dorothytang 發表於 13-4-19 06:07 
可唔可以貪心d，全部都要呀？同埋如果浸酒會唔會酒精好高？謝謝！
...
1）青梅約1磅洗淨風乾，用牙簽挑去蒂後，再於表皮上拮幾個窿。
2）750ml酒我用清酒同Riesling，有人話要用三蒸酒，要酒精成份高D，
我D酒都係十幾度，未去到三蒸咁高。
3）糖大約係500g，我用黃糖蜜糖兩溝，可以改用冰糖或黑糖。
4）將梅子放入樽內，舖上糖後例入酒，放陰涼處存放。
5）隔段時間搖晃個樽，等糖溶及入味均勻。3個月可開封，
但味道要去到6個月至會濃郁，1年以上更好。
P.S.青梅要選較青較實肉嘅，太熟或有傷的青梅發酵後酒色會變得渾濁。
青梅露或者叫青梅濃縮液就同酵素差不多，但唔駛落檸檬，
用浸梅酒同樣方法處理青梅，1比1青梅同糖，可用蜜糖或其他糖，
我試過黃糖亦試過黃糖溝蜜糖，有蜜糖會杰D香D。處理好青梅後，
青梅同糖輪流放入樽裡面，最後糖一D要沒過青梅。第2日梅子會開始有汁液流出，
糖會加速溶化。放陰涼處保存，每日打開蓋一次，2星期後可以開始飲用，
飲時加水或加冰。
青梅酵素同以上大同小異，只係加咗檸檬，同埋糖量可以唔駛去到1比1。
花旗太太生活在花旗國，留意時差，你問我未必即時答到。
發表於 
不過前幾日忙，遲左兩日先撈起啲生果，啲酒好濃烈！
仲勁多泡泡呢！我而家唔敢試飲！怕醉
我8號浸打算28號收成！期待中
返回列表
