少年成長 今日: 0 | 主題: 16097

積分: 6005

101^#

發表於 07-11-13 12:43 |只看該作者

原文章由 up88 於 07-11-13 12:11 發表

我就係一時好興個數學老師,我感到她好變態,個樣都好寸架,好像好憎小孩子咁樣!其它老師都好鍾意我兒子,對他好好,如班主任都會有時和我說,今天仔仔又在洗手間大叫,但沒有寫在手冊的,是接放學時當面和我說的!我問仔仔 ...

而家有d老師真係當自己打份工，完全無作育英才的使命，做教師但又無愛心，只係識用罰嚟教小朋友，真係要再教育，但係作為家長真係好無奈，同佢溝通唔到，除咗教小朋友見到佢時小心d，唔知重有嘜方法？

私人傳訊

積分: 6005

102^#

發表於 07-11-13 12:51 |只看該作者

原文章由 up88 於 07-11-13 12:40 發表

小朋友有童真多好呢!那我相信兒子都相信我所講的野,玩具都有生命!呢個方法看來,你都認同吧!我仔仔很好動,無時停的,又愛在梳化路落地伏在地上,總是弄到腳都瘀了,時時都係咁,自己整到都唔知,四周撞,那我有天和他說,我 ...

你囝囝真係好可愛，居然叫你小心d咪整痛佢

，咁你以後要小心d，唔係囝囝痛痛就好無辜

私人傳訊

up88

積分: 31135

103^#

發表於 07-11-13 13:00 |只看該作者

原文章由 Mandy.Q媽 於 07-11-13 12:43 發表

而家有d老師真係當自己打份工，完全無作育英才的使命，做教師但又無愛心，只係識用罰嚟教小朋友，真係要再教育，但係作為家長真係好無奈，同佢溝通唔到，除咗教小朋友見到佢時小心d，唔知重有嘜方法？ ...

現在有心教學的老師真越來越少了,都係為咗打好自己份工,你講得好對,我都係和你一樣想法的,真係好有愛心想教好學生的真好難遇到!幼稚園時都話多些機會和老師講一下仔仔今天在學校點樣,現在小學就真好難知道了,所以我每天都會問兒子在學校今天情況,他都講到很多事比我知,從中會了解多些,唯有方法就自己多些同小朋友溝通,我都唔知有咩方法可做,心裡很多不滿屈住都唔知點可以同老師講,我都有試過寫在手冊,可老師好像都看不到,沒理會過!真無奈!對呢間學校十分不滿!

私人傳訊

up88

積分: 31135

104^#

發表於 07-11-13 13:07 |只看該作者

原文章由 Mandy.Q媽 於 07-11-13 12:51 發表

你囝囝真係好可愛，居然叫你小心d咪整痛佢，咁你以後要小心d，唔係囝囝痛痛就好無辜

係呀,說實話,佢真係好得人鍾意,100個和他接觸過的人,可能只有一個人係唔會懂笑或好COOL,無反應,其它99個人都一定超鍾意同佢玩,感到他勁攪笑,有他在就有笑料百出!有時真想像唔到佢會講咩,真係會令到我哋好開心,天天大笑不停,但相反有時就會不停氣到你斷氣!

!認識他了解他的人都會好明白我是怎辛苦,可以話好開心有一個咁得意仔仔逗得人好開心,人人都話佢係世界仔,好逗說話,去到邊都可逗人開心,一定會說一些甜話令你笑令你開心才罷休這種,哈哈,你唔笑,佢係唔會放過你,他一定會想出很多方法逗到你理佢令你開心忍不到笑為止!但他頑皮起來,又好像變成另一個人,有些行為真令你嘔血,好愛專登去破壞一些東西引人去罵他引人去注視他,有時會做出一些你意想不到的事,令你嘔血,總之對著他,真要打醒36分精神,想閉目一會都不可以呀!

少些精力都攪唔掂佢!

