少年成長 今日: 3 | 主題: 16101

積分: 991

好媽媽勳章

1022^#

發表於 10-9-1 11:20 |只看該作者

原帖由 SandraLo 於 10-8-30 22:17 發表

Jwu :

佢狂喊扭要食野嗰陣係幾点？對上一餐又係幾点？一返到屋企就扭？食係食粥？

你睇咗点用讚未？

SandraLo,
佢3:30PM喺學校食完一至兩碗通粉, 我4點幾去接佢, 大慨5點半左右番到屋企, 我都已經習慣一返去比麵包佢食, 但真係唔慢得, 試過一次同佢去街市買餸, 買生果時個老板送左隻蕉比佢食, 佢揸住喺手行左幾十步就LUR我, 要我MEET比佢食, 我同佢講話要返屋企洗完手先食得, 佢一知我話唔比就發晒癲咁狂喊, 其實都真係只差幾步路就入電梯番到家架啦, 佢竟然喺電梯門口訓喺地下狂扭狂喊, 我企左喺度等佢一陣, 跟住同佢講"媽媽走啦, 你仲唔起身", 跟住我轉身扮走, 佢立即"gut"起身, 一見我望返轉頭, 佢又即刻訓番低...唉, 我唯有抱起佢返屋企先啦, 結果我同佢洗完手先MEET比佢食, 佢發脾氣唔食....我當然唔理佢啦....其實佢平時係大慨每隔3-4個鐘就食一餐粥或者奶, 中間仲有時食下餅食下麵包咁..佢性格好急燥, 之前教佢返屋企要洗完手先食野都教左一段時間, 而家勉強都肯合作, 因為佢知道洗完手就有野食, 但一洗完就要立即比佢, 唔等得, 一有D咩事慢左D比佢就會狂喊狂扭..我睇左讚架啦, 即係喺佢唔扭時讚佢麻....不過佢好似未明白, 因為佢只要聽到個"MUNMUN"就雙眼發光...就周圍指要食野......

私人傳訊

winkho

積分: 3186

1023^#

發表於 10-9-2 11:24 |只看該作者

原帖由 SandraLo 於 10-8-25 23:26 發表

正正就係我之前所講......
如果嗰日有讚過兩三次, 嗰陣就唔駛理
因為你已經用讚嚟 remind 咗佢你係care佢
但如果你冇讚過, 佢有機會大吵等你鬧！

Hi Sandra
你好, 唔好意思, 又煩你了, 之前也問過你關於小兒脾氣大的問題, 也明白你所說, 要慢慢去改變. 這段時間, 當他生氣時, 我也經常IGNORE或讓自已行開一點(因為怕自已也會因此而動氣), 他做得好, 我也會讚. 都覺得是改善了. 但這幾天他的表現令到我很沮喪. 以往每朝早我也會帶仔仔給嫲嫲. 由她代帶返學. 但因暑假不用返學, 便每朝由我老公帶他回嫲嫲家(因為老公返公返11:00A.M) 所以可讓他多睡一會. 但上星期四開始, 我也堅持由我帶他回嫲嫲家, 因為我想他適應番返學的時間. 但問題便開始了, 他每一天都不願離開家, 每朝起身也嚷着要看TV(以前番學不會的), 開TV前己講好只可看到某個時間便要關, 然後出門口. 每次也說好. 但夠鐘啦, 便不肯,大吵大叫, 最大問題要做一些可怕的動作來引我注意(如爬窗). 這兩天已經引到不可再忍, 最後今天也是要恨恨的罵他了才肯離開. 請問應如何解決這樣問題?
及因為他已5歳了, 還是要和我們一起睡, 我覺得係時候給他獨立. 在幾天前, 我要他自已睡, 但每晚他都會喊, 大叫一段時間才會睡, 通常都要30分鐘.(我是和他在同一間房, 只是他在上隔床, 我在下隔床)
想請教一下應如何可令他自己睡?
謝謝
2H MAMA

