影視娛樂 今日: 17 | 主題: 16134

積分: 167315

1082^#

發表於 08-12-1 21:09 |只看該作者

不入地獄，又豈知身處天堂呢?歡迎回歸。

想想你都有得著，日日說英語，好一課職業英語。

原文章由 MagDog 於 08-12-1 17:25 發表
燈燈燈鄧...magdog終於回歸了..從一個地獄回歸凡間..記否之前我打工那兒,我search過, 無論公司和老闆都是臭名遠播, magdog又衰了太天真太傻..去到不單臭, 是爛臭的臭.... 有機會再話比你們 ...

私人傳訊

積分: 167315

1083^#

發表於 08-12-1 21:12 |只看該作者

係咪12/12個個都得呢?Monty、bng、cheap、玉姐得唔得?

原文章由好姨於 08-12-1 17:49 發表
magdog

咁你12/12 出黎無 ?

私人傳訊

積分: 18698

1084^#

發表於 08-12-1 21:58 |只看該作者

<海角七號>借左比同事, 今日回歸囉...同事話, 好悶下唧...哈哈, 至少有人認同.....有人可以番睇七次, 又一鐵証各花入各眼!

原文章由 SandyKL 於 08-12-1 00:31 發表
陣容確係單薄，12月12日得唔得吖，唔得一係再推啦，冇辦法架勒。我既《海角七號》何時收到呢?玉姐話約埋去睇喎，但睇番評語好多人都話悶喎。

私人傳訊

積分: 18698

1085^#

發表於 08-12-1 22:02 |只看該作者

唉, 我12/12唔得啊, 舊同事生日, 前日至約實晒.....
既然咁齊人, 你地照出黎啦, 唔好再改啦.....
反而, 我5/12仍然open....
本來都諗c q, swap兩個禮拜五, 但係生日個位壽星妹, 下星期日要考日文公開試, 早唔到....改到我一定改...

原文章由 SandyKL 於 08-12-1 21:12 發表
係咪12/12個個都得呢?Monty、bng、cheap、玉姐得唔得?

私人傳訊

積分: 18698

1086^#

發表於 08-12-1 22:07 |只看該作者

MagDog,

掛死你啦....好囉, 終於盼到你回來!
你係咪已經炒左老細魷魚? 咁爛臭既檔, 你都忍左咁耐, 都向自己交待到囉...., 你至好野! 向前望, 一定有更好機會等緊你.....

原文章由 MagDog 於 08-12-1 17:25 發表
燈燈燈鄧...magdog終於回歸了..從一個地獄回歸凡間..記否之前我打工那兒,我search過, 無論公司和老闆都是臭名遠播, magdog又衰了太天真太傻..去到不單臭, 是爛臭的臭.... 有機會再話比你們 ...

私人傳訊

積分: 18698

1087^#

發表於 08-12-1 22:28 |只看該作者

第一集分3次至睇晒, 情況幾惡劣下...
個女主角攪咩? 佢既身份係咩? 又文職, 又團長, 又通街跑貼街招, 係地鐵賣唱又得....都唔緊要, 大佬, 佢唔好連指揮都做埋....可大可少, 唔可以亂黎...position到佢萬能, 反而反感...

暫時, 女主角既性格係我心目中未定到位, 佢演既性格同特質, 暫時係角色上完全match唔到, 演咩唔似咩....點講呢, 佢既性格唔鮮明, 或者劇本係好鮮明, 但係ni位演員身上, 暫時體現唔到....我不嬲黑就黑, 白就白, 喜惡分別, 係女角身上, 我只看到了灰色, 自己不禁有點唔耐煩...佢想點?

至於愛情線, 必定係2男共待一女, 男1係指揮家罷, 男2係小號手罷...男1係天才罷, 但性格弧僻高傲, 完美主義者, 處處針對女主角...而男2, 必然係成日鬥氣個款啦, 男1男2都愛上女主角, 不過與男1之間的發展會教引入入勝啩....(活潑的配上cool爆的而產生化學作用)

對我黎講, 男1太老, 個樣木獨古版, 睇怕唔會有好感...(人地千秋cool得黎, 都有個靚樣睇下...佢好似啊伯...點襯女主角????), 至於男2, 更不是我杯茶, un till 鬼命....

預左無靚仔睇, 唯有靠故事取勝啦...既然有咁多人話好睇, 應該往後有睇頭既....不過, 個hurdle唔知幾多集後先消失...

以上既係估下估下咋, 我連盒上面既簡單介紹都無睇, 一味斷估..死未!