私人傳訊

up88

積分: 31135

105^#

發表於 07-11-13 17:08 |只看該作者

今日放學又比老師投訴啦,以為昨天激到我半死,今天會乖,點知上英文台一樣有大叫,只數學堂沒有了,真激死我啦,還有放學落樓梯時老師話佢行行吓唔行,停咗落來,咁會好危險,後面咁多同學,他突然咁樣停下腳步,後面同學好易停不下來就會一個一個向前倒下,真攪咩佢呀,點解會咁多問題呀,我的情緒快瘋了,但我叫自己唔好勞力,一陣又太重手打傷佢自己又難過又心痛,本來我昨天和他說過,如再犯,我就除你褲打到你屁股開花!今天回家他好驚,我都沒有打佢,佢已不停大叫大哭,我只打了他手兩吓,因犯了兩樣錯,被老師說又大叫和落樓梯時突然唔肯行!我個心好累呀,本來都有點進步,不明白為何怎突然一天一天退步了,好像話不聽,明知會氣到我好嬲,但他都會做這些事,有心想老師向我投訴他才感到安樂嗎,才開心嗎?

私人傳訊

up88

積分: 31135

106^#

發表於 07-11-13 17:37 |只看該作者

原文章由 Mandy.Q媽 於 07-11-12 21:47 發表
QQ都有大叫的問題，我之前用了一個方法，你看看行唔行得通。我在大家心平氣和的時候對QQ說：「我知你很乖，很想媽媽爸爸讚你，可惜有一隻"小魔怪"走了入你的心裏，所以令你有時控制不了自己，大叫了出來，不過不要緊的，當你想大叫時，就是"小魔怪"想曳了，你就用心叫"小魔怪"不要曳，我很乖的，不會跟你曳的，如果你乖，鬥贏"小魔怪"，牠就會走了，你就會變回一個乖孩子。」QQ問：「點解"小魔怪"會咁衰，走入我心裏的？」我就說：「"小魔怪"就好像傷風咳，由曳的小朋友傳染給你，不要怕，鬥贏牠，你就會好番的。」之後每次佢大聲叫，我就提醒她"小魔怪"又曳了，佢就會細聲，現在這壞習慣已改善很多。

真是氣上加氣呀,剛打了一大段,BK又SHORT咗,成段野無晒,又要重新再來!

係咪覺得我未夠煩呀!快瘋了!

我剛才試了你對女女的方法去講比佢聽,唔知佢能否像你女兒一樣咁受用,可有改善,今天他很累,平時都沒有回來睡,可能今天有體育課吧,功課差一點完成,但他都睡著了!真不想時時聽到老師又係投訴佢大聲,老師已講到麻木了,我都唔知有咩反應好,好無奈,老師可能會感到我沒有教好兒子,怎他老是改不了,老師問他是否不懂咩叫做守秩序,如再這樣就要留堂慢慢教他,他老是不聽教,真頭痛死我!成績可以用心教佢溫好D書,可這方面我真無能為力,要看他自己怎做了,就算一個小朋友讀書怎好,可是不懂守校規,都很討厭吧,我好驚,好唔想阿仔咁令人討厭,那努力都白費的,怎可以教到他呢,我已無能為力了!我現在都已不太敢早落去接仔仔放學,等別人走晒先去,唔想又係聽到老師來講這些,今天說完,我臉色即變了,好生氣,唔理仔仔,自己行得好快咁返屋企,佢一路跑住來追我,我話佢咁唔聽話,我唔想要佢啦,我開門後,我唔比佢入來,佢就好驚咁好快閃入來,點解佢會咁難教,一時一樣,我快有精神病了,一時逗我鬼死咁開心,突然又令我咁傷心難過無奈,我的情緒都有點兒失控了!:-(

私人傳訊

積分: 6005

107^#

發表於 07-11-13 23:38 |只看該作者

up88,

見到你今日咁唔開心，真的有點擔心，小朋友成日都時乖時唔乖，唔好太過激動，這是於事無補，火遮眼起上嚟就會做一d唔理性的事，只會將問題惡化。

其實你好都好清楚囝囝的長處、短處，安安靜靜嗰個一定唔係佢，但佢今日做唔到唔代表佢以後都係咁，你開呢個topic至今只不過2個月左右，佢都有d進步，無可能要佢喺短短幾個月就將所有問題解決，其實你自己都做唔到，又點可以咁樣要求個仔呢？

