吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 0|主題: 16102

收藏本版

發帖

返回列表

跳至頁

樓主: SandraLo

52 535455 56...101

積分: 4121

1061^#

發表於 10-9-21 12:12 |只看該作者

Dear Sandra,

我囡囡現在3歲, 2歲時前都請教過妳問題的, 我用了ignore及讚的方法, 在我方面都算可以成功做到, 但間唔中都有控制唔到會話咗先, 但家中其他成員都唔到, 一有其也人在囡囡都唔會理我那套, 已跟其他人說明要用ignore佢先, 但他們總是做不到, 怎麼辦呢?

另外, 我囡囡現在發脾氣時是不會大吵大鬧的, 她會一句聲都唔出, 跟住就會找地方如梳化或床伏下去, 什麼人跟她說話都唔應, 你就知佢發緊脾氣, 她會自我封閉, 不用罸她 naughty chair, 要等有其他事引她住意或達到她要目的就會采番你地, 好像是冇事發生. 佢唔發脾氣這一招, 看到她好像十分傷心落寞, 總是容易達到目的, 但如用ignore佢, 又担心她久而久之, 會否有心理病, 會把心事屈住, 全放在心上, 請問應怎樣對策呢? 請指教!

私人傳訊

Fishlo

別墅

積分: 651

1062^#

發表於 10-9-21 18:42 |只看該作者

Sandra, 又有問題啦！
而家亞女吾乖，會罰佢企naughty corner, 當然，　佢係會吾願意且走開，我當然即刻抱番佢埋去企，同計時＜多數罰３分鍾＞，罰完，再講道理，佢會話知錯！
問題係：
１佢比我罰完，隔一陣／　隔幾日又黎過，完全吾記得被罰過
其實初頭係咪會咁呢，試多幾次，佢係咪真會知道授罰原因，吾再犯　？
另外，佢好鍾意將啲自己吾要嘅野，掉落垃圾桶，什至佢吾鍾意食嘅野，我覺得吾可以咁樣浪費食物，我會罰佢企，　除呢個方法，　有咩其他方法對佢呢樣壞習慣？
仲有，吾鍾意時掉野落地都仍然解決吾到，點算　？

今日好慚愧，我鬧佢同埋打佢呀？仲係金金地個隻，有啲顛咗呀，

係佢面前掉野呀，唉，冇用的我，不能身教！

私人傳訊

SandraLo

珍珠宮

積分: 33215

1063^#

發表於 10-9-21 22:54 |只看該作者

原帖由劉明於 10-9-20 17:21 發表
Hi Sandra,

其實平時我多數時間比左大仔, 由於大仔個工人由去年12月開始已換左3個工人, 相反細仔個工人比較穩定, 所以好多時我會跟多D, 但以前佢唔話攪到去廁所都要我同佢一齊, 如你所說，讓我解決左佢返學先, 因為我 ...

劉明：

依家呢一代, 爭寵真係嚴重咗好多, 可能bb一出世就萬千寵愛在一身, 好難接受多咗個弟弟或妹妹來分他一半「身家」！因此, 單叫他「明白」細佬都是媽咪的另一個囝囝, 對事情的幫助並不大 (雖然都要做), 最重要是公平, 俾佢嘅訊息係媽咪會俾相同嘅嘢佢地兩個, 有乜嘢係兩個都有, 冇嘅話就兩個都冇！我相信坊間書店同圖書館有呢類幫小朋友的書, 不過要慢慢找, 你亦可創作一些小故事在睡前和他講+傾計, 起初故事唔好太刻意, 用動物例如小豬媽媽帶著三隻小豬便較容易接受.

