nora131 發表於 17-1-4 18:41 
金庸小說改編的電影/視劇大部份我都會拒絕觀看，為的是演出的人物與我想像中不吻合，若你有看過小說應知道 ...
我話書入面宗主係幽靈，唔係因為佢唔係人，冇人嘅情感，反而佢自苦，自己承受晒所有傷痛，將自己嘅真正感受埋葬，喺其他人面前強顏歡笑，郡主面前佢要做個一個好哥哥，深心入面最難過最自虐嘅只有自己知，呢方面嚟講，宗主無疑係一個空殼，佢個心已經死咗空咗，就係我所謂嘅幽靈，去北境守國赴死佢求之不得，因為果度除咗係林殊原先嘅死地，佢已經死過一次，最後只是回歸父帥同其他同袍兄弟懷抱，去做番佢果個少帥。
劇入面宗主所不同嘅係佢有唔想死嘅理由，可以揀的話，宗主會想唔死，因為有一個人令佢即使可以的話都想苟延殘喘，只係國難當前，宗主只能先國後家，呢個就係我話劇入面宗主人氣所在。
我好心痛書入面嘅宗主，因為佢體現大愛之純粹，佢太冇私心，因為宗主已非當日林殊，宗主覺得以自己病弱之身已無令郡主幸福之可能，唔想因為自己嘅一己情感而誤霓凰終生，書入面聶鐸幾差都好，至少係霓凰所愛，就算我地覺得郡主唔應該委身於聶鐸，因為佢對比宗主實在係望塵莫及，霓凰終究係覺得幸福。劇入面霓凰唔同，佢唔肯將就，因為心入面果個人位置太高，質素太好，曾經滄海難為水，佢唔將自己要求降低，心入面佢永遠只愛一個人，不過究竟郡主是否幸福？愛一個人至死不渝，心靈上佢唔會寂寞，就如夏冬為聶鋒寡守十多年，佢對聶鋒嘅惦念抵上任何俗世情愛，係俗人眼中佢同郡主都係苦，但如果愛已足夠念想一生，即使係懷念同天人相隔，終究又未必係苦。
真人真事，朋友以前中學老師新婚三月，丈夫交通意外死亡，當時青春年少，又有幾分姿色，一直追求者眾，但老師一直孀居，拒絕一切追求者，朋友問過老師，老師話丈夫喺佢地生活最美好最幸福時離去，喺佢回憶入面永遠存在，佢唔可能再有咁幸福嘅感覺，唔係佢唔想去忘記，係不能忘記，佢孀居唔苦，因為佢已經最世上美好回憶，已經足夠佢享同一生。旁人感覺好傷感好可憐，當事人卻能以最正面最欣賞角度去面對。
花旗太太生活在花旗國，留意時差，你問我未必即時答到。
傾落先知佢係宗主粉，宗主之前完全唔識一哥。宗主粉真好人！
阿姨，你太直接喇！跟著一哥出場轉圈，阿姨就情不自禁用寵溺的語氣講“你看，胡歌來喇！”
後黎佢張凳撞到我膝頭哥，佢先無再搖。
發表於 
返回列表
