影視娛樂 今日: 13 | 主題: 16134

積分: 167303

1061^#

發表於 08-11-30 15:32 |只看該作者

我今日希望煲埋第9集，咁下個星期可以透下等你煲完至傾，你慢慢，唔洗急，你煲哂我又再出發睇。

原文章由 Monty 於 08-11-30 02:18 發表
我諗要聽晚先至可以再煲過.....下星期努力d先

私人傳訊

積分: 167303

1062^#

發表於 08-11-30 15:45 |只看該作者

Monty,

我話佢肯，我一定拎一個月大假陪佢去果邊，果個地方我都好鍾意，阿伯話會請兩個賓賓服待佢喎，但我阿婆幾十歲，仍然唔喜歡坐，做少陣都俾蟻咬咁，去到果邊又冇麻雀打，佢當然唔肯擠啦!但如果可以俾我地成家加埋我阿媽申請移民去陪佢咪得囉，你話佢係唔係死蠢吖!

原文章由 Monty 於 08-11-30 02:20 發表
Sandy

妳亞婆真係浪費哂d大好機會ar......

私人傳訊

積分: 167303

1063^#

發表於 08-11-30 15:48 |只看該作者

Monty,

今日又要係屋企，阿女星期二默中文，必定要同佢溫書，依家望下個星期日可以出去玩，佢12月8日默英文，今日同佢溫埋，咁下個星期日就可以得閒，老公好似下個星期日放假，等我提議下去燒野食先。

原文章由 Monty 於 08-11-30 02:26 發表
Sandy

妳又搵日囉....
之前住村屋真係好,成日係天台BBQ,好正

私人傳訊

積分: 167303

1064^#

發表於 08-11-30 16:02 |只看該作者

咁即係點啫，出唔出黎呀?玉姐好飄忽，一時又得，一時又話唔得，唔知佢真得定唔得。

我阿婆既一生都傳奇啦，如果要寫成劇本，都幾有賣點，我所知既，計埋呢個有錢阿伯，佢有3段戀情，但前兩段都唔係咁一帆風順，都幾波折。我諗最傷佢係我阿公，但係佢自己選擇，唔可以怨任何人，佢兩個N年前係大陸都分開左，阿婆帶住我阿媽195x黎香港，佢係向大陸政府正正式式申請落黎香港，當時有批文揸住過境，並唔係偷渡黎，聽佢地講我先知原來以前唔係個個都係偷渡黎香港。

女主角俾左成億有個騙案既女人，靠佢去搵樂手番黎組團表演，點知個女人俾人拉左，成億化水，佢於是冇錢再搵其他人，唯有周圍去拉夫。

你講得對，劇情話佢外表與內心不同，外表係優雅漂亮，而內心活潑爽朗，但呢個女主角又唔覺表演得有幾優雅，如果講外表優雅，清涼會似過佢，但我又幾喜歡佢著衫，襯得幾好睇。

第一集咁緊湊你都ZZZzzzz，唉!真係擔心以後果d你點捱下去....

原文章由 cheapbombom 於 08-11-30 08:56 發表
早晨啊, 兩位夜鬼....
仙姐啊婆既故事, 直頭係經典啦, 我信緣份, ni di咪真人真事囉...要不電影電視邊有咁多借鏡?

打邊爐, 我無話過唔出, 只係問下洗唔洗改期唧, 我個日一早mark實比你地, 仲未夜番出來....照打可也 ...

