭出來, 我就跟醫生問好, 又給她看看現在我用那一款衛生巾(這個很重要的, 上次就用不對他口胃, 就給罵了成幾分鐘) now, 他說ok, 今次無罵我, 我老公就怕佢怕到唔敢入診所, 公很奸. :evil:

之後, 我和公由石蔭行落葵芳, 散步 + 做運動

我很喜歡走路的, 之後我和公去打左一陣機, 就回家了.

-.- 公在我睡著的時候, 和朋友上街, 唉啊, 給我發現了, 又叫我遲d打黎...

怕我煩他吧.

對, 你食x毒美顏寶, 食成點?

私人傳訊

積分: 11510

1006^#

發表於 05-4-9 22:00 |只看該作者

Re: 天秤座老公...

christy,

點解你要睇婦科醫生既??你去邊間睇呀?個醫生可以惡成咁都有既???

我食哂兩樽排毒美顏寶喇,都無瘦到,仍然都係130磅... :-( :-( :-( ...不過塊面就差唔多好番哂,至少困擾咗我半年既暗瘡位(同一個位响半年內不斷出大暗瘡!!!成個位又黑個暗瘡lar又大...)終於消失得八八九九喇!!!原本我都諗住再買嚟食,但係一嚟無錢,二嚟我隻佬話成日食呢啲嘢唔好,叫我唞吓...所以我暫時都唔再食住, :-( 不過依家就要節食減肥...真慘~~~!!!

頭先我好嬲又好唔開心呀!!!今日收到東亞銀行信,我新開個戶口開咗兩個星期之嘛,佢就罰我30蚊,話我响過去一個月裡面存款唔夠額,我一睇嬲都屎都滾埋!!!

我嗰個戶口都係for公司出糧,開戶嗰陣嗰位櫃枱亞姐仲話會無事(咁即係唔會無啦啦罰我呢項收費啦),開咗十五日戶口竟然整封咁既信嚟,如果佢地所謂既一個月係以每月一號為準,好心佢地早响啦,咁我唔駛咁早走去開戶口,我就等到十號公司臨出糧前一日先至開戶口啦!!!

真係想打實佢!搞到我頭先都笑唔出亦食唔落晚飯,原本我隻佬仲興致勃勃咁話想帶我食番餐好既,我都肉痛到話唔食,原本諗住番屋企煮公仔面食就算,但係想陪老公食飯,所以都係去咗食魚蛋粉(十六蚊碗)算數!!!

真係好唔順!

你地知唔知銀行呢啲問題架???究竟係個櫃枱亞姐講得啱定係封pk信講得啱???

私人傳訊

積分: 4323

1007^#

發表於 05-4-9 23:11 |只看該作者

Re: 天秤座老公...

banband,

@"@ teller 可以幫客人waive罰款, 你跟teller講la, 你話唔清楚個rule, 可唔可以今次幫你waive ar? 你問問看.

因為病了, 所以看婦科, 小病. ^^"

排毒美顏寶含有大良, 會該你成肚瀉, 所以, 你不要吃太多.

私人傳訊

積分: 11510

1008^#

發表於 05-4-9 23:55 |只看該作者

Re: 天秤座老公...

我食咗兩樽都無出現肚瀉噃...都係照常一日痾一兩次,只係順暢而已.可能你受唔到隻藥先至痾得咁勁.我隔離屋食咗一樽仲一啲反應都無...^^lll

我星期一會打去間銀行投訴,講真佢地太多錯處俾我話,我明明講清楚個戶口只係用嚟出糧用,佢個職員又明明同我講話唔會扣我錢,我剩係開咗個戶口十四日,佢就罰我錢,但又唔講明點為之一個月,佢係無理由就咁吞咗我卅蚊...佢地試吓唔俾番卅蚊我?!我實日日煩住佢!!!同埋,我可唔可以取消自己個戶口,用我老公出糧個戶口出糧架???如果我間公司無問題,咁銀行可唔可以咁過數???如果可以既話,咁我可以每個月叫我隻佬'禁'番份糧俾我,我再存入我恒生嗰邊戶口嘛,因為我係舊客戶關係,恒生個戶口就算得番幾十蚊,佢都唔會扣我錢...再者,我有好多auto-paid都係响恒生度交...如果可以咁做,我會方便好多...

私人傳訊

積分: 4323

1009^#

發表於 05-4-10 01:48 |只看該作者

Re: 天秤座老公...

-.-" 我只吃了一瓶排毒美顏寶, 就肚瀉到肚扁. 1日可以肚瀉3~4次, 我吃排毒美顏寶, 是因為想去便便, 想不到,....=.= 反而吃了, 更不正常, 越食塊面越青, 收買人命咁.

如果你覺得吃了排毒美顏寶無效果, 就唔好再食la, 有時候, 我寧願無效果, 都好過有副作用. -.-" 實在很恐怖.

bandband, @"@ 你說你沒有錢, 錢都拿來供樓嗎? 辛苦你了 ^^

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

1010^#

發表於 05-4-10 18:34 |只看該作者

Re: 天秤座老公...

christy，你咁fit仲要減肥？？唔好要求咁高啦！

私人傳訊

積分: 4323

1011^#

發表於 05-4-10 20:35 |只看該作者

Re: 天秤座老公...

no ar, 不是有心減肥..是我和公散步當運動. ^^"

私人傳訊

積分: 11510

1012^#

發表於 05-4-10 22:34 |只看該作者

Re: 天秤座老公...

christy,

我剩係供樓都無咗一半糧,依家仲要加咗兩次息添...未計食剩係俾屋企既開支已經唔夠我地俾,所以我有得慳都盡量慳...

