國家地區媽媽會 今日: 0 | 主題: 20265

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1121^#

發表於 12-5-15 19:50 |只看該作者

nikinokb 發表於 12-5-15 16:06
回覆 rose-mag 的帖子

今日呢d氣溫幾好!日頭唔凍!夜dd就著返件褸都ok!我同我老公傾掂數,,夠一年就搵屋去第 ...

可能係CHECK TB, 我親戚D 小朋友N 年前幾歲過黎, 果陣我陪佢地去SUNSET 健康院吽左一日

一個無事, 一個有菌, 食左幾個月藥. 唔知宜家D 小朋友係唔係咁...

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

1122^#

發表於 12-5-15 21:56 |只看該作者

nikinokb 發表於 12-5-15 00:06
回覆 rose-mag 的帖子

今日呢d氣溫幾好!日頭唔凍!夜dd就著返件褸都ok!我同我老公傾掂數,,夠一年就搵屋去第 ...

係全年4季，分春夏秋冬咁報，每期都要再報，今次報唔到跆拳，
只係報到游水，不過老公話帶個仔去報私人，因為覺得會有幫助，
游水我仔5歲開始學，初初係主力爸爸媽媽教，有個教練教我地，
去到6歲父母不能在場，由教練一個帶10個8個，有助教幫手，
初初我仔好驚，唔肯浸頭落水，後來我老公喺屋企放缸水俾佢玩，
佢又好鍾意，呢期剛剛完係教練教，個教練好好心機教小朋友，
最後果一兩堂仔仔已經可以由助教帶住用個浮板游到幾步，算係唔錯，
所以今季又再報，我地會keep住俾佢游，冬天要睇一個個池，我地去North Beach，
因為個池同個場地夠暖，近屋企果個池水太凍。

我仔D同學有部份來自英文家庭，會多數講英文，另一部份中文流利，
聽到佢地傾計用中文，老師會教中文時講中文，英文時講英文，
小朋友適應到，當然呢度始終係英語國家，通告多數係英文，
我有幫手做翻譯，將英文通告打番做中文，但一般中文家長都習慣問老師。

花旗太太生活在花旗國，留意時差，你問我未必即時答到。

私人傳訊

Hoiching1504

複式洋房

積分: 202

1123^#

發表於 12-5-17 14:47 |只看該作者

我姊姊在2000年申請我一家三口移民美國，最近收到NVC的e-mail message 叫我寄回正本出生證明書、正本結婚證明書/或已certified有蓋印副本 ( 因是重要文件，我先前只影印副本及到民政署做宣誓後便寄去 )及要做良民證和身體檢查等事項，現有餘下問題請教 :

1) 正本出生證明書、正本結婚證明書可否用快遞寄去?
2) 良民證和身體檢查要怎樣去辦領 ? 現時我沒有收到信知通的。
3) 如各樣順利，大約幾時可到美國?
請各位有經驗mami 回應，感謝萬分.。

私人傳訊

積分: 174325

1124^#

發表於 12-5-18 01:12 |只看該作者

本帖最後由 rose-mag 於 12-5-17 09:29 編輯

Hoiching1504 發表於 12-5-16 22:47
我姊姊在2000年申請我一家三口移民美國，最近收到NVC的e-mail message 叫我寄回正本出生證明書、正本結婚證 ...

1）唔駛用快遞，不過我會用掛號，有tracking#你可以跟番。
2）良民証有特定地方去做，身體檢查就有一個list嘅醫生診所可以揀，
以前我冇電郵通知，資料係跟封通知信寄到。
3）好難講幾耐架，要睇而家處理緊嘅cases有幾多，樣樣順利應該一年內就可以見領事，
要睇下生活擔保有冇問題，如果第一次見領事就批，就有幾個月限期俾你入境。
我移民已經係8年前嘅事，唔知有冇變，近期到美國JM請提供資料。

點評

sfmeow 宜家先睇到你答左, 早知我唔答啦

發表於 12-5-18 19:40

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1125^#

發表於 12-5-18 09:09 |只看該作者

回覆 sfmeow 的帖子

岩岩老公問左佢同事,佢同事個老公and女女岩岩黎左,
話依家要去兩次,第一次去係係甘e睇下d香港做既報告

之後再約第二次時間黎...

