吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 冇餵人奶/餵好短日子的媽媽，你地有遺憾嗎？ ...

自由講場今日: 1111|主題: 1355616

收藏本版

發帖

返回列表

跳至頁

樓主: babyhoi

冇餵人奶/餵好短日子的媽媽，你地有遺憾嗎？

[複製鏈接]

4 567 8

usausagi

公爵府

積分: 27536

環保接龍勳章

101^#

發表於 14-2-26 10:10 |只看該作者

回覆：冇餵人奶-餵好短日子的媽媽，你地有遺憾嗎？

太大壓力喇你，你平時泵呢，唔好睇住，戇居居煲劇集咁泵，半個鐘又好九個字。

私人傳訊

queeniesuen

男爵府

積分: 5121

102^#

發表於 14-2-26 10:15 |只看該作者

回覆 babyhoi 的帖子

其實BB唔飲人奶係唔會死既。既然你嘗試過，但到去唔到預期既話，加奶粉比BB飲唔係問題。我之前都好似你咁，太自責無人奶比呀女飲攪到自己抑鬱...... 成大半年自己情緒先好得番。所以，唔好將自己同人比，總之你問心無愧便可。唔好比咁大壓力自己，加油!!!

私人傳訊

貓山公主

伯爵府

積分: 15367

103^#

發表於 14-2-26 10:18 |只看該作者

當然我有唔開心....但真係無咩遺憾....
餵左一個月之麻...跟住已經要返工...(衰豬遲左出世...)
工作沒有時間俾我泵奶....同埋無地方容我咁做....

私人傳訊

wy_yen

侯爵府

積分: 24365

好媽媽勳章畀面勳章

104^#

發表於 14-2-26 10:20 |只看該作者

引用：小b剛滿月，呢兩日突然冇乜奶，原本都係貧

原帖由 babyhoi 於 14-02-25 發表
小b剛滿月，
呢兩日突然冇乜奶，
原本都係貧乳，泵得兩三安，

其實可能係你太在意，一直餵人奶，如果埋身餵得到，都唔會建議人泵，除非你之後要返工，先非泵不可。因為你愈泵，愈想知自己有幾多奶時，對你構成壓力，會令你更少奶。
如果你唔怕辛苦，想堅持餵人奶，我可以話你聽，我餵大仔時，係每半小時一次，佢都係一啜就瞓ga，但又一放低就醒，每次啜唔夠10分鐘又瞓。。。放低又醒。。呢個堅持，我維持左成個幾月，但亦因為佢密密啜，我上奶好快，好多，起碼知佢係夠食，因為到第2個月，體重，身長線2，3級咁跳。餵人奶係難，但餵順左，就會易。
媽媽，如你想繼續餵，就餵得幾多得幾多吧！加油喔！餵唔到，亦唔好太唔開心，只要自己盡過力，盡了力，已經好好了！
呢度好多人支持你的，努力呀！

私人傳訊

siumak

侯爵府

積分: 23806

陪月勳章

105^#

發表於 14-2-26 10:22 |只看該作者

餵在一個月多小小﹐
但離奇在泵出黎熱好在個囡又唔食﹐
埋身佢又掛住瞓推極都唔醒﹐
食奶粉果餐又好地地食晒又笑晒咁口﹐
為在哩樣o野我坐月三朝唔埋兩日喊因為日日倒奶﹐
最後情緒有問題、開始抑鬱﹐
開始怕同個囡獨處﹐
最後停人奶以防因為佢飲奶哩個問題令到抑鬱下去。

私人傳訊

Mrslot

公爵府

積分: 26525

106^#

發表於 14-2-26 10:24 |只看該作者

完全無餵過人奶，全奶粉，touchwood bb好健康未病過，餵奶粉我又無咁辛苦精神好d去照顧bb

私人傳訊

stepchk

珊瑚宮

積分: 107404

虎到金來勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章畀面勳章大廚勳章 BK猜猜猜慶中秋春季勳章炎夏勳章 BK Milk勳章 hashtag旅遊勳章 hashtag影視迷勳章 DHA勳章貓狗褓姆育兒性格勳章認識瑞士牛牛第二回認識瑞士牛牛第三回 +5熱血勳章最關心BB問題熱投勳章 Xmas吸收勳章美好大世界2017勳章開心吸收勳章食得好勳章瞓得好勳章笑得好勳章 Poo得好勳章 HiPP勳章(1) HiPP勳章(2)

107^#

發表於 14-2-26 10:25 |只看該作者

babyhoi 發表於 14-2-25 18:01
小b剛滿月，
呢兩日突然冇乜奶，
原本都係貧乳，泵得兩三安，

我第一胎都係餵咗2個星期,仲要阿B成日都唔夠飽,99又成日叫我唔好餵,啱啱生完精神又緊張,所以2個星期之後就餵返奶粉。第二胎直頭費事餵人奶,覺得好煩,情願多D時間休息。SO FAR 2位公主都OK,我無遺憾過。ANYWAY,你已盡力啦,唔需要太介懷啦﹗