原文章由 SandyKL 於 08-11-30 15:32 發表
我今日希望煲埋第9集，咁下個星期可以透下等你煲完至傾，你慢慢，唔洗急，你煲哂我又再出發睇。

私人傳訊

積分: 18698

1088^#

發表於 08-12-1 23:07 |只看該作者

對我黎講, 真係有點不可思議囉............
問我中學既死黨, 10個有11個都答得出我父母既職業, 無他, 因為叫得我死黨, 唔係一般泛泛之交...成20年啦, 唔好話佢地識我父母, 連我父母, 都識晒佢地...啊媽仲可以一口氣, up晒我班friend di中文全名, 以前係咁叫嘛, 好順口...我爸爸揸的士, 讀書個陣時跟學校出去比賽, 爸爸會黎接我, 我班朋友, 好多個都比我爸爸載過啦....

我地個年代, 好興成日上同學仔屋企做功課, 唔係我上你度, 就係你上我度....我有一個朋友, 佢爸爸係做小販, 賣炸豆腐, 魚蛋同茄子(既三寶), 想當年, 我地上佢屋企, 佢爸爸一定即場炸一碟比我地食.....另外又有個同學, 佢爸爸行船既, 一年都無10日係屋企, 佢成日提起寫信寫比爸爸, 收到爸爸越洋寄回來的信, 又拿回校睇...總之, 同學之間, 當年唔係分享興趣, 就係家庭生活囉...如果唔知對方既背景, 個個稱不上自己好朋友....起碼我自己既定義係咁...

就算出黎做野啦, 我啊媽都真係識up我好同事di名....事實, 我同媽媽感情真係幾好, 無所不談......有時提起舊同事, 佢清楚記得邊間打邊間.....我啊女ni方面似我, 佢既交友生活, 暫時瞭如指掌...

原文章由 SandyKL 於 08-12-1 00:25 發表
你提起自己中學同學，我中學有7個玩埋最好同學，但計落，我只知其中兩個阿爸做咩，其餘果D到今時今日我都唔知喎，我地呢班人仲時時有聯絡，我真係唔好奇架喎，我都係好大我先知阿爸做邊行，我D同學以我記得亦都冇問過我阿爸做邊行，冇 ...

私人傳訊

積分: 18698

1089^#

發表於 08-12-1 23:24 |只看該作者

補充一句, 講座位專家分享, 小孩子有無將心扇向父母打開, 關鍵在於, 父母有沒有從少與孩子建立良好亙動關係, 打開溝通之門, 唔係一朝一歹, 亦無野叫做"興"唔"興", 肯花心機, 就自然慢慢建立到..

講者都有仔, 有女, 佢話, 男仔都可以好善談, 真係唔好忽略佢地既需要, 我好想好想同啊女可以無所不談, 所以, 我幾重視ni方面既培育....如果佢地習慣小事都唔講, 大事更唔洗指意比你知...一家人晚飯後靜靜地睇電視, 或是各有各用電腦, 係最恐佈既家庭現象...溝通=0......

唔好話咩, 如果倆公婆, 每晚各有各忙, 好明顯唔掂啦, 無溝通, 關係=一潭死水....子女都一樣, 唔出聲都死啦...真係嫁, 溝通得好, 平時有晒默契, 教起女上黎, 唔洗勞氣, 佢地自自然然聽教聽話...

原文章由 cheapbombom 於 08-12-1 23:07 發表
對我黎講, 真係有點不可思議囉............
問我中學既死黨, 10個有11個都答得出我父母既職業, 無他, 因為叫得我死黨, 唔係一般泛泛之交...成20年啦, 唔好話佢地識我父母, 連我父母, 都識晒佢地...啊媽仲可以一口氣, ...

私人傳訊

積分: 167315

1090^#

發表於 08-12-1 23:31 |只看該作者

自由廣場果邊有人開左版討論，但粗略咁計下，大約有6成人話悶，有一個直情怨老公好帶佢去睇，悶足2個鐘。我有個同事睇左，佢話如果頂得順佢節奏慢就冇問題，佢話鏡頭影住男主角踩單車都易左成分鐘，問左佢意見，唔洗入場睇。

係啦，《時光倒流70年》、《鐵達尼號》、《秋天的童話》有人係咁連續入戲院睇好幾次，認為係驚典之作，我睇一次夠哂皮，咁多年來冇再重睇，呢幾齣電影雖未至於悶，但唔係我心目中既驚典之作囉，反而湯漢斯齣《綠里奇緣》，我番幾次都覺得好感動，好好睇，可能我對歌頌愛情為主題既作品毫無興趣，對人性既探討反而我更有興趣。

好奇怪喎，到依家我都唔明點解我會咁喜歡《命中註定愛上你》，唯一解釋係我對愛情仲未完全熄火。

原文章由 cheapbombom 於 08-12-1 21:58 發表
借左比同事, 今日回歸囉...同事話, 好悶下唧...哈哈, 至少有人認同.....有人可以番睇七次, 又一鐵証各花入各眼!

