nikinokb 發表於 12-3-11 06:07 
回覆 rose-mag 的帖子
Maggie,真係唔該哂你幫我問仲有無位呀,,
如果有另一種語言，而你想讀雙語班，你會果種語言收嘅機會就大D，
因為排果條隊唔同。有學校會因應學生程度安排一對一補習，
例如上堂時有一個導師或義工家長坐小朋友隔離幫手，我最近都去過仔仔班上，
有個小朋友唔識晒26個字母，所以其他小朋友默書，佢係捧零蛋架，
所以我就坐佢身邊幫手重覆同提示，等小朋友唔好冇信心覺得自己唔識，
只係因為佢學習上進度唔同，所以老師要用另一種教法。
我見過有兩級某D課一齊上，即係跟唔上嘅同低一級一齊上堂，
大家就可以就番程度，到跟得上就可以去番自己班上。
點解有人會轉校，因為開學前wait唔到自己想去果間，咁都要讀書嘛，
到接到通知有位就當然轉啦，又有D因為派唔到自己鍾意果間，
就搬去第二個City，咁當然會轉校，又有D讀落唔鍾意，例如有D冇課後班，
冇課前班，家長冇辦法可以遲返工或早放工，所以有另一間學校有位，
可以照顧到呢D就會轉校，仔仔班有個小朋友就係咁，下一學期會轉校，
而且佢媽咪不滿家長會班女人處事態度，其實呢個媽咪好積極，
又肯做嘢，而家佢走好可惜，佢個女同我個女玩過兩次已經好老友，
原本可以一班，而家冇得同班，我老公同佢老公又好鬼好傾，
希望可以第時出嚟玩啦。有好多人都唔知間學校係點就報，
到真係派到至知係咩事，又有好多人係派去一間冇揀到嘅學校，
所以第一個月係好多變動架。
SF有跌打，我媽同細佬都睇開一個，不過佢係半退休，
要約時間至睇。咁Sunset同唐人埠都有唔少跌打中醫，不過我唔知收幾錢。
我有老公做我私家跌打，試過扭親兩次都係用佢浸嘅跌打酒，
佢摔到我叫救命咁痛。
食物同液體應該係唔俾架，酒都有規定幾多。你真係想帶就要包得好好放喺行李度，
不過如果俾海關抽查到就要充公啦，其實江瑤柱臘腸呢邊都有得賣，
好多中藥海味賣，只係價錢或者都唔平咁囉。hand cream果D可以嘅，
不過最好又係包好放行李箱，只係唔知會唔會爆盒漏晒出嚟。
花旗太太生活在花旗國，留意時差，你問我未必即時答到。
發表於 
返回列表