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

1064^#

發表於 10-9-21 23:24 |只看該作者

原帖由 bigheadcat 於 10-9-21 12:07 發表
Sandra,

佢好多野都會發脾氣,佢有一個時間表,幾時做功課,幾時玩,幾時學野,幾時出街食飯,
如果佢未做完功課,冇得玩,就會發,如果上課外活動,老師投訴,就會冇得玩或出街食,又係會發,
好似昨日上網玩啲學習遊戲,講明玩30分鐘,到最後一個遊戲,我已提醒佢時間差不多夠鐘,佢話要玩最後三個遊戲,我話最後一個,因為一早己講明,咁佢都話好,但係玩完佢開始發脾氣,咁我同佢講,上網對眼唔好,一早講明玩三十分鐘,想聽日有得玩就唔可以咁,咁佢就不停講,話我對佢唔好,唔比佢玩,話唔要我,唔鐘意我,咁我唔理佢,做自己野,佢就開始話要整爛野,如果我唔理佢,佢就會開始拍門,或床或櫃等等,

bigheadcat :

佢依家係衝擊緊你呢個時間表.......
終極目的, 當然係「爭取」更多玩(上網)嘅時間！
如你因此「就範」, 佢就會不斷咁發脾氣嚟攞更多好處！

你先要自己睇睇呢個時間表是否要review吓, 例如佢玩兩節30min會唔會唔夠打一個game而要改一節60min ? 功課時間一節會否太長而令佢覺得有排都未完成得到？如果係就要再拆細, 玩嘅時間亦要拆細.....
另外就係：佢完成到時你有冇讚佢？抑或覺得佢應該嘅？
重訂時間表後就要同佢坐低傾掂, 甚至同佢一齊訂, 但一旦訂好, 就要嚴格執行, 亦可以訂埋發脾氣(即唔follow timetable)嘅罸則, 例如罸冇機打之類; 記得有罸就要有獎同讚, 咁先可以有positive reinforcement.

私人傳訊

catthien

禁止訪問

積分: 22170

BK Milk勳章

1065^#

發表於 10-9-22 02:01 |只看該作者

提示: 作者被禁止或刪除內容自動屏蔽

私人傳訊

SandraLo

珍珠宮

積分: 33215

1066^#

發表於 10-9-22 23:14 |只看該作者

原帖由 joycepsk 於 10-9-21 12:12 發表
Dear Sandra,

我囡囡現在3歲, 2歲時前都請教過妳問題的, 我用了ignore及讚的方法, 在我方面都算可以成功做到, 但間唔中都有控制唔到會話咗先, 但家中其他成員都唔到, 一有其也人在囡囡都唔會理我那套, 已跟其他人說 ...

joycpsk :

你指的家中其他成員, 如果是爸爸, 你可以嘗試去解釋一下, 如果是嫲嫲婆婆嗰d, 你好難去講解, 就算佢地明都唔會去做, 所以你只能你有你做, 咁得出嚟嘅結果, 就係佢唔會扭你, 但會扭扭得到嗰d !

「會找地方如梳化或床伏下去, 什麼人跟她說話都唔應, 你就知佢發緊脾氣」~~ 你都明咁叫發脾氣, 咪一樣係扭囉, 只不過唔用哭鬧, 而係用另一種方法嚟達到目的.
但你覺得「久而久之, 會否有心理病」, 就表示你其實係相信佢係唔開心, 而唔係扭, 呢種予盾, 絕對會令你嘅ignore做得唔夠徹底. 其實你要更小心處理, 因為呢d case處理得唔好, 佢有機會升級…….

佢都3歲, 可以講道理, 佢一般要求d 乜你係唔俾嘅？你又有冇講点解唔可以俾？你每次盡量要佢講番佢自己嘅要求, 等你可以解, 溝通後她仍用自我封閉嚟迫你就範, 你就可以當冇嘢(ignore), 亦要針對佢「唔啋人」, 用埋讚先至快見效.