私人傳訊

積分: 167315

1091^#

發表於 08-12-1 23:37 |只看該作者

睇人數啦，我2日都得，不如12月5日我地出左黎打邊爐先啦，再睇12月12日得唔得勒，我都預左果日架，再1月中，我又要開始上下一季既芭蕾舞堂，下一季將只繼續星期五果堂，而要放棄星期二果堂，為左跟阿女功課，我已經走左幾堂，要忍痛唔上，我真係唔捨得，但呢班轉左去8:15，太夜勒，我唔得要放棄。

原文章由 cheapbombom 於 08-12-1 22:02 發表
唉, 我12/12唔得啊, 舊同事生日, 前日至約實晒.....
既然咁齊人, 你地照出黎啦, 唔好再改啦.....
反而, 我5/12仍然open....
本來都諗c q, swap兩個禮拜五, 但係生日個位壽星妹, 下星期日要考日文公開試, 早唔到.... ...

私人傳訊

MagDog

翡翠宮

積分: 93980

1092^#

發表於 08-12-1 23:46 |只看該作者

我也太miss你們了, 12月5日, 我應該ok.
c.b.b., 正當今天tvb比了二百多個大信封給staff時, 我就比了一個大信封給個"吹燦" (又吹水又燦"爛")的boss..

原文章由 cheapbombom 於 08-12-1 10:07 PM 發表
MagDog,

掛死你啦....好囉, 終於盼到你回來!
你係咪已經炒左老細魷魚? 咁爛臭既檔, 你都忍左咁耐, 都向自己交待到囉...., 你至好野! 向前望, 一定有更好機會等緊你.....

...

私人傳訊

積分: 167315

1093^#

發表於 08-12-1 23:56 |只看該作者

女主角俾人呃左咯，你又"搣士"左?呢個女主角都幾混沌架，女演員演譯得係有得不倫不類，睇多幾集，會發覺佢都幾理解男1，唔係糊里糊塗咁將自己既感情押上。

男1唔係天才，男2先係。至於與女主角鬥氣，睇落你先知。

我今晚睇到第10集，俾個埸景及音樂攪到

，跳左咁多年舞，對古典樂敏感度提升左唔少，《貝多芬第9合唱交響曲》，以前都有聽過，從未如此震撼我心，呢個貝多芬心中真係抑壓好多野，係音樂中拼發出黎，聽佢既樂章，與佢彷如遠古重逢，一下子瞭解佢既心情。

原文章由 cheapbombom 於 08-12-1 22:28 發表
第一集分3次至睇晒, 情況幾惡劣下...
個女主角攪咩? 佢既身份係咩? 又文職, 又團長, 又通街跑貼街招, 係地鐵賣唱又得....都唔緊要, 大佬, 佢唔好連指揮都做埋....可大可少, 唔可以亂黎...position到佢萬能, 反而反感...

暫時, 女主角既性格係我心目中未定到位, 佢演既性格同特質, 暫時係角色上完全match唔到, 演咩唔似咩....點講呢, 佢既性格唔鮮明, 或者劇本係好鮮明, 但係ni位演員身上, 暫時體現唔到....我不嬲黑就黑, 白就白, 喜惡分別, 係女角身上, 我只看到了灰色, 自己不禁有點唔耐煩...佢想點?

至於愛情線, 必定係2男共待一女, 男1係指揮家罷, 男2係小號手罷...男1係天才罷, 但性格弧僻高傲, 完美主義者, 處處針對女主角...而男2, 必然係成日鬥氣個款啦, 男1男2都愛上女主角, 不過與男1之間的發展會教引入入勝啩....(活潑的配上cool爆的而產生化學作用)

對我黎講, 男1太老, 個樣木獨古版, 睇怕唔會有好感...(人地千秋cool得黎, 都有個靚樣睇下...佢好似啊伯...點襯女主角????), 至於男2, 更不是我杯茶, un till 鬼命....

預左無靚仔睇, 唯有靠故事取勝啦...既然有咁多人話好睇, 應該往後有睇頭既....不過, 個hurdle唔知幾多集後先消失...

以上既係估下估下咋, 我連盒上面既簡單介紹都無睇, 一味斷估..死未!

私人傳訊

bng0306

男爵府

積分: 6552

1094^#

發表於 08-12-2 00:28 |只看該作者

我唔得呀, 去飲呀.

12月個個星期5都有野做呀, sorry.

原文章由 SandyKL 於 08-12-1 21:12 發表
係咪12/12個個都得呢?Monty、bng、cheap、玉姐得唔得?

私人傳訊

bng0306

男爵府

積分: 6552

1095^#

發表於 08-12-2 00:35 |只看該作者

magdog,
回復自由生.

