少年成長 今日: 0 | 主題: 16099

積分: 33215

1002^#

發表於 13-6-6 22:24 |只看該作者

kiubaby 發表於 13-6-5 17:04
Sandra,有啲關於罰則既問題想請教你，有時我個女發脾氣打人，咁我會罰佢番bb床企，佢就多數會大喊，係咪一 ...

kiubaby :
你試吓上網 search 以前明珠台 supper nanny, 睇吓有冇罸 naughty corner/chair 嘅片俾人放上網, 照住做.
其實「床」是瞓覺用的, 並不是一個罸的好地方, 不好把不開心(被罸)帶到床上去, 所以最好可以簡單些, 找一個 corner 放張小椅子便成.
罸是一個壞行為的「後果」, 做了壞行為便給他一個「不好的感覺」, 罸完就係罸完, 不好再話、鬧或哦, 罸同喊又係兩回事, 要罸時冇得異議, 唔會因佢喊或者唔喊去減少或增加, 亦不用等他喊完才開始罸, 罸完就 hug 番, 提他一句下次不好再這樣, 但亦無須一定要他講sorry！

私人傳訊

積分: 33215

1003^#

發表於 13-6-6 22:46 |只看該作者

p_olivia 發表於 13-6-5 22:03
Sandra, 我老公啲脾氣好臭，又硬頸，唔係好聽人講，例如佢好肚餓時，如果我食左嘢唔陪佢食，佢會寧願唔食 ...

p_olivia :

呢單就真係 kick 手..............

同bb close 嘅人, bb一定會學咗佢地嘅講嘢 (大個就處事)方式, 要佢唔學, 只能先矯正爸爸的壞行為！
你睇咗點用讚未？其實成年人一樣啱用架, 你學吓點讚先..........................

私人傳訊

積分: 33215

1004^#

發表於 13-6-6 22:56 |只看該作者

Ocean419 發表於 13-6-5 22:41
冇時間的話就好快咁講一句：咁講唔啱，人地聽到唔開心會唔鍾意同你玩；有時間的話會正經捉佢坐底解釋呢d人 ...

Ocean419,
佢係 attention seeking, 同你玩, 唔好中招！
佢知乜嘢係恰當, 乜嘢係唔恰當, 你已無須多加解釋, 佢就係知你會哦佢, 先諗多d 反話出嚟同你講................... 引你反應！
你只須响佢正常答、講嘢嗰陣簡單讚佢, 佢講反話個陣 ignore 佢就得！
知唔照先算 ignore ?

私人傳訊

積分: 33215

1005^#

發表於 13-6-6 22:59 |只看該作者

Ocean419 發表於 13-6-5 22:42
我想知呢種表現對3歲小孩是否十分普遍？遲d大d就會消失正常返？

Ocean419 :
視乎你反應啦, 你每次都俾好好嘅反應, 好大條道理, 佢就可以持久好多................

私人傳訊

p_olivia

積分: 3813

1006^#

發表於 13-6-7 08:31 |只看該作者

回覆 SandraLo 的帖子

多謝提醒! 老實講, 我老公真係一個好鍾意人地讚佢0既人, 佢有時特登話比我知佢做左某啲嘢, 企圖叫我讚佢, 而我就覺得佢咁大個人, 只係做啲佢應該做0既嘢, 係唔需要讚... 我會嚐試讚呢個方法, 希望大人都work!

私人傳訊

nichjoe

複式洋房

積分: 361

畀面勳章

1007^#

發表於 13-6-7 11:05 |只看該作者

thanks sharing . useful

私人傳訊

積分: 2459

1008^#

發表於 13-6-7 11:37 |只看該作者

SandraLo 發表於 13-6-6 15:57
mamath :

當他尖叫時你便給他 attention, 他的尖叫便得逞了, 他要的是你的attention 嘛！！！無論你做些 ...

謝謝! 尖叫時不理他便可以, 收到.

他通常只會lur一次地, 然後我會立即強行抱起他, 說他再犯便要回家. 由於沒有再犯, 所以沒有回家了. 但他似乎聽得明, 不敢造次.

私人傳訊

積分: 33215

1009^#

發表於 13-6-7 15:30 |只看該作者

p_olivia 發表於 13-6-7 08:31
回覆 SandraLo 的帖子

多謝提醒! 老實講, 我老公真係一個好鍾意人地讚佢0既人, 佢有時特登話比我知佢做左 ...

p_olivia,
其實任何人都鍾意俾人讚的, 只差你讚嘅位「中唔中」！
如果C6受讚就更加容易改好佢d 壞脾氣, 試下响預計佢想/要發前讚佢, 會有意想不到嘅收鑊, 阿仔唔會學咗壞脾氣之外, 你都會開心 d !!!