私人傳訊

Elenalan

水晶宮

積分: 67489

108^#

發表於 14-2-26 10:30 |只看該作者

回覆：冇餵人奶-餵好短日子的媽媽，你地有遺憾嗎？

其實“人奶迷思“和“ftm迷思“一樣，俾人吹大到無敵，講到人奶B/ftm B係最健康聰明乖巧讀書叻入名校……etc…搞到好多媽媽以為做唔到人奶媽或ftm好大壓力好對唔住自己仔女咁。
其實BB體質同媽媽陀B時體質、遺傳、後天照顧…好多因素有關……我和老公有濕疹，我大肚跟中醫指示飲食清淡為主，BB皮膚好靚；朋友兩公婆冇濕疹，但朋友大肚時食好多熱毒嘢，餵人奶又唔戒口，佢BB濕疹好嚴重又好熱氣，戒左人奶先好番。人奶專家成日話唔使戒囗，等於西醫冇安胎概念，流啡只有等運到，每樣事都有唔同睇法，等於中醫都唔係人人buy。
BB智慧更加同ftm或人奶冇直接關係，父母係叻，仔囡都唔會差得去邊。我媽係working mum又冇餵人奶，但我四兄弟姊妹個個都讀書唔差，碩士以上學歷。父母教育方式、身教比言教更重要。

私人傳訊

jasmine0527

翡翠宮

積分: 92886

2018復活節勳章開心吸收勳章我的育兒心得勳章玩具勳章畀面勳章 BK Milk勳章

109^#

發表於 14-2-26 10:39 |只看該作者

回覆：冇餵人奶-餵好短日子的媽媽，你地有遺憾嗎？

無遺憾，食奶粉都一樣曉大嘅，當時搞到我好困擾，唔洗咁勉強，唔得咪唔得咯

私人傳訊

小寶貝兒

珍珠宮

積分: 30295

110^#

發表於 14-2-26 10:45 |只看該作者

aidan08 發表於 14-2-25 18:30
唔好比咁大壓力自己，做媽媽已經好多嘢要兼顧，你知自己盡咗力就ok了，太在意的話小心有情緒病呀，我就係例 ...

我都覺得果句說話真係好銀耳....... 有邊個媽媽唔想比最好既仔女? 講到好似我地冇奶係懶, 係特登咁!每個人都有唔同情況, 我又係有產後抑鬱, 我女又唔肯埋身餵, 勁肚餓我一隊埋去就擰頭, 唯有泵出黎, 果陣我要自己揍女(我媽有下午黎幫一幫我), 我老公到我坐月後期仲病埋, 我又要照顧埋佢, 加上日頭隔離屋裝修鑽牆, 嘈到面對面都聽唔到對方講咩, 唯有未滿月出街遊蕩(因為99話未滿月唔可以去人地屋企!)
總總事情加埋, 我D奶就越黎越少, 食咩飲咩都冇用, 最後滿4個月果陣就停左..... 自己收奶, 泵左成日1安都冇..... 心係好不捨, 但無都冇辦法............

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

wing514

珍珠宮

積分: 35503

育兒性格勳章 BK Milk勳章 hashtag影視迷勳章

111^#

發表於 14-2-26 10:57 |只看該作者

我冇餵過人奶, 無遺憾, 我自己知我有幾愛 BB 就夠
無餵人奶唔等於我唔愛佢錫佢, 我唔會因為咁俾壓力自己
我覺得過媽咪開心湊佢, BB 先會開心
我都係食奶粉大, 我阿媽都無餵過我人奶,
我又唔覺我身體特別差或者佢唔愛我

BB 一生漫漫長路, 做父母要擔心既, 要為佢做既, 要安排既仲有好多
人奶只係其中一樣, 唔需要用到遺憾咁緊要

私人傳訊

fannymama123

侯爵府

積分: 23481

育兒性格勳章

112^#

發表於 14-2-26 11:24 |只看該作者

開頭餵母乳好辛苦...BB啜到爛晒
又成日訓...又唔夠奶...
真係壓力大到喊...每日都好似迫自己餵人奶咁
如果辛苦的就補一兩餐奶粉先...但補粉同時都要泵番D奶出黎
慢慢黎...有咪餵無咪食奶粉
唔好令到自己太辛苦...岩岩生完要多D休息
如果能堅持到...餵下餵下就好順...
我都仲餵緊我BB全人奶...而家7個月~~

樓主都要加油!!

私人傳訊

hohinmama

公爵府

積分: 26642

2025勳章 2025勳章蛇年勳章牛年勳章我的育兒心得勳章

113^#

發表於 14-2-26 12:11 |只看該作者

引用：小b剛滿月，呢兩日突然冇乜奶，原本都係貧

原帖由 babyhoi 於 14-02-25 發表
小b剛滿月，
呢兩日突然冇乜奶，
原本都係貧乳，泵得兩三安，

埋身餵先易上奶，俾一星期或10日時間自己同BB，唔得都叫做盡咗力，咁咪無遺憾囉

我兩個B，大仔食咗兩個半月，因為番工戒咗(而家諗番好後悔); 細仔食到成歲先至戒(在家埋身餵，番工帶泵~堅持咗八個月，都唔多㗎，不過阿仔食晒，諗起都好冧

)都唔捨得㗎，公司俾壓力~無計喇!