[ 本帖最後由 SandraLo 於 10-9-22 23:15 編輯 ]

私人傳訊

SandraLo

珍珠宮

積分: 33215

1067^#

發表於 10-9-22 23:36 |只看該作者

原帖由 Fishlo 於 10-9-21 18:42 發表
Sandra, 又有問題啦！
而家亞女吾乖，會罰佢企naughty corner, 當然，　佢係會吾願意且走開，我當然即刻抱番佢埋去企，同計時＜多數罰３分鍾＞，罰完，再講道理，佢會話知錯！
問題係：
１佢比我罰完，隔一陣／　隔幾日又黎過，完全吾記得被罰過
其實初頭係咪會咁呢，試多幾次，佢係咪真會知道授罰原因，吾再犯　？
另外，佢好鍾意將啲自己吾要嘅野，掉落垃圾桶，什至佢吾鍾意食嘅野，我覺得吾可以咁樣浪費食物，我會罰佢企，　除呢個方法，　有咩其他方法對佢呢樣壞習慣？
仲有，吾鍾意時掉野落地都仍然解決吾到，點算　？

今日好慚愧，我鬧佢同埋打佢呀？仲係金金地個隻，有啲顛咗呀，係佢面前掉野呀，唉，冇用的我，不能身教

Fishlo :

想先問：一般佢做d 乜會俾你罸呢？
「佢好鍾意將啲自己吾要嘅野，掉落垃圾桶」~~ 有方法的, 你家有幾個垃圾筒？
忍吓啦(最好當然可以改埋) ..... 你做乜, 佢就學你做乜架啦！
‧

私人傳訊

Fishlo

別墅

積分: 651

1068^#

發表於 10-9-23 00:24 |只看該作者

以下情況都會罰佢企:
1. 原先好好地玩緊野, 或睇緊書, 但突然顛咗咁, 掉哂落地下
2. 突然將啲食物, 或者佢自己睇可順眼嘅野掉落垃圾桶

其實另外又有好多野想問, 明明上星期用ignore and praise 嘅方法, 亞女真係乖咗好多, 點知自星期日佢病開始到今日, 佢脾氣又回復之前咁, 我用咗以下方法, 請問咁樣做是否正確?
1. 係屋企都扭抱, 吾抱就喊- 我用ignore 方法, 入房吾理佢, 由得佢喊, 等佢停喊時, 就問佢喊完未, 如佢冇再喊, 我會同佢講番道理, 如仍喊, 則再吾理, 直至佢喊完為止

2. 掉野個啲 - 罰企naughty corner, 吾肯企行開, 抱番佢, 點都要佢企為止, 多數罰3-5分鐘, 跟住再講道理, 係咪真係耐咗怕罰企, 吾再犯?

3. 係都要咬手指 - 因為講過好多次都吾聽, 同埋係佢發顛喊時, 會4隻手指塞哂入口, 咁我就好狼地, 滴白花油落佢手指到, 佢知白花油係"拿"嘅

4. 好多時佢喊完, 我同佢講道理時, 佢又會再要求第2啲野, 我再用ignore方法

其實真係吾明我個女點解可以呢分鐘明明玩得好開心, 但第2分鍾立刻又發脾氣, 好似人地有性格分裂咁
同埋其實成日又得佢喊, 會否影響我地雙方有關係 ? 因呢幾日我同C6都有打佢, 明顯見到佢多咗吾開心!

Sandra, 我都吾知點教好佢呀!

原帖由 SandraLo 於 10-9-22 23:36 發表

Fishlo :

想先問：一般佢做d 乜會俾你罸呢？
「佢好鍾意將啲自己吾要嘅野，掉落垃圾桶」~~ 有方法的, 你家有幾個垃圾筒？
忍吓啦(最好當然可以改埋) ..... 你做乜, 佢就學你做乜架啦！
‧ ...

私人傳訊

catthien

禁止訪問

積分: 22170

BK Milk勳章

1069^#

發表於 10-9-23 01:17 |只看該作者

提示: 作者被禁止或刪除內容自動屏蔽

私人傳訊

SandraLo

珍珠宮

積分: 33215

1070^#

發表於 10-9-23 12:45 |只看該作者

原帖由 catthien 於 10-9-22 02:01 發表
Hi Sandra, 今日第一次睇呢個post，又如時間所限我習時睇左小小先，已經覺得學到好好教小朋友發皮氣既處理，想問下part one係邉到搵到呢？我見有個媽咪即頭print左出黎，我都一定要，入題先，想請教仔仔都係16個月大, 佢呢排不停咁 ...

catthien :

我係輪次序答架, 冇miss到你, 不過有時一晚答唔哂, 如你睇到我跳咗答咗遲過你出嗰d post, 就真係miss咗, 要提我, 人老咗係懵d.......