小朋友喺學校曳，一定唔會得你囝囝一個，你唔駛太緊張，亦唔需要覺得係一件難受的事，盡力同老師合作，即使你覺得某老師針對你囝囝，你都要催眠自己無咁o既事，否則俾小朋友有咁o既感覺會影到他的心理，如果真的覺得這間學校不適合囝囝，就要考慮轉校了，因為還有5年多的長路，與學校夾唔嚟是很痛苦的。

每個人都有佢o既性格、特質，我用於QQ的方法未必適合你囝囝，但可以作為參考，亦唔好期望好似仙丹咁，一用就有效，我教QQ都要用一段很長的時間才有些少成效，重有時會重犯，所以要有耐性，一刻也不能放鬆。我在QQ2~3歲時就幫佢定下一套規矩，持之以恒，亦唔會心軟，唔俾佢走精面，所以現在好教點，你囝囝已過了關鍵時間，有些壞習慣已成形，會比較難改，但絕對不是無得改，由今天開始幫他，一定可以成功。

可能我做過幾年幼兒工作，對兒童心理及發展稍有認識，亦見得小朋友比較多，所以較接受小朋友曳同有個別差異，即使係咁，對教自己小朋友都會迷惘，多點看有關o既書，不過近來懶了，只是每日都看SanbraLo教仔心得那個topic一次，反省一吓，其實SanbraLo在之前教你的方法也很實用，亦有成效，激氣時不防重看一遍，或者對你有新的啟發。

教小朋友要有耐性，心平氣和，切勿打鬧，更唔好唔要他，不要為教仔而破壞大家的感情，他很錫你的，亦很脆弱，關係破壞了，將來要面對的問題更多、更難處理(甚至唔到你處理)。

私人傳訊

up88

積分: 31135

108^#

發表於 07-11-14 13:41 |只看該作者

原文章由 Mandy.Q媽 於 07-11-13 23:38 發表
up88,

見到你今日咁唔開心，真的有點擔心，小朋友成日都時乖時唔乖，唔好太過激動，這是於事無補，火遮眼起上嚟就會做一d唔理性的事，只會將問題惡化。

其實你好都好清楚囝囝的長處、短處，安安靜靜嗰個一定唔係佢，但佢今日做唔到 ...

很感謝你說這番話安慰我,那你以前是幼稚園教師吧!或許因你見過不同頑頗情度小朋友,我都好想看看別人小朋友怎樣,可能我才會知道原來個個小孩都這樣的,可我除了兒子,就沒有機會看到別的小孩,身邊都沒有親友朋友有小孩,只我兒子,遇上問題時,又沒人可談,除了我和老公,有時真感到好無助,想有些開解一下我,或大家談談心情會好快沒事的,可我身邊都沒人有小孩,父母關係又不好,弟妹又沒結婚,不會懂這些!只能自己上網看多些或有時坐在公園看看別的小孩,所以我真不懂兒子是乖或算超頑皮這樣,我都知自己脾氣唔好,小小事我已發忟!好勞氣!但我已一直有所改善,只偶然也會有一次半次啦,以前係時時都咁,現在好了很多,你說得很對,他只短短兩個月內已有點兒進步改善已是很好了,或許我要求太高,又心急,如我感到他天天都好,突然一下做不好,我又會好嬲佢點解天天都好,今天會咁差,昨晚和他說了很多話,他說他會乖,還寫了很多信給我,說自己會乖,要媽媽開心,今天送他上學,他還說,很掛住我不捨得我走,我便吻了他叫他要乖乖,才走!我有時都有和自己說,自己脾氣都改不了,又怎要求一個小小年紀兒子用短短時間去改到好呢,可一到火遮眼時,我就會咩都唔記得,只感到現在好生氣,被火燒一樣!真係好失敗呀!但我會對自己有信心同樣也應對兒子有多點信心,他昨晚說要到自己7歲就會唔激嬲我,會好乖好聽話,會保護我,我話,咁即這一年都會激媽咪生氣嗎?他說唔知道,

,因為自己仲未大過仔,有時都會忍唔住控制唔到又令我唔開心喎!