[ 本文章最後由 SandyKL 於 08-11-30 16:15 編輯 ]

私人傳訊

積分: 167303

1065^#

發表於 08-11-30 16:52 |只看該作者

cheap,

我講性格開朗，果個係我肥二，大老細係一個忟姜，我二個老細好過癮，大老細IQ掂，EQ唔掂，肥二IQ唔掂，EQ掂，人生無完美。

大老細上兩個星期有幾個中四既學長叫佢去荃灣食午飯，我老公覺得好奇怪，大老細話係同house既，迎新營時認識，我老公唔俾佢去，我都覺得啱，佢得12歲，雖然依家佢自己搭車返學放學，但由我屋企去荃灣實在太遠。佢間中學校風好，但都唔可以掉以輕心，暗地裡留意住佢既一舉一動，好彩大老細品性純良，暫時都冇問題。以我眼見，如果家中爸爸嚴格，小朋友會乖d，如果爸爸隔夜油炸鬼冇黎火氣，無論媽媽幾咁嚴，小朋友都唔會聽教，我老公如果鬧到大老細喊，佢就會推我去窩佢;二老細就唔同，老公點惡鬧佢都好，佢都好少喊，佢地老豆鬧到佢兩個點勁都好，兩隻野都係喜歡黐老豆多過我。

我3個老細性格上都唔喜歡將學校既事番黎講，阿女好d，我知得較多，始終女仔較喜歡講野多過男仔。

管教3個要盡量公平，因為我係大女，所以我知做大既難處，最反感係大要讓細，就算明明係大玩緊，細既黎搶，大人都會話你做大，就讓下d細架啦，所以係我屋企，冇大讓細，只有邊個玩先與後，自細都係咁，所以佢地從來唔會話我唔公平，好服我既判決。確立左呢種方式，小朋友一路長大，都唔會覺得父母偏心及自己不受重視。

原文章由 cheapbombom 於 08-11-30 09:14 發表
SKL,

你啊仔既性格開朗, 你定過台油, 十成十一係性格上唔會有事....
小朋友, ni種隨和既性格好難得...你估隨遇而安, 咁易做到? 好多人老左至開竅...

有事個班細路, 越黎越有樣睇.....通常對自己好嚴格..叻開番唔到 ...

[ 本文章最後由 SandyKL 於 08-11-30 17:24 編輯 ]

私人傳訊

積分: 167303

1066^#

發表於 08-11-30 17:22 |只看該作者

你呢幾條問題，阿女我仲知，大老細及肥二就答唔出勒

，小學最好同學都知，但上到中學就唔知勒，一來阿仔間學校年年同學大兜亂，大老細小四至小六都係果一班，但佢最好既同學仔有時調左去第二班架喎，佢地d男仔，好快又識過第二班好同學仔，

而且我性格上，好怕問長問短，我番工都好少打電話番屋企問呢樣問果樣，我都好少問佢地學校野，仲要知佢最好同學父母既職業，八卦得太過份了吧?同埋有d問題太小事，佢係屋企喜歡食咩零食，都知幾成係學校佢鍾意既零食。佢地鍾意既科目及老師?鍾意與唔鍾意邊個老師及科目，都要面對架啦，咁多年來唔見佢地有咩微言喎，於是我姑且試下去問左我大老細，佢既答案我都預左，科科都鍾意。

以果d心理學家既定義，我咪一個肥佬媽咪?係咪老公要搵過第二個阿媽俾佢地呢下?

mouth:

原文章由 cheapbombom 於 08-11-30 09:27 發表
朋友都有提過, 心理學家有些indicator, 可以好快知道父母同子女既溝通合唔合格....好彩, 我全部過關...

1) 係學校, 邊個同佢最friend
2) 佢最friend既同學, 住係邊, 父母咩職業....(可測試佢有無將已知既野豪無保留 ...

[ 本文章最後由 SandyKL 於 08-11-30 17:23 編輯 ]

私人傳訊

積分: 167303

1067^#

發表於 08-11-30 17:48 |只看該作者

玉姐:

男仔係咁架喎，報喜不報憂。

你要與其他同學仔既媽咪溝通下勒，記得肥二小一時，有份寫字功課貼堂，都係佢同班個同學仔媽咪話我知，呢個媽咪番學校做義工，所以知道，呢d知道又高興下，唔知都冇所謂。

反而我最緊張係佢地係學校曳而我唔知，出事老師都會講，肥二一向品行都冇問題，但上個學年上學期臨完結時，肥二唱左d粗皮既歌仔，俾班主任寫手冊記左個缺點，真係嚇左一跳，我老公係佢手冊上寫"What a shame!"，老公問哂佢成件事點發生，於是當然重插佢，後黎先知佢俾同學仔篤，於是更乘機教訓佢說話唔可以亂黎，以為冇人知道，錯唔緊要，至緊要俾小朋友知道自己錯咩及以後要點做。

咁你究竟幾時得架?