Part one 响呢個topic 第一個post 都有 link, 雖然裡面都有好多係問打人, 但好揾難啦, 你睇熟點用讚個post 先, 再問.

「我爸媽就話佢咁細個你打佢佢驚架, 唔好打佢呀會另佢好驚夜晚會狌咁喊, 第時會白痴架」~~

有冇咁跨呀, 你千祈唔好用咁嘅方法教仔呀.......

私人傳訊

SandraLo

珍珠宮

積分: 33215

1071^#

發表於 10-9-23 23:15 |只看該作者

原帖由 Fishlo 於 10-9-23 00:24 發表
以下情況都會罰佢企:
1. 原先好好地玩緊野, 或睇緊書, 但突然顛咗咁, 掉哂落地下
2. 突然將啲食物, 或者佢自己睇可順眼嘅野掉落垃圾桶

其實另外又有好多野想問, 明明上星期用ignore and praise 嘅方法, 亞女真係乖 ...

Fishlo :

用罸其實比用讚難少少.......
你個case, 我建議唔好用罸住
睇咗你d問題先：
1. 「係屋企都扭抱」~~ 無論佢扭乜嘢都好, 扭唔到嘅話, 佢就唔會扭, 唔會哂彈藥, 唔好再講道理, 亦冇道理要講, 要「見好即收」.
2. 「罰企naughty corner」~~ 我建議唔好用罸住嘅原因, 係你响同佢糾纏期間, 佢都係攞到你嘅attention, 咁你覺得好麻煩時, 就點都會有鬆懈, 因而未必出到應有嘅效果.
3. 「會4隻手指塞哂入口」 ~~ 呢個好明顯係引你話佢, 因為咁根本咬唔到, 試吓响冇咬時讚多d.
4. 我覺得佢係attention seeking, 喊完你理佢, 佢又覺得可以再試吓扭第2樣.

我唔主張打, 除咗會令佢學咗邊個好打邊個話事、同以武力解決事情之外, 佢都會學咗打人, 重有就係有d 父母淨係標榜打, 但打又唔痛的, 咁就變成嚇............

我成日講, 用ignore 唔係ignore個小朋友, 而係ignore一個壞行為 (例如因扭而喊), 當呢個壞行為冇出現時, 你必須用讚嚟話佢知佢咁就係乖孩子, 佢先知要「做d 乜」同「唔好做d 乜」, 因此, 佢唔再扭、停止無理哭鬧時, 你就唔可以再「哦」同「話」佢, 要教d 乜嘢道理, 响夜晚bed time story 嗰陣先用傾計方式講番因解釋！
依冢你做法係「佢停喊時, 就問佢喊完未, 如佢冇再喊, 我會同佢講番道理」, 咁做冇法俾到佢一個即時的正面反應, 即係冇扭就有嘉許, 反之, 重要聽你講道理, 再俾你話佢做錯！

補充 : 試吓收起d 垃圾筒然後讚佢多d 冇丟嘢！

[ 本帖最後由 SandraLo 於 10-9-23 23:17 編輯 ]

私人傳訊

韓太

大宅

積分: 3661

1072^#

發表於 10-9-23 23:40 |只看該作者

Sandra,
仔仔而家差不多三歲,我有以下問題
1.他好大脾氣,少少唔喜歡,就動手打人(包括我們兩公婆)--我們會即時捉住他手手,解釋比他知手手用來做咩,但他仍繼續打,我們是否叫他naughty corner呢?我們有這樣做,但好快他又犯,好似成晚不停naughty corner咁,真係不知如何是好?
2.他成日手指指咁罵人,我應該ignore佢呢?(有時他好似罵空氣咁,我係會ignore佢),但他做錯事,我們話他解釋比他知,但仔都手指指罵留我們,我應如何處理?
3.我嘗試罰他naughty corner,但罰完一陣間,他好似忘記左咁,又再犯錯(如打人,手指指罵我們)是否又再罰呢??謝謝!
4.讚既topic,我都有see過,有時自己都忘記左呢個point!
請回覆我,謝謝!

