自由講場 今日: 1856 | 主題: 1359687

積分: 12706

101^#

發表於 07-10-26 15:04 |只看該作者

原文章由 gusi 於 07-10-25 22:40 發表

Ruby太,
乜原來個單新聞是你朋友,
聽聞如果你太過掛住佢,佢會走得唔安樂,
都係o個句,唔好太唔開心:cry: ,生死有命,唉…
我諗o個個的士司機o個度有問題. ...

gusi~

係呀~
其實呢幾晚我都訓得唔好,
有時都會諗番起佢同我一齊做事時既野,
佢個人好好心地, 就算俾老細炳完出黎,
我擔心佢唔開心, 佢都會笑笑口話無野,
仲會話, 我下次做好d咪唔洗俾人鬧囉~ 佢好樂觀架~

以前同佢一齊做同事3年, 差唔多日日都一齊去食lunch,
次次大家都繑住手咁行去搭車, 食完飯就係商場行下街,
有時買下野, 見有特價貨, 大家又會一齊去八下咁~
由佢大肚到生完仔, 跟住到佢抽到居屋,
我地都登佢開心架~
點知, 個天同我地開咁既玩笑囉~

老實講, 我心入面係覺得有d野架,
無咩理由, 大家一齊跌落地, 一個係左一個係右架??

私人傳訊

積分: 12706

102^#

發表於 07-10-26 15:11 |只看該作者

原文章由 acpurples 於 07-10-26 11:35 發表
ruby,

真係睇清楚先好上車，你次次都會帶住兩個仔仔坐，嚇親小朋友就唔好，呢d人根本都唔會有道理講得到架啦，唔好比佢激親....

hi~ acpurples~
我都想睇清楚先上車呀~
但我多數夜晚先搭的士, 咁好多時都未睇到車牌,
架車已經駛到面前打開門, 之前我都唔係幾認得果個變態佬,
依家佢化左灰都認得佢呀~
我諗我d仔都有俾佢嚇親, 我有時話搭的士,
佢地都話要行路喎~

私人傳訊

積分: 12706

103^#

發表於 07-10-26 15:16 |只看該作者

原文章由 pakyu0429 於 07-10-26 13:08 發表
有d唔知算唔算係靈異事件想同大家分享下:-

我媽咪o向3個月前因為癌病過左身!:cry: 因為我之前唔係成日返娘家, 一星期2次左右啦! 唔返去嘅時候佢就會打電話俾我, 幾乎每晚6:00-7:00左右, 佢就會打去我屋企搵我囡囡 ...

我覺得係有可能架~
記唔記得我講我ex bf 佢亞媽回魂既事呀~
佢直情現身叫bf 個家姐起身, 交代所有既野, 先至上路添呀~

私人傳訊

kayingivy

伯爵府

積分: 18129

好媽媽勳章醒目開學勳章

104^#

發表於 07-10-27 18:34 |只看該作者

原文章由 rubytang 於 07-10-25 18:57 發表

第1次, 我就以為佢唔鐘意, 所以都唔同佢計較,
第2次, 我就覺得佢係咪精神有問題
我姑9個次, 佢有同果個衰人鬧過架, 後來佢話唔想再鬧落去,
淨係想快d落車, 驚佢唔知會車左佢去邊, 因為得佢1個女人係度,
第3次, 我 ...

唔好話搭小巴啦，我果時大住個肚添，只係叫佢開工唔好咁多粗口咋，好話唔好聽，我一個星期星多只係坐佢5次車，唔通加埋一星期得50分鐘停一停都唔得，不過我投訴完佢一個月到，都唔見佢咯，唔知關唔關事啦

私人傳訊

gusi

積分: 1325

105^#

發表於 07-10-28 11:59 |只看該作者

見到pakyu0429講回魂既事,令我都諗起我阿「女麻女麻」回魂當晚既事,我實在太無記性,如果唔係你地講起我都唔記得左…
已經n年前,話說當晚是回魂夜,黃昏6:00放好所有祭品,門口蠟燭檢查無熄滅,全部人一齊出去食晚飯,而「女麻女麻」回魂時間正好是我地食飯時間,食完晚飯番來,我地一大班人浩浩蕩蕩正準備入屋（我大伯屋企大問口是一條好長走廊,佢住警察宿舍）,住係隔離c9出門口走過來同我地講：「乜你地原來出左去食飯,我頭先出來行o下,聽到屋入面好噪,我以為你地係裏面添」
唔知哩個c9有冇突登咁講作故仔欺騙我地,但我地個個都已經驚到死咁…

私人傳訊

jennifer_bc

積分: 14300

106^#

發表於 07-10-29 01:45 |只看該作者

甘姐係有回來..............