私人傳訊

Fishlo

積分: 651

1024^#

發表於 10-9-2 18:53 |只看該作者

Sandra 大師, 好煩惱呀, 亞女將近兩歲半, 返咗學一個月, 第一及二個星期放學回來, 好正常地食lunch 及瞓覺，但第三個星期開始（即上星期開始），反來吾肯食野，回家後發哂脾氣要瞓覺，我叫姐姐比佢瞓，但瞓醒後都吾肯食，連佢平時最愛食生果都吾食，（但早餐只有240ml奶），冇理由吾餓！同埋佢呢期脾氣勁差，係屋企成日灘係地下度，典來典去，又吾玩玩具，又吾睇書，都吾知佢做咩！出到街（室內地方）一吾如意又瞓係地度，有時啲野肯食，　食得好地地，又掉落地下，好似人地個啲精神分裂咁，一時天使，一時魔鬼咁！婆婆話可能吾鍾意間學校，因為佢湊亞女放學時，亞女係冇笑容，但老師又話佢投入，而且佢返學時只喊咗３日！
想問：
1. 佢個啲灘地，我已用ignore方法，但就算佢已經冇事，佢都吾會走番黎我度，係要我主動問佢發完脾氣味，佢先反去我身邊！咁我咁樣算吾算吾夠ignore ?
2. 佢keep 住吾食飯，咁係咪有得佢呢？直至夜晚餐飯先比佢食？（但如果咁樣，佢一日只有早上支奶及一餐飯），　擔心佢身體！
3.點對付佢掉野落地？罰企？佢會走開及顛喊！
其實佢脾氣不嬲都差（哎，似我），所以都吾知呢啲係咪trouble 2 ?
4. 佢而家變得好怕人及勁痴身，（以前吾係咁，會好主動叫人），　有咩方法可改變番佢？
請指教，　謝謝！

私人傳訊

積分: 33215

1025^#

發表於 10-9-2 23:02 |只看該作者

各位 :

抱歉今天重未答到, 明晚會盡量答！

私人傳訊

Truffle

積分: 635

1026^#

發表於 10-9-3 04:52 |只看該作者

Hi Sandra,
吾好意思呀又要麻煩你...上次用手刮野都未攪掂又黎第二樣野...
呢幾日我發覺當我地揸車差吾多到屋企時.佢就會發脾四,用個頭向後撞落個 car seat 度 ; 如果佢抱住/行番屋企,佢又會用手刮我地 or hit us ... 我知佢係意猶未盡吾想番屋企住 ... i wanna know ..
1) if we drive, can I sing a song 去分散佢注意力 OR "ignore" him ? ( 佢通常撞幾下就冇撞,落車都 ok)
2) if walk, what can i do ? seems i cant "ignore" him and let him stay at the lobby by himself

please advice.
many thanks ~

原帖由 Truffle 於 10-8-28 03:59 發表
吾該哂 Sandra ... 等我好好 "泡製" 下佢先
Thanks Again ~

私人傳訊

chou11c

積分: 1893

1027^#

發表於 10-9-3 15:37 |只看該作者

SandraLo,有事請教﹕
仔仔讀K3, 每做一件都很慢條斯理，佢肯做，不過超慢、超要有人注意佢，要人睇住佢做，要啄住佢﹗每日刷牙洗面、食飯、做功課，都要 “三吹四請”，佢肯做，但要同人講好多好多嘢先做﹗(求命呀﹗)例如寫個BIRD，寫咗B，之後同你講東講西，先再寫I，要睇住佢﹗要啄住佢﹗又同你講東講西，再寫R字…… ，成半個鐘先寫完BIRD。我試過 “亞仔，不如你試吓一條氣寫完BIRD或一行生字先再講嘢？”(已經唔係成份功課，係一行裡面寫3-5個生字) 或 “亞仔，由現在開始，媽咪唔答你住，你寫完BIRD或一行生字，媽咪先再應你。” 或 “亞仔，媽咪現在去飲杯水先，我估你可以寫完個BIRD或一行生字給我看呢？” 等等等，務求佢要一條氣完成一樣事件，但都不可行﹗跟住就禁住自己把火，逐個字逐個字、大大聲聲、好正經同佢講 “媽咪要warning啦﹗你重唔做好功課，媽咪就唔開心啦﹗你就唔可以xxxx” 亞仔就谷住度氣同返我講 “哦﹗你生氣﹗我唔鐘意你啦﹗你大聲同我講﹗我唔做啦﹗” 當然我又禁住自己把火同佢講 “媽咪唔生氣﹗大聲同你講係我之前已經好聲好氣，你唔聽﹗媽咪逐個字逐個字大聲同你講係我正視哩樣事件。” 跟住佢都係谷住度氣，都肯做完功課﹗不過2行生字寫 I am a boy要用超過45分鍾﹗
請教係﹕
1. 亞仔講東講西係正常日常所發生的事件，學校的人和事、返學放學途中所遇到的人和事等等，佢好歡喜同我講，我當然有俾時間佢講，有講有笑，有問有答，但每次都係唔恰當的時候(係做功課時)講﹗
2. 要人睇住佢做，要啄住佢﹗先肯做功課﹗
3. 當亞仔唔開心，就谷住度氣﹗我想佢釋放出嚟﹗