[ 本帖最後由韓太於 10-9-24 00:03 編輯 ]

私人傳訊

Fishlo

別墅

積分: 651

1073^#

發表於 10-9-24 13:32 |只看該作者

吾該哂Sandra, 我會再試ignore + praise, 但而家個情況好惡劣！之前我講過話佢係前一個星期好乖，但自從星期日病開始，直至而家＜已發完燒＞，成個人顛哂＜包括我同C6 >, 顛嘅情況：
1.　夜晚瞓瞓下覺，自己醒或我幫佢盍被整醒佢，都會顛喊＋塞哂手指入口，我試過吾理佢，入房瞓，　佢就喊喊喊，　可以喊足半個鍾，咁我睇下佢啦，　佢話吾要我，要姐姐，我話吾得，因為呢個印黎咗兩個月已經縱壞哂我個女，我預備炒佢，同埋我之前有同我個女講過話會搵新姐姐照顧佢，吾知會否同呢個原因有關，　因為亞女都幾like 佢，我個女昨晚仲話個印係佢媽咪，我問佢，咁我係邊個，佢吾答我，呢樣未試過架，之前個姐姐由佢bb take care her, 佢都吾會認個舊姐姐係媽咪，何況而家亞女都兩歲半啦，我懷疑個印係亞女面前講過啲野，因為佢夠膽死，係我鬧女時，佢細聲同我亞女講 I Love U.... 總之佢情緒勁勁波動，係顛得好緊要！
2.　夜晚突然坐係度瞓，跪係度瞓，整佢瞓番好，又顛喊
3. 係屋企，突然除哂啲褲，　要吾著，同佢著番，顛喊
4. 係屋企，聽聽下兒歌話吾聽，咁佢自己走去off,本來睇住佢會放回盒入面，　突然又話吾要啦，要掉咗佢
5. 我地嘅顛行為，抱佢出門口，話吾再要佢＜係幾次＞同埋勁打佢＜我知吾好，不過我地忍不住＞
6. 又開始咩都吾肯食，連我地話同佢去街，都話吾去，我地堅持同佢換衫啦，又顛喊
7. 學校老師話佢上堂冇野＜今日係病後第一次返學＞，　早上係屋企，話返又吾返，同佢換完校服，除哂啲襪同鞋，顛喊，但搭車期間又正常番喎
8. 係婆婆屋企食完飯返自己家，吾肯行，鞋都吾著，掉咗垃圾桶（之前用賺嘅方法已經攪到佢肯自己行），我同C6話咁你係婆婆到瞓啦，佢竟然話好，佢以前係吾會架，因佢好痴我架，就算２－３小時後婆婆同佢講夜啦，返屋企啦，佢都話吾返，掉埋婆婆條key　

我知佢病呢排好吾開心，佢好似好嬲我同C6, 因為我地打佢，好擔心是否需要帶佢睇心理醫生？

我而家諗，佢係驚同嬲我真係吾要佢，所以做啲野黎attention seeking, 但如果我繼續用ignore 方法，怕佢會否真係覺得我吾理佢吾要佢，變成有心理病？＜我覺得亞女雖然兩歲半，但佢思想都幾成熟，同埋成日好似係到諗野咁! 但如果我係佢呢排就番佢，怕之後再用番ignore 及讚嘅方法，已經吾work, 因為佢可能會再次做番以上嘅顛行為黎嚇我！

哎，好吾開心，好煩，希望你可幫幫我啦！千萬個吾該！

原帖由 SandraLo 於 10-9-23 23:15 發表

Fishlo :

用罸其實比用讚難少少.......
你個case, 我建議唔好用罸住
睇咗你d問題先：
1. 「係屋企都扭抱」~~ 無論佢扭乜嘢都好, 扭唔到嘅話, 佢就唔會扭, 唔會哂彈藥, 唔好再講道理, 亦冇道理要講, 要「見好即 ...