點評

sfmeow

呢邊睇醫生係好... 慢..... 好...... 慢......... 發表於 12-5-18 19:39

私人傳訊

積分: 29922

醒目開學勳章畀面勳章

1126^#

發表於 12-5-18 09:22 |只看該作者

本帖最後由 nikinokb 於 12-5-18 09:24 編輯

回覆 rose-mag 的帖子

唉我同個仔唔知搞麥,我黎到第三日左右已經開始肚痛.又唔係食錯野甘既痛但就keep住肚痛,,好喇肚屙過一次甘大把.
但一直都依家都係甘,搵極都搵唔倒原因...
呀仔一直無事,但今早又係一起起身無耐話肚好痛去左屙....
依家又無野,我諗緊係咪飲唔慣d自來水?(有用過濾器)

依家呢d天氣對我黎講唔舒服...因為我同個仔個身呀手同腳都起粒粒(應該係干得制)
出街d風大到我個頭痛得好緊要.....我同個仔又腳抽根...
呢度個洗衣機得我地用,但好明顯好dirty....我依家好炆呀....
呢間屋好dirty.好多蜘蛛c..都可以自己搞,個洗衣機令我唔知點算
我d底底一向掉埋入機洗,,黎到洗完著,feel倒個腹陰陰地痛,
都知大獲,,第二日就多左分泌...好明顯係底底唔干淨...
我解釋比老公知佢始終男人唔多明不過話幫我搞搞...
佢個洗衣房好似鬼屋甘...勁多塵/蜘蛛網,係勁勁勁勁勁爆多果隻,
我真係唔知講咩好,,依家唯有用護墊,,同埋用住手洗先,,

黎左十日左右,都唔係幾開心,一黎同個仔都唔舒服
又敏感又肚痛個鼻又唔好(係甘打黑痴,好多塵,)
間屋我好唔like搞唔掂令我好炆,,唔多開心

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1127^#

發表於 12-5-18 19:23 |只看該作者

Hoiching1504 發表於 12-5-17 14:47
我姊姊在2000年申請我一家三口移民美國，最近收到NVC的e-mail message 叫我寄回正本出生證明書、正本結婚證 ...

1) 正本出生證明書、正本結婚證明書可否用快遞寄去?
可以, 用掛號都得, 最緊要唔好寄失.

2) 良民證和身體檢查要怎樣去辦領 ? 現時我沒有收到信知通的。
良民證要去警察總部申請, 良民證 = 無犯罪紀錄證明書
http://www.police.gov.hk/ppp_tc/11_useful_info/cert_no_crime.html
呢條link 有教點樣申請

去呢兩間做身體檢查,
照肺x 光片, (呢張x 光片要放0係寄倉行李帶去美國)
要打兩支針, 打左果兩支針一個星期內無發燒就ok.

http://photos.state.gov/libraries/hongkong/171363/visa/iv_medical.pdf

李嘉信醫生醫務所
香港中環皇后大道中16號
新世界大厦一期402Ｂ室
電話：2525-1251

晏打臣醫生醫務所
九龍旺角彌敦道664號
惠豐中心805-806室
電話：2390-3398

3) 如各樣順利，大約幾時可到美國?
0係呢條link 查下到幾時, 通常幾個月至一年內就可以去interview
http://www.travel.state.gov/pdf/Cut-off_Dates_worldwide_online.pdf

之後去領事館2 樓interview (同你地對番申請資料, 睇下經濟擔保咁)
ok 既佢要你派個代表, 0係果度等幾個鐘拎番d 申請資料,
佢會俾一年時間你飛到美國land.

