nikinokb 發表於 12-5-22 13:57 
回覆 rose-mag 的帖子
我呢幾日真係好慘,,下復痛到差D落唔倒床,,又暈又發冷又頭痛又想嘔我頂唔住尋日去左 ...
如此類推，所以你填得落去，就要諗定如果派你去果度你都接受到至好，
我仔果陣我填咗唔知七間至八間，但其實有D係中文班加GE都係同一間學校，
我地計過數，第一志願係實得，因為我仔間學校當時填第一志願嘅人好少，
根據往年數字統計，我地只要填第一就9成入到。到個女因為哥哥在校，
係第一優先取錄，只要冇多過22個同我地一樣第一優先，女女係入硬，
所以我只報咗一間學校。其實McCoppin仲方便多地，但我地完全冇揀，
因為老公朋友有兩個仔喺果度讀，佢同我老公講K同一年級好好，
二三年級OK，四五年級直情唔得，所以我地冇選到，McCoppin成績喺同區係比較低，
但其實都有利百幾分唔算差。我會鍾意Lafayette多過McCoppin，只係Lafayette冇中文讀。
藍卡我唔識，呢度有紅藍白卡分，我樣樣都冇，保險跟我老公公司，
我公司都有，但我只跟公司買眼科醫療，因為老公公司果份太C，
我公司呢份好百倍。
仔仔唔識講，問佢邊個教，佢只係話喺學校，但講唔到係邊個同學，
今日返學，老師寫紙仔俾我地，話佢今日好好，只係要佢唔好同某個同學玩有難度，
因為仔仔有兩次打果個同學，老師話果個家長好麻煩，唔算再有問題，
所以要仔仔唔好同佢玩埋一齊，但偏偏我仔當個個都係好朋友，
我自己反而對果個小朋友印象有D麻麻，太過陰沉，唔聲唔聲，
但背後又好多百厭嘢，佢背景都好可憐，媽媽一早死咗，爸爸唔係身邊，
個嫲縱到佢連除衫都唔識，未入學前完全未讀過書，之前見咁可憐，
叫我仔可以同佢玩，但最近見到佢就俾我捉到佢成日用言語去激我個仔，
等佢發嬲，所以老師隔開佢地兩個我完全冇問題。
至於我老公，琴日同今日我又坐低同電話傾，我覺得佢對個仔太嚴，
而且太霸道，個仔受軟唔受硬，我上網搵到資料讀俾佢聽，
小朋友嘅反抗行為係一種溝通方式，因為佢地表達唔到，
原因可以係不滿、不安、缺乏安全感、感到不受控制、不喜歡現在環境等，
似乎合乎我地之前估課後班情況，因為人數多，來自不同班級，
老師冇點理小朋友，對於我仔咁樣好亂，佢真係會不安，
所以就會咬衫咬手指等。。。解決方法係要了解佢嘅動機，
大人去學習去明白小朋友嘅情緒同意願，絕對唔可以用強硬同懲罰去對應，
因為呢D只可即時停止佢，但唔可以幫到佢，反而令佢以為只要強過人惡過人就解決到問題，
同老公講完，我俾咗仔仔一份佢恨咗好耐嘅玩具，原本老公話要等仔仔未來三日都乖至俾，
但我同仔仔講，我話而家俾佢玩，但佢要應承乖同聽話，
如果有邊日唔乖我會即時收番，仔仔答應，今晚食完飯玩咗成個半鐘，
不停好似開籠雀咁，我叫佢教妹妹玩，佢都肯，我都倍仔仔玩咗一陣，
中間我留心佢講嘅嘢，有好多Shoot Kill等字眼，但所指係射個陀螺出嚟，
同個陀螺去打低另一個，另外佢居然唔駛我地幫手自己裝好晒兩個發射器，
証明我仔呢排說話同行為多少因為呢一個玩具，而呢個玩具有好多個男仔都有帶返學校，
課後班老師由得小朋友玩，如果我自己係唔會買嚟俾個仔玩，
呢副玩具係一套日本卡通片而嚟，我地屋企冇睇。
我都唔知而家我俾個仔玩係對定錯，但唯有睇下佢之後表現係點，
另外我都聯絡咗醫院兒童科果邊，搵家庭輔導，睇下有咩方法提供俾我地，
不過唔知要排幾耐至有。
我公司果件極品由1月4日放假放到而家，都未知幾時會可以返到工，
由Short Term Disability到而家Long Term Disability，醫生都未可以寫紙話佢可以返工，
因為佢係一對手做筋膜手術，但右手康復得唔好，咁日日要打字聽電話寫字，
如果對手唔得，佢唔返好過返，以前已經成日叫我做埋佢D嘢，
如果而家佢返嚟又係咁，我會出聲，佢搵多過我成千一個月，
我做埋佢果份真係冇理由，有同事覺得佢會唔返，但我覺得如果得，
佢點都會返，因為提早退休佢冇保險，除非公司炒佢，不過最遲佢都要6月尾報到，
如果唔係，公司有權炒佢，就算而家唔留位俾佢都得，但老細唔會咁做，
不過我地O有好多人都唔想再見到佢。我都唔知我如果同老細講要做少幾個鐘，
老細會唔會批，但個仔緊要D，底線係我唔做搵份兼職，但咁D錢就會好緊吓，
老公公司遲下又會將佢掉職，去做一個更辛苦嘅位，老公話想申請去做另一個位，
但會每個月少一千，如果咁樣就金上加金，不過點都好，窮都以個仔行先，
而家都係唔諗住，到過咗6月，睇下我個同事返唔返工至講，
而家我唔會同老細講住。
花旗太太生活在花旗國，留意時差，你問我未必即時答到。
發表於 
以前我地要幫其他租客俾埋 (都係親戚) 總共四個人, 百幾二百蚊呀 
臨搬走張單成二百幾 
已經換晒我果層d 燈膽做慳電膽, 都要咁貴, 搬走左先知, 有條友仔真係日日長開五部電腦, 嫌開機耐喎. 宜家我搬走左, 睇下佢地搵邊個做水魚!! :;pppp:
返回列表