[ 本帖最後由 Fishlo 於 10-9-24 15:13 編輯 ]

私人傳訊

joycepsk

大宅

積分: 4121

1074^#

發表於 10-9-24 13:44 |只看該作者

Dear Sandra,

其他成員咪就是爸爸, 工人, 老人家, 我已話了好多次, 佢地都是唔忍心, 我都唔知可以點.

我囡囡發脾氣是好飄忽的, 如她扭要買野或食糖, 我知要IGNORE佢, 但有時佢忽然發作, 但唔知佢因為什麼原因的, 好似前幾天佢做動作, 佢表哥跟佢做, 佢就咁嬲咗表哥, 又走回床望窗唔采人, 表哥跟她道歉後才冇事, 我覺得佢好情緒化, 我怕將來佢會好易有情緒病, 請問應該怎樣對策呢? 請指教.

私人傳訊

SandraLo

珍珠宮

積分: 33215

1075^#

發表於 10-9-24 22:21 |只看該作者

原帖由 catthien 於 10-9-23 01:17 發表
想請教仔仔都係16個月大, 佢呢排不停咁鐘意打人, 一唔like就郁手打人, 我試個彈佢手, 又試個打佢手仔, 軟功同佢講唔好打人呀, 打人唔好架等等, 佢都係咁, 我都唔知點算好, 我爸媽就話佢咁細個你打佢佢驚架, 唔好打佢 ...

catthien :

瞓覺嗰度, 你個方法係正確架.....
你地有冇睇過supernanny? 佢個方法應該好啱用！你check 吓HMV重有冇得賣？

私人傳訊

SandraLo

珍珠宮

積分: 33215

1076^#

發表於 10-9-24 22:41 |只看該作者

原帖由韓太於 10-9-23 23:40 發表
Sandra,
仔仔而家差不多三歲,我有以下問題
1.他好大脾氣,少少唔喜歡,就動手打人(包括我們兩公婆)--我們會即時捉住他手手,解釋比他知手手用來做咩,但他仍繼續打,我們是否叫他naughty corner呢?我們有這樣做,但好快他 ...

韓太：

你先睇呢度, 睇吓naughty chair 有冇用錯：(1st post)
http://forum.baby-kingdom.com/viewthread.php?tid=909498&extra=page%3D1&page=4

再睇你落呢個post 嘅前一個, 我答另一個媽咪 "Fishlo", 都係講打人.
如囝囝淨响屋企打人, 你試吓盡量用讚+ignore, 俾少d 反應, 而讚就起碼一日五、六次, 唔好用罸住.

私人傳訊

韓太

大宅

積分: 3661

1077^#

發表於 10-9-24 23:06 |只看該作者

Sandra,
我用既方法與你所寫既差不多!
我有一樣唔係太懂去處理"仔仔真係好容易又重犯,例:打人",
他岩岩才naughty corner完,3分鐘後,他又打人了,是否又立即naughty corner呢??
我知道我之前欠缺了耐性,以為一星期就可搞店,但原來是長期戰鬥!thanks

私人傳訊

SandraLo

珍珠宮

積分: 33215

1078^#

發表於 10-9-26 20:38 |只看該作者

原帖由 Fishlo 於 10-9-24 13:32 發表
吾該哂Sandra, 我會再試ignore + praise, 但而家個情況好惡劣！之前我講過話佢係前一個星期好乖，但自從星期日病開始，直至而家＜已發完燒＞，成個人顛哂＜包括我同C6 >, 顛嘅情況：
1.　夜晚瞓瞓下覺，自己醒或我幫佢盍被整醒佢，都會顛 ...

Fishlo :

首先要講, 有d 小朋友對抗生素之類嘅藥有幾大嘅反應, 再加上病緊時屋企人會就多d, 形成啱啱病完嗰陣好難搞, 好容易發脾氣.

