stkyo 發表於 11-9-10 09:39 
咁好節目？幾點去大姨婆度？
點幾鐘出左去啦, 約左d 妹同大姨婆2點開枱, 霸王女係屋企做功課, 冇跟我去, 佢話約埋大魚腸放工個陣一齊去, 咁我就帶左金金去, 冇霸王女同大魚腸係樹煩住晒, 今日我打麻雀, 打自摩8藩先每人32蚊, 我竟然可以贏左4舊水, 真係從來冇試過, 可想而知, 大魚腸真係尅鬼住我!!:;pppp:
***************************
講返前晚6國大封相件事先: (發生係星期四晚)
因為霸王女成日話想整負離子, 咁我就問下d fd, 大約要整幾耐? 佢地話都要成4個鐘。
咁星期四晚食完飯睇緊電視個陣, 我就同霸王女講:
我: 你差唔多日日都要學野, 係得星期五得閒咋喎, 不過你放學返到黎, 再去髮型屋整, 整完可能要成8,9點, 會唔會太夜呀?!
女: 咁我星期六整囉!!
我: 喂, 星期六你學完琴11點, 即刻去整都要整到差唔多3點啦, 我約左阿姨佢地2點, 我唔陪你整架!!
女: 我自己去整都得啦!!
腸: 下, 你唔可以自己去呀, 邊個比你去整呀!! (好大聲)
女: 阿媽話比既, 阿媽唔得閒同我去, 我咪自己去囉!! (開始發脾氣)
腸: (仲大聲d) 我話唔可以自己去, 就唔可以去!!
女: 我都費事啋你呀!! (喊住入左書房, 關埋度門)
(跟住大魚腸衝左入書房, 同霸王女爭執, 佢隨手拎起左隻衣架, 想打霸王女, 霸王女走左出廳, 企左係我側邊, 係咁喊, 又一路鬧大魚腸, 大魚腸用衣架想打落佢個咀度。)
我: (發火)喂, 你打時打, 你咪打盲佢隻眼!!
腸: 我會睇住黎打呢!!
我: 你睇到野架咩!! 你打佢有乜用, 你夠膽咪趕佢走囉, 我幫你開門!!
(霸王女又走返入書房關埋度門)
腸: (指住我) 你成日乜都應承佢, 唔駛問過我.....#^$*&()#@ (下刪幾百字)
(我都費q事聽佢講, 我都走入房關埋度門, 我同霸王女成晚都冇啋佢)
********************
到左第2朝(星期五), 佢返左工, 佢趁霸王女未返學, 打返黎搵佢
, 我聽到霸王女係咁炳佢!!
霸王女返左學, 我就去睇中e, 跟住出左荃灣行街, 大魚腸打比我:
腸: 係邊呀?
我: 行緊街囉, 打比我仲乜q呀?! (有d 火)
腸: 你睇下阿女今日放學之後, 去唔去整?
我: (開始發火) 你咪唔比佢整咩? 仲乜呀? 今朝比個女炳完, 終於屈服拿? 琴晚又扮晒野撐到咁恆?
腸: 咁你應承佢整丫ma !!
我: 我話可以整, 但放學整就會整到好夜, 星期六又唔得閒陪佢整!!
mouth:
腸: 咁問下佢今日放學整唔整囉!!
我: 放學整要整到成9點架, 你咪又係樹嘈話整到咁夜呀?
腸: 下? 要整咁耐架咩?
我: 你究竟琴晚有冇聽到我地講話要整好耐呀? 你一聽見話佢自己去整, 你就鬧鬧鬧, 我唔理你地, 你都唔好煩我!!
腸: 你等佢放學問下佢啦!!
我: 家陣唔得閒同你傾呀, 等佢放學先算啦, 係咁!!
**********************************************
霸王女放左學之後, 佢話想去整, 咁我就同左佢去樓下商場整, 個髮型師話要整到8點幾(個陣5點), 我同霸王女講, 話一陣再接返佢啦!! 返到屋企, 大魚腸又打黎:
腸: 去左整拿? 你唔陪佢?
我: 哇, 要係樹等成4個鐘喎!!
腸: 咁你6點再落去睇下佢啦!!
我: 喂, 你6點9返到樓下, 你自己去睇下啦, 我唔駛一個鐘去睇佢一次掛?
腸: 咁我一陣去睇下啦!!
************************************************
到8點, 我地就一齊落去睇下霸王女整完未, 跟住食埋飯啦!! 去到都仲等左成半個鐘先整好!! 整完就去左快餐店攪掂!!
腸: (對住我講)我琴晚幫你解圍咋!!
我: 幫我解圍, 喂, 好似係你2個主鬧交, 我係池魚黎喎!!
腸: 係你應承佢整, 我家陣咪比佢整囉!!
女: (同大魚腸講) 係你鬧我, 話唔比我自己去整, 又用衣架打我, 都唔關阿媽事!!
我: 咪係囉, 我剩係話要整好耐, 我唔得閒陪佢整咋喎!! 我又冇話唔准佢整, 係你聽都唔聽, 係咁鬧咋喎, 家陣仲話幫我解圍, 你都痴痴地!!
腸: 總之以後做乜野, 都要通知我啦!!
我: 啋你都傻呀!! 明明係自己錯, 又將d責任推左係我身上, 次次最後都要屈服, 攪咁多野黎仲乜?! 睇見你就煩!!:;pppp:
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
發表於 
金仔係家庭既一份子
返回列表