原文章由 gusi 於 07-10-28 11:59 發表
見到pakyu0429講回魂既事,令我都諗起我阿「女麻女麻」回魂當晚既事,我實在太無記性,如果唔係你地講起我都唔記得左…
已經n年前,話說當晚是回魂夜,黃昏6:00放好所有祭品,門口蠟燭檢查無熄滅,全部人一齊出去食晚飯,而 ...

私人傳訊

joeylee

積分: 3484

畀面勳章

107^#

發表於 07-10-29 01:57 |只看該作者

私人傳訊

karen_faifai

積分: 1329

108^#

發表於 07-10-29 10:33 |只看該作者

我o尋日同亞媽去舅父屋企途中閒聊，之前o係 part 2 提過，牛頭角下村有個男童俾個玻璃樽擲死事件原來真o既同埋報紙是有報導的。

仲有佢話我知早排o係公司見倒o野 (她是在某大型連鎖快餐店九龍灣o個間)，事緣去完廁所返入廚房再入垃圾房拎o野時，突然見倒有個好高大的身體企o係度，當時佢心諗"o華! o甘高大邊個呢?"，跟住望一望無頭o既，出去再行入去無o左 lu，前後唔夠十秒，但佢一d都唔驚喎，我聽完都心

。
(其實o個d位置最暗及無咩人氣，所以最容易隱藏"朋友仔"，尢其是 M 字頭o個間呀)

私人傳訊

chuenma

積分: 1541

109^#

發表於 07-10-30 09:40 |只看該作者

落左第8版, up 番上呢先.

私人傳訊

積分: 12706

110^#

發表於 07-10-30 12:56 |只看該作者

原文章由 karen_faifai 於 07-10-29 10:33 發表
我o尋日同亞媽去舅父屋企途中閒聊，之前o係 part 2 提過，牛頭角下村有個男童俾個玻璃樽擲死事件原來真o既同埋報紙是有報導的。

仲有佢話我知早排o係公司見倒o野 (她是在某大型連鎖快餐店九龍灣o個間)，事緣去 ...

嘩~ 俾著係我見到無頭既話, 都嚇到飛起啦~

個topic 去到咁後既, 等我up一up先~
下晝返黎, 出番個02 先至得,
我今日一於係公司罷工呀~

等我入黎bk度遊耐d先,
好多日無正正經經咁, 坐係度睇野同寫野啦~

私人傳訊

積分: 12706

111^#

發表於 07-10-30 12:57 |只看該作者

hihi~
各位 02 既fans 今日好擔櫈仔黎霸頭位啦~:lol :lol :lol
食完lunch 就開始架啦~

私人傳訊

karen_faifai

積分: 1329

112^#

發表於 07-10-30 13:17 |只看該作者

原文章由 rubytang 於 07-10-30 12:57 發表
hihi~
各位 02 既fans 今日好擔櫈仔黎霸頭位啦~:lol :lol :lol
食完lunch 就開始架啦~

ruby,

你心情好番就好喇

，我等o左你好耐lu，食完 lunch 快 d postd 個02 事件，我坐定定等睇好o野。:mrgreen:

私人傳訊

積分: 12706

113^#

發表於 07-10-30 14:10 |只看該作者

原文章由 karen_faifai 於 07-10-30 13:17 發表

ruby,

你心情好番就好喇，我等o左你好耐lu，食完 lunch 快 d postd 個02 事件，我坐定定等睇好o野。:mrgreen:

心情好番左d啦~
但因為日日都要去搵地, 就黎發神經啦~

所以, 今日打算罷一罷工, 寫下野平衡下心理先至得~

私人傳訊

積分: 12706

114^#

發表於 07-10-30 14:15 |只看該作者

停左一排無寫野, 大家有無掛住我.......既02故事呢??