私人傳訊

積分: 33215

1010^#

發表於 13-6-7 22:26 |只看該作者

mamath 發表於 13-6-7 11:37
謝謝! 尖叫時不理他便可以, 收到.

他通常只會lur一次地, 然後我會立即強行抱起他, 說他再犯便要回家. 由於 ...

mamath :
只因你抱起他所以他沒有可能再犯？若他持續這樣做, 就即是你的勸喻無效了, 亦要小心他漸「大隻」, 你抱他不起...............

私人傳訊

bbh_mama

洋房

積分: 61

1011^#

發表於 13-6-13 10:11 |只看該作者

Hi sandra,

你真係好好, 解答我地mama既困難, 我都有些問題想向你請教-

我囡囡2歲8個月, 脾氣好差, 又硬頸, 成日講我唔鍾意依樣果樣, 仲要係拗腰果種, 除左ignore依個方法, 仲有冇其他呢?我試過由佢lur, 佢5mins後收聲, 但一行埋去想同佢講道理, 佢又大叫再lur 過, 有時我叫佢唔好做一d危險既行為, 佢會話我要呀..我要唔乖呀....好似刻意同你豆氣, 佢似係受軟唔受硬咁, 我試過佢一唔乖就唔鬧同佢講個後果, 佢又好似好dd....會講知道會乖架喇....我有時都唔知應該唔教..

佢係一個會睇人面色既小朋友, 我地ignore佢時佢會偷望, 你一同佢講野, 佢又會大叫....想問係咪我地ignore時間唔夠長?

另外, 佢已經返緊n 班,(半年左右) 冇喊, 但一去到新環境要佢一個上堂, 就死都唔肯入課室, 話要行街街.....試過陪佢一陣又ok ga wor, 但就次次都要拉扯, 又大喊....我問過佢原因, 佢話驚....怕羞....佢已經成日出街, 而佢又超喜歡同小朋友玩....想問有什麼方法?

最後, 我個囡好鍾意係人地小朋友玩緊既時候chi埋去, 明明冇人玩果d佢都係要i迫埋去, 叫佢鬧佢都試過, 佢都唔聽, 我地要拉住佢仲要講小朋友叫你等候先好d, 如果小朋友開口叫佢, 佢會乖乖地等, 有咩方法教佢呢?

自問都唔係縱小朋友既父母, 希望你俾d意見我地, 感激非常!

私人傳訊

PangCarol

洋房

積分: 55

1012^#

發表於 13-6-13 11:27 |只看該作者

回覆：小朋友大脾氣,可以點教 Part III

你好我仔仔3歲，越來越野蠻，唔順佢ge野就發脾氣，訓地，狂喊，好似昨日咁去踩單車，咁夠鐘自然要還番部單車比人，佢係咁喊話唔還比姨姨，我同佢講部單車係媽咪租比你踩唔係你ge，踩完就要還比人架啦，佢都不停係咁喊，越喊越大聲，又唔肯走，我同佢講你扭計就要返屋企架，咁老公就抱咗佢返屋企，哎我都唔知點教好佢，可能以前就貫咗佢啦攪到宜家咁，我該點做才可以教番好佢呢

私人傳訊

積分: 33215

1013^#

發表於 13-6-13 22:57 |只看該作者

bbh_mama 發表於 13-6-13 10:11
Hi sandra,

你真係好好, 解答我地mama既困難, 我都有些問題想向你請教-

bbh_mama :
你先睇我簽名位兩個主打 topic 嘅頭一個 post, 就已答咗你大部份嘅問題....................
你講嘅硬頸同脾氣差, 其實只要用讚 + ignore, 佢就會變番小天使！
佢扭咗5 mins 就收聲, 係因為你冇反應, 佢知扭係冇用, 但佢唔嘈你又即刻去同佢講嘢, 佢咪以為扭, lur 係有用, 於是再嚟過囉！要講道理, 唔該留番講故事/傾計時間嗰度講; 其實, 好多嘢都係唔駛講嘅, 小朋友都知扭同 lur 係唔啱, 但偏偏好多時用呢招對父母又有用, 佢地先會做！
呢樣亦解釋咗點解你同佢講嘢佢又扭過, 佢以為有「行」嘛, 查實好多時並唔係要唔啋佢, 只係堅持唔俾佢扭到就得, 你亦要習慣吓唔好介意佢喊同扭, 只要用讚好快就可矯正.

