香港18區媽媽會 今日: 0 | 主題: 156994

積分: 927

102^#

發表於 07-9-4 16:07 |只看該作者

mirandalam,
彤彤比較BB咪好囉, 佢地大得好快架, 所以而家要好好Enjoy佢地BB既時期喇.
不過你唔好話彤彤吖, 我問浚浚今日0係學校食左咩呀, 佢都唔答我架, 問佢有無唱太陽伯伯佢就有答我, 不過個答案都唔知係咪真!

mini1102,
哎呀, 小柔咁叻, 你叫婆婆唔好鬧佢啦, 其實就算第時既小學中學都可能有宗教, 我地都好難控制架, 唔通要搵佛教學校比佢讀咩, 我又覺得學校宗教無乜所謂, 都係一個科目啫, 我亞媽都係信佛, 但我由細到大讀既學校都係天主教, 要背聖經

, 但我而家就咩宗教都無, 所以你由佢自由發展啦, 信仰係好個人既, 一陣婆婆鬧到佢返學校唔肯祈禱咪仲麻煩...

私人傳訊

mimi1102

男爵府

積分: 5416

103^#

發表於 07-9-4 16:31 |只看該作者

daydaytse,

haha.. 咁又係 .. 不過我依家先知迦南係有宗教背景 ..

話時話你住小西灣邊度呀 ? 我住富欣 ..

原文章由 daydaytse 於 07-9-4 16:07 發表
mirandalam,
彤彤比較BB咪好囉, 佢地大得好快架, 所以而家要好好Enjoy佢地BB既時期喇.
不過你唔好話彤彤吖, 我問浚浚今日0係學校食左咩呀, 佢都唔答我架, 問佢有無唱太陽伯伯佢就有答我, 不過個答案都唔知係咪真! ...

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

104^#

發表於 07-9-4 21:32 |只看該作者

大宮松鼠:
你囡囡好叻呀!! 仲識唱咁多歌仔, 真叻叻!! 南南就成日叫我地取本書出來比佢, 不過, 唔係叫我地講故事, 只係佢打開, 不停讀 1,2,3,4,5,6... (係書既第1課, 第2課果 d 數字), 同埋比佢整甩左入面既對摺立體部份, 褓姆仲叫我帶本書回家讀, 我話 no way, 唔洗啦!! 怕佢再整爛多些.

mirandalam:
南南都係連食過什麼都唔識答, 佢都係 bb 咁, 只肯講單字, 連叫"公公" 既音都發唔到

bb1000:
俊俊已經好叻, 起碼唔係講單字既階段, 而南南因為講野唔叻, 9月21日下午仲要返健康院, 唉!!! 都唔知佢幾時先可以 pass

都係好似 daydaytse 咁講, 佢地返完3小時學後, 就真係眼訓到不得了

, 同埋我地既小朋友仲細, 公文式應該未可以報讀, 興趣班又唔知有什麼可以 for 佢地咁細年紀既

不過, 我 plan 左會等南南在 K2 左右比佢學珠心算, 因為南南對數學既興趣特別濃厚, 連老師都話佢好叻, 能認到1-30 (仲係寫1個數字比佢, 佢就識讀出), 所以真係唔想浪費佢既興趣,

南南由歲半大至今, 我地天天比南南罰我地抄 A-Z 及 1-20 半小時

而到5-6歲就會學琴, 因為佢有一個演奏級既未來表嫂親自教佢

, 真係慳返唔少$

同埋, 好似迦南係有一個畫班叫 "綠苗畫苑"

daydaytse:
哈哈!! 我都係同你一樣, 同南南第一天返學, 先知迦南係有宗教既..... 不過無所謂啦!! 我以前都係讀基督教小學, heheee 我仲諗住第時比返南南讀我以前果間 (北角循道), 因為而家都仲好出名, 好似都仲係 band 1 小學, 校風好好

今天南南放學時, 塊面面好凍呀!! 之後, 褓姆就問老師, 南南個坐位係唔係對正冷氣口, 點知老師話: 應該唔關坐位事, 因為南南都坐唔定, 只係畫畫時就坐定定乍, 所以, 才知道今天有畫畫呀!!

