少年成長 今日: 0 | 主題: 16071

積分: 9759

1102^#

發表於 08-1-27 13:21 |只看該作者

Hi SandraLo,
Help!

我真係對住我個仔束手無策.
我個大仔4歲半. 越來越難教, 越來越過份. 又硬頸.
1. 我已經成日一有機會就讚佢, 又採用蓋印仔獎勵的方法. 但對佢來講都唔係好有推動力令到佢聽話.
2. 我一早已跟他講明如果他不做什麼, 不守規則, 我就要罰他…
例如, 食飯離開位, 我就要收起他的玩具. 當我一收起他的玩具, 他便發晒脾氣, 大叫大嚷大哭. 又罵人’我要收起你d野. 我唔同你玩. 我唔錫你. 你係衰人.’ 於是我困他在房內(因為我同奶奶住, 佢話佢成日喊, 嘈住晒), 他仍然在大吵大鬧. 之後就自己係道玩…好似佢都唔驚咁.
有人話要佢自己lum下是否自己做錯, 媽媽才罰他. 他點都話自己冇錯, 係我錯. 到係間房悶, 想出來睇電視, 先死死地氣話係自己錯啦. 但我覺得佢並非真知錯, 只係應付我. 應該可以點另佢知錯呢.
3. 佢把口真係好壞. 鬧大人. 仲話要(趕)我地出街. 唔好係屋企.
4. 食飯問題:　已經話快食完飯有獎勵. 但他仍然唔肯食.
一係就周圍走. 一係坐係道自己唔食. 要人餵. 餵佢個口又唔食.
係咪應該要罰佢冇飯食呢.
5. 以前叫佢, 佢都會應下你, 而家叫好多次都當你無到, 眼尾都唔看下你.
又話唔好打. 但係真係教到好煩.不過拿條滕條出來就最有效. 即刻做.
6. 我都有試過罰企. 但係佢成日動來動去. 又挨下坐下. 於是我便加時. 佢仲發晒脾氣. 試過本來罰10分鐘, 變左罰成兩個鐘要瞓覺都未企完.

7. 佢又成日打細佬(16個月). 因為細佬拿佢玩緊的玩具, 或關了他的電視. 他就會推跌佢, 又捉住佢隻腳. 成日攪到細佬跌倒, 碰到個頭, 受傷...
已經解釋過比佢聽. 又唔可以ignore佢. 可以點.

8.最煩係在學校都係最頑皮那個. 成人比老師罰. 又比家長complaint唔要同我個仔坐. 老師話佢表現好睇佢心情好唔好.

三歲定八十. 唔教唔得啦. 而家細佬(16個月)都學左佢, 小小野都lu地. 發脾氣. 佢一見到哥哥發脾氣lu地就望到實, 學緊野. 
Help!

[ 本文章最後由 Lovelymame 於 08-1-27 13:54 編輯 ]

私人傳訊

積分: 33215

1103^#

發表於 08-1-27 17:09 |只看該作者

原文章由 HIMMAMA3 於 08-1-27 00:01 發表
Dear SandraLo
明白.:idea:
麻煩你比條link我. many thanks!!!

幾個post咋：
http://forum.baby-kingdom.com/viewthread.php?tid=845448&extra=page%3D1&page=1#14472081

私人傳訊

積分: 33215

1104^#

發表於 08-1-27 17:26 |只看該作者

原文章由 Lovelymame 於 08-1-27 13:21 發表
Hi SandraLo,
Help!
我真係對住我個仔束手無策.
我個大仔4歲半. 越來越難教, 越來越過份. 又硬頸.
1. 我已經成日一有機會就讚佢, 又採用蓋印仔獎勵的方法. 但對佢來講都唔係好有推動力令到佢聽話. ...

