nikinokb 發表於 12-5-26 19:43 
回覆 rose-mag 的帖子
唔該哂呀!!我要慢慢咪下個網!不過有無位係邊度睇~?定要打去/親身去到問?我搵唔倒個 ...
你個仔已經7歲算係Youth, Teens 果組，一Click Youth, Teens就會見到右邊出晒課程，
每個課程最底會有個綠色Bar，再Click會出晒該課程唔同班，
有晒時間同地點，咁你會見到最右手邊Opening下面有個數字，
如果係0，即係冇位，如果見到0下面有Waiting List，
即係可以報Waiting，開班後有位會打電話通知你，
其他有位果D會有個數字有幾多位位淨，你可以set up個Family Account，
網上book位交埋錢都得，可以要求email番張收條俾你，
唔係就去Richmond Recreation Center度直接報名，有人會幫你入電腦搞，
之後會print埋收條俾你，果度有一本本課程可以俾你慢慢睇。
呢度唔似香港，係好乾躁，你皮膚如果唔受得就要搽多D Cream，
我仔係要搽好油果D好似花士苓、豬油膏嘅物體，我以前皮膚好敏感，
成日要搽好多嘢，T位好油但其他部份缺水，嚟到呢度又唔知點解冇咩事，
可能係呢邊D護膚啱用，我幾十歲都好懶，唔做Facial唔搽九千幾樣嘢，
每晚洗完面就搽D Lotion就算，So far都仲幾滑溜，但皺紋點都走唔甩啦。
去濕料去藥材舖有得賣，你果邊應該都有，不過我唔熟，
去Clement街有幾間都有，再唔係懶得煲，有一間喺Clement街夾4、5街
有間咖啡店叫Jave Source，係唐人開架，有五花茶同廿四味賣，有凍有熱，
都幾夠味幾足料，熱氣可以頂住先。再唔係可以去唐人街藥材舖睇下中醫，
或者叫老闆執D去濕茶涼茶自己煲，我去開一間喺Stockton街尾一間藥材舖叫新亞洲，
有個老中醫都幾好，藥材舖老闆都識少少中醫，叫佢幫你執都得。
我自己對聲音都好敏感，我對耳好靈，少少聲我都聽到，
最怕係用叉刮碟嘅聲或者係金屬磨擦，我就咁諗下都打冷震。
我仔D統感差不多，而家好好多啦，以前都唔知道點解，
個仔去到四歲幾至識踩三輪車，以前唔識踢波，但佢細微嘢又好叻，
三歲就揸螺絲批上螺絲，砌細粒Lego冇問題，但平衡用對快速旋轉嘅嘢係勁怕，
我見過有小朋友鍾意成日打側身瞓喺地下用手臂磨擦地下，
社工話係自我安慰，就好似我仔鍾意咬被啜手指一樣，
以前D人只會話小朋友好似BB咁啜手指，原來係不安嘅表現。
花旗太太生活在花旗國，留意時差，你問我未必即時答到。
以前我做管理, 會特登翻譯俾唔識英文既retail agents 知, 唔駛擔心既. 我以前會去排隊聽人地講野, 咁就識多d 地道語法. 
多謝關心 
快d 醫好佢, SF 濕重小心變風濕 
同埋夜晚搭車其實有d 危險架... 有你老公就好好多, 平時得你自己同仔仔千祁唔好呀... 考車牌先渣車出夜街啦 
我同佢講較咩program 洗1 個鐘ok ka la, 我地share 用, 我自己d 衫都係咁洗, 洗咁耐d 衫縮水架. 佢每3 個月買過衫囉. 
mouth:
我果個人都係咁架, 日日沖花灑沖45-60 分鐘, 佢成日呻身痕, 我提過佢, 佢仲話我衰. 你都知呢邊d 熱水爐其實係儲水爐, 佢咁樣沖法, 下一個人沖涼就無熱水. 
發表於 
)
返回列表