私人傳訊

bb1000

積分: 835

105^#

發表於 07-9-4 23:54 |只看該作者

我每日返黎問佢返學做mug,佢都話玩車車同食餅餅law

今日派張便條返黎話陳主任升左做校長wor

你地有無打算係迦南讀上去or到k1會轉校,如果係都差唔多要去報名,會揀邊間呢

我知公文式係3歲可以學,因我聽同事講這種方式係從日本傳出來,係希望小朋友能倍養出主動性去學習,我都覺得 li 樣野都幾重要

仲有打算開始比佢玩下tennis,因公公可以教佢

私人傳訊

大宮松鼠

積分: 105

106^#

發表於 07-9-5 00:39 |只看該作者

我暫時無唸過幫慇慇轉校，而家都OK La.......返而睇吓K1之後再算。

而家亦都味有打算比佢學野住，我覺得仲係細。等佢大過d再算，話唔定遲d，佢自己話要學呢樣，學果樣。

其實我個女都講唔出食咗咩茶點，不過就真係唱多咗好多歌(當然加埋啲BB話嗱！):-P :-P
仲有一樣我想問吓你地d寶貝有無曳到？因為亞麻話佢返咗學成日‵lau計′同埋駁咀！

私人傳訊

Jomei

子爵府

積分: 12082

107^#

發表於 07-9-5 00:42 |只看該作者

唔好意思~~
想問下迦南讀n1多少錢??
返上午 or 下午班??
我而家幫囝囝搵緊學校讀08年9月既n1
唔知迦南好唔好呢??
thanks

私人傳訊

大宮松鼠

積分: 105

108^#

發表於 07-9-5 00:58 |只看該作者

原文章由 Jomei 於 07-9-5 00:42 發表
唔好意思~~
想問下迦南讀n1多少錢??
返上午 or 下午班??
我而家幫囝囝搵緊學校讀08年9月既n1
唔知迦南好唔好呢??
thanks

今年n1收1800元學費，同埋900元上下半年兩期嘅什費。
所有n1都係返上午。

私人傳訊

積分: 927

109^#

發表於 07-9-5 11:54 |只看該作者

mimi1102,
我住藍灣架, 我奶奶就住小西灣村, 所以我地都成日會經過富欣, 唔知會唔會撞到你呢?

szeszes,
南南真係好學呀, 又鍾意數字, 可能佢都係資優生, 你快D儲定錢喇, 話唔埋幾年後就入大學喇! 哈哈~~~

南南只肯講單字? 照計褓姆應該成日同佢講野架喎, 可能佢唔想講啫, 浚浚之前比工人揍講野都進步得好慢架, 但之前工人走左之後, 比左奶奶揍, 奶奶又成日睇電視(又唔話得佢喎), 佢就講多左好多野喇, 如睇電視見到啤酒廣告, 就會問: 囝囝飲唔飲得啤酒呀? 我返工出門口, 佢就會話: bye bye媽媽, 媽媽小心D呀!.....
原來佢地已經會畫畫喇, 真係唔講唔知呀, 其實都好想了解佢地每日返學做D乜, 不過又無可能日日問老師架~~~
我想問如果父母是但一個係小學校友, 第時派到果間小學既機會係咪會大好多架? 浚爸以前讀基灣架, 不過基灣好似好嚴, 唔知岩唔岩浚浚讀呢!

bb1000,
我地無打算K1轉校呀, 如果轉, 都係因為想轉間有得返全日既, 浚爸一向都唔讚成讀私校or直資小學, 因為我地已經無乜用到政府D福利喇, 如果9年免費教育都放棄, 就好似好唔低喇, 所以橫掂都係等派位, 就讀咩幼稚園都無所謂啦.
嘩~~~ 你地個個都有免費教練, 真係好喇~~

大宮松鼠,
浚浚有無成日扭計又唔覺, 曳就係曳左DD呀, 不過我諗都未必關晒學校事, 可能係佢地依個年齡係咁啦, 樣樣野好奇, 好成日想試我地極限.

我想問9月份既學費係咪自動轉賬架? 今個月無派入數紙喎!

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

110^#

發表於 07-9-5 12:13 |只看該作者

bb1000:
你想俊俊學 tennis, 會唔會個球拍太重, 而平衡唔到?