咁5/12有4個, 你地照出啦.
我都會到一到.

原文章由 MagDog 於 08-12-1 23:46 發表
我也太miss你們了, 12月5日, 我應該ok.
c.b.b., 正當今天tvb比了二百多個大信封給staff時, 我就比了一個大信封給個"吹燦" (又吹水又燦"爛")的boss..

私人傳訊

bng0306

男爵府

積分: 6552

1096^#

發表於 08-12-2 00:36 |只看該作者

我'中'眼瞓咁睇第10集, 後尾先醒返.

原文章由 SandyKL 於 08-12-1 23:56 發表
女主角俾人呃左咯，你又"搣士"左?呢個女主角都幾混沌架，女演員演譯得係有得不倫不類，睇多幾集，會發覺佢都幾理解男1，唔係糊里糊塗咁將自己既感情押上。

男1唔係天才，男2先係。至於與女主角鬥氣，睇落你先知。

我今晚睇到第 ...

私人傳訊

積分: 167315

1097^#

發表於 08-12-2 00:37 |只看該作者

對我黎講，你地知道同學既家底一清二楚，我先覺得不可思議。

我地呢班中學好同學，連埋我有8個，我地成班人都有上去其中兩個同學屋企玩，一個爸爸開舖頭賣皮具，另一個上左去N次，我真係唔知喎，從來都冇問，佢地d屋企人見到熟哂，但我連人地家姐做邊行都冇問，問佢一定講，但我真係覺得冇需要去問呢d野。

另外我地成班人，有一個與我感情最好，時時放左學之後，仲一齊傾電話傾3粒鐘，佢會呻屋企既野我知，但我真係冇認真問過佢阿爸做邊一行，我覺得佢爸爸既職業唔會影響到我地既友誼，我地大把野傾，傾唔到自己爸爸做邊行。我到左入學院要申請貸款，先知我阿爸原來係一間塑膠模廠做廠長，之前我手冊上父親職業一欄上只填塑膠模工人，亦唔知係做咩。我地係學校已經夠多事情分享，佢地邊個父母曾經離婚再婚(係同學好細既事)反而知，至於職業大家都好少提到，所以只知一、兩個。到今時今日，我仍然冇興趣知，亦唔認為唔知就代表我地唔夠老友。

原文章由 cheapbombom 於 08-12-1 23:07 發表
對我黎講, 真係有點不可思議囉............
問我中學既死黨, 10個有11個都答得出我父母既職業, 無他, 因為叫得我死黨, 唔係一般泛泛之交...成20年啦, 唔好話佢地識我父母, 連我父母, 都識晒佢地...啊媽仲可以一口氣, ...

私人傳訊

積分: 167315

1098^#

發表於 08-12-2 01:18 |只看該作者

我地照出啦，Monty又拎左假、cheap與我又預左，難得係MagDog得嘛，都想聽下佢刧後餘生既經歷。

原文章由 bng0306 於 08-12-2 00:35 發表
magdog,
回復自由生.

咁5/12有4個, 你地照出啦.
我都會到一到.

私人傳訊

積分: 167315

1099^#

發表於 08-12-2 01:54 |只看該作者

男仔唔同女仔喎，佢地表達方面唔會傾盡全力，而溝通都有好多種方法既，唔單止說話架，其他方面都可以係一種溝通，例如一齊玩都係一種溝通，佢地喜歡與老公捉棋、玩大富翁、Uno、打乒乓波(開張食飯檯出黎打一餐)，呢d都係一種好好既溝通方法，我視之為行為溝通法。

要打開心窗說話就要睇時機勒，有時又唔洗芝麻綠豆事都一定要瞭如指掌。我覺得佢地仍然好喜歡發問，問呢樣，問果樣，對我地既野好奇，例如大老細會問我老公細時讀邊間幼稚園，又會問我以前讀咩學校，邊個追邊個先，我知無不言，有時咪乘機說下教囉，或開下玩笑囉。

我覺得呢d專家所定既問題好行貨，亦唔夠全面，不過作為引子又確係唔錯既，豈碼挑起家長好奇心，吸引想知道答是又點，答非又點，再講落去，聽眾就會留心去聽講解，容易吸收，比平舖直述說教式令聽眾有興趣聽落去，而唔會ZZZZzzzz。

原文章由 cheapbombom 於 08-12-1 23:24 發表
補充一句, 講座位專家分享, 小孩子有無將心扇向父母打開, 關鍵在於, 父母有沒有從少與孩子建立良好亙動關係, 打開溝通之門, 唔係一朝一歹, 亦無野叫做"興"唔"興", 肯花心機, 就自然慢慢建立到..

講者都有仔, 有女, ...

私人傳訊