影視娛樂 今日: 18 | 主題: 16133

積分: 28097

10402^#

發表於 16-12-25 17:43 |只看該作者

本帖最後由 hugoma2015 於 16-12-25 17:57 編輯

《如夢之夢》感想PART2
2、對一哥的印象：話劇個開場是演員從四周走出黎，然後繞著蓮花池轉圈，而且速度越走越快，講真坐舞台附近好難受，舞台聲隆隆隆隆，心跳都加速。佢地轉左2圈，我地都暈暈地了。一哥大約系人地轉左1、2圈之後，先出場。好低調默默甘加入，都係我隔離個位台灣老太太眼神好，一眼就望到佢，仲拍拍我講“你看，胡歌來了！”。從佢加入開始，佢就係場上的太陽，而我地蓮花池就變曬向日葵。一哥走到邊，D人就轉到邊。

一哥身材：可能因為我系仰視，所以睇唔出佢地D身高；又可能系話劇演員普遍高大，所以唔覺得一哥特別高大。

一哥外貌：好白淨，唔知道系唔系燈光問題，真係覺得佢白到發光，當然唔系蒼白果種。至於五官好立體，好歐式。當佢響我面前行過，我仰望佢，就好似望見D鬼佬甘，又白又西人。你地問佢系咪好靚仔，我覺得呢次太瘦了，唔算好靚仔，但辨識度好高，雖然開場果陣甘多人繞住蓮花池轉，轉到我地眼花，都可以一眼認出一哥。呢D咪叫明星相咯。

一哥的化妝：點解要單獨講呢樣，因為我覺得同上年相比，佢今次個妝好淡，甚至有部分我懷疑系素顏。如果論靚仔，上年會更靚仔D，而且個人仲飽滿D添。但太豐神如玉，反而就唔符合“病人”的氣質。而今年個妝好淡，人又好瘦，我覺得氣質上更柔和一D，更符合“病人”的要求。

一哥的手：真係好靚，除左【玉手】，穩唔到其他形容詞。從形態到顏色，都完美無缺。

一哥的……：哇，好可觀，尤其我由下往上正面望……呢個系今次狼爺閣四大坐蓮花池的閣老統一意見！

一哥條褲：又系果條，好想除左佢啊！！！

圖1-2系上年造型

圖3-5系今年造型。

私人傳訊

lo913

積分: 10774

10403^#

發表於 16-12-25 18:07 |只看該作者

hugoma2015 發表於 16-12-25 17:43
《如夢之夢》感想PART2
2、對一哥的印象：話劇個開場是演員從四周走出黎，然後繞著蓮花池轉圈，而且速度越 ...

私人傳訊

積分: 28097

10404^#

發表於 16-12-25 18:34 |只看該作者

今日居然換look？！

私人傳訊

積分: 13492

10405^#

發表於 16-12-25 19:20 |只看該作者

hugoma2015 發表於 16-12-25 17:43
《如夢之夢》感想PART2
2、對一哥的印象：話劇個開場是演員從四周走出黎，然後繞著蓮花池轉圈，而且速度越 ...

明明是向胡葵

其二你們的關注點太色了

其三胡歌歌的褲子可安好？

私人傳訊

積分: 28097

10406^#

發表於 16-12-25 19:48 |只看該作者

本帖最後由 hugoma2015 於 16-12-25 20:32 編輯

flowerrain 發表於 16-12-25 19:20
明明是向胡葵
其二你們的關注點太色了
其三胡歌歌的褲子可 ...

如果唔安好，我就上左頭條喇

我PART1 PART2寫成千幾字，你居然只留意我甘輕描淡寫的一句話，你D關注點都好色啊！

私人傳訊

積分: 28097

10407^#

發表於 16-12-25 22:16 |只看該作者

《如夢之夢》感想PART3
講下一哥果幾場戲。我只講最靠近我或者我印象最深果幾場。以下簡稱角色名字系“五號”，

A、五號同前妻拍拖食壽司：呢一場算比較輕鬆搞笑，系一哥第一場正對住我的戲。我第一次可以近距離觀察一哥的樣同表演。可能睇慣左宗主，對於呢D搞笑戲，我有少少唔習慣。略微浮誇左……我聽連續睇2日的朋友講，佢每次的處理都有D唔同，22號比21號（我睇果晚）更加浮誇。PS:呢一段，我覺得一哥每次夾壽司，都好似夾左我入口甘……

B、神秘電話騷擾以及同老婆嘈交：故事背景系五號個仔離奇病死左，夫妻感情變得疏離，佢又開始有怪病，一直發燒。而呢個時候，成日有神秘電話半夜打過黎，電話裡面只有呼吸聲。於是五號開始懷疑太太出軌，發生爭執。

呢一幕開始之前，FOCUS響中年五號果邊，但一哥早早就埋位，就坐響距離我3米左右的地方。不過燈光太黑，我睇唔清佢表情，凈睇到佢坐系度，低頭搓手。然後燈亮起，電話聲響起，五號開始講電話，呢度台詞裡面的煩躁，無奈出到黎了，不過我覺得如果加多少少虛弱無力感，會更符合當時佢果種【身心俱疲】的狀態。

呢一段我GET到1個細節位。神秘電話又響起，佢叫老婆接電話，老婆唔肯，佢好大聲喝左一句“我叫你接電話！”，當時我就坐響佢面前，我嚇左一跳。一哥爆發力真係唔錯！我一直都話覺得一哥如果發起老脾，就唔系人咁品。睇完呢一幕，我更加堅定我呢種睇法。另外，佢鬧完老婆后，我睇到佢個身同手都震緊，呢度對我好有衝擊力，我直接感受到佢的憤怒，好想行過去勸佢息怒。