其實, 南南表哥仔而家8歲大, 佢係揀左用 "公文式教學" 既學校, 佢地話唔係太好.... 好似要死背書咁, 所以我都唔知呢種方式好唔好? 不過, 我由細至大都建立左良好既睇書及寫字興趣比南南, 所以南南由細至大, 比佢揀買書定玩具時, 佢一定揀買書既.

(我由南南4個月大開始, 睇書時都會同南南講...嘩!! 南南今天好乖, 所以媽媽獎佢睇書書及講故事比南南聽, 咁樣就令南南覺得讀書及講故事係獎及好東西, 要乖先有既, 久而久之南南既讀書興趣就養成左習慣, 不過唔知呢個習慣可唔可以持續下去, 因為小朋友一大左 D, 就會比其他物質吸引左, 而改變了其他習慣..... 因為我自己本身都係咁, 一到小四後, 就變左唔喜歡讀書)

我諗.....如無任何特別事故發生, 我都唔會幫南南轉校, 因為我自己都考慮左, 多數會比南南揀我細個讀過既小學, 因為有額外10分易入些, 另外, 迦南既小一派位都唔差, 多數去 "杏花村果個韋理夫人小學", 見係小學討論區果邊都話這間學校都唔差的.

大宮松鼠:
N1有下午班的, 好似係叫紅組

哈哈!! 返左學既小朋友一定會曳 D, 南南就曳到不得了, 又大膽左, 成日爬高及不停雙腳離地跳, 又打人踢人 (以前從來唔會既), 最近還拿起雨傘追住"褓姆 MAMI"話拍打, 又成日無拿拿扮跌倒乍喊, 不過就明顯開始喜歡同小朋友玩 (以前唔喜歡同細過佢或同齡小朋友玩), 星期日果日仲主動同表弟仔1歲大玩, 用腳趾引表弟爬住來追佢, 真係比佢

死

daydaytse:
只要浚爸提供到小學畢業証書就有10分, 咁就真係好易入到啦!!!
um.... 聽人講係基灣讀書既小朋友, 壓力比較大的. 我有一個中學同學既仔仔, 佢在基灣讀P.1 (佢以前係讀 "明我幼稚園 - 填鴨式學校), 之後成日喊話讀書好辛苦, 最後我朋友幫佢轉讀 "慈幼", 就考全級第一, 同埋開心左, 仲有時間學琴及功夫.

南南一定唔係資優生呀!! 因為我地0503 MAMI會入面來計, 個個都叻過南南, 南南差不多係學得最少野既一個. 0503 MAMI會入面有幾個小朋友已經能講幾種言語, 有1個囡囡重勁, 能自行英文併音, 能夠懂得讀出小二既英文書, 另1個仔仔仲識教返 DADDY 正確既英文發音, 果 D 先係資優生呀.

係呀! 9月份學費已經 AUTOPAY 左啦!! 收 HK$1,140元 (已扣留位費), 所以唔洗再入數啦!

[ 本文章最後由 szeszes 於 07-9-5 12:34 編輯 ]

私人傳訊

積分: 927

111^#

發表於 07-9-6 10:59 |只看該作者

szeszes,
我尋晚搭巴士經過富景對面, 好似見到你呀, 你係咪買左ABC poster 比南南呀?

私人傳訊

mirandalam

積分: 233

112^#

發表於 07-9-6 13:49 |只看該作者

szeszes,
彤彤剛在這個星期才講到"公公"咋, 佢之前叫"公公"做"冬冬"呀!

daydaytse,
我都係住藍灣架, 我住第一座, 你呢? 有時間一齊去平台玩呀!

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

113^#

發表於 07-9-6 16:57 |只看該作者

daydaytse:
係呀!! 因為我昨晚出風懶, 所以去 SEE DR. 講開張 ABC poster, 一回家就比南南舖在地上, 佢好似玩跳舞毯咁, 係企係上面一邊講英文字, 一邊踩個英文字

今天我上午無返工, 同褓姆一齊帶南南返學, 咁就搞到南南係開學以來喊得最淒厲既一天

放學時, 我又同褓姆一齊湊佢放學 (因為南南流鼻水, 我帶左上次食剩既藥水比褓姆, 等佢可以比南南飲), 佢一見到我又想喊, 去到褓姆家樓下, 見我唔上樓, 佢又喊. 搞到我暫時都唔敢親自帶佢返學, 因為我公司係柴灣, 平時都可以湊埋佢返學先返工都得, 不過怕佢唔願返學, 所以一直都唔想親自帶佢上學.