原文章由好姨於 08-11-30 14:30 發表
cheap

嘩乜鬼招數
我仔唔叻但倒瀉水都唔講
有事鐘意作d喜事回來

你快寫3招黎好

出黎食tea啦
打爐我真招架不住了

私人傳訊

積分: 167303

1068^#

發表於 08-11-30 17:50 |只看該作者

有冇食蜜糖?唔可以一曝十寒架喎。

原文章由好姨於 08-11-30 14:40 發表
玉姐

又咳啦
邊爐真係我c敵

私人傳訊

好姨

珍珠宮

積分: 48885

1069^#

發表於 08-11-30 21:35 |只看該作者

好再講過
邊幾日出黎

私人傳訊

積分: 18698

1070^#

發表於 08-11-30 23:51 |只看該作者

對大人黎講, ni di叫八掛, 係小朋友交友世界, 又唔係咁分...總之di indicator定得, 諗深一層有一定代表性, 我啊女最friend個幾個同學, 佢地父母做邊行, 我真係從啊女口中得悉...你話係咪啊女明刀明槍問番黎既結論? 又唔係, 只是佢對朋友家人生活方式同規律瞭如指掌既關係....女仔之間, 係傾ni di既唧...佢腦海有幾多野, 講晒比我知, 我咪知囉!

問番我中學年代, 我知唔知同學仔父母咩職業? 梗係知啦, 問題係, 自己有無講埋比自己父母知...我估, 如果你連ni di芝麻綠豆既野都知, 咁ni 個父母真係對子女無所不知....

就係要你知di大人唔覺要知既野, 至測到野啩!

原文章由 SandyKL 於 08-11-30 17:22 發表
你呢幾條問題，阿女我仲知，大老細及肥二就答唔出勒，小學最好同學都知，但上到中學就唔知勒，一來阿仔間學校年年同學大兜亂，大老細小四至小六都係果一班，但佢最好既同學仔有時調左去第二班架喎，佢地d男仔，好快又識過 ...

私人傳訊

積分: 18698

1071^#

發表於 08-11-30 23:54 |只看該作者

今個星期五仍然open比你地, 不過, 若果只有3人, 陣容係咪單薄左di? 再約的話, 分分鐘過年後...

原文章由好姨於 08-11-30 21:35 發表
好再講過
邊幾日出黎

私人傳訊

積分: 18698

1072^#

發表於 08-11-30 23:59 |只看該作者

查實, 我都曾經思考過, 我啊女去到幾多歲, 我至比佢自己坐車出街? 恐怕無15都14, 至少....男仔可能有機會早一兩年...不過暫時諗都未敢諗..

唉, 我個個年代, 小二已經跟住家姐自己坐巴士出去學野....唔係大唔大膽, 而係個個年代, 係好正常既.....

原文章由 SandyKL 於 08-11-30 16:52 發表
cheap,

我講性格開朗，果個係我肥二，大老細係一個忟姜，我二個老細好過癮，大老細IQ掂，EQ唔掂，肥二IQ唔掂，EQ掂，人生無完美。

大老細上兩個星期有幾個中四既學長叫佢去荃灣食午飯，我老公覺得好奇怪，大老細話係同house既，迎新營時 ...

私人傳訊

積分: 18698

1073^#

發表於 08-12-1 00:06 |只看該作者

今日無outing, 因為下午有羽毛球公開賽直播, 老公想留係屋企睇, 咁算啦, 下星期再出動...我地都有錄影, 佢晚上己馬上番煲..真係超級fans!

