nikinokb 發表於 12-5-9 11:23 
回覆 rose-mag 的帖子
激死，打咗好多，BK跟住死咗，咩都冇晒，而家打過。
小朋友月票的而且確要去公車局辦，大人可以喺Walgreens都有得買，
你想搭巴士可以續程俾，每張票通常會有效個半鐘，有D司機會俾長D，
睇佢撕張票有幾耐時間，大人每程$2，小童$0.75。我仔冇月票，
平日返學行路，周末又多數係爸爸揸車，所以唔多要用，佢好鍾意我帶佢坐巴士，
揸住D錢自己入錢攞票佢好開心。
小朋友邊有咁快較到時差，一個星期閒閒地，又要適應天氣環境，
唔忟有鬼啦。ID同車牌基本係同一張咭，車牌可以當ID用，
未有車牌去攞ID都一樣得，只係會冇咗可以揸嘅車種果欄同上面係寫ID，
唔係寫driver license，將來攞到車牌，個number都係一樣。
以前係要自己去申請工咭，SF downtown有office，而家唔知有冇，之後就唔駛去申請，
會自動寄屋企，不過我果陣太耐未收到，最後都係自己去申請，
要等寄到屋企，都差不多成個月。
我唔記得報學校駛唔駛工咭號碼，我好似冇填過對仔女嘅SSN，
因為有出世紙做証，校區一定會查。未必即時可以考試，因為你個仔到時要考中英文，
唔知有冇當席識中文老師，如果有即時考都好，唔駛走多轉，
但要同仔仔講清楚，唔駛驚，只要老師問咩答咩，通常都係睇下小朋友識唔識聽指令，
填下顏色講下故事，半個鐘唔駛。你唔駛講有關香港嘅報告，
因為你唔係要佢讀特殊班，好似聾啞人士或弱智人士，果D只有特定學校收，
但唔嚴重自閉或學障等，間間學校都要收，校區會評估後派人去做訓練。
最好係早D知道派邊間學校，襯未放暑假去同校長老師傾，
呢度最後返學係5月25日。保險有學童保險，不過我地唔駛，
所以冇問，你去校區辦事處可以順便問埋，你自己就最好搵份平平地買。
你係咪諗住會好快考到車牌？如果唔係，點都要有ID先，因為開銀行戶口要有ID，
好多嘢都要，考車牌由學到考最少都要廿幾三十個鐘，真係唔係咁快架。
花旗太太生活在花旗國，留意時差，你問我未必即時答到。
發表於 
mouth:
welcome to sf!!
返回列表
