少年成長 今日: 0 | 主題: 16100

積分: 807

1081^#

發表於 05-5-19 14:23 |只看該作者

Re: 分享跟BB有趣的對話

靖嵐同天天豬都係隨時可以笑c人.....

私人傳訊

積分: 7172

1082^#

發表於 05-5-19 14:24 |只看該作者

Re: 分享跟BB有趣的對話

乖女兩歲八個月多 d

[祈禱]
睡前同乖女講...
我 : 乖女呀, 婆婆身體唔好, 唔舒服, 不如我地祈禱希望佢健康丫.
乖女 : 好呀 ! 親愛的天父 ! 保守婆婆健康, 表姐健康, xx姐姐健康 (表姐家的工人姐姐), xx 姐姐健康 (我家的工人姐姐), 奉主耶穌基督聖名祈求, 亞門 !
我 : 乖女呀, 咁妳自己呢 ?
乖女 : 我健康咗啦.

我 : ........ (咁即係唔駛再問點解冇我同 daddy 份啦.)

私人傳訊

積分: 8811

1083^#

發表於 05-5-20 08:47 |只看該作者

Re: 分享跟BB有趣的對話

6點幾，我打電話返屋企，聰聰接電話：「媽咪，我今日早過你放學喎！」(聰聰5:10放學返到屋企)
聰聰：「我今日帶左遮！」(第一次有自己嘅遮，第一次帶出街)
我：「有無落雨呀？」
聰聰：「有少少呀，我把遮好大架！」
我：「哦，其實你把遮好細架咋，不過你係小朋友，所以用細遮。」
聰聰：「吓？我唔細咯bor，我4歲架喇！」
我：「4歲都係好細啫。」
聰聰：「唔細，4歲唔細架喇！」
....沒完沒了....

私人傳訊

Joy

積分: 12241

1084^#

發表於 05-5-20 18:07 |只看該作者

Re: 分享跟BB有趣的對話

thanks :-P

[月亮有時...]
29個月的BB中午跟婆婆上街玩
BB: 好大太陽呀, 婆婆做麼不給我戴太陽眼鏡
婆婆: 不是很大太陽嘛
BB: 好大呀, 晒到BB眼都好痕啦
婆婆: 眼痕?
BB: 戴太陽眼鏡好有型架, 今晚媽咪來時BB戴
婆婆: 到時都天黑啦, 不用戴啦
BB: 遮月亮呀, 月亮好刺眼呀
婆婆: 月亮都不會刺眼
BB: 遮燈燈啦, 燈燈好刺眼 (想一想又說) 月亮有時刺眼, 有時柔和
婆婆

[公公好肉酸]

大熱天公公在家脫光上衣
BB: 公公好肉酸呀, 唔穿衣服, 好醜呀"
公公: 出汗嘛, 公公又不是女人
BB: 公公好難睇呀, BB唔要看 (擰過頭入房關門)
公公: 係啦, 係啦, 穿背心啦
BB: 咁就乖啦

[屈婆婆]
晚上媽咪接BB回家
BB: 媽咪, 婆婆今天做了好大的錯事呀
媽咪: 是嗎? 什麼事
BB: 婆婆把油油倒進奶粉里啦
媽咪: 唔係呀, 咁都得
婆婆: 幾時有呀
BB認真的指著婆婆: 婆婆好錯呀
媽咪: 小朋友不可以說謊呀
BB: 知啦, 知啦, BB不對啦, SORRY啦, 知道啦, 以後不敢啦"
媽咪一邊教訓他一邊想, 這麼小就會屈人, 一定要好好管教

我係天天豬, 爸爸媽媽好愛我呀!

私人傳訊

machama

積分: 971

1085^#

發表於 05-5-21 11:42 |只看該作者

Re: 分享跟BB有趣的對話

「高空發展理論」

放學時與仔仔搭地鐵回家

仔仔：「媽媽，我唔鍾意咁多人。」
媽媽：「人人都放工放學番屋企，係好多人嫁。」
仔仔：「我唔鍾意咁多人。」
媽媽：「無辦法，人人都要番屋企。」
仔仔：「我唔鍾意。」
媽媽：「咁點算？」
仔仔：「叫d人去樹上面，咁地下米無咁多人law。」
媽媽：「咁不如你去樹上面la。」
仔仔：「唔得，我細個唔識爬樹wor。」

私人傳訊

rubbychow@tong

積分: 6331

1086^#

發表於 05-5-21 21:29 |只看該作者

Re: 分享跟BB有趣的對話

[接電話]

有日我正在屋企洗手間, 電話響起........
糖糖立即走去聽, 好快就收左線........