不過,有時忍咗咁耐唔買嘢氹吓自己又真係唔買吓都唔得,好彩我最鐘意種花,一盆花都唔係好貴,又唔會成日買(屋企種花位有限)...所以都仲捱得住既,不過最唔好就係真係儲唔到錢囉...

私人傳訊

積分: 11510

1013^#

發表於 05-4-10 22:46 |只看該作者

Re: 天秤座老公...

我今日又一家三口家庭日喇~!又是足足陪咗我個百厭仔成日~~~!!!

我個仔又是周街媾女喇~~~!!!一見到靚妹妹就走上去同人撘訕,呢排我同隻佬都見唔少...食咗咁多次檸檬,今日佢終於都成功冧掂女仔~~~!!!個女仔仲問我個仔叫咩名,我個仔即刻報名!

不過有啲擔心佢大個咗會唔會變咗咸濕仔!!!佢又識揀喎!次次撩親都係靚女,肥妹男仔永遠唔吼...

私人傳訊

積分: 4323

1014^#

發表於 05-4-11 09:27 |只看該作者

Re: 天秤座老公...

小孩子比較單純, 該是想認識朋友吧. 供樓真辛苦呀, 你, andrea 都要供樓. 問你, 俾你再揀一次, 你會抽公屋, 跟99住, 租樓, 還是買樓?

這個問題好困擾我...

a. 租樓比買樓輕鬆, 可不是自己樓, 有點樣替人供樓咁.

b. 買樓又未有錢. ~.~ 供樓又好恐怖, 人生就是為了一層樓努力奮鬥?!

c. 抽公屋又要等很久的...好像只有3次機會, 抽到東涌 / 天水圍, 我就要哭了....(交通費好貴)

d. 跟99住, 唉啊, 我不想, 因為我覺得自己不討人喜愛, 怕99勞氣, 加上我大小姐性格, 我怕佢頂我唔順.

e. 維持現狀.. ~.~

頭痛中...

私人傳訊

積分: 11510

1015^#

發表於 05-4-11 20:44 |只看該作者

Re: 天秤座老公...

christy,

你依家係租樓住架?其實我覺得供樓仲好過,始終都係俾咁多錢出嚟,供夠間屋就係自己,我供得辛苦都係因為我層樓係响九七最高峰時買,同埋搵咗間唔係咁好既銀行,啲大銀行都未加,佢已經加咗我地兩次息(今年)...所以我咪用錢都要慳住嚟駛囉!
我都有諗過搬番外家住,但係一嚟我隻佬唔肯,二嚟我同我屋企人係相見好同住難,實嘈交都似,所以先至唔諗住,但若然到咗窮途末路,我諗我都會搬番去住,似終仲有間房係自己既...

私人傳訊

積分: 11510

1016^#

發表於 05-4-11 20:54 |只看該作者

Re: 天秤座老公...

依家我又可以攞到啲美髮用品喇!有需要買天然美髮用品中心既產品既話,可以pm話俾我知,照樣都係有九折,三件貨以上八五折...

私人傳訊

積分: 4323

1017^#

發表於 05-4-12 00:05 |只看該作者

Re: 天秤座老公...

佢地有什麼product? 我好少買這些用品. @"@~~

私人傳訊

積分: 4323

1018^#

發表於 05-4-12 00:09 |只看該作者

Re: 天秤座老公...

bandband,

其實, 我不是租樓. @"@~ 是跟公住, 那單位是公的父母親買下的. 就這樣子. 不用交租.

對了, bandband, 我其實..想告訴你一件事, 看pm. 看後不要生氣呀.

97年買下, 咪好金.. ><~~~ 我老闆都是因為這個原故, 做左負資產.

@"@ 搬回娘家住?! 你老公未必肯ga wor.. 男人都要面子.

私人傳訊

積分: 11510

1019^#

發表於 05-4-12 01:13 |只看該作者

Re: 天秤座老公...

CHRISTY,

傻妹!

CHECK PM~@!

我都理解呢一點,嗰排我咁諗有一半主因都係嬲緊我老公...見住銀行啲錢係咁無,我同佢又無工做,有出無入,但佢又好似唔急咁,剩係得我急搵工,所以咪有咁既打算囉!不過現實嗰句,依家唔諗定最壞打算,萬一大吉利是我地一個仙都無,我地啲大人唔食啫,亞仔都要食嘛!始終我外家養得起我全家有餘,我間房個SIZE等於我依家間屋個廳,我諗都瞓到我一家三口既...係頂唔順我老豆啲更年期同我大佬啲牛脾氣啫...鬼咩...俾我隻佬竉壞咗咁耐,做唔番千金小姐LU~~~!!!

早幾年我屋企大裝修,一家三口搬去外家住,我大佬同我一比,佢即刻變成潔癖,我無啦啦變成污糟貓咁,少少嘢我大佬就好大反應鬧我鬧到面都赤埋,心諗,我仲係女時,潔癖嗰位係我,污糟貓先至係我大佬...

所以望都望我自己養得掂自己,我寧願窮都唔想受氣或者再俾人管住哂~!!!家吓我响屋企最惡家嘛!!!

成日點老公做家務---

包括清理狗屎...

私人傳訊