All,
好想同大家分享一下之前三日發生既事。
星期二同大家講左両句之後、都無両個鐘我就収到消息話衡衡發焼。爺爺麻麻就帯衡衡去睇医生、点知就響医生度等緊既時候、突然衡衡對眼定晒望住天花板、手脚都変硬、粒声吾出。當然爺爺麻麻都好驚、於是吾理Ｄ護士、即刻拍門叫医生。個医生就話係抽筋、要即刻去医院。當時就塞左粒薬入肛門來退焼。但係響的士上面、衡衡都抽左好幾次筋、仲開始嘔。其実成件事我都吾在場、因為我要5:30先放工。去到医院個陣、我見到衡衡因為食左葯訓左、一隻手仔有條管吊塩水、仲有一隻就比個鋏夾住check心跳、跳得好快、口度又有個吸oxygen既mask、有時隻手仲會抽幾下、眞係好心痛。個晩医生就話衡衡抽筋前既情況應該就吾似係脳膜炎之類既厳重病症、可能係感冒突然發焼焼得高、大脳未成熟、所以會抽筋。但係都要睇埋衡衡醒左既表現、先至可以確定衡衡点様。直到夜晩9点幾衡衡先醒、好彩識得微笑、識得叫我地、仲識得學狗狗shushu、甘我地先放心Ｄ、不過都係10幾分鐘後就再訓左。個晩我要留響医院、衡衡就一直都要塞肛先退到Ｄ焼、毎次一醒左就玩幾分鐘、然後就喊吾停。可能因為無食野十幾個鐘、所以不停要食milk、一食就成個鐘、一晩食左都有五個鐘。
第２日下午、衡衡可以用食葯來退焼、我就返屋企訓一下、因為都知道要留多一晩。点知一返到屋企就好想喊、以前好吾想衡衡響度搞搞震、但係而家就好掛住衡衡。
終於第３日朝早衡衡可以出院、似乎係感冒、因為都間中有幾声咳、有少々鼻水。但係快速測試就A/B型流感結果都係陰性、肺又無事。今朝仲有少々焼、不過都係37.2。
My Sewing Projects
孩子，
忠﹔請不要為了利益,隨便出賣別人。
孝﹔是我對你唯一的要求。
仁﹔仁者無敵,善待你身邊的人,便不會有敵人。
愛﹔珍惜你所擁有人和事。
在我而言，你已是個完美的人。
2003年2月8日出世
發表於 
發表於 
返回列表