私人傳訊

積分: 927

114^#

發表於 07-9-6 17:34 |只看該作者

mirandalam,
我住T7架, 你果邊去商場方便好多喎!
彤彤有無張近期D既相呀? 等我認住佢, 下次見到撩吓佢先~~~

szeszes,
南南真係好鍾意字母喎, 比浚浚過手, 整爛晒都似!:tongue:
南南喊得好淒厲呀? 咁你見到有無想喊埋一份呀, 比我實會呀:-( , 我知自己無鬼用, 所以都唔敢面對依個場面呀!

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

115^#

發表於 07-9-7 13:04 |只看該作者

daydaytse:

我無想喊呀!! 可能因為南南細過時 (滿月至半歲大), 因為醫生懷疑佢係肌肉型斜頸症 bb, 所以隔日要返東區醫院做物理治療 (即係扭頸, 治療時就真係好恐怖), 果時我同褓姆真係次次見佢做物理治療時, 就成日:-( ......所以而家無咪反應, 不過就覺得......係老師同褓姆就慘啦!! 大聲公一喊,就真係嘈到不得了.

今天我無比南南返學, 因為佢仲有少許鼻水, 所以比佢休息一天.

bb1000:

我日日搭小巴返工時, 都見俊俊行路返學, 好叻叻!!!
南南就差啦!!

完全唔願行路, 一係坐手推車, 一係就要抱, 對腳永遠唔落地, 日日都抱到我手斷.

私人傳訊

積分: 927

116^#

發表於 07-9-10 11:18 |只看該作者

浚浚今日咳, 無返學呀!

我想問你地, 上星期派左本手冊同幾本書, 係咪日日都要帶架?
個書包開始好重喇.

私人傳訊

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

117^#

發表於 07-9-10 16:44 |只看該作者

昨晚及今早見南南好轉無晒鼻水, 比佢返學......點知錢老師10時打電話比我, 話南南好多鼻水及好累

, 叫我通知褓姆帶佢回家, 點知帶佢返屋企後, 就不知幾精神, 又無晒鼻水.不過, 南南就有鼻敏感, 朝朝都打乞嚏及有少許鼻水.

聽褓姆講, 本手冊及果本書仔 (好似係講上學)既, 要天天都帶, 仲好似要放入透明袋仔入面裝好.

私人傳訊

大宮松鼠

積分: 105

118^#

發表於 07-9-10 23:53 |只看該作者

我想問吓？而家佢哋返學除咗帶透明袋果3本書之外，仲使唔使帶多一套自己嘅便服呢？因為果日慇慇整濕咗條褲，之後學校借咗條褲比佢著。(而家果書包仔都幾多野吓！)

私人傳訊

積分: 927

119^#

發表於 07-9-11 09:45 |只看該作者

浚浚今日都無返學呀, 佢間中都仲有咳一聲, 不過已經好左好多喇, 今朝我打返學校同浚浚請假, 陳校長聽電話, 佢問浚浚仲未好呀? 我問浚浚係班係咪算(渣)果個, 校長話都唔算, 佢見議我train浚浚帶口罩, 一來唔怕傳染人, 又唔怕比人傳染, 不過我覺得都幾難, 個個小朋友唔帶, 得佢帶, 帶左又唔舒服, 所以都幾難train到喇.

szeszes,
南南又會係學校咁嚴重, 返到屋企又無晒事既? 唔通佢咁識扮野? 哈哈~~~~不過鼻敏感既野就係咁架喇, 換個環境就可能乜事都無, 我自己都有鼻敏感, 所以都好清楚.

大宮松鼠,
我無幫浚浚帶多套衫呀, 因為書包仔實在太重喇, 我只係放左一塊片咋, 浚浚有一次又係倒瀉水, 學校都比左套校服佢換, 我諗學校都有"士卑"校服應急既, 所以我無帶呀.

私人傳訊