領事館會將資料用公文袋同透明袋pack 好,
無記錯既話, 每人一個公文袋既, 呢pack 資料唔可以打開,
hand carry 到美國入境, 有3 條隊排,
遊客 (visitor), 居民 (permanent resident / citizen) ,
剩低一個counter 既就係移民 (immigrant) ,
你地拎住晒d 資料行移民呢條隊, 打下指模就可以入境.

reference:
http://chinese.hongkong.usconsulate.gov/iv_apply.html

點評

nikinokb 我同個仔都係我四個月! 發表於 12-5-19 03:21

rose-mag 未必有一年時間Land架，我果陣好似係半年，我朋友得4個月~ 發表於 12-5-18 21:46

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1128^#

發表於 12-5-18 19:36 |只看該作者

nikinokb 發表於 12-5-18 09:22
回覆 rose-mag 的帖子

唉我同個仔唔知搞麥,我黎到第三日左右已經開始肚痛.又唔係食錯野甘既痛但就keep住肚 ...

你飲水係水肚不服呀, 我0岩0岩搬屋第一日, 又係肚痛呀, 之後煲左水黎飲就無事啦. 不如你買個煲, 飲d 暖水睇下點?

我以前同人share 洗衣機, 又係唔舒服架, 我老公去chinatown 買滴露俾我, 洗衫倒一蓋入去, 殺下菌就好好多. 你去supermarket 睇下, 有d 清潔劑用黎洗洗衣機架. 聽人講落白醋洗下都得, 我未試過唔知得唔得.

唔好唔開心啦, 我未裝修好間屋就算都唔係幾開心, 不過一家團聚點都係好事呀

私人傳訊

積分: 174325

1129^#

發表於 12-5-18 21:51 |只看該作者

nikinokb 發表於 12-5-17 17:22
回覆 rose-mag 的帖子

唉我同個仔唔知搞麥,我黎到第三日左右已經開始肚痛.又唔係食錯野甘既痛但就keep住肚 ...

你會唔會係水土不服呀？去買豆腐煮嚟食啦，呢邊D水寒架，
因為係雪山水，未習慣就煲滾至飲啦。

個洗衣機有冇隔塵網，有就要拉出嚟清下D塵，如果唔係落D滴露開一機水齋洗一兩次，
清下D舊塵會好D架，如果你去出面洗衣舖果D仲幣，係萬幾人用過添。

適應新環境要好多時間架，最快就係去返學返工，識多D新朋友，
去下玩食下，慢慢就會覺得OK架啦，仲有就係唔比較，因為既來之則安之。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1130^#

發表於 12-5-18 22:54 |只看該作者

rose-mag 未必有一年時間Land架，我果陣好似係半年，我朋友得4個月~ 發表於 1 小時前

趕住21 歲前? 定係睇個面試官既心情?

食豆腐對水肚不服好架? 又學多樣野, thanks

私人傳訊

積分: 174325

1131^#

發表於 12-5-19 00:36 |只看該作者

sfmeow 發表於 12-5-18 06:54
趕住21 歲前? 定係睇個面試官既心情?

食豆腐對水肚不服好架? 又學多樣野, thanks

唔知個準則係點架，我嚟果陣過咗21歲好耐啦，我家人十幾年前嚟都係得幾個月準備。
豆腐、芽菜都得架，而家唔可以帶水上機，以前會帶枝水去外地，
溝埋一齊飲就會轉到水土，我E生仔十幾個月過嚟玩，我妹直情帶幾加侖水嚟，
而家唔得啦，唯有食豆腐、芽菜，好彩呢D都好易買到。

花旗太太生活在花旗國，留意時差，你問我未必即時答到。

私人傳訊

積分: 29922

醒目開學勳章畀面勳章

1132^#

發表於 12-5-19 03:27 |只看該作者

回覆 sfmeow 的帖子

應該係水肚不服...我老公今早買左保''制''丸我食(奶奶叫佢買)食完好似好好多!不過都仲係有DD痛,,
我係用電熱水煲,再外+DD凍水都係甘...可能我真係身子太差...