加油吖，媽媽!

私人傳訊

mo1223

大宅

積分: 3811

陪月勳章

114^#

發表於 14-2-26 12:23 |只看該作者

回覆：冇餵人奶-餵好短日子的媽媽，你地有遺憾嗎？

無遺憾。我只係餵到兩個月，身邊好多三姑六婆話我點解唔夠奶，勁多意見，為左餵奶搞到自己情緒好差，日日喊，最後全奶粉，成個人放鬆晒，有好心情先可以好好照顧bb。不過如果有幸有下一胎，我會再努力過。

私人傳訊

kncl

大宅

積分: 2042

115^#

發表於 14-2-26 12:24 |只看該作者

兩個囡囡都有餵母乳
大囡餵唔到上奶，只可以斷斷續續餵好少﹙有補奶粉﹚，兩個星期後就全奶粉。
細囡可以餵到上奶，唔使補奶粉，但因為要返工，全母乳大約兩個月，只係返工都有餵母乳，但因為日頭補奶粉，所以好快就無母乳。
但我沒有遺憾，而家兩個囡囡都健健康康

私人傳訊

好老婆

伯爵府

積分: 16651

116^#

發表於 14-2-26 12:51 |只看該作者

回覆：冇餵人奶-餵好短日子的媽媽，你地有遺憾嗎？

無，半人奶喂左3～4個月，依家囡囡一樣好健康。

私人傳訊

aidan08

侯爵府

積分: 21005

117^#

發表於 14-2-26 13:44 |只看該作者

本帖最後由 aidan08 於 14-2-26 13:45 編輯

peppep2012 發表於 14-2-26 00:53
送你2個字,決心
人地成功唔會係先天有奶或個b食得好。
我都8個月全人奶, 都係過5關斬6將。

唔好意思，真係唔係搵交嗌，都知你係想鼓勵樓主，但好想同你講，正正就係你呢d說話，會令好多媽咪感覺不好......

你第二句︰'人地成功唔會係先天有奶或個b食得好。'

點解唔會呢？先天多唔多奶點解無關呢？邊個話一定無關的？樓上都有JM講過，多唔多奶唔係話你比bb啜得多，飲多d水等等就一定會多，還要視乎媽媽腦下垂體分泌的情況。每個人身體狀況唔同，點解要講到一定同勤唔勤力有關呢？好多媽媽就係因為呢d說話逼到自己諗埋一邊！你是否肯定勤力一定會有奶呢？我婆婆當年生六個，當年係沒有奶粉的年代，每個媽咪都只有用人奶餵仔女，但佢真係得好少，點餵都無，亦無奶粉呢個BACK UP，於是就要將仔女送去比其他人奶多的媽媽度補奶。所以，唔好誤導其他媽咪，餵唔餵到人奶一定係關勤唔勤力事！

又點解唔關個b食得好唔好事呢？你肯定？每個人體質唔同，bb當然都有分別啦！有d人食量少，有d人食量多，小朋友都有非常偏食和非常愛食嘢兩種啦！bb唔鍾意食，唔啜，媽媽少奶又點解唔會發生呢？

你的描述可見你係一個幾執著的人，性格可能係好堅持嗰種。但唔係個個人都係咁的，你係勇往直前型，有d媽媽係思前想後型，你可能可以唔理身邊人講嘜，做自己想做的事。但思前想後型的人可能好介意身邊人講d嘜，好敏感，真係點試都餵唔到時，聽到你呢d說話真係可以逼到自己抑鬱的！有時唔需要咁執著的，雖然好多研究話人奶點好點好，但老實講，我睇唔到食人奶的人和食奶粉的人分別大得去邊！但媽媽情緒肯定會對小朋友有影響，餵唔到咪餵奶粉囉，最緊要情緒健康，冇嘢緊要過開開心心過日子，個人開心都健康d，媽媽唔健康點照顧寶寶？

點評

babyhoi 多謝你，雖然我有好似你咁諗，但如果講出黎真係驚會比人話自己唔夠努力，不過而家都接受左自己真係做唔到了，睇開啲罷… 發表於 14-2-26 14:17

pyjess

發表於 14-2-26 13:52

私人傳訊

pyjess

侯爵府

積分: 24044

118^#

發表於 14-2-26 13:59 |只看該作者

回覆 Elenalan 的帖子

非常同意

Justify 自己, 令自己決心餵人奶, 所以講到BB會痴自己多D, 健康好D, 聰明D, 無可厚非....
雖然事實上, 又唔覺有分別: 一樣有人奶B未滿月就病, 有奶粉B未病過直至入學

但唔需要迫其他人Justify 自己...最怕聽到"唔會無人奶, 只係無俾心機/無決心"呢D說話....夏蟬不可語冰, 人地餵唔到, 已經唔開心, 仲要俾"富媽媽"踩多腳

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