maggiejane 寫道:
我聽到有把好低沉ge男人聲講: 你~睇~下~, 我地好多個都o黎左呀! 唔好合埋眼啦, 我知你聽到ge!
我o個刻嚇到毛骨悚然! 但又唔郁得, 又叫唔到出聲! 咁我嘗試郁下d手指同用喉嚨"頂"叫我隻狗: ten ten~ ten ten~ 好彩阿ten真係感應到, 佢起身行埋我身邊係咁"嗚~嗚~"咁叫, 之後勁吠左一下, 我耳邊d怪聲就無左, 然後我就郁得番, 我即刻開燈睇下, 但乜都無! 之後開住燈訓, 但成晚都訓唔着!
第二朝食早餐問阿媽隔離咩事? 阿媽話工人八到, 原來上星期我隔離屋兩個女, 兩歲同四歲, 突然發高燒, 仲入埋醫院, 退左燒返屋企又發過~ 佢地父母都不以為然, 點知星期四夜晚一點幾, 個工人沖完涼番入房時, 見到佢地屋企門口棵樹, 有兩個細路o係樹玩, o係棵樹上跳上跳落, 佢就知中招! 咁佢即刻訓覺唔理, 點知o個兩件野已經跳左入佢間房, 雙手掛左o係門較度搖下搖下玩緊~ 佢嚇到死死下, 即刻叫另一個工人睇, 但另一個乜都睇唔到! 之後隔左一陣, o個兩隻野就唔見左喇!
第二朝佢地當無事無出聲, 但o個晚重大鑊, 佢唔只見到o個兩個細路, 今次係人地一家四口o黎左, 又係o係棵樹度玩, 之後四隻野入埋屋企, 仲o係走廊貼住牆唔郁!
佢驚到成晚開住燈等天光, 五點幾時同個女主人講見到鬼, 但個女主人話間屋入伙時做哂野拜哂神, 覺得d野一定係個工人招惹番o黎, 咁岩個工人又差不多約滿, 佢自己又嚇到死死下話唔做要走, 咁個女主人咪叫即刻執野走囉!
o個晚女主人即刻搵人睇間屋, 點知個師父話間屋真係有野, 但唔關個工人事! 問個女主人係咪呢幾年有親人死於非命~ 佢地原來係女主人d親戚, 唔知咩原因一家人幾年前死左, 但生前同佢地好熟, 以前o黎探佢地, o個兩個細路好鍾意o黎佢屋企玩, 所以鬼節走左出o黎探佢地! 之後夜晚即刻做場法事送佢地走, 但因為有野食, 野左其他遊魂野鬼o黎, 咁岩佢地o係棵樹附近做法事, 又對正我屋企廚房, 我屋企又唔拜神, 所以唔知係咪咁我就中招啦! 總之就嚇死我啦!
何況係親身睇到听到....
媽媽婆婆 寫道:
唔該,等我講d我的經歷,6年前,我陀住細女,大約是5月份,
住在廣州愛x酒店,有一天大約中午時12點,只有我一人,我老公出外工作,我在床上睡覺,突然不能郁動,但心醒,我覺得周圍有人聲,但聽唔到佢地講乜,我知佢地係乜,心中叫佢地吾好煩住我,我只是在這裡睡覺,我覺得有野走到我身邊,又走開,又講野,有2次咁多,又好嘈,之後就無晒聲,我又可以郁返.其實個間酒店都有好耐歷史,我老公都有幾次自己一人在酒店內的床上,看見椅子上有野看著他,還對著他笑,跟著就行開消失了,另外有一次,當我返香港後,我老公自己一人在酒店,佢對面房有個女人(妓女)被人殺死了,公安都有向各房客落口供,又看過錄影帶,都見有人從那房間走出來,但捉吾到個兇手,很多天之後,有人見那個死了的女人,身穿祺袍,在電梯內出現,有個服務員認出,嚇到辭工,傳聞她(死者)出事那層樓都封了一段時間..
還有一次,大約是當年7月,我個女還有2個多月出世,當時我在香港家中,有一天下午3,4點,我在sofa上睡覺,突然我覺得有一隻冷冰冰的手指點了我塊面2下,我嚇醒了,看誰弄醒我,我看見一個好高由頭到腳穿著黑色斗篷,穿越玻璃門,出了騎樓,我以為眼花,問個大女有無人出了騎樓,當時騎樓門是關了,但她們說沒有看見任何人,我真的覺得很疑惑,究竟我當時看到的是什麼,我是看不見它的樣子的,為什麼它要弄醒我呢?究竟它是什麼東東?
Charlotte_mom 寫道:
到我講到我講!!
(不過可能相對之前果d只係小兒科........)
f7, 成班女仔一齊去貝澳camp, 先講間屋, 廳外面有個大露台, 分別可以從客廳, 同屋外既樓梯轉角可以入去
大家都知去親camp梗係成班唔訓啦, 我地都唔例外, 我仲記得果晚係因為八號風球, 無船走, 我地臨急同老闆租多一晚既!
一班女仔圍晒o係廳傾計.....傾到半夜三更, 突然聽到一下好明顯"砰"一聲, 係有個人跳落地既聲, 跟住, 有個人o係我地露台鬼鬼鼠鼠咁鼠過, 走左
當時我地即時反應係你眼望我眼啦, 跟住大家sense到"啊~~原來大家都見到, 即係無事啦. 咁大風, 可能隔離屋跳過黎執野姐"咁我地又繼續傾計喇
到第2朝, 我地開始收拾, 怪既感覺就開始喇: 原來我地間屋, 同隔離屋距離係好遠既! 根本無可能跳過黎, 而我地樓上樓下亦無人租, 半夜三更唔會有人入到我地座building掛......
回程搭船時, 我地開始傾返件事, 戲肉黎喇............
原來我地每個人見到果個"人", 都係唔同樣架
總之, 我地就一路毛管棟, 一路返屋企喇
呀.
發表於 
返回列表