另外..我有樣野好煩...依家個腹部都仲係不斷陰陰地痛,DD甘囉
但就多左好多好似唔係甘好既分泌...

,岩岩去次所..抹時有DD血絲...
我一向好小分泌...有DD擔心....距離M到仲有起碼半個月..唔知係咪因為壓力大...?

你地就好啦..習慣哂..我好凍呀覺得...唔係好敢出街...D風大到頭好痛..

打完...個肚又有DD痛喇....其實你地係度,有咩活動多?

私人傳訊

積分: 29922

醒目開學勳章畀面勳章

1133^#

發表於 12-5-19 03:37 |只看該作者

本帖最後由 nikinokb 於 12-5-19 03:38 編輯

回覆 rose-mag 的帖子

應該係水肚不服!食左保制丸不過都仲有DD痛..同埋個腹部仲係痛痛地...好鬼麻煩...

我老公用左個洗衣機好幾次..佢都無事,不過我係女人,下面總係要小心
依家中招甘既款...有小小血絲同多左分泌.腰又痛...(訓唔習慣張床..)

真係要努力支持過呢段時間...我都覺得返學/返工好好多!個仔係屋企悶到飛起
好在我有拎好多野黎比佢做,出面我地覺得好凍呀.....唔習慣甘大風!係激大風先岩!
香港搵DD風都無嫁嘛.....

你講得好岩,真係唔可以比.我覺得香港好一百倍,因為我係香港大嘛!
緊係習慣香港啦!有你地支持我答下嘴我已經好開心!

我要努力快D適應呢度,仲有兩日就報學校.有D緊張,希望入倒你仔果間
今日同我班香港朋友WHATSAPP.真係十萬個掛住,佢地個個支持我

我都要努力先得!!!好想快D到呀仔開學!起碼有D出街既目標!!!
甘我又可以返學學英文!!要+油!!!

話時話,有人派左張江老師學校既單張比我(不過係5年級以上)
你知唔知我呢頭有無呢D學校/地方?呀仔真係好悶,掉佢上下堂都好!
我知有間好似劍術既興趣班既鋪,但有無d係學學術/類似補習既地方?
定一話唔會學嫁呢度d人?

私人傳訊

積分: 174325

1134^#

發表於 12-5-19 04:18 |只看該作者

nikinokb 發表於 12-5-18 11:37
回覆 rose-mag 的帖子

應該係水肚不服!食左保制丸不過都仲有DD痛..同埋個腹部仲係痛痛地...好鬼麻煩...

你有仔仔陪都OK啦，我初初嚟到成日自己一個人，細佬同男友（而家老公）都返工，
我自己一個就上網搵工打機，係日日都出去唐人埠（我媽以前住果度），
所以就日日搭車出街，好多時去到DT就行陣街再行去我媽度，
星期六日好D，有男友同細佬帶我去玩，之後有人介紹份工我做，
見完請咗我開始返工，識到新同事就OK啦。

而家我都煩死，仔仔呢排好多事，琴日仲同我講，叫我去銀行攞錢，
我話我冇錢喺銀行，佢就話拎枝鎗打死警察攞錢，我好鬼驚，
唔明點解佢會咁講，我地從冇喺屋企提過，有都會講咁係壞人所為，
今日佢無端端喺學校咬另一個同學，以前未試過，果個同學琴日都有同仔仔一齊玩，
不過我知個男仔成日鬧仔仔，好鍾意搞到佢發脾氣，但以前仔仔就算細個時都冇咬人，
琴日約咗個社工同仔仔傾，個社工同老公講仔仔有提及同鎗射人，
又話我地屋企有鎗，其實我地連玩具鎗水鎗都冇，老師覺得係課後班其他小朋友對佢嘅影響，
自從返咗之後就出現問題，老師話課外班老師唔睇住D細路，
又太自由，小朋友個個來自不同班級，有D更係來自其他學校，
我地決定唔再俾仔仔去，但之後要點我都未知，我媽就叫我轉做PT，
多D時間自己教番，我老公一定唔贊成，但我想教好自己個仔，
如果我仔學壞，就算俾我搵十萬九千七都冇用。而家真係好愁。