Lovelymame :

可否先訴我下列幾點？

1/ 是否巳睇點讚個 topic？
http://discuz.baby-kingdom.com/viewthread.php?tid=1094774&page=1#pid18361389

2/ 你係幾時讚同點讚法？
3/ 你嘅蓋印仔獎勵方法係乜嘢情况下有印, 夠幾個就有獎定点？
4/ 佢最鐘意同最鐘意玩係乜？
5/ 你罸佢時會否一路罸一路鬧？

私人傳訊

HIMMAMA3

水晶宮

積分: 57325

2018復活節勳章畀面勳章

1105^#

發表於 08-1-28 23:19 |只看該作者

Dear Sandralo,
事原在１個應該靜ge地方,仔仔本應坐着玩玩具,突然發脾氣,因我離開佢幾步,我再返位時佢就不滿不停重覆'媽媽做巳走開呀?我已解釋多次佢仍不停下來.是我帶佢離場,佢繼續發脾氣and大咸.我同佢企埋一边吾比反應佢.請問做得啱嗎?

其實我們發咆現仔仔repeat and reapeat一句說話(i.e.佢應為我地做錯or不合他意)就會repeat and repeat'你做乜xxxxx'
點搞好??-(

原文章由 SandraLo 於 08-1-27 17:26 發表

Lovelymame :

可否先訴我下列幾點？

1/ 是否巳睇點讚個 topic？
http://discuz.baby-kingdom.com/viewthread.php?tid=1094774&page=1#pid18361389

2/ 你係幾時讚同點讚法？
3/ 你嘅蓋印仔獎勵方法係乜嘢情况下有印, ...

[ 本文章最後由 HIMMAMA3 於 08-1-28 23:24 編輯 ]

HIMMAMA3 男爵府

私人傳訊

積分: 9759

1106^#

發表於 08-1-29 12:33 |只看該作者

Hi SandraLo,
1.
我剛剛睇晒點讚同點罰的topic. 有以下的問題:
- 如果罰企/罰坐時郁來郁去, 坐下又企下. 睇佢好似好開心係道玩咁. 咁應該當冇野定要加時呢. 係咪只可以加一次時. 但如果加左一次時仍然一路玩一路企咁點.
- 你話每次只可以改一個壞習慣 (讚+罰). 例如我個仔最serious的問題係扭計. 咁其他食飯...這些問題, 點先算唔改住. 係咪即係唔讚同唔罰佢這些問題.

2. 你係幾時讚同點讚法？
例如有時佢食飯食得快, 我會話佢: 嘩, 你咁叻, 今日食飯食得咁快. 我獎你飲果汁啦.
但下一次佢仍然係唔肯乖乖地食飯.
有時做功課, 我會話現在有一個鐘的時間之後要瞓午睡, 如果佢30分鐘就做完功課, 可以睇30分鐘電視. 但佢仍然係寫半個字就話倦, 又玩下這玩下那.
有時佢做得快, 我讚佢咁叻, 自己都做得咁快, 聽日可唔可以又咁快呀, 佢話好呀.
有時持續左兩日, 第三日又打回原形.

3. 你嘅蓋印仔獎勵方法係乜嘢情况下有印?

例如我比30分鐘時間佢食飯, 佢係限時內食完有印仔, 如太慢就收起冇得食.
(但佢一聽到要計時佢就唔like, 發脾氣.)
做功課唔扭計, 有印.
自己收拾玩具, 有印.
早上返學冇扭計, 有印.
有時我好似你咁講, 搵d野讚佢:　好乖, 冇扭計. 佢就話咁蓋印仔啦.　不過我冇比佢．　

４．
佢咪最鍾意玩超人, 槍, 睇電視, 食糖.

5. 我罰佢時冇鬧佢. 只係係佢企唔好的時候提下佢, 否則要加時.

Thank you.

原文章由 SandraLo 於 08-1-27 17:26 發表

Lovelymame :

可否先訴我下列幾點？

1/ 是否巳睇點讚個 topic？
http://discuz.baby-kingdom.com/viewthread.php?tid=1094774&page=1#pid18361389

2/ 你係幾時讚同點讚法？
3/ 你嘅蓋印仔獎勵方法係乜嘢情况下有印, ...