上堂嗰度, 你會同佢拉扯嘅, 佢就一定會扭, 一係就斬釘截鐵要佢入去, 嘢都唔好多講 (我估你講咗好多嘢去說服佢, 咁係會令佢覺得有灣轉, 有得傾同有得扭) 但要個導師識處理先得, 一係就唔好要佢單對單上堂住, 等大d 先, 再拉扯嘅話, 佢慣咗乜都同你 lur 吓就重弊！

私人傳訊

積分: 33215

1014^#

發表於 13-6-15 18:17 |只看該作者

本帖最後由 SandraLo 於 13-6-15 18:17 編輯

PangCarol 發表於 13-6-13 11:27
你好我仔仔3歲，越來越野蠻，唔順佢ge野就發脾氣，訓地，狂喊，好似昨日咁去踩單車，咁夠鐘自然要還番部單 ...

PangCarol :
查實就係咁做架啦, 唔得就係唔得, 唔會因為佢哭鬧而改變, 佢試多幾次唔得, 唔會再扭, 當然你睇埋點用讚個 post 就最好, 之後可以見招拆招！
記得佢扭緊嗰陣唔好响旁邊講太多道理, 佢會以為有彎轉！

私人傳訊

積分: 2459

1015^#

發表於 13-6-17 16:11 |只看該作者

Dear Sandra,

跟你分享一下我最近失敗的經驗.

仔仔18個月, 最近開始有trouble two現象. 這一次是食飯的問題.

昨天煮了他平日愛吃的通粉, 他不肯吃. 不知道是由於我做的通粉不好吃的緣故(平時姐姐做), 還是因為我不允許他看電視的緣故(真後悔以前讓他邊吃邊看). 爸爸和我決心要教訓他, 說若他不坐好吃飯, 便不會有飯吃. 我們數了十聲, 他不吃, 我們就把飯放在桌上, 大人自己吃飯去. 爸爸曾提議要收起通粉, 但我始終想他自己回心轉意, 於是留在桌上. 回想起來, 我是錯了?

過了15分鐘左右, 仔仔走過來, 指著大人的食物說"食". 我跟他說不可, 指著小桌上他自己的通粉, 說你要吃自己的, 接著他便大哭, 又要我抱, 又要訓地. 期間我又犯錯了, 說"你應該要吃通粉, 大人的食物不適合你". 等一堆話.... 我照抱他, 但就是不讓他吃大人飯. 如是者糾纏了1個小時有多. 後來他就跑去找姐姐, 但都沒有給他其他東西吃. 我是肯定他是餓了, 因為下午基本上沒吃過東西, 但他真的堅持不願吃通粉! 好頑強的性格.

事後回想, 覺得自己處理得不好. 自己感到憤怒, 久久未能釋懷, 這就是你說的"互動"吧? 昨日的結果是, 他沒有吃晚飯, 我勉強自己平靜後跟他出去散步(這是每天的定時習慣), 因為已罰了他沒有晚飯, 就不必剝奪其他活動權利. 我要求他出去前要吃一啖通粉, 他才勉強的吃了一口.... 這樣好像又錯了??

由於這是自他出生以來和他的第一戰, 實在沒有好好準備. 昨晩他也特別的樓計, 很易會哭, 可能他也是第一次見我這樣惡吧...?

其實正確的處理應是怎樣呢? 謝謝指教. 另外, 有趣的是, 他全程沒有找爸爸撒嬌!

私人傳訊

積分: 33215

1016^#

發表於 13-6-17 22:59 |只看該作者

mamath 發表於 13-6-17 16:11
Dear Sandra,

跟你分享一下我最近失敗的經驗.

mamath :

你會不會是諗多了些？他只有18個月咋！
整個不吃飯的過程裡, 他沒有扭什麼, 只是不吃飯, 真正原因不明, 你說她可能是不喜歡吃你煮的, 也可能你不給他看TV, 但他有要求看 TV嗎？有吃過一啖才不吃嗎？
如不知真正為什麼, 小朋友偶然沒胃口少吃一餐問題不大, 輕輕帶過, 讓他知道不吃便沒得吃便行了, 又或者, 如某些大人食物也啱他吃的, 便先要求他吃少少自己的, 再給他他想吃的(你們的食物), 那都算完成了一餐.
至於那一口通粉, 沒有對或不對, 只要這個要求不好與出不出去掛勾便行了, 因你也知已罰了, 不好秋後算帳, 你可以要求她吃一口或幾口, 但不好說：不吃便不和你去街！當然最大鑊是說了, 他依然不吃, 但你又和他去！