補習班多數都係華人會送小朋友去，當係課後班，幫手教下功課，
我地D朋友都多數係送仔女去學校有嘅課後班，冇咩人去補習班，
要補習都係自己請人一對一果種。興趣班就咩都有，最多人去學功夫、足球、游水、國語，
有朋友個女去學畫畫、鋼琴。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1135^#

發表於 12-5-19 04:58 |只看該作者

本帖最後由 sfmeow 於 12-5-19 05:04 編輯

nikinokb 發表於 12-5-19 03:27
回覆 sfmeow 的帖子

應該係水肚不服...我老公今早買左保''制''丸我食(奶奶叫佢買)食完好似好好多!不過都仲 ...

係喎, 水土不服食保濟丸好呀

你試下唔好溝水喉水, 攤涼d 水加熱水飲啦
我一開始唔係住三藩市, 所以飲水喉水都無事,
果陣三藩市好似係用地下水, 我唔清楚,
d 親戚話水喉水唔飲得, 加上我以前屋企好舊,
所以我住左十年都無飲水喉水, 0係街買filter 左既水飲

我睇開個中醫話壓力大, 身體弱, 都會多分泌呀
我諗你樣樣都有d, 加上凍親, 身體更加弱, 所以咁
你一係去睇中醫調理下?

類似補習.... 你一係睇下公文
http://www.kumon.com/CenterEpage/Home.aspx?p1=83f84187-65b6-4dfb-9b5f-303b7c700963&p2=1&p3=san-francisco-richmond

鄧老師教育中心
http://www.monicalearningcenter.com/chinese/index.htm

我0係sunset 德記茶餐廳, 見到d 宣傳紙寫教會有小朋友day camp 去
德記茶餐廳0係ABC 對面

我初初黎果陣, 除左番工既親戚, 得我一個渣車
我忙接送家中既親戚同小朋友, 忙足一年
我番學, 車同學番屋企..... 番PARTTIME...
又唔識路喎, 果個年代無GPS, 我本身係路痴,
晚晚出去認路....

後來同左宜家老公一齊lu
出親街就駛錢....
我多數0係屋企上下網, 做下手工多
宜家就裝修間屋, 執屋, 好多紙箱未拆

你幾時去領養貓貓呀?
去下SPCA , ACC, Petsmart 睇下呀 (鯉魚門果頭)

你學車未呀? 我諗你都好快唔得閒, 嘻嘻

睇下幾時得閒出黎聚下

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1136^#

發表於 12-5-19 05:07 |只看該作者

rose-mag 發表於 12-5-19 04:18
你有仔仔陪都OK啦，我初初嚟到成日自己一個人，細佬同男友（而家老公）都返工，
我自己一個就上網搵工打機 ...

會唔會睇新聞聽到, 學左呢?
雖然我有開過鎗, 不過小朋友一提到鎗, 我就覺得好得人驚....
你唔好咁愁喇, 可以你仔仔受左委屈, 唔識發洩
希望你仔仔快D 好似以前咁乖

私人傳訊

積分: 174325

1137^#

發表於 12-5-19 05:41 |只看該作者

sfmeow 發表於 12-5-18 13:07
會唔會睇新聞聽到, 學左呢?
雖然我有開過鎗, 不過小朋友一提到鎗, 我就覺得好得人驚....
你唔好咁愁喇, 可 ...