私人傳訊

[[]]

積分: 2843

1028^#

發表於 10-9-3 22:19 |只看該作者

SandraLo,
你好,我個仔今年快要6岁了,脾氣很大,4岁時已是,如街上大人警誡他(小朋友,不要推門,會夾手的),他會反駁:夾咩手呀!我每次都提他,如果別人話你,你先想想,原因,他是慈意的,你要說多謝;若是小朋友多嘴,與事實不符的,你也不用發怒,走開便行了,但....我說了两年,真的有點累,因為情況都是差不多,(但我两公婆都不是駡人那種),又或者別人不順他意,他別生氣,{說俘氣說話(這個是學我的,但我發覝不妥時已收口了)},點算,我真的累了,但....不理我又過不了自己,請賜教!--他其實是個欠自信的小孩

私人傳訊

積分: 33215

1029^#

發表於 10-9-3 22:25 |只看該作者

原帖由 Jwu 於 10-9-1 11:20 發表

SandraLo,
佢3:30PM喺學校食完一至兩碗通粉, 我4點幾去接佢, 大慨5點半左右番到屋企, 我都已經習慣一返去比麵包佢食, 但真係唔慢得, 試過一次同佢去街市買餸, 買生果時個老板送左隻蕉比佢食, 佢揸住喺手行左幾十步 ...

Jwu :

如果佢淨係食嘢先會咁扭, 其他嘢係唔會扭, 我覺得可以接受, 尤其係你嘅處理方法都ok：即係唔會因為佢扭而俾佢！
而如果你再做好d, 相信佢又會再improve到多d, 例如你同佢講"媽媽走啦, 你仲唔起身"只係嚇佢, 之後又冇做到, 重去抱佢, 佢知你唔想佢訓地, ,訓地嘅後果又係「有媽咪抱」, 而媽媽話走亦只係嚇佢, 咁佢係會繼續訓同喊, 最佳方法係企响度唔出聲睇住佢喊, 當佢知喊係改變唔到你嗰陣, 佢就唔會再係咁, 當然, 如果能加埋响佢冇扭(未開始扭) 嗰陣讚, 就會更加快！

私人傳訊

積分: 33215

1030^#

發表於 10-9-3 23:31 |只看該作者

原帖由 winkho 於 10-9-2 11:24 發表

Hi Sandra
你好, 唔好意思, 又煩你了, 之前也問過你關於小兒脾氣大的問題, 也明白你所說, 要慢慢去改變. 這段時間, 當他生氣時, 我也經常IGNORE或讓自已行開一點(因為怕自已也會因此而動氣), 他做得好, 我也會讚. ...

winkho :

你意思是他大吵大叫同時又去爬窗？你當時正要求他離家？你覺得他爬窗這個動作是要嚇你(因為真的有危險) 還是只是attention seeking引你駡他？
我相信現在已開學了, 這事仍在發生嗎？你可試試和他訂下一天的時間表, 甚麼時間可做什麼和可做多久, 訂好就嚴格執行, 跟不到或扭計的話便罸(罸則都要預先講好讓他知道), 跟得到就要讚和獎.
要他自己睡的意思是他自己一個人一間房？如他第一晚要大叫30分鐘才自己睡,其間你沒理他, 他半夜又沒有醒,第二晚就一定不會吵多於30分鐘, 再落去會再少, 一星期就應該搞掂！

私人傳訊

積分: 33215

1031^#

發表於 10-9-4 18:08 |只看該作者

原帖由 Truffle 於 10-9-3 04:52 發表
Hi Sandra,
吾好意思呀又要麻煩你...上次用手刮野都未攪掂又黎第二樣野...
呢幾日我發覺當我地揸車差吾多到屋企時.佢就會發脾四,用個頭向後撞落個 car seat 度 ; 如果佢抱住/行番屋企,佢又會用手刮我地 or hit us ... 我知佢係意猶未盡吾想番屋企住 ... i wanna know ..
1) if we drive, can I sing a song 去分散佢注意力 OR "ignore" him ? ( 佢通常撞幾下就冇撞,落車都 ok)
2) if walk, what can i do ? seems i cant "ignore" him and let him stay at the lobby by himself .. ...