私人傳訊

積分: 33215

1107^#

發表於 08-1-29 22:42 |只看該作者

原文章由 Lovelymame 於 08-1-29 12:33 發表
Hi SandraLo,
1.
我剛剛睇晒點讚同點罰的topic. 有以下的問題:
- 如果罰企/罰坐時郁來郁去, 坐下又企下. 睇佢好似好開心係道玩咁. 咁應該當冇野定要加時呢. 係咪只可以加一次時. 但如果加左一次時仍然一路玩一路企咁 ...

Lovelymame :

1.
要言出必行 ~~ 你講咗罸幾耐就係罸幾耐, 唔可以臨時加或者臨時减, 一樣還一樣, 開心又好, 係道玩又好, 只要佢冇玩具响手就ok, 佢地會用扮開心嚟等你以為罸冇效, 你唔駛理佢亦唔駛唔抵得, 睇定d 先。不過罸坐或企都好, 佢離開位嘅時間係唔計, 我建議罸坐唔好罸企, 因佢郁嚟郁去難計d, 費事同佢糾纏。
每次只可以改一個壞習慣 (讚+罰) ~~ 咁做係買個保險, 怕媽咪一次過處理唔到兩個行為,一個做得啱一個做得唔啱, 就好容易錯失讚嘅機會, 例如媽咪本來針對bb含飯唔吞去讚, 有一次佢好快吞咗, 媽咪終於捉到個 timing 要讚時, 佢又離開位, 咁到底讚定唔讚？你個case如係扭同食飯, 應該可以一齊處理的。

2. 食飯問題 ~~ 佢有時可以快, 會唔會好多時係未夠餓？食得慢嗰日(全日), 係唔係一定冇果汁飲？果汁又係唔係佢好鍾意但又唔容易得到嘅嘢？
做功課 ~~ 佢做功課速度同佢識唔識, d 功課難唔難有冇關係？佢專注力如何？

3. 「太慢就收起冇得食」 ~~ 係唔係會要等到下一餐至再有得食？唔係嘅話, 收碗就冇用！講好夠鐘收碗嘅話, 就唔好提獎住, 因如你決定用獎(印仔), 冇印就已經係罸, 唔好再收碗, 你依家係雙重罸, 難怪佢乘機發難渣！

明續

私人傳訊

積分: 33215

1108^#

發表於 08-1-30 22:20 |只看該作者

原文章由 HIMMAMA3 於 08-1-28 23:19 發表
Dear Sandralo,
事原在１個應該靜ge地方,仔仔本應坐着玩玩具,突然發脾氣,因我離開佢幾步,我再返位時佢就不滿不停重覆'媽媽做巳走開呀?我已解釋多次佢仍不停下來.是我帶佢離場,佢繼續發脾氣and大咸.我同佢企埋一边吾比 ...

HIMMAMA3:

你嘅做法~~ ignore 係啱嘅.....
不過同你傾咗好幾次, 我覺得你小朋友有d 特別嘅固執, 而唔係一般嘅發脾氣.... 你不如問吓佢學校老師睇吓佢地點講！

私人傳訊

積分: 33215

1109^#

發表於 08-1-30 22:32 |只看該作者

原文章由 SandraLo 於 08-1-29 22:42 發表
Lovelymame :
1.
要言出必行 ~~ 你講咗罸幾耐就係罸幾耐, 唔可以臨時加或者臨時减, 一樣還一樣, 開心又好, 係道玩又好, 只要佢冇玩具响手就ok, 佢地會用扮開心嚟等你以為罸冇效, 你唔駛理佢亦唔駛唔抵得, 睇定d ...

Lovelymame :

續昨

蓋印仔獎勵方法
~~ 咁係唔係加埋一日最多可以攞到三個印？幾個先有獎？獎乜嘢？

如果佢30分鐘就做完功課, 可以睇30分鐘電視. 但佢仍然係寫半個字就話倦 ~~ 嗰30 min 電視會唔會啱啱係佢唔鐘意睇嘅節目？

私人傳訊

HIMMAMA3

水晶宮

積分: 57325

2018復活節勳章畀面勳章

1110^#

發表於 08-1-30 23:17 |只看該作者

Dear SandraLo,
佢真係好固執+非常長氣.