私人傳訊

circleda

伯爵府

積分: 19485

109^#

發表於 07-11-14 15:02 |只看該作者

Up88,請Check PM

私人傳訊

jacob614

積分: 7016

110^#

發表於 07-11-14 15:35 |只看該作者

以下純粹係我本人感覺...
望子成龍，我相信係每個父母都會咁希望，隨著小孩長大，父母要求越來越高......
點解唔捉緊時間愉快相處？小孩根本就係錯誤中學習，大人好多時都會犯錯，何況小朋友？試問邊個細個無曳過呢？曳米慢慢教，唔好放棄，但係打打鬧鬧，小朋友每日都怕自已唔知幾時做錯咩事會激嬲媽咪，大人小朋友同樣受苦。何苦呢？
每個人都只有一個童年，每天返學做功課，已經用去差不多2/3時間，剩下幾多時間和父母相處？小朋友已經好努力咁改好，原因都係因為愛媽媽.
唔好比所謂"慢"和老師講"大叫"而影響大家感情，教係必要，打鬧只會令情況更差.
媽媽，加油呀！

私人傳訊

積分: 6005

111^#

發表於 07-11-14 17:10 |只看該作者

原文章由 up88 於 07-11-14 13:41 發表

很感謝你說這番話安慰我,那你以前是幼稚園教師吧!或許因你見過不同頑頗情度小朋友,我都好想看看別人小朋友怎樣,可能我才會知道原來個個小孩都這樣的,可我除了兒子,就沒有機會看到別的小孩,身邊都沒有親友朋友有小孩 ...

無錯，我見過很多曳的小朋友，但叻的亦有接觸過不少，唔通QQ唔夠人哋叻我就會洩氣？每個人都不同，你囝囝就是你囝囝，QQ就是QQ，不用同人比較，我只希望他今日做得比上一個月好，今年做得比上年好，那就夠了，不要同其他人比較，佢今日係咁唔代表將來會點，小朋友不斷會變，莫欺少年窮，所以只要反省昨天、做好今天、期望明天，別人怎說，就不用多理。

教小朋友最難是控制自己的情緒，我的脾氣亦不好，也很任性，但有了小朋友，想教好她，自己就要改，那是很難的，但是必須的，因為小朋友是用眼學習多於用耳學習，身教勝過萬語千言，當你經常控制不了自己情緒，但要求他做到，如果得，你應感謝上帝或者去還神，我不信運氣，所以我選擇改變自己，正如我所說，教小朋友越早越好，因為沒有陋習，但做母親的要改掉幾十年的習慣，是多麼困難，我想這就是母愛。

我常覺得小朋友送給我的除咗喜悅，重有一個免費EQ課程，當你EQ改善了，對夫婦關係，甚至與老人家的關係都有改善，努力！

私人傳訊

up88

積分: 31135

112^#

發表於 07-11-14 17:21 |只看該作者

原文章由 jacob614 於 07-11-14 15:35 發表
以下純粹係我本人感覺...
望子成龍，我相信係每個父母都會咁希望，隨著小孩長大，父母要求越來越高......
點解唔捉緊時間愉快相處？小孩根本就係錯誤中學習，大人好多時都會犯錯，何況小朋友？試問邊個細個無曳過呢？曳米慢慢教，唔 ...

好多謝你的說話,未上小學時真係沒想過會咁多功課咁辛苦,以前會有很多空閒時間,現在回來只做功課都兩小時,又要煮飯,晚上都很累,累透了,那有心情玩,只一星期最開心最放鬆便是星期六啦,星期五放學要快快做好所有功課先安心玩架,因呢間學校實在令小孩無法透氣過來,一星期內包刮天天預默,一天默中文兩課,一天是英文,很多生字和句字的,同一天還要評估,即小測驗這種,由開學到現在都沒停下過來,真好吃力,難道我不想多點時間倍他輕鬆玩玩嗎,我都超想,可是真是好像沒空閒時間,要玩就只星期六,星期日不可玩到他心散了,要專心溫書,如不他好快忘記了,要他收拾好心情,係學校迫到我哋咁樣,我都覺得好累好辛苦!每天看到他的通告我已頭即痛!:cry:

私人傳訊

up88

積分: 31135

113^#

發表於 07-11-14 17:34 |只看該作者

原文章由 Mandy.Q媽 於 07-11-14 17:10 發表

無錯，我見過很多曳的小朋友，但叻的亦有接觸過不少，唔通QQ唔夠人哋叻我就會洩氣？每個人都不同，你囝囝就是你囝囝，QQ就是QQ，不用同人比較，我只希望他今日做得比上一個月好，今年做得比上年好，那就夠了，不要同其他人比較，佢今日係咁 ...