Truffle :

1) 如佢通常撞幾下就冇撞, 就一定用 ignore, 唔好理佢...... 雖然唱歌睇落唔係乜嘢甜頭, 但你offer 咗一或兩次唱歌分散得到佢嘅注意力, 第三次又唔得, 再用番 ignore嘅話, 就會增添咗難度, 咁點解要搏呢？

2) 先放低佢, 望住佢眼晴正面咁話佢知(serious d)唔可以打媽咪, 已經去完街, 依家返屋企, 然後拖住佢隻手行, 期間佢要叫要喊亦唔駛理.

私人傳訊

Fishlo

積分: 651

1032^#

發表於 10-9-4 21:14 |只看該作者

Sandra 大師, 希望有時間可以回覆我啦, 謝謝!

原帖由 Fishlo 於 10-9-2 18:53 發表
Sandra 大師, 好煩惱呀, 亞女將近兩歲半, 返咗學一個月, 第一及二個星期放學回來, 好正常地食lunch 及瞓覺，但第三個星期開始（即上星期開始），反來吾肯食野，回家後發哂脾氣要瞓覺，我叫姐姐比佢瞓，但瞓醒後都吾肯食，連佢平時最 ...

私人傳訊

積分: 33215

1033^#

發表於 10-9-4 23:53 |只看該作者

原帖由 Fishlo 於 10-9-2 18:53 發表
Sandra 大師, 好煩惱呀, 亞女將近兩歲半, 返咗學一個月, 第一及二個星期放學回來, 好正常地食lunch 及瞓覺，但第三個星期開始（即上星期開始），反來吾肯食野，回家後發哂脾氣要瞓覺，我叫姐姐比佢瞓，但瞓醒後都吾肯食，連佢平時最 ...

fishlo :

Sorry 真係睇漏咗........

你囡囡响咁短時間出現咁多問題,會唔會有d 乜嘢响學校發生咗？雖然你話佢本身脾氣大, 但佢改變咁大, 又唔食嘢, 你可否去學校睇吓佢响學校嘅情況？佢細個未識表達, 真係有唔開心都唔定, 如果係就愈早處理愈好！

1) ok架, 佢瞓地要求(扭)d 乜都好, 總之就唔駛理, 但我地只係 ignore佢用瞓地嚟要求嘢嘅壞行為, 而唔係ignore個小朋友或者扮嬲, 所以你有d 乜可以照講, 亦唔駛特別去問佢發完未, 免得佢用呢樣嘢嚟引你注意.

2) 唔食飯 ~~ 可否當佢病咁處理先呢？即係試吓煮意粉、通粉或薯仔, 因始終佢唔係偏食, 而係特變, 可以觀望吓先.

3) 掉野落地其實都係一樣用讚+ignore, 唔係怕佢喊所以唔罸, 而係讚+ignore應該已經夠.

4) 同2) 一樣, 了解咗佢响學校嘅情況先.

[ 本帖最後由 SandraLo 於 10-9-4 23:55 編輯 ]

私人傳訊

積分: 33215

1034^#

發表於 10-9-5 17:10 |只看該作者

原帖由 chou11c 於 10-9-3 15:37 發表
SandraLo,有事請教﹕
仔仔讀K3, 每做一件都很慢條斯理，佢肯做，不過超慢、超要有人注意佢，要人睇住佢做，要啄住佢﹗每日刷牙洗面、食飯、做功課，都要 “三吹四請”，佢肯做，但要同人講好多好多嘢先做﹗(求命呀﹗)例如寫個BIRD，寫咗B，之後 ...

chou11c :