啊女星期二都有英默, 不過佢未放在心上, 由早到晚, 都好他調, 先係姿姿悠悠咁看課外書, 下午又織下頸巾咁, 傍晚出街hot pot, 回家沖完涼就訓左...我有問佢洗唔洗溫下書, 佢話, 已經溫左, 但我唔見....考佢串字, 背句, 佢又得...無野講...

放長相眼, 又睇下佢明天得番一日又點...點都望下啦...ok?

原文章由 SandyKL 於 08-11-30 15:48 發表
Monty,

今日又要係屋企，阿女星期二默中文，必定要同佢溫書，依家望下個星期日可以出去玩，佢12月8日默英文，今日同佢溫埋，咁下個星期日就可以得閒，老公好似下個星期日放假，等我提議下去燒野食先。

...

私人傳訊

積分: 167303

1074^#

發表於 08-12-1 00:25 |只看該作者

你提起自己中學同學，我中學有7個玩埋最好同學，但計落，我只知其中兩個阿爸做咩，其餘果D到今時今日我都唔知喎，我地呢班人仲時時有聯絡，我真係唔好奇架喎，我都係好大我先知阿爸做邊行，我D同學以我記得亦都冇問過我阿爸做邊行，冇必要知既野，我係冇興趣知。可能時代真係唔同左啦，依家小朋友聰明左，曉得資料搜集。
專家，哈哈....

原文章由 cheapbombom 於 08-11-30 23:51 發表
對大人黎講, ni di叫八掛, 係小朋友交友世界, 又唔係咁分...總之di indicator定得, 諗深一層有一定代表性, 我啊女最friend個幾個同學, 佢地父母做邊行, 我真係從啊女口中得悉...你話係咪啊女明刀明槍問番黎既結論? ...

私人傳訊

積分: 167303

1075^#

發表於 08-12-1 00:28 |只看該作者

如果再推遲到12月12日得唔得?我果晚都得。

有邊個得呢?唔打邊爐，你話事食咩勒。

原文章由好姨於 08-11-30 21:35 發表
好再講過
邊幾日出黎

私人傳訊

積分: 167303

1076^#

發表於 08-12-1 00:31 |只看該作者

陣容確係單薄，12月12日得唔得吖，唔得一係再推啦，冇辦法架勒。我既《海角七號》何時收到呢?玉姐話約埋去睇喎，但睇番評語好多人都話悶喎。

原文章由 cheapbombom 於 08-11-30 23:54 發表
今個星期五仍然open比你地, 不過, 若果只有3人, 陣容係咪單薄左di? 再約的話, 分分鐘過年後...

[ 本文章最後由 SandyKL 於 08-12-1 00:58 編輯 ]

私人傳訊

積分: 167303

1077^#

發表於 08-12-1 00:40 |只看該作者

你問我，我都唔會俾阿女一上中學就自己返學，女仔唔同男仔，唔係睇少佢地，而係女仔一俾壞人盯上，以女仔氣力，好難抵擋。我覺得要睇阿女醒唔醒目，有D好細個都好精靈，有D好大個都好鈍下，壞人識揀，一定揀個望上去鈍鈍地落手，依家講真係言之過早。

我讀中學既年代，我行番學校只需10分鐘腳程，唔洗搭車，而我D同學來自各方，都要搭車，中一佢地都係自己搭巴士番學，邊有依家有校巴咁好服務架。

原文章由 cheapbombom 於 08-11-30 23:59 發表
查實, 我都曾經思考過, 我啊女去到幾多歲, 我至比佢自己坐車出街? 恐怕無15都14, 至少....男仔可能有機會早一兩年...不過暫時諗都未敢諗..

唉, 我個個年代, 小二已經跟住家姐自己坐巴士出去學野....唔係大唔大膽, ...

私人傳訊