worthy 發表於 16-11-2 19:10 
回覆 rose-mag 的帖子
多謝玫瑰版主好多好多嘅細心分析, 苦口婆心. 我做唔到係我愚昧, 固執. 其實我唔係唔 ...
一朝被蛇咬, 十年怕草繩＞＞＞呢個可以理解，要放下要釋懷非一朝一夕嘅事，我好阿Q，我而家個世界好簡單，我對你好，你對我好，大家開心，我對你好，你對我唔好，我冇負你，你就永遠欠我，我又唔駛向你追討，因為我對你好令我自己開心，唔駛回報，我做嘅嘢出心係好就夠，你珍惜與否非我控制範圍。就如兩夫妻，冇得計邊個付出多，你愛老公，願意盡自己能力令佢開心，佢有否因為你嘅愛而回報已非你能力所及。
分享我好鍾意嘅陸劇琅琊榜入面一段，其中一個角色蕭景睿被梅長蘇揭發佢父母嘅私隱，令佢不為人知嘅身世公諸於世，蕭景睿對梅長蘇既敬重為師，又親愛如兄，梅長蘇嘅為求目犧牲佢傷害佢，蕭景睿故然難過，但最終佢睇化，佢對梅長蘇講：
「我畢竟不是自以為是的小孩子，我知道人總有取捨。你取了自己認為重要的東西，捨棄了我，這只是你的選擇而已。我不可能因為你没有選擇我而恨你，畢竟……你並没有責任和義務一定要以我為重，就算我曾經那樣希望過，也终不能強求。」及「我之所以誠心待你，是因為我想要這麼做。如果能够争取到同樣的誠心，我當然高興，如果不能，也没甚麼好後悔的。」
做人好矛盾，以前父母講你對人好，人自然對你好，大個咗發現非必然，現實中人人心計不同，每個人嘅行為說話背後都有目的，只係目的係咩同自己是否認同吧了，但就算你唔認同又如何？如果計算令到自己終日不安，不如煮到埋嚟至食，做人想太多只會搞到自己無端端多咗好多白頭髮。
你話自己有進步，你講我就信架啦，自由廣場人多口雜，喺呢度可能更有力量都唔定，慢慢幫自己建立番一個社交圈，就算冇阿伯呢件事，你都要有自己嘅朋友，唔可以生活中只有老公，佢都要有空間，我同老公好好感情，基本上佢宅男到秘，我都冇咩朋友，但大家都要識得俾空間對方，人要懂得獨處，耐得孤獨，咁至有空間俾自己自省，你真係冇人傾計可以PM我，不過我有時差，你要等得至好喎。
花旗太太生活在花旗國，留意時差，你問我未必即時答到。
發表於 
, 你在那裡生活?
返回列表