要謝謝你寫得那麼清楚, 這樣我會知道問題所在, 很快可以解決！

首先你要先睇咗我簽名位兩個topic嘅第一個post先, 睇咗你先會明多d 我跟住講乜！

先講你犯的錯：
1/ 你給囝囝的指令從沒有切實執行, 他講東講西時你答他, 他當然講落去.
2/ 你話「寫完BIRD或一行生字，媽咪先再應你」, 相信只係講冇做, 佢已經知道你唔會做, 所以唔駛理你.
3/「媽咪現在去飲杯水先，我估你可以寫完個BIRD或一行生字給我看呢？」~~ 呢類說話更加係唔講好過講, 你係「求」緊佢, 佢唔會同情你所以去做架！
4/ 你錯將佢要做功課嘅責任攬咗上身, 咁做好危險, 遲d小學点算？

處理方法好簡單, 但你唔切實執行, 俾excuse自己的話, 神仙都幫你唔到：
你先同佢定一個簡單嘅時間表, 由佢放學開始, 將佢最鍾意嘅活動(TV or玩or打機 or食鐘意嘅嘢) 排响功課後面, 咁指定時間未做好功課，就自動冇咗或少咗玩時間, 如佢因唔專心做功課慢, 便可能要將功課時間分開兩段, 成功做完一段便要讚及獎(玩的時間), 不過呢一切係你一定要預先按佢能力訂好响時間表度, 要預計佢係做得到的，冇得番轉頭！

有咗時間表，要獎要罸要讚，相應容易好多，而佢亦可以自己學嘵manage自己時間，當他不能按時完成功課, 後果就係冇得睇TV，而呢個情況發生時, 係唔須要亦唔可以再「話」佢, 因為已經係罸咗啦, 如是者就可以將「話」, 即磨擦减到最少！另一方面, 唔做功課嘅後果, 係必須由佢自己承担番先有意思, 必要時, 要同老師講好, 佢冇功課交嘅話, 就要佢响學校小息時做番, 咁佢先會明！ (即係話, 假設佢最後give up 哂自己鍾意嘅嘢都唔做, 你都要由得佢！)

時間表用得好, 上到小學甚至中學, 對佢幫助都會好大, 切記：諗清楚先講, 講咗就一定要做！

補充少少個獎同罸, 跟時間表做就得, 最多提佢一次, 千祈唔好講恐嚇式嘅說話, 例如：「好快d 做功課啦, 唔係就冇XX架啦」咁講即係俾機會佢討價還價, 一世都講唔完！

私人傳訊

積分: 33215

1035^#

發表於 10-9-5 23:37 |只看該作者

原帖由 [[]] 於 10-9-3 22:19 發表 SandraLo,
你好,我個仔今年快要6岁了,脾氣很大,4岁時已是,如街上大人警誡他(小朋友,不要推門,會夾手的),他會反駁:夾咩手呀!我每次都提他,如果別人話你,你先想想,原因,他是慈意的,你要說多謝;若是小朋友多嘴,與事實不符的,你也不用發怒,走開便行了,但....我說了两年,真的有點累,因為情況都是差不多,(但我两公婆都不是駡人那種),又或者別人不順他意,他別生氣,{說俘氣說話(這個是學我的,但我發覝不妥時已收口了)},點算,我真的累了,但....不理我又過不了自己,請賜教!--他其實是個欠自信的小孩...

[[]] ：

6歲不少了, 不能再「話」下去, 我相信他非常討厭被你話, 這會影響雙方關係的！
你要來一招置諸死地而後生.........
既然說了兩年都沒有用, 就不好再用...... 你說囝囝欠自信, 其實二者也有關係的 ~~ 現今的教育制度, 令大部份的小朋友在學校受到很多挫敗, 缺乏成功感, 自然就沒有自信, 若加上你不斷的「話」他, 就連和家人一起也有很多挫敗！(因為你每話一次, 就即是說他「唔掂」, 挫敗他一次)

今日開始停止再話, 改為讚, 在他沒有發脾氣, 沒有說錯話時讚他, 每日算一算, 起碼要讚3, 4次, 數星期就有意想不到的效果.

p.s. 你要先看怎樣讚的topic, 而6歲的讚法用「乖」字未必恰當, 即係佢未必,「受」可能要改一下, 例如話「好醒喎」甚至係「好正」！

私人傳訊

winkho

積分: 3186

1036^#

發表於 10-9-6 09:58 |只看該作者

原帖由 SandraLo 於 10-9-3 23:31 發表

winkho :