1. 有冇睇「媽咪容易犯的錯誤」？佢咁講嘢激你, 咪又係attention seeking 囉！
2 & 3. & 4. 如小朋友因藥物令佢情緒不好, 一時一樣, 你可以盡量由得佢, 即係話, 佢要d乜唔要d乜, 俾佢啦！唔著褲, 唔著囉, 你keep住用讚嚟俾attention佢, 咁佢咪唔駛用扭嚟draw 你a ttention囉！唯一要注意, 係你由得佢、俾佢, 但唔係俾佢扭到, 即係唔可以等佢扭先俾, 舉例：「我要除褲呀」「點解呀？」「唔知呀總之要除」「咁好呀除啦」; 明唔明？
5 & 8. 請唔好再講負面同意圖嚇佢嘅說話, 傷感情、打擊自己講嘢嘅公信力之外(因講咗唔會做), 佢重會學埋！最傷感情就係呢類說話, 而唔係ignore bad behaviour！

同你分享最近一段剪報：
http://hk.news.yahoo.com/article/100914/4/k7yh.html
順手再舉個例：你話佢唔行, 就叫佢「响婆婆到瞓啦」, 你估佢會話「唔好」, 然後就順勢叫佢, 「咁就快d 行啦」, 係咪？但佢話好, 你咪變成只講不做囉, 呢類唔係
「言出必行」嘅說話令佢更加唔聽、唔駛理你講, 扭咗先算！
查實我今日花咗成個鈡寫咁大篇嘢, 個訊息係同俾你嘅上個post 一樣！
希望你可以坐定定咁諗諗, 如果你係佢..........

[ 本帖最後由 SandraLo 於 10-9-26 20:39 編輯 ]

私人傳訊

SandraLo

珍珠宮

積分: 33215

1079^#

發表於 10-9-26 21:50 |只看該作者

原帖由 joycepsk 於 10-9-24 13:44 發表
Dear Sandra,

其他成員咪就是爸爸, 工人, 老人家, 我已話了好多次, 佢地都是唔忍心, 我都唔知可以點.

我囡囡發脾氣是好飄忽的, 如她扭要買野或食糖, 我知要IGNORE佢, 但有時佢忽然發作,但唔知佢因為什麼原因的, 好似前幾天佢做動作, 佢表哥跟佢做, 佢就咁嬲咗表哥, 又走回床望窗唔采人, 表哥跟她道歉後才冇事, 我覺得佢好情緒化, 我怕將來佢會好易有情緒病, 請問應該怎樣對策呢?

joycepsk :

對你嘅屋企人, 都一樣係身教, 當你demo得到唔駛鬧唔駛打阿女都聽話嗰陣, 佢地會明多d (雖然做唔做係另一回事).

一個成年人如果少少事就話唔高興, 而每次呢d 接近無理取鬧嘅情緒都會有人安撫、道歉的話, 你估會點？愈玩愈大, 愈發愈多囉！
佢响大人身上或電視學咗「嬲」, 咪試吓囉, 係小朋友嘅一種探索, 冇乜唔啱, 錯係錯在你地, 表哥做錯乜？点解佢嬲唔啋人就要有人向佢道歉？咁佢好難唔情緒化個喎！
佢突然唔啋人, 你應該去問佢点解 , 佢唔答就由得佢, 呢個真係佢自由, 如佢話唔鍾意表哥跟佢做動作, 就教佢同表哥講：「我唔想你學我呀」, 話佢知佢禮貌咁要求, 表哥會聽, 但嬲係唔恰當！你為咗佢唔嬲就叫表哥去道歉, 咪助長佢少少嘢都去嬲人囉, 佢冇情緒病呀, 唔好樣樣無限放大呀！

私人傳訊

SandraLo

珍珠宮

積分: 33215

1080^#

發表於 10-9-26 22:01 |只看該作者

原帖由韓太於 10-9-24 23:06 發表
Sandra,
我用既方法與你所寫既差不多!
我有一樣唔係太懂去處理"仔仔真係好容易又重犯,例:打人",
他岩岩才naughty corner完,3分鐘後,他又打人了,是否又立即naughty corner呢??
我知道我之前欠缺了耐性,以為一星期就可 ...

韓太：

你睇我寫俾Fishlo 嗰兩個post, 盡量唔好罸, 因為罸都可以係俾緊attention, 先用讚+ignore !