方麗娟，
其實煲粥仔同開糊仔真係一Ｄ都唔難，正如靖嵐話唔駛練習架，一次生兩次熟，至於粥仔，我就用水浸過夜先煲，快熟Ｄ又容易煲得綿Ｄ，仲有煲到差不多就收火唔好打開蓋住，焗１０分鐘度，Ｄ粥即刻會杰Ｄ，當然係要放涼Ｄ先俾小Ｂ食啦。
學習杯唔一定要買，有ＤＢＢ唔鍾意用，唔係講笑，我個仔大大話話有超過１０隻學習杯，好多唔係吸咀俾咬崩咗就係用過幾次就唔肯用，而家要幾隻唔同樣的輪住用，真係買杯同搵地方放都頭痛。我個仔係過咗一歲先開始用杯，因為佢淨係鍾意用奶樽，為咗等佢一直肯飲奶，我都由佢用到差不多兩歲，由於佢太鍾意咬嘢，將Ｄ奶咀咬穿晒，仲成日將個樽倒轉睇Ｄ水流潟，一日搞到度度都濕晒，我Ｃ６嬲到收起晒Ｄ樽，從此囝囝只可以用杯，咁佢就開始拒絕飲奶，而家朝朝叫佢飲奶好似打交咁。
我有次去朋友屋企入佢厨房，嘩！佢個女起碼有超過３０隻杯，真係日日唔同都用唔晒。
如果你個仔夜晚都食清晒，仲駛咩泵呀，通常猛長期都係唔超過一個星期，到時再儲過奶都未遲。
靖嵐，
之前我話想減產，呢個幾星期唔知點解，返工泵少咗好多，由一日兩次共１４安得番兩次共１０安，唔知係未多嘢做有Ｄ壓力，咁豬扒妹又唔知做咩冇胃口食少咗，每次都係食唔夠４安，加埋兩餐糊仔，所以都仲有奶淨，我有個朋友話佢餵到１０個月，無端端冇奶就被逼停餵，搞到我有Ｄ驚，希望真係可以餵到豬扒妹１５個月大啦。
花旗太太生活在花旗國，留意時差，你問我未必即時答到。
我想要9999呀...)
發表於 
返回列表