請問除左問老師仲有冇辨法

e家我+c6+我媽都用緊讚+ignore+罰,悌下有冇改善

原文章由 SandraLo 於 08-1-30 22:20 發表

HIMMAMA3:

你嘅做法~~ ignore 係啱嘅.....
不過同你傾咗好幾次, 我覺得你小朋友有d 特別嘅固執, 而唔係一般嘅發脾氣.... 你不如問吓佢學校老師睇吓佢地點講！ ...

HIMMAMA3 男爵府

私人傳訊

積分: 33215

1111^#

發表於 08-1-31 18:49 |只看該作者

原文章由 HIMMAMA3 於 08-1-30 23:17 發表
Dear SandraLo,
佢真係好固執+非常長氣.
請問除左問老師仲有冇辨法
e家我+c6+我媽都用緊讚+ignore+罰,悌下有冇改善

HIMMAMA3 :

問老師唔係睇吓佢仲有咩辨法, 係睇吓佢响學校嘅行為有冇類似問題！
冇嘅話, 我放心d, 即係你响屋企教佢時出咗問題；有嘅話, 你要留意住, 睇吓會唔會有機會係亞士保加症 (自閉症一種)；而我教你嘅方法, 即使係自閉症都一樣啱用！

私人傳訊

積分: 9759

1112^#

發表於 08-2-2 00:03 |只看該作者

HI SandraLo,
好多謝你咁快回覆.

「太慢就收起冇得食」 ~~ 係唔係會要等到下一餐至再有得食？
Ø
其實我想係等下一餐都冇得食, 因為其實佢有時已經食左半碗, 收左佢都唔會點餓.

會唔會好多時係未夠餓？
> 佢應該唔會未夠餓. 因為佢放學返黎, 第一啖已經要求佢食.

d 功課難唔難
> 佢而家k2, 只係寫20個生字.
> 我試過將功課分開. 寫完5個生字休息3分鐘. 第一次好似都幾work. 但係第二次好似又唔得. 有時休息完3分鐘, 佢又唔肯返埋黎, 或者寫寫下又係玩下玩下. 咁係咪應該罰佢冇左休息時間呢?

每次只可以改一個壞習慣 (讚+罰), 例如媽咪本來針對bb含飯唔吞去讚, 有一次佢好快吞咗, 佢又離開位
Ø
係咪即係如果兩件壞習慣係分開的, 就可以一齊進行?
Ø
咁如果係呢個情況, 佢離開位, 又唔可以罰, 又唔可以罵, 咁唔通唔埋佢呀?
Ø
另外, 如果佢走開位, 我有時會罰, 走開一次罰企2分鐘, 二次4分鐘, …
我係等佢食完飯先罰佢. Ok嗎?

蓋印仔獎勵方法
Ø
我計過一日可以拿到7個印仔 (起身返學合作, 放學自己換衫, 食午餐乖, 做功課乖, 食晚餐乖, 收拾玩具, 瞓覺乖)
十個就有印仔. 以前獎小玩具/文具(我買定). 而家獎比佢選擇佢喜歡的地方食野, 例如 mcdonald.
但係佢岩岩10個要成個幾星期先拿夠.

睇30分鐘電視
Ø
我係任佢睇電視/卡通dvd. 佢好鍾意架.

Thank you very much.

原文章由 SandraLo 於 08-1-30 22:32 發表

Lovelymame :

續昨

蓋印仔獎勵方法
~~ 咁係唔係加埋一日最多可以攞到三個印？幾個先有獎？獎乜嘢？

如果佢30分鐘就做完功課, 可以睇30分鐘電視. 但佢仍然係寫半個字就話倦 ~~ 嗰30 min 電視會唔會啱啱係佢唔鐘意睇嘅 ...