你說得很對,我也十分認同,相比以前未有兒子我的EQ更嚇人,超低的,相比5年多後我,我每年都不斷進步,老公都可看出來的,相比以前真進了一大步,但沒有完完全全的好,我還要更努力,我自己也好認同身教好重要,只是控制不了自己,唉!當我一做出不好行為後,冷靜過後,我都會好恨自己,係自己一手造成,問自己點解又忍唔到,真的太難太難,曾有段時間我好辛苦好無奈,在他大約4歲這段時間吧,係最難教,最令我痛心好勞氣,或許係因這個時間要搬家,很多事要攪,一時沒太多時間關心佢,太忙了,本在住這區找了小一,可突然可搬家了,真很急,新搬到的地方完全不熟環境,但時間好急要即選學校,就選最方便的近家樓下的,都問過人那間好,可我兒子入不到,入了第二間,無法子啦!在這段時間,他只K3,突然要面對新同學新學校新老師,爸媽又忙整理新屋,少了時間注意他,他這段時間變得好可怕,可怕到我不敢相信這個會是我兒子,怎會變成這樣,後來一切安定了,我多了關心他,他慢慢又好起了!這時我真好難教佢,被他氣時,我只好關自己在房內哭,哭完又出來好言對他,這段時間是我暫時感到最辛苦的,幸好都過渡了,所以現在面對的又是新的一關,最難的時間我都可以面對到,我相信我再更努力,仔仔一定會做得更好,我會努力,在此說出來,好希望有人和我分享,比一些意見我,我就好滿足好開心,心裡會感到好過些,因遇上問題時,我都不知問誰好了,沒人可幫到我的,:-|

私人傳訊

jacob614

積分: 7016

114^#

發表於 07-11-14 18:15 |只看該作者

你情況同我過去幾年完全一樣，甚至更差，我唔單只怕個仔放學，我連去見老師(家長會)同睇成績表都有壓力，甚至逃避.....有段時間真係唔想望個仔，越緊張個仔就越鬧，越鬧情況就越差，當時攪到關系好差，覺得自已好失敗，唔識做人媽咪，而個仔就覺得佢做咩都得唔到我認同，變到無自信，真係唔好睇少父母對小朋友影響.
我好後悔當初用錯方法教仔，好後悔自已忘記一家人最重要係愛(雖然老土)，Sandra Lo講得好，要用讚，當然做錯，要用解釋，唔好諗住講一次就ok,慢慢講多幾次，會有改善.
香港教育方法其實真係好有問題，讀書為考試，完全失去返學意義(求知識同學習)真係難為父母與小朋友！
我今日見你咁唔開心，我都覺得好心痛，同時我唔想你好似我咁過去幾年咁，嘗試放松心情，相信你個仔，相信佢係得.(講真，我覺得你個仔好乖)
今日我同個仔感情比以前好，仍在進步中但快樂！

私人傳訊

up88

積分: 31135

115^#

發表於 07-11-14 18:32 |只看該作者

原文章由 jacob614 於 07-11-14 18:15 發表
你情況同我過去幾年完全一樣，甚至更差，我唔單只怕個仔放學，我連去見老師(家長會)同睇成績表都有壓力，甚至逃避.....有段時間真係唔想望個仔，越緊張個仔就越鬧，越鬧情況就越差，當時攪到關系好差，覺得自已好失敗，唔識做人媽咪， ...

好多謝你支持我,幸好我係唔會嬲得仔仔耐,他又不會記著不開心的,嬲完罵完,佢都會走來逗返我笑,我又心甜了,他真係好唔知醜,臉皮勁厚,真係好佩服佢,所以唔會嬲得佢耐,佢又可以好快好開心咁玩同和傾計當無事發生過,有時真可呢頭罵完佢,佢好傷心在哭,不到一會又哈哈大笑,超開心!

佢係一個超開心的小朋友,被老師罵完好快就唔記得,這樣有好處也有不好!好的是他不記仇的,不好的是當你耳邊風!

