我掛念嫲嫲 發表於 19-1-27 22:53 
剛剛果集咪係～四個八婆坐埋一枱！
個小秦士真係好勁…扮弱者，
個個都信曬佢
其中張氏（英國公個女）唔知頭唔知尾，佢都好陰公，個爹要佢嫁就嫁，明知沈將軍唔係鍾意佢，府入面D人又蝦佢，其實佢係女中丈夫，後來叛亂時佢一刀切咗個賊嘅耳落嚟，即時成為城中熱話，以後冇人敢睇少佢。佢後來知道明蘭心地好，唔係出面D人傳佢咁樣，同明蘭都做到朋友。
小秦氏扮咗咁多年好人，沽名釣譽咁耐，又係侯府夫人，名緩界老人精嚟，好多女人後來都知跌晒眼鏡，好似顧二姑媽都唔信小秦氏會害個繼子，佢藏得好深。
當時門第嫡庶睇得太重，明蘭作為庶女，又一直養喺深閨，自然冇得同小秦氏比，就如皇后一家都俾人睇低，話佢地寓州嚟嘅都係粗魯野蠻不知大體，好似英國公獨女呢D京城長大嘅就睇唔起鄉野嚟嘅人，又睇唔起庶女，佢覺得自己呢D京城貴族至係正派之人，但偏偏佢嫁入沈家，最初佢活得好辛苦，加上老公又唔愛佢，唔好聽就等同守生寡。
花旗太太生活在花旗國，留意時差，你問我未必即時答到。
發表於 
聽晚又停播
返回列表
