Tebing 發表於 20-6-12 07:50 
呀 另外想問問有無推介劇係胡歌或羅晉做呀?
我都睇過好多套想睇睇有無漏網之魚 ...
胡歌。。。
瑯琊榜（你睇咗），呢套必睇，唔只宗主，好多人都演得好，故事係有反駁位，但算係可以接受到，而且加咗宗主同郡主嘅愛情線比小說更好。
獵場胡歌演得好，但故事去到後面好唔掂，女主最頂唔順，但入面好多大茄配角（孫紅雷、張嘉譯、胡兵、趙立新、祖峰。。）雷聲大雨點小，姜偉失手之作。
大好時光暖男到爆，但又係女主麻麻，故事有D攞命，如果以胡歌咁多角色嚟講，大好時光嘅袁浩真係最佳男朋友，入面有韓東君做佢細佬。
風中奇緣：我只睇九爺，反而麻麻地男女主。
生活啟示錄：睇你接唔接受到姊弟戀，胡歌同閂妮都演得好。
神話、少年楊家將都唔錯，我第一套睇胡歌係射鵰英雄傳，當時覺得佢同演楊康嘅袁弘都幾靚仔（特別係袁弘，好有小王爺果種氣質），但故事改到不倫不類，雖然好多人話林依晨做黃蓉唔得，但我覺得其實佢都演得唔錯，同胡歌幾有CP感。
羅晉呢，我睇得唔多，都係近年先識佢，安家、鶴唳華亭不容錯過。
幕後之王幾正，但我就唔鍾意女主，完全冇CP感。
克拉戀人我就鍾意羅晉同熱巴，阿羅太好唔掂（基本我覺得佢一直都冇掂過）
錦繡未央睇咗少少，又係阿女主超趕客，加上又係果種戲碼，我跳咗船
真愛的謊言之破冰者、歸去來同為了你我願意熱愛整個世界都有推介過，但我冇睇過。
花旗太太生活在花旗國，留意時差，你問我未必即時答到。
發表於 
返回列表