私人傳訊

HIMMAMA3

水晶宮

積分: 57325

2018復活節勳章畀面勳章

1113^#

發表於 08-2-2 00:35 |只看該作者

HI SandraLo,
請問亞士保加症有咩特徵?好擔心呀

今日問過老師學校情况:
1)固執但仍能聽老師話.
2)少与同學玩.
3)有時跟指示.
4)未有發生'重覆句子'事件but罸佢就不停大叫'吾好呀'
5)早兩日老師話放學時佢拍個k1女孩子個頭,跟住再大力拍多下先去排隊去兴趣班,又折返用脚踢女孩2下,老師&其他家長冲前喝止.而老師很嬲&罸他,他即大喊'我唔敢啦'
tks again!

原文章由 SandraLo 於 08-1-31 18:49 發表

HIMMAMA3 :

問老師唔係睇吓佢仲有咩辨法, 係睇吓佢响學校嘅行為有冇類似問題！
冇嘅話, 我放心d, 即係你响屋企教佢時出咗問題；有嘅話, 你要留意住, 睇吓會唔會有機會係亞士保加症 (自閉症一種)；而我教你嘅方法, 即使 ...

HIMMAMA3 男爵府

私人傳訊

積分: 33215

1114^#

發表於 08-2-3 22:59 |只看該作者

原文章由 Lovelymame 於 08-2-2 00:03 發表
HI SandraLo,
好多謝你咁快回覆.
「太慢就收起冇得食」 ~~ 係唔係會要等到下一餐至再有得食？
Ø
其實我想係等下一餐都冇得食, 因為其實佢有時已經食左半碗, 收左佢都唔會點餓.
會唔會好多時係未夠餓？
> 佢應該唔 ...

Lovelymame :

我想由這部份開始答……..

先講「每次只可以改一個壞習慣」：我所舉嘅例子, 就係針對阿媽一次過處理唔到咁多嘢, 所以等你地逐樣「破解」會易d ; 而你講嘅「咁如果係呢個情況, 佢離開位, 又唔可以罰, 又唔可以罵, 咁唔通唔埋佢呀?」就正正顯示出你遇到呢個情况時, 冇法用得到讚, 咁即係佢嘅壞行為就無法矯正！
我再講一次呢個例：「媽咪本來針對bb含飯唔吞去讚, 有一次佢好快吞咗, 但佢又離開位」 …. 當我地用讚去矯正一個壞行為時, 係要响佢冇做那個壞行為時讚佢, 一日幾次,
咁至會成功, 咁你覺得佢離咗位要話, 之前讚佢冇含住食物唔吞嘅開心氣氛咪冇哂囉！咁佢點會「收到」原來「唔含飯」媽咪係會咁開心呢？
佢離開位, 你去話佢, 又work唔work呢？即刻返位？如果唔係, 話佢即係冇用啦？既然冇用, 會否考慮唔搞呢樣住？

雖然佢有好多嘢你想佢一次過改哂, 但你唔逐樣搞, 係永遠都讚唔到佢！因為你永遠都只會係一個「話」佢嘅狀態, 冇一個開開心心嘅環境, 同佢關係亦好難轉好！
咁明唔明多d ？能否做到重点處理某一樣先？其他當睇唔到先？

我建議係先處理「扭」「發脾氣」呢一樣, 原因係小朋友若能用言語表達出要求, 你同佢嘅關係同屋企嘅氣氛都唔會太差, 咁就令一切都易搞好多！而要「成就」呢個plan, 你都要作出一些改變…..
我曾問你罸他時有沒有駡他, 你說沒有, 但我睇番你之前嘅post, 感覺上, 係應該有人鬧佢(未必係你) 或者佢响TV度學咗, 佢先會鬧人, 而整體上, 屋企充斥著「罸」和「反抗」的氣氛, 同時亦間接减低了獎勵的效用。(可睇番講獎勵表点解有用的補充, this topic 由舊開始 post #1068)

以上雖然是我的猜測, 即使你有不同意的地方, 你試吓响仔仔角度去睇, 如你成日做親乜都俾人話唔啱同罸, 你都會反抗, 反抗嘅方式就係鬧番轉頭！你亦要留意自己有冇响細佬出世後明顯俾少咗時間佢, 而令佢有attention seeking 的情况, 即係話, 佢想你注意佢, 即使係話同鬧都殺！
好啦, 我已經用咗成個鐘, 如你同意我所講, 試吓用十日時間跟我咁講用讚+ ignore 去做, 就再上嚟我教你！

私人傳訊

積分: 9759

1115^#

發表於 08-2-5 19:56 |只看該作者

SandraLo,

Thank you very much.
我依家已開始盡力試讚+ignore, 希望有改善啦.