C、五號搵老婆。佢老婆失蹤了，佢不斷問路人有無見過佢老婆。當時個場景系10幾個演員扮路人，繞著舞台走，佢一邊追住呢D路人，一邊捉住人問有無人見過佢老婆，一邊描述佢老婆點樣。佢越跑越快，越講越急，最跑左1、2個圈之後，企響主舞台正中，對住所有觀眾嗌：“求求你們告訴我，有無有人見過我的太太，她剛剛還在那裡買烤玉米啊！”呢一段佢地跑得好快，我視線追唔上只好專心聽佢台詞，不過反而甘樣，佢的台詞功力俾我印象更深刻！佢語速越黎越快，語氣越黎越焦急無助，到後面帶住哭腔，到最後果句“她剛剛還在那裡買烤玉米啊”，系破曬音噶！果種絕望同崩潰，真係令人動容。我覺得呢度系第一個眼淚位。我之前就知道有呢一段穩老婆，仲準備到時應和佢，認系佢老婆玩下野。點知真係到呢一段的時候，我個心都鄧佢難過，唔記得玩野……可惜啊！PS：呢套戲一哥體力消耗好大！不停轉圈跑圈。

D、古堡餐廳：法國古堡的所有戲份都響右舞台，距離好遠睇唔清細節。不過一哥有一段對白好精彩。果段上年有人偷錄過，就系佢響個餐廳控訴柬埔寨小朋友同佢自己的不幸。有時真系對比過先知有進步。上年俾人的感覺系佢個人清醒地發洩緊自己D不甘同憤怒，系咆哮式。而今年系借住醉意，將壓抑響心入面的不解，不甘，不忿、痛苦傾瀉出黎。呢個處理會更好，會更貼近“病人”，更令人心痛。

E、五號訓覺同一哥候場：下本一開始劇情就係五號從睡夢中醒來，繼續講古仔。當我地入場的時候，一哥果然已經訓響床上候場。佢應該一直都保持清醒的，所以甘樣就更辛苦了。

F、香蘭臨終果段系另一個眼淚位，基本都係盧燕（老年香蘭）在講台詞，佢聆聽，呢一刻我覺得五號就係伯爵（香蘭前夫），呢個系伯爵同香蘭的道別，亦系對呢一雙怨偶的解放。一哥得一句帶住哭腔的台詞——“這樣很好”,但已經足夠了！我居然睇出一哥同盧燕的CP感啊！厲害了，你地一哥！其實佢甘樣演系啱噶，因為佢就係伯爵（起碼香蘭當左佢系），呢個系情人之間的生離死別，如果佢演成晚輩同長輩送終甘就大錯特錯。佢要幾投入，先可以同一個90歲的老人家演出CP感呢……

G、之後翻去法國公寓搵江紅，去古堡等等到最後清唱，一哥基本都無台詞，但呢D系佢成晚表演最精彩的部分！佢無台詞，就係跟住旁白做反應，雖然我無帶望遠鏡，睇唔到D微細表情。不過我通過佢的肢體語言、大致表情都FEEL到佢的寂寥，淒涼。亦都感受到原來話劇唔系靠“話”噶，就算無台詞，演員都可以通過肢體語言傳遞出相應的情緒，呢D就係演技的更高層次吧。

H、清唱部分：有JM話好空靈，我唔知咩叫空靈，我覺得是好有穿透力，過耳不忘。聽完一次，就算我聽唔明佢唱咩（我普通話唔好），但係個旋律、聲線已經入曬腦。

私人傳訊

積分: 13492

10408^#

發表於 16-12-25 22:18 |只看該作者

hugoma2015 發表於 16-12-25 19:48
如果唔安好，我就上左頭條喇
我PART1 PART2寫成千幾字，你居然只留意我甘輕描淡寫的一句話，你D關 ...

這個嘛⋯⋯別點破別點破

私人傳訊

積分: 28097

10409^#

發表於 16-12-25 22:20 |只看該作者

回覆樓主：

本帖最後由 hugoma2015 於 16-12-25 22:43 編輯

《如夢之夢》感想PART 4
一D花絮同腦洞

A、呢度要講返我地去演員通道門口等一哥了，好奇怪，從佢落車，到佢從我地身邊經過入大門，我感受唔到我預想之中的強大氣場。呢一年我睇過一哥好多相，好多視頻，好多路人的評價，都話佢氣場強大，行路帶颱風。但呢次完全無。直到有一日我朋友睇到我影果張一哥落車相，講左一句：“好似大病初愈，啱啱出院的老人家甘。”我就明白了，我地果日接的唔系一哥，而系五號病人。一哥已經入戲了！

B、五號有怪病去求醫，醫生話佢最多只有2年命，我瞬間想起我宗主。

C、果場KISS戲，同往年比又有少少唔同，往年系兩個人坐住KISS，然後關燈，甘樣無論蓮花池定看台都可以睇到……今年系訓住KISS，我地蓮花池買甘貴飛，居然一D都睇唔到，難怪全場嘩然！回水啊！！！回水啊！！！回水啊！！！！

私人傳訊

積分: 13492

10410^#

發表於 16-12-25 22:23 |只看該作者

hugoma2015 發表於 16-12-25 22:16
《如夢之夢》感想PART3
講下一哥果幾場戲。我只講最靠近我或者我印象最深果幾場。以下簡稱角色名字系“五號 ...

本帖最後由 flowerrain 於 16-12-26 10:47 編輯

你写得真好，好像我就坐在你身邊看劇！謝謝

私人傳訊

積分: 13492

10411^#

發表於 16-12-25 22:25 |只看該作者

hugoma2015 發表於 16-12-25 22:20
《如夢之夢》感想PART 4
一D花絮同腦洞

我寧願看不到！看到他親別人才心痛如絞啊

私人傳訊