他真係好少唔開心,時時刻刻都可以笑不停,咩都可以玩一餐!我會記著少罵,或換一下方式去教他,切記不要勞氣,好難,但我會努力,我其實都知道我大聲罵係無用架,佢唔受呢套,反而平心靜氣溫柔語調去講道理去教他,會好入耳好受落,但真係要練一下提升一下我自己EQ先可以做到,努力,我會努力呀!

私人傳訊

積分: 6005

116^#

發表於 07-11-14 18:48 |只看該作者

原文章由 up88 於 07-11-14 17:34 發表

你說得很對,我也十分認同,相比以前未有兒子我的EQ更嚇人,超低的,相比5年多後我,我每年都不斷進步,老公都可看出來的,相比以前真進了一大步,但沒有完完全全的好,我還要更努力,我自己也好認同身教好重要,只是控制不了 ...

其實你都知自己同囝囝的情況，道理亦很明白，只是做起上嚟有時控制不了自己的情緒吧，你要將步伐放慢，唔好咁高要求，向著啱o既方向行，即使慢一點，總會到達目的地。

你也看到，jacob614也讚你囝囝乖，所以以後再不可打他鬧他，要好好教他，如果唔係，我一定企喺你囝囝嗰邊

，囝囝曳時，覺得火滾時，就上bk，呻吓氣就會好d，其實你和囝囝都在不斷進步，很乖很叻(我諗我都要同"讚"呢招對你)

私人傳訊

up88

積分: 31135

117^#

發表於 07-11-14 18:57 |只看該作者

原文章由 Mandy.Q媽 於 07-11-14 18:48 發表

其實你都知自己同囝囝的情況，道理亦很明白，只是做起上嚟有時控制不了自己的情緒吧，你要將步伐放慢，唔好咁高要求，向著啱o既方向行，即使慢一點，總會到達目的地。

你也看到，jacob614也讚你囝囝乖，所以以後再不可打他鬧他，要好 ...

哈哈哈,笑死我,看完最句這句,我真笑到哈哈聲,

我都好唔忍心打佢,打完自己個心更痛,我都會和他說,你知否媽媽打你,我個心比你手仔更痛,媽媽個心好難過好痛唔想打你的!無錯我其實好清楚自己和仔仔情況,只有時要做起上來真好難控制,我試一下你所講,放慢一點腳步吧,因我係一個好急進的人,一係咩都唔理唔做,一想做就要想又快又做得好,正如打理屋企一樣,一係好日都打掃吓,突然心血來潮想做時,我就好似上了勁量一樣,摩打手,快手快腳,把全屋打掃得,以為年28到了一樣,老公都話我傻傻地,

好,我一有唔開心或想又打又罵時就上來傾吓,舒發晒出來,等你哋可提點一下我,希望也能控制到自己!
其實我都覺得用讚呢招無論對3歲到80歲都真係會好有用好受落,我都好想有人支持我讚吓我已得不錯,因真係好辛苦,原來你咁讚一讚,又真係好開心喎!

:-P

[ 本文章最後由 up88 於 07-11-14 18:59 編輯 ]

私人傳訊

jacob614

積分: 7016

118^#

發表於 07-11-14 23:15 |只看該作者

哈哈！小朋友學習做人，我地就努力學習做人地媽咪，換個角度睇，當我地去參加EQ課程，小朋友係我地導師，佢地做錯事時，就當係我地測驗，畢業無証書，但就會有一份大禮，可愛小天使一名

私人傳訊

積分: 6005

119^#

發表於 07-11-15 09:20 |只看該作者

原文章由 jacob614 於 07-11-14 23:15 發表
哈哈！小朋友學習做人，我地就努力學習做人地媽咪，換個角度睇，當我地去參加EQ課程，小朋友係我地導師，佢地做錯事時，就當係我地測驗，畢業無証書，但就會有一份大禮，可愛小天使一名 ...

你講得好啱，呢件奬品可以攞出街俾人睇俾人讚，滿足感大好多，好過d奬杯奬牌淨係擺喺屋企度鋪塵，所以大家都努力d，第日就可以拎件正嘢出去晒。

私人傳訊