你係咪作感冒呀?小心身體呀! 不過我今晚都唔可以玩咁夜, :-( 因為聽日我又要好早起身番工...同埋大姨媽嚟咗,所以更加唔可以開夜,否則聽日實攰到瞓低~~~!!! 
講件大瘀事俾你地聽...我隻佬已經由長洲笑我笑到番屋企...... 
事緣我地準備撘船番中環,我地一去到碼頭,入咗閘,我個仔就扭計話要按汽水機買汽水...咁啱我隻佬又同一時間自己走到老遠坐低,咁我就開始shot...我以為我個仔走開咗,隻眼一路搵仔,咁我見到個着住黑色衫既靚仔似係我個仔(只見背影),咁我咪大聲向住嗰個背影叫:"顯霖,快啲番過嚟,(個背影仍然無反應,照樣向住另一邊走,跟住仲攞咗櫈上面支玩具槍玩)...你唔好攞人地啲嘢!快啲過嚟!"跟住笑點就响度喇!!!我見到放玩具槍張櫈隔離個男人好愕然咁望住我,跟住我就 ?-( ,然後我就 
,and then個背影終於慢慢咁轉身望住我.... 我呆望住個靚仔(...咁我梗係feel到自己認錯仔啦!),根住我望吓我隻佬(我隻佬都係呆咗咁望住我),然後我再望吓我個仔响邊,...原來我個仔一直無郁,都係同我企响汽水機隔離,我個仔又望鬼住我,我見到我個仔係着緊格仔恤衫(唔係黑衫)幾秒之後,我隻佬走嚟湊我地番埋位,仲猛咁笑我話:"哈!老婆老人痴呆呀!!!!哈哈哈!!!!!!!!!!!!!!!!!!!!!!!!!!!!!!!!!" 我隻佬全程係咁笑我, 
又話:"呢次仲唔俾我斷正! 俾我睇到老婆點老人痴呆!...原本如果嗰個靚仔係同顯霖着同一件衫,你先至認錯仔,人地個亞媽都仲可以原諒你...哈!原來唔係同衫!咁都認錯仔,人地亞媽真係好難原諒到你!!!哈哈哈...." 豈有此理!!! 笑吖喇! 笑吖喇!! 仲笑!!!!!!!!!!!!!!!!
發表於 
做乜咁問?
返回列表
