Wilnita,

哎唷! 我唔係指個d 有男朋友或有女朋友而又唔去結婚的人啊! 我係指無[拖]拍, 但年紀已經唔細, let’s say 30幾就40歲個d 啊!

我有一個friend, 佢都三十幾歲, 但從未拍過拖! 佢唔係醜女, 又唔係性格內向的人, 但佢好信[緣份]! 曾經有人追, 但覺得[寧缺勿濫]! 所以, 佢到宜家都未有男朋友! 但我真係替佢擔心囉! 佢再搵唔到男朋友, 就真係要做[老姑婆]架喇!

有時, 覺得佢好慘, 有邊個唔想有人錫, 開心同唔開心的事有人同妳share 啊!!!以前, 我未有皓皓, 雖然係結左婚, 但都會時時陪下佢, 去下街, 但有左皓皓, 仲識埋妳地(我地成日有gathering啊麻!!), 跟本已經無咩時間陪佢! 我知當過時過節時佢一定好悶!!!

其實,有時好鬼想做[媒人], 將d 未婚的男性朋友同未婚的女性朋友撮合, 但阿媽話 : [唔做忠, 唔做好, 唔做媒人三代好!], 所以都係無囉!!

wilnita 寫道:

但我見 D 同事都係好遲婚架！佢地都唔打算要小朋友！年代唔同啦！同埋呢，有 D 人覺得未玩夠，又有 D 人選擇同居，宜家係比較興遲婚的。

妳擔心乜野呀？

私人傳訊

wilnita

子爵府

積分: 12291

1135^#

發表於 05-1-13 15:39 |只看該作者

Re: 03 年 8 月至 FIT 媽咪之 Happy New Year

Renee,

咁妳朋友的生活圈子係唔係好細架？

我都識得幾位朋友 (其實係我媽咪 D 契女)，已經係四十幾歲架啦，有 D 有拍過拖，有 D 就無試過，樣子一般咁啦，睇黎佢地都打定輸數唔結婚架啦。好似兩年前，邀請佢地黎我屋企食羌醋，我覺得個感覺怪一怪的，佢地都唔係好感受到我的喜悅，而我又覺得尷尷尬尬咁，耐唔耐出黎食飯佢地見到晞晞，好似酸味味咁。

都唔係嘅，如果係好男仔，我又覺得妳不妨做下媒都好呀！不過唔知妳朋友鐘唔鐘意妳咁做。

私人傳訊

Renee

子爵府

積分: 12646

1136^#

發表於 05-1-13 15:54 |只看該作者

Re: 03 年 8 月至 FIT 媽咪之 Happy New Year

Wilnita,

佢既生活圈子就係唔[細]! 佢好active 架! 鐘意好多outing的活動! 行山啊!旅行啊! 打波啊!

其實我呢個friend 人品好好, 又鐘意小朋友, 又照顧老人家, 我好肯定佢如果結婚, 係一個好新抱及好媽咪! 但緣份… 唉!!!!

我上次(2001年)同佢去旅行, 我地傾計傾通宵, 傾左好多心事, 佢曾經透露, 就算比佢有機會拍拖, 跟住可以結婚, 佢都唔會要小朋友了 (但佢係好鐘意好鐘意小朋友的人!). 佢話年紀唔細, 點生啊!! 同埋, 佢講過佢都真係好想有個伴, 唔想孤獨一個人!!! 我聽完好心酸!

妳話可以做下[媒人]! 我講個笑話妳聽啊!! 我老公有個男同事, 三十到尾, 人品都ok啦! 我地都諗住試下撮合佢同我個friend! 點知, 當我老公想約出來玩時, 佢個男同事居然話比我老公知, 下個月會返鄉下娶老婆! 唉! 大學生仲係經理級人仕都要返大陸娶老婆 (我唔係discriminate d 大陸d 女性啊!!!).

宜家, 佢個男同事個仔仲大皓皓3個月添!! 我個friend 仲係一個人 …………..