我地連新聞都少睇架，不過老公睇電影，我成日叫佢兩個細在場唔好睇D暴力同鬼片，
但老公成日都冇心裝載，有時反而係個仔同個女話唔想睇，因為太驚。

其實我仔幾純架，比起佢班D同學仔，老師真係錫到佢燶，
所以而家咁，老師好激氣，我地覺得我地努力咗咁多個月，
令到仔仔日日乖乖上堂，而家兩三個月嘅課後班就將我地打沉，
俾我再揀，唔駛錢我都唔會俾仔仔去，而家教壞三個月，教好唔知要唔要三年，
因為學壞容易學好又難又慢，我地都同老師夾咗差不多半年，
今日老公請幾個鐘假即刻返屋企同個寶貝仔傾計，但個仔呢期痴我多D，
成日同我講叫我去學校做老師，因為佢想時時見到我，唉，做人好多時身不由己，
你叫我揀，我一定揀個仔唔揀份工，寧願捱窮都係咁話，不過點都要老公點頭至得，
再過兩個星期仔仔會上社交班，希望會幫到佢，不過我點都覺得唔可以靠人，
點都係要我地兩公婆去做，而家咁細個要小心睇實至得。

仔仔好細個已經鍾意咬嘢，以前晚晚咬住張被瞓，後來少咗，
近來又有番，唔只咬被，最近幾星期仲咬衫，有幾件衫俾佢咬爛咗衫袖同衫領，
又成日咬手指，我知佢係好stressful，但咬人真係第一次，加上最近成日發脾氣，
而家又話有暴力影響，真係好擔心，我同老公已經唔識點教。

花旗太太生活在花旗國，留意時差，你問我未必即時答到。

私人傳訊

積分: 49428

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

1138^#

發表於 12-5-19 06:00 |只看該作者

rose-mag 發表於 12-5-19 05:41
我地連新聞都少睇架，不過老公睇電影，我成日叫佢兩個細在場唔好睇D暴力同鬼片，
但老公成日都冇心裝載，有 ...

你仔仔有無做開運動? 俾佢發洩下 (放電) 會唔會好d 呢?
有無試過香薰治療?

老人家話齌, 學壞3 日, 學好3 年,
你地努力左咁耐, 俾d 咁既衰仔惹曳左仔仔, 好唔抵!!!!

我仲未有小朋友
不過我覺得男仔難教d, 佢惡又唔好, 太靜又易俾人蝦,
始終做長輩只可以教佢地價值觀, 學好學壞都係際遇

呀, 仔仔臨訓前你有無同佢傾下心事?
等佢放低d 心事, 會唔會無咁大壓力丫那?

不如你請幾日假陪下仔仔先啦, 始終宜家好critical
過左呢一關就無事架喇

私人傳訊

積分: 174325

1139^#

發表於 12-5-19 06:24 |只看該作者

sfmeow 發表於 12-5-18 14:00
你仔仔有無做開運動? 俾佢發洩下 (放電) 會唔會好d 呢?
有無試過香薰治療?

同老師傾過，覺得structured program會適合仔仔，佢唔啱太free太無王管，
因為佢會唔知點做，我個個month都去做義工，都睇到仔仔冇咩朋友，
佢同Niki個仔一樣有自閉傾向，我地已經儘量教佢明白點樣為之可以接受行為，
但佢就好多時都過份熱情過份活躍，搞到人地驚咗佢，其實佢只想同人玩。

我都有同個仔傾計，但唔係日日得閒，我會陪佢玩同做功課，
我估我都需要方法減壓，請假暫時未得，要等到六月初至可以，
聽日試下帶佢去下公園走下。

點評

nikinokb 全中,我仔好多時就係過份熱情過份活潑,,嚇親人!街邊佢都係甘搵人玩.. 發表於 12-5-20 02:02

花旗太太生活在花旗國，留意時差，你問我未必即時答到。

私人傳訊