我 : 糖糖, 邊個打黎 ?
糖糖 : 哥哥個 friend 呀
我 : 咁你點講 ?
糖糖 : 唔洗 .....
我 : 唔洗 ???? ?-( ?-( ?-( ?-( ?-( ?-(
我引導佢講 :
拿 ! 哥哥個 friend 打黎搵佢, 你點講呀 ?
糖糖 : 佢唔喺度喎......
我 : 咁跟住呢 ?
糖糖 : 佢話 '唔該' , 咁我話 '唔洗' 囉 ..........
我終於明白糖糖點解答 : 唔洗 :idea:

[搥骨]

一晚我响房睇電視.....
糖糖走黎話幫我搥骨.......
點知愈搥就愈痛 (因為好大力)
咁我叫佢細力 d.......but 都係一樣.......
於是我叫佢同隻毛毛狗 (玩具)搥
佢好認真咁話 : 佢都無膊頭 , 點搥呀 ?????

私人傳訊

Shirleen媽媽

積分: 13469

育兒性格勳章

1087^#

發表於 05-5-21 23:00 |只看該作者

Re: 分享跟BB有趣的對話

Joy,
天天豬的對話笑c 我... 佢好kawaii 呀

私人傳訊

靖嵐

積分: 11973

好媽媽勳章

1088^#

發表於 05-5-22 14:12 |只看該作者

Re: 分享跟BB有趣的對話

心...
靖嵐:"媽媽, 我個心臟o係度跳緊"
媽媽:"梗係跳啦, 如果唔跳你就死o左啦"
靖嵐:"係呀, 我個心臟有時左右左右咁跳"
媽媽:"o下?"
靖嵐:"有時仲上下上下咁跳添呀"

我想要9999呀...

私人傳訊

積分: 8811

1089^#

發表於 05-5-23 08:36 |只看該作者

Re: 分享跟BB有趣的對話

剛替聰從雜物房拿了些地墊出來玩。我在廚房煮麵。
聰大叫：「媽咪！」
我找了一會發覺他在雜物房，一動不動。
聰：「我係一件雜物。」 ?-(
爸爸聽到，問：「呢件雜物有咩用架？」
我：「我諗無用架喇，掉左佢啦。」
聰：「有用架，d地墊都係擺响雜物房啦，都有用！」

第2日，聰躲在梳化後攪我和爸爸個頭，我：「咦，件雜物走左出嚟嘅？」
聰：「我自己走返入去得架喇！」 ?-(
過了一陣又走出嚟，如是者重覆了幾次。
我：「我想食雪糕，仲有無人食？請舉手！」
聰舉手。
爸爸：「咦，得兩個人，點解有3隻手嘅？」
聰：「我而家變返做人喇！」

私人傳訊

kanris

積分: 807

1090^#

發表於 05-5-23 11:57 |只看該作者

Re: 分享跟BB有趣的對話

聰聰好鬼馬! 有雪糕就變番做人~

私人傳訊

Joy

積分: 12241

1091^#

發表於 05-5-23 12:53 |只看該作者

Re: 分享跟BB有趣的對話

Shirleen媽媽,
thanks.

[游水會變魚?]
29個月的BB第一次到泳池游水
BB哭著 : 唔落水呀, BB唔落水"
媽咪: 好好玩架, 你看人人都在玩"
BB哭:唔制呀, 唔去呀, BB唔識游水呀"
媽咪: 唔好咁啦, 人家笑你啦"
BB哭: 要人家笑BB呀, BB唔要變魚魚呀"
媽咪

[BB好緊張]
29個月的BB在床上
BB: 媽咪, BB想玩印印呀!'
媽咪: 是但啦, 你自己去拿啦"
BB跳下床找玩具: 咩都得, 玩咩都可以. 玩車又得, 玩筆筆又得, 玩印印都得, 咩都得, 是但你啦, 玩咩就玩啦. 玩爸爸遙控飛機都得......"
媽咪: 你又不穿拖鞋?"
BB: BB緊張嘛, 緊張就唔穿鞋嘛, 下次唔好緊張啦, 有咩好緊張呢? 緊張會跌親架, 小心行路嘛, 要穿鞋嘛, 唔穿鞋會凍親腳腳架, 凍親腳腳就唔可以去街玩啦...... 媽咪, 唔好緊張呀"
媽咪: 我幾時緊張呀

