而且嗰度我亦住咗好耐，不過都無辦法啦。搬運期間我又驚99一知婆婆番咗去就嚟舊屋刮我，但可能＂最危險的地方是最安全＂，又唔見她出現，加上可能婆婆依家局住要住喺我媽度，99又俾幾分薄面啦。
有時真是好難怪婆婆對6299唯命是從。話說C6星期五晚夜機護送婆婆（我諗他都就嚟silver變 gold card），會凌晨五點半中到番到香港，攞埋行李搭埋的士出巿區我估6點半7點。去到婆婆屋企冇人，婆婆自己又冇帶鎖匙就打俾呀姨，她又唔聽，咁無辦法啦晨早流流，C6話去酒店我話唔好啦無啦啦又去酒店，婆婆一定好攰，反正C6留港其間都會住我媽度，咁我話不如打俾我媽啦，起碼你有地方放低D嘢又快D俾婆婆settle先，就去我媽度。婆婆休息期間C6就狂轟呀姨手提，呀姨成10點幾先聽話自己去咗大6咩溫泉旅行星期一晏＂縐＂先番（跟旅行團），又話99冇通知她婆婆番，我都理解，但都唔係叫呀媽流落街頭架，已經講埋俾她聽婆婆係出院無耐，她仲話叫C6去她屋企附近D自由行賓館，好平5\6百蚊晚，有冇搞錯呀，C6好興但廢事俾婆婆聽到加上自己係晚輩就唔知點樣收咗缐，打俾D舅父，一個話要搵食，一個話無地方，又話乜都唔知，仲串番C6轉頭話62有錢乜都得，快D去養和搵間房住下先咪乜都搞惦，雖然唔關我事但洗唔洗咁講嘢呀。
發表於 
返回列表
