worthy 發表於 16-10-29 16:22 
回覆 rose-mag 的帖子
感覺係自己嘅，自己開唔開心係你自己決定
唔啱，被人激嬲係你自己，你可以練到唔俾人激嬲，而唔係將所有責任去怪激嬲你果個人，當然要睇情況，唔係話被霸凌都唔出聲，但就算我仔俾人霸凌，我都教佢要學會處之淡然，因為對方只係想激嬲你，等你喺係盛怒之下作出不理智反擊，咁佢做可以去向老師講你打人。。。你果case唔同，你而家意思係阿伯激嬲你，就要對佢做激嬲你嘅嘢負責，阿伯做嘅嘢對你來說係超錯，對佢嚟講唔係，你嬲對佢嚟講係你小器小家，到你話俾佢知你唔鍾意，佢都停咗，係你唔信要試，仲要之後話佢知你用卑鄙手法去試，阿伯覺得你過份，咁明明已經唔再搵酒樓妹妹，既然你都唔信，佢做同冇做都會俾你懷疑，咁佢點解唔可以隨心所欲？之後你又繼續惡繼續後母上身咁，阿伯鬥氣，我又唔覺得佢錯晒囉。
即係話一個人所做嘅嘢一定會對同佢有接觸嘅人造成影響＞＞＞有冇JM睇到呢句有咩問題？樓主又睇到嗎？邏輯上係冇錯，但角度錯晒，點解係阿伯做嘅嘢影響到接觸佢地嘅樓主就係阿伯唔啱？點解樓主唔可以唔受影響？又或者受影響後反應唔好咁誇張？又要生又要死又要刀仔拮大脾？既然阿伯咁差，樓主咁好，阿伯又唔識得珍惜，咁咪唔好俾機會佢珍惜，佢返轉頭認錯都一腳伸開佢，由得阿伯下半世都後悔自己幾衰至係嘛。講到尾，我覺得唔識欣賞唔識珍惜係樓主至係，被縱慣被就慣，習以為常以為樣樣變成必然，但偏偏空巢期危機更大，兒女長大，已經唔再係父母焦點，屋企淨番兩夫婦，如果以前夫妻感情基礎唔好，去到呢個時候係最危險嘅，有兒有女就話為仔女咩都忍，仔女大晒，淨低二三十年，想搵番自己想開心，而家又唔會好似舊社會咁，離婚唔會再一面倒俾人負面形象，咩失婚男棄婦呢D已經過時，近年真係好多五六十歲離婚，黃昏之戀再婚七八十歲亦大有人在，呢度嘅JM包括我都要有自覺，婚姻要經營，夫婦感情要培養，以前人話相敬如賓，我贊成亦唔贊成，兩夫婦係要尊重，但如果只當對方係賓客咁敬，我自己覺得唔足夠，要愛對方之餘都要愛自己，就算大家感情冇變，如果身體唔好好保養，老來要另一半辛苦照顧自己的話，呢個都唔係愛對方嘅正確方法。
樓主好似好為家庭，但呢D所謂好係唔係就係家人想要嘅好？自己嘅情緒自己管理，當一個人唔再著緊你，你係喜係悲對佢已經輕如鴻毛，你再唔開心對於佢只係煩煩煩悶悶悶，冇人想返屋企對住個苦瓜乾，就算你以前天姿國色青春可愛都俱往矣，而家唔走可能只係責任，或者未到要走嘅契機，男人七老八十可以枯木逢春，女人五十已係徐娘半老，冇幾多個可以風韻猶存，世上冇幾多個李美鳳鍾楚紅，呢個係現實，如果一心唔想走唔想阿伯走，你唔放下身段去蠃佢返嚟，仲以為自己係女皇不減氣燄的話，怕只係垂死掙扎，絕不睇好。
花旗太太生活在花旗國，留意時差，你問我未必即時答到。
發表於 
返回列表