[問到篤]
29個月的BB同婆婆一起住lift, 內面有一個約10歲的小哥哥
婆婆: 你返學呀"
小哥哥怕羞地 :" 係呀"
BB大聲地 :哥哥你返學呀"
哥哥不作聲
BB再問:哥哥你返學呀"
哥哥仍不作聲
BB再問: 哥哥一返學呀"
lift門開了, 哥哥忙走出去
BB追著叫 :哥哥你返學呀"
哥哥沒辦法回應 "係呀"
BB仍不罷休 :哥哥你食左飯未呀?"
哥哥急走, 不說話
BB大聲問: 哥哥你食左飯未呀?"
哥哥向學校走去
BB誓不罷休 "哥哥你食左飯未呀?"
路上已有同學在笑
哥哥加快腳步
BB追上去:"哥哥你食左飯未呀?"
哥哥嘆口氣笑起來 "食左啦"
BB跑回頭找婆婆說 "婆婆, 哥哥食左早餐啦, 要返學啦"
婆婆同保安員都已笑到肚痛

我係天天豬, 爸爸媽媽好愛我呀!

私人傳訊

積分: 8811

1092^#

發表於 05-5-23 13:21 |只看該作者

Re: 分享跟BB有趣的對話

kanris,
係呀，我個聰好為食架，有野食就咩都得！

好耐之前(唔記得幾時喇)：

晚飯後，聰：「我想食餅！」
我：「食完飯應該唔肚餓架喇，唔好食啦。」
聰：「我好肚餓呀！」
我：「唉，好啦，咁食一塊啦。」
旁邊姑姐見到：「佢邊係肚餓吖，為食之嘛。」
第二日晚飯後，聰：「我想食餅！」
我：「點解又要食餅架，你食多D飯咪唔肚餓囉！」
(其實佢嘅食量好正常，一D都唔少)
聰：「我為食吖嘛！」

以後一想食野就話自己為食！

我將呢件事講俾我呀媽聽，佢見到聰就問：「邊個最為食呀？」
聰立即舉手：「我！」

私人傳訊

積分: 8811

1093^#

發表於 05-5-23 22:38 |只看該作者

Re: 分享跟BB有趣的對話

雜物房(二)

晚上，我躲在雜物房與聰玩捉迷藏。
聰發現了我，說：「你出黎啦，而家輪到我做雜物喇！」

私人傳訊

machama

積分: 971

1094^#

發表於 05-5-24 12:07 |只看該作者

Re: 分享跟BB有趣的對話

「有口話人」

媽媽與大孖在浴室洗澡，細孖獨自在廳玩耍。

細孖：「媽媽，有飛蟻呀！」
大孖大叫：「天氣熱，係咁嫁啦！」
細孖：「 :-( 好驚呀！」
大孖：「天氣熱，係咁嫁洛！」

輪到細孖沖涼時，大孖留在浴室內。
媽媽：「仲mug唔出去玩？」
大孖：「出面有飛蟻，我驚呀。」
細孖：「你又話天氣熱，係咁？」
媽媽：「

」

私人傳訊

靖嵐

積分: 11973

好媽媽勳章

1095^#

發表於 05-5-24 22:28 |只看該作者

Re: 分享跟BB有趣的對話

自殺...
靖嵐:"媽媽, 我記得o個日電視o個個女仔跳樓之後做o左傷殘人士"
媽媽:"係呀, 所以我o地要自己愛惜自己, 有問題就諗辦法解決"
靖嵐:"係囉, 駛乜跳樓o者, 搵電梯搭或者落樓梯咪去到地下囉, 我就唔會咁傻喇"
.....果然好辦法, 希望你大個都記得愛惜自己 :wink:

減肥風氣...
靖嵐:"媽媽, 我想食多d o野"
媽媽:"你食到幾多得幾多囉, 飽就算"
靖嵐:"哦, 我想食多d o野可以肥d"
媽媽:"太肥唔健康喎"
靖嵐:"係呀, 肥o左之後咪可以減肥囉, 我想試o下減肥"
......時下風氣真係唔係幾健康...

