| 【楊冪劉愷威翻版】43歲吳奇隆拖住26歲女友 現身頒獎禮 即場錫錫 | 52,531 |
| 最後更新: 1224 00:27 / 建立時間: 1223 17:33 | |
| 喺吳奇隆同劉詩詩公開戀情之後，一向都好大方，但原來兩個人同場，一樣咁恩愛。(微博圖片)(互聯網) |
「忘年戀」——43歲嘅吳奇隆同26歲嘅劉詩詩，相差17年，但因為拍《步步驚心》擦出愛火，早前好大方咁公開咗戀情，之後佢兩個仲不時喺微博到傳情，但係就未喺公開場合到見到佢哋兩個一齊出席。吳奇隆非常保護呢段戀情，仲叫大家唔好嚇走人添，愛護之情溢於言表。
早前兩人被偷拍疑似「過夜共聚」，相就影唔到喇，但傳聞講到似層層，似乎兩人關係已經昇華到另一層次喇。噚日兩人到北京出席百度頒獎禮，兩人分別獲最受歡迎男女演員獎。今次佢哋唔止同場出現，上台嘅時候，仲係手拖手；之後現場嘅觀眾仲要求佢哋鍚一啖，四爺吳奇隆又真係肯，佢先好怕醜咁同台下觀眾講：「你們別搗亂」，之後拗不過大家嘅要求，大方親吻劉詩詩臉頰，全場哄動。由噚晚到依家，幾乎成個微博，「主打」都係吳奇隆同劉詩詩噚晚呢個「世紀一吻」。
及後吳奇隆自己亦有喺微博上，貼咗同詩詩出席頒獎禮嘅相，寫道：「今晚百度沸點我們長這樣」，即係點樣？佢貼咗一個兔仔頭同熊貓頭公仔落去，有網民見狀即留言話：「今晚好幸福。」吳奇隆都有回應到呢一位網民，就話：「幸福中。」睇見佢哋咁恩愛，一班粉絲一定都係好開心。
其實公開咗更好，好似之前楊冪同劉愷威咁，又係年紀相差一截，因合作而擦出愛火；戀情公開之後仲大大方方一齊出嚟接受大家祝福，情侶檔拍戲拍劇拍廣告搵真銀，兼可以日夕相對，兩邊嘅fans又接受，皆大歡喜。 
郎才女貌。(微博圖片) 一齊拖住上台領獎。(微博圖片) 台上應觀眾要求，錫咗詩詩塊面一啖。(微博圖片) 相信不少四爺同若曦嘅fans等呢幕等咗好耐喇。(微博圖片) 楊冪與劉愷威這一對，愛得大方又公開，觀眾受落，又可以拍住上搵真銀。(資料圖片)
popocat 發表於 13-12-23 06:15
原來係太陽廟暗戀齊琪嘅故事，日川寺嘅心情寫得幾細膩，加上詳細寫出model公司對年糕犯法事件之嫌棄，一沉 ...
發表於 
。仲警告其他model唔好拖累公司
定上次煮飯當係呢
返回列表