我係呢段時間, 除左好忙咁籐出籐入之外,
就都有掛住你地架, 所以, 我都不時四周圍咁去攞下料既~
以下時段, 又係我 02 小精靈既報導啦~:lol :lol :lol :lol

一陣間既故事, 係我台灣其中一個老友記, 最近發生既事~
大家準備好未呀~ 我地開始架啦~

02事件之收舖~

私人傳訊

karen_faifai

積分: 1329

115^#

發表於 07-10-30 14:23 |只看該作者

原文章由 rubytang 於 07-10-30 14:15 發表
停左一排無寫野, 大家有無掛住我.......既02故事呢??

我係呢段時間, 除左好忙咁籐出籐入之外,
就都有掛住你地架, 所以, 我都不時四周圍咁去攞下料既~
以下時段, 又係我 02 小精靈既報導啦~:lol :lol :lol :lo ...

小雲語氣：好緊張呀!好緊張呀!

私人傳訊

積分: 12706

116^#

發表於 07-10-30 14:33 |只看該作者

故事既主人翁係我台灣既一個識左好耐既老友記,
佢兩公婆亞k & 亞y 係我識左廿年既朋友,
大家都好似一家人咁好架~:loveliness: :loveliness:
佢地兩公婆係台南開漫畫書店架~
公一份婆一份咁供緊棟樓,
唔知大家知唔知台灣既民房都幾得意架,
就算唔係開舖頭既, d 房屋都幾似舖頭咁款,
亞k 佢地買既屋就係呢種款, 四層高, 每層大約900幾呎,
地下原本係客廳, 佢地就改為漫畫書店舖面,
樓梯係舖後, 二樓係一間客房加廚房& 廁所,
三樓係主臥室, 套廁,& 囡囡房,
四樓係書房 & 用來晒衫既地方~
佢地就係用前舖後居既方式來居住架~
亞k 有1個2歲幾既囡囡, 但平時就放係高雄媽媽既家湊,
只有假日先會返台南小住兩天, 然後, 又被送番高雄啦~
所以, 樓房平日就只有亞k & 亞y 兩個人係度啦~

平日亞k 會係大約11點就開舖, 到晚上12點收舖架,
唔好以為呢d書店無咩野, 一到放工 & 放學時段,
d人多到, 有時真係插針都插唔入呀~
佢書店既生意真係好唔錯架~

亞y 平日會係一間it 公司返工, 放左工如無ot 就會返舖頭幫手,
但呢排近年尾, 要追quota 都有兩星期無返黎幫手lu~
咁亞k 呢排見差唔多到鬼佬既萬聖節, 就諗住搞下氣氛啦~
以前台灣d人都唔係好興去慶祝d 鬼佬節日, 例如聖誕之類,
但依家既新一代日漸西化, 所以, 佢地都好接受喎~
咁亞k 就去周圍睇下, 買左一d 面具呀, 怪手呀,
一d 神怪既擺設等, 番黎佈置下咁啦~
佢係一間專賣萬聖節裝飾品既公司
買左1個好似半個人咁高既小魔怪番黎添~

02既事就係佢佈置完之後既1晚發生左啦~

待續..........

私人傳訊

PERCYPINKY

積分: 2507

117^#

發表於 07-10-30 14:34 |只看該作者

等你呀

私人傳訊

積分: 12706

118^#

發表於 07-10-30 14:54 |只看該作者

繼續..........

