本帖最後由 moonlight9198 於 11-7-24 14:14 編輯
又講另一個 CASE 喇,
我C6果邊有個親人走左冇耐,
佢走之前一日, 響屋企領洗,
佢走前一日, 佢女家屋企人,
搵左個X師幫佢領洗, 因佢有病,
已行動不便, 即晚入院,
第2日就走左喇,
我後尾先知,
唔知佢點解會入左基X教,
自願定比人講兩講入既,
佢C6都算係DD入左基X教既,
好日唔去教會果D,
而家佢就多左番教會,
放假一個人可以去邊,
可能悶嘛 !! 又可能想幫佢老婆做番D野啦,
我冇問咁多喇, 佢C6仲係好傷心架,
好喇, 又係用基X教儀式,
又係葬響基X教墳場,
我成家冇去送佢最後一程,
因我亞爸又走左, 未夠一個月,
我地仲帶緊孝, 唔去得,
好喇, 跟住, 我又夢到佢幾次喇,
我夢到佢果排, 病到死死下,
佢想我幫佢做D野, 但我係做唔到, 佢當時好唔 LIKE 架,
到第4次, 夢到佢, 問佢係咪攪到我呢排病到死死下,
佢冇答我, 只係頭耷耷, 望都唔敢望我, 我炳完佢,
就打左佢兩野, 走喇, 跟住醒左喇,
佢又唔報夢比佢C6同佢D仔,
佢D仔好大個架喇, 28-30 歲喇,
佢走左之後, 佢C6成日去家姐屋企食飯,
佢家姐個印印係有陰陽眼既,
次次都睇到佢同C6上去家姐度,
但佢個C6唔知, 而家得我知,
我C6知,佢家姐, 同姐夫知,
即係佢上唔到天X啦,
上到去, 點會出現比印印見到,
個印印話, 佢唔捨得佢C6,
去到佢C6家姐度, 都係坐響角落頭既,
好唔開心咁既, 佢C6家姐冇安任何神位,
門口, 土地都冇安, 咁就可以自出自入,
我燒左野比佢之後,
近排就冇聽到亞印印話見到佢囉,
後黎, 我可能知道佢而家又係,
又冇得食, 又冇 $$使, 乜都冇果種,
就響街燒左份野比佢, 好大份架,
希望佢響另一個地方, 可以生活好D啦,
我可以做既, 真係咁多咋, 1年燒1次野比佢,
因C6果邊既屋企人唔會信我架,
佢地冇事冇幹, 又攪唔到佢地,
攪著我之嘛, 都唔係第1次架喇,
佢地果邊, 走左既親人, 邊個有D乜野,
都係搵我黎攪, 我真係好黑仔架,
而家好D架喇, 封左身, 封埋感應,
但封唔到佢地入我夢, 影響我囉.
一切有為法 如夢幻泡影 如露亦如電 應作如是觀
欲知前世因 今生受的是 欲知來世果 今生作的是
大千世界 無罣無礙 自去自來 自由自在 要生便生 莫找替代
發表於 
我做殯儀個朋友都話呢d case真係好多！
返回列表