你意思是他大吵大叫同時又去爬窗？你當時正要求他離家？你覺得他爬窗這個動作是要嚇你(因為真的有危險) 還是只是attention seeking引你駡他？
我相信現在已開學了, 這事仍在發生嗎？你可試試和他訂下一天的時間 ...

hi Sandra
你好, 多謝你的回覆,
我覺得他爬窗這個動作是引我注意, 我沒有要求他離家. 只是因為他扭計我IGNORE佢, 他會爬窗來引我注意.
但在這情況又不可以不理他, 叫他下來, 有時一陣家佢又做過. 真的很頭痛, 我已經講好多關於小孩子情緒的書, 希望等佢明白, 有時唔應該咁扭計. 但..............
關於開學, 他今早還是一樣的扭計不願自已着衫, 着鞋(放暑假期, 也是自已着的)
我想我也要有一個和他一起建立的時間表, 看看情況會否改善.
關於睡覺, 你說得對, 昨晚已沒有大吵大罵, 很快便睡着了, 他今早起床, 我也又讚他.希望可以持續下去.
謝謝你
2H MAMA

私人傳訊

chou11c

積分: 1893

1037^#

發表於 10-9-6 11:28 |只看該作者

原帖由 SandraLo 於 10-9-5 17:10 發表

chou11c :

要謝謝你寫得那麼清楚, 這樣我會知道問題所在, 很快可以解決！

首先你要先睇咗我簽名位兩個topic嘅第一個post先, 睇咗你先會明多d 我跟住講乜！

先講你犯的錯：
1/ 你給囝囝的指令從沒有切實執行, 他講東講 ...

私人傳訊

chou11c

積分: 1893

1038^#

發表於 10-9-6 11:30 |只看該作者

原帖由 chou11c 於 10-9-6 11:28 發表

你好﹗我幾行字就讓你知道我所犯的錯，好慚愧但又很佩服你﹗
你講得對，我真的將佢功課嘅責任攬咗上身，我知道自己錯咗邊度﹗功課及知識係佢，上堂交功課係佢，完成不了就要佢承担後果（睇tv時間減咗﹗遊戲時間短咗﹗佢鐘意食嘅嘢少咗﹗甚至要係學校小息時做番﹗）。

我唔係俾excuse自己，因為小時候我教佢，有人問你嘢，要答/應人（即有禮貌），所以佢講東講西時我都會答咗佢先，用平心靜氣、溫柔語氣〝由現在開始，媽咪唔答你住，你寫完BIRD或一行生字，媽咪先再應你。〞我試過在他講東講西真的不理他，另側面，聽唔度﹗睇唔度﹗無反應﹗佢就同我講〝哦﹗你唔啋我﹗你生氣﹗你無禮貌﹗媽咪﹗你聽唔聽度呀？（大大聲聲嗰隻）〞我真係唔多想應佢，但唔應佢，佢會繼續大大聲聲講〝你無禮貌﹗〞為免嘈住一個13個月大嘅細佢及唔想做個壞行為給2個囝囝，所以會好平心靜氣、溫柔語氣應咗佢先﹗
請指教﹗

私人傳訊

Jwu

積分: 991

好媽媽勳章

1039^#

發表於 10-9-6 13:35 |只看該作者

原帖由 SandraLo 於 10-9-3 22:25 發表

Jwu :

如果佢淨係食嘢先會咁扭, 其他嘢係唔會扭, 我覺得可以接受, 尤其係你嘅處理方法都ok：即係唔會因為佢扭而俾佢！
而如果你再做好d, 相信佢又會再improve到多d, 例如你同佢講"媽媽走啦, 你仲唔起身"只係嚇佢, 之 ...

唔該晒, 暫時佢都主要係扭食同抱, 我都可以接受, 不過因為佢而家仲細, 我只怕佢再大D會扭其他野, 因為佢一扭就扭得好勁, 我會繼續試用讚嘅方法, 其實佢都好受讚, 一讚佢就好開心, 不停重覆做, 不過可能有時要喺"唔扭"時讃個timing比較難把握..我會努力架啦, thanks!!

私人傳訊