學警無心*...
琴日有兩位女學警做mask...
靖嵐:"哎呀... 佢o地一陣又比呀sir鬧喇, 仲唔快d洗o左佢"
媽媽:"你又知比呀sir鬧, 你平時都冇睇"
靖嵐:"咁o岩上次開電視見到, 個呀sir好惡o架, 一定罰佢o地啦"

*劇名係靖嵐自己改, 佢話佢o地無心上學(初初)

肥瘦醫生...
靖嵐:"媽媽, 我想問有冇瘦牙醫o架?"
媽媽:"人梗係有瘦有肥啦"
靖嵐:"唔係呀, 幫動物睇牙齒o個d醫生呀"
媽媽:"哦... 通常獸醫會幫動物睇埋牙齒o架喇"
....獸醫+牙醫=獸牙醫

我想要9999呀...

私人傳訊

積分: 8811

1096^#

發表於 05-5-24 23:43 |只看該作者

Re: 分享跟BB有趣的對話

暴雨警告

上年：
聰：「黃色暴雨警告訊號係30毫米，紅色暴雨警告訊號係50毫米，黑色暴雨警告訊號係70毫米。」

過左一排：
聰：「藍色暴雨警告訊號係1毫米，綠色暴雨警告訊號係100毫米。」

今日睡前：
聰：「綠色暴雨警告訊號是100毫米。」
媽：「咁咪好大雨！」
聰：「係呀，不過中國唔會落咁大雨，非洲先會。」

媽：「下？daddy教你架？」
daddy：「學校教架？」
聰：「唔係呀，係我自己作架。」

私人傳訊

靖嵐

積分: 11973

好媽媽勳章

1097^#

發表於 05-5-25 14:55 |只看該作者

Re: 分享跟BB有趣的對話

大便...
媽媽:"嘩~ d大便好臭呀"
靖嵐:"叫得大便o既就梗係臭啦, 唔係都唔會叫大便"

我想要9999呀...

私人傳訊

Joy

積分: 12241

1098^#

發表於 05-5-27 09:39 |只看該作者

Re: 分享跟BB有趣的對話

[自言自語]
BB: 一隻青蛙一張嘴, 兩個眼睛四條腿 (國語)
BB想了一會用廣東話說: 唔俾兩個眼睛青蛙呀, 唔制呀, 俾一個眼睛, 一條腿佢呀.
再想了一下又說: 梗係唔可以啦, 動物都有兩個眼睛架, 一個眼睛點睇野呢? 會睇唔清楚架. 一條腿點得呀, 一條腿點行路呀, 俾兩條腿啦, 兩條腿行路啦. 梗係唔得啦, 動物要四隻腳腳行路架......

[腳腳用來玩]
29個月的BB又扭抱
媽咪: 你生腳腳用來做麼呀?
BB: 用來玩
媽咪: 吓, 用來玩
BB嘻嘻笑: BB現在好細個, 腳腳用來玩架. 等BB大個D, 好似俊俊表哥, 佬佬表哥咁大時, 腳腳才用來行路架, 因為到時BB好大個, 媽咪抱唔起啦.
媽咪: 咁都得

[皇帝新衣vs 公公]
公公又在家不穿上衣
BB: 好肉酸呀, 同這個人一樣
公公:

BB跑入房取出一本書, 揭到一頁說 :一樣呀"
公公一看是皇帝新衣里不穿衣服的皇帝
公公婆婆大笑: 公公邊有咁肥呀"
BB大叫 :公公大肚腩, 唔著衫, 好醜呀"
公公

婆婆

[兔兔唔生蛋]
婆婆從廚房出來, 發現床上的小兔子肚子"爛"了
婆婆: 發生什麼事?
29個月BB: 兔兔的肚里面真係冇蛋架!
婆婆: 當然沒有啦, 兔兔都不是生蛋
BB: 為什麼小兔子都沒有nipple呢? 因為是假得嘛, 是棉花造的嘛....."
婆婆哭笑不得

我係天天豬, 爸爸媽媽好愛我呀!

私人傳訊

積分: 8811

1099^#

發表於 05-5-29 23:49 |只看該作者

Re: 分享跟BB有趣的對話

一言九「頂」

我：「快d去刷牙啦！」
聰向

私人傳訊

Joy