my_tabo 寫道:
All mami,
我個囡囡已經o係7月19日下午順產出世, 出生時有38週6日大, 磅數有5磅12安士、 頭圍34cm(個頭好大啊!)、身長48cm。
因為囡囡出世時比較輕, 所以醫生要佢每3個鐘食一次奶, 咁我o係住院期間, 我每日就餵佢5次(試餵人奶, 之後再補1.5至2安士奶粉)。 bb好肯食奶, 醫生話bb收水後體重咁快又增加番即係佢食得好, 叫我唔駛擔心。 我同bb本來住4日醫院就可以出院, 不過醫生話雖然bb就算第4日冇黃(得5.9度), 最好都等埋第5日o既報告, 咁所以我o地就住多日先出院, 昨天的報告都係表示bb冇黃(得5.7度), 不過為安全計, 星期一都要去健康院再檢查一次。
我22/7半夜1點幾開始勁谷奶, 囡囡好有耐性啜人奶(特別係唔眼"訓"o個陣), 尋晚已經可以頗順利咁餵到人奶, 不過我暫時未足夠供給佢足夠o既人奶, 所以之後會補2安奶比佢, 佢無因為啜過奶樽而唔肯啜乳頭, 而且一陣間就食完奶粉。
比兩張o係醫院影o既bb相比你o地睇住先啦! (攝於7月22日, 我囡囡出生後第4天)
得閒我會再上o黎o架!
kongkong 寫道:
joyce:
你地係唔係已經識嫁(見過面). 如果唔係會好唐突. 我仲一拖二. 果個十二月bb係邊年出世?
果時我地去酒店mon mon係8個月左右. 我帶左萬朝既糊仔沖俾佢食. 同埋食奶囉.
會唔會你老公響你生日果日突然出現響你面前?好刺激呀.
發表於 
返回列表