原文章由 SandraLo 於 08-2-3 22:59 發表

Lovelymame :

我想由這部份開始答……..

先講「每次只可以改一個壞習慣」：我所舉嘅例子, 就係針對阿媽一次過處理唔到咁多嘢, 所以等你地逐樣「破解」會易d ; 而你講嘅「咁如果係呢個情況, 佢離開位, 又唔可以罰, ...

私人傳訊

積分: 33215

1116^#

發表於 08-2-5 22:49 |只看該作者

原文章由 HIMMAMA3 於 08-2-2 00:35 發表
HI SandraLo,
請問亞士保加症有咩特徵?好擔心呀
今日問過老師學校情况:
1)固執但仍能聽老師話.
2)少与同學玩.
3)有時跟指示.
4)未有發生'重覆句子'事件but罸佢就不停大叫'吾好呀'
5)早兩日老師話放學時佢拍個k1 ...

HIMMAMA3 :

不用担心, 你可先上網查看一下亞士保加症......
其實我只是憑你所講的叫你留意一下....
每個媽咪describe自己的子女真的可以有很大的差異, 例如有些根本沒什麼問題, 是媽咪太緊張, 只看到差的一面；有些又剛剛相反, 包容度超高, 什麼都不是問題！
還是那一句, 覺得有需要時找專業人仕幫手, 做個評估看看有沒有問題, 而我教你的方法(讚+ignore), 是大部份情況都啱用的 (精神病例外)！

私人傳訊

shirley73a

禁止訪問

積分: 24331

好媽媽勳章畀面勳章

1117^#

發表於 08-2-6 00:09 |只看該作者

提示: 作者被禁止或刪除內容自動屏蔽

私人傳訊

積分: 33215

1118^#

發表於 08-2-6 18:34 |只看該作者

各位BK Moms：

我會有幾日唔响香港, 同大家拜個早年先, 恭祝大家身體健康，小朋友快高長大，聽教聽話！

時間關係, quote番去年寫過嘅嘢 :
過年係小朋友扭計嘅大好時機，皆因親戚朋友老人家响齊度，樣樣都要開心，阿仔一喊你就焗住冇得同佢鬥，輸咗九成；舉個例，佢話要食糖，你話唔好啦，已經食咗好多，佢即刻喊或者流淚，你話唔得呀，已講好咗一日限食十粒，唔可以反口，佢又再喊大聲啲，咁旁邊嘅千幾人就會加口，唔緊要啦，新正頭, 唔好喊，食埋呢粒至唔食啦....... :evil:

於是，你只能谷住乖乖就範，因為你係唔可以响眾人面前大聲話：「收口啦，個仔我架，你唔知講咗又反口好難教架咩？你嚟教呀？」

所以奉勸各位，形勢唔好，就切忌硬踫，咁点做？

要食糖？「食啦，但你食多咗，連聽日嗰份都已經食埋嘅話，聽日就唔好出街，唔去XX度」 – 這是你唯一可以做的，但第日要真係冇得去至好講，否則，都係嗰句，要食糖？食啦！要做X？做啦！千祈唔好等佢扭至俾！
好啦，最後緊記，新年前後，控制自己的情緒！:D

私人傳訊

wwwww1999

別墅

積分: 577

1119^#

發表於 08-2-11 14:06 |只看該作者

我個仔age 5 1/2, 但都係容易發脾氣, 應該話佢做 mud 都唔輸得, 輸咗就發脾氣, 而且仲會尖叫,可以點做? 其實佢知道輸咗發脾氣係唔啱,但始終忍唔住.

私人傳訊