私人傳訊

積分: 2459

1017^#

發表於 13-6-18 16:13 |只看該作者

SandraLo 發表於 13-6-17 22:59
mamath :

你會不會是諗多了些？他只有18個月咋！

噢... 他有表明想看tv(用手指), 也有表明想吃大人的東西(指著我們的說"食"), 也吃了一口通粉便吐出來, 不肯再吃...

私人傳訊

積分: 33215

1018^#

發表於 13-6-18 22:39 |只看該作者

mamath 發表於 13-6-18 16:13
噢... 他有表明想看tv(用手指), 也有表明想吃大人的東西(指著我們的說"食"), 也吃了一口通粉便吐出來, 不肯 ...

mamath :
如你有心要佢介食飯時不看TV, 那當然要堅持..................
吃了一口通粉便吐出來 ~~ 真的那麼難吃？還是你覺得他因沒得看 TV 而不吃？
我猜只是個別事件, 不用太敏感, 佢再「出招」你才想拆招吧, 不好再放在心上, 反正你也沒有輸呢 !

私人傳訊

Ali_03

積分: 4705

1019^#

發表於 13-6-19 11:48 |只看該作者

Hi Sandra,

想向你求救。我個囡啱啱4歲返K1, 最近2個星期成日唔肯番學同興趣班, 番到學校都自己坐埋一邊, 就算班主任同佢傾鼓勵佢同小朋友玩佢都唔肯, 自己一個悶悶不樂坐係度。

我都有同班主任傾過計, 我自己覺得係2個星期前佢試過唔舒服 (尿頻), 仲喺學校喊, 所以就接咗佢放學即刻去睇醫生, 但 check 過哂無問題, 當時只係估佢熱氣 (醫生都係咁講), 所以我都只係屋企煲咗啲湯水佢就算, 過咗幾日情況好轉咗, 咁大家就不以為意, 我有估過係咪因為佢試過唔舒服係可以唔返學, 所以依家成日扭計。

不過班主任有另外一個睇法, 佢話留意到佢其實換咗夏季校服後開始有啲異樣, 但情況就唔係太嚴重, 因為我個囡成隻左手臂有一個胎印, 係深黑色的, 所以有啲小朋友會話佢好"核突", 而佢轉咗夏季校服後亦有小朋友笑過佢, 不過佢即時的表現係好正面的, 佢同小朋友講話又唔係曱由, 唔洗驚喎, 但我都估呢個原因可能性好高。

尋晚我同個囡傾咗成個鐘頭計, 我問佢係咪老師令佢唔開心唔想返學, 佢話唔係, 我問係咪小朋友令佢唔開心唔想返學, 佢話係, 我再問佢原因, 佢話小朋友打佢, 不過我都唔係完全信佢, 但睇佢的返應可能都係小朋友的原因, 不過未必係因為真係有打過佢。

呢個星期佢唔肯返學的情況越嚟越嚴重, 尋日直頭返到學校先換校服, 尋晚我同佢傾完計就比咗一個細細個的磁貼佢, 我話我比咗力量個磁貼, 叫佢放落個袋度, 就好似我陪佢返學咁, 希望佢好似有啲慰藉咁, 另外又同佢講如果今個星期都唔扭計返學, 下星期一我會請假送佢返學 (我係一個 working mum, 平時由姐姐同麻麻湊)。我諗住今朝應該會好啲, 點知情況一樣, 喊住咁返學。

其實我好驚唔知應該點做, 我一方面唔想令佢覺得扭吓計就可以唔返學, 所以堅持要姐姐唔換校服都要佢返學 (我已經打咗電話同班主任講定聲叫佢留意吓), 但另一方面又好驚佢心理有問題, 始終小朋友手的外觀對佢呢講係一個缺陷, 我好難控制其他小朋友對佢的反應, 我知道要佢接受自己, 但呢一樣嘢真係好難做, 我又怕對佢太強硬令佢更收埋自己, 呢個情況, 我應該點做呢？我覺得好痛苦, 我寧願係我自己有胎記都唔想小朋友心理有任何缺陷.......

私人傳訊