亞k 佢同平時一樣, 一個人看舖,
到左四點鐘左右就開始好忙, 不停咁出入柜枱,
得佢一個人看舖, 所以, 佢就無時停, 但都記得柜枱既收銀機既,
因為咁既緣故, 所以, 佢買既收銀機係一按開有錢果柜呢,
就會好大聲咁"叮" 一聲架, 咁佢都知有無人偷佢錢丫麻~

兩星期前既一個夜晚..............
亞y 因為要ot , 就打電話俾老婆話唔得閒番黎幫手啦~
亞k 都無法啦, 惟有早少少叫定d外賣番黎, 等得閒少少時可以食,
到左9點左右, 又一個人潮既高峰期, d人食完飯無咩做,
都會黎行下書店架~
當時有對少女入黎問亞y有無某一套漫畫, 亞y就去搵俾佢地啦~
當佢好唔得閒時, 佢突然聽到收銀機 " 叮" 一聲,
嘩~ 亞k, 就即刻係旁邊不知某一處馬上跑出來睇下,
因為全店得佢一個人看舖, 無其他人,
收銀機被打開, 係咪有人攞佢錢呢~
佢睇下個機打開左, 但入面既野都好整齊,
而且佢習慣將一d 集數紙放係面額較大既紙幣上面,
佢望下都無亂到, 就草草咁數下, 都無唔見,
心裡面就有d奇怪, 點解收銀機會自己打開呢~

但因為顧客仍係度等佢, 所以, 佢都唔得閒去搵咩原因,
佢發現客人想買既書唔係地舖, 而係舖既閣仔,(佢搭左半個閣仔)
要去攞度梯來爬上去攞俾佢地, 咁佢爬係上面攞野時,
又係聽到 " 叮" 一聲, 又有人開佢收銀機????
佢即刻由樓上望落黎, 基本上, 正確黎講
亞k個人就爬左係舖頭高度既一半, 咁應該係居高臨下既姿勢啦~
但除左兩個客人之外, 佢又係無見到有其他人喎~
亞k 當時就有d懷疑, 唔知係咪呢兩個女仔係度搞搞震啦~
但亞k 見佢地就企正係度梯既下面, 似乎無走開過,
話晒都係客, 無理由問人地係咪佢地開佢收銀機架,
亞k 就唔係幾開心咁, 快快攞完套書俾佢地, 收左錢就算~
等客人走左之後, 亞k 再數下收銀機d錢, 又無少到喎~
咁即係點呢~ 係咪個收銀機壞鬼左, 周不時自己彈出黎呢~
佢就諗住等亞y 番黎, 叫佢去整下啦~

待續...............

私人傳訊

cy1203

積分: 4090

119^#

發表於 07-10-30 15:06 |只看該作者

同大家分享上次去問米(雲姨)經過

有媽咪問起雲姨準吾準，所以post上來同大家分享上次去問米(雲姨)經過~~

我都係經BK一位媽咪介紹我搵雲姨。

雲姨在大埔，係住宅，吾太陰森。我到達時，有一家人在問，另外有一家(A太太及好妹妹)正等候。因為大家都坐在客廳，無遮無掩的。
過程中，雲姨只係翻譯員，吾係做戲般灑米，上身。

先講A太太先，佢講出先人個名及去世的年月日時，及莊香等儀式；
雲姨問：先人在外國過身的，係病死，用火葬，死時無做任何儀式；有個老婆，有幾個仔女...... （詳情不便多講）
A太太 : 係，先夫過生前留院，神父幫佢洗禮，之後無耐就過身，無燒任何野。
雲姨：佢等你黎問好耐了！所以一上黎就自己講晒D野！點解你成十年先問呀？佢本來信佛教，但被迫洗禮，死後無燒'路票'又無任何野，佢好慘呀！咩都無，連褲都無呀！你要做番D野比佢，燒'路票'先收到其他野！
A太太的妹：我地無咩錢ga! 要幾錢呀? 你要保佑你老婆同D仔女呀！
雲姨：佢自身難保呀！點保佑你地呀！最簡單儀式要三仟，要訂紙扎，要請人做ga!
A太太的妹：哎！我地真係無環境呀！你記得要保佑你老婆同D仔女呀！
雲姨：都話佢自身難保，想保佑都做吾到啦！你起碼燒番張'路票'，燒番條褲比佢啦！

我當時心諗：呢個先人真慘！吾知我爸係咪甘呢？但呢個雲姨到底係為錢，定真係有料呢？不過，基本紙扎又真係差不多價錢喎！
之後A太太應承左做番D儀式，燒番D野比佢先夫；佢地坐在令一旁寫資料.

輪到我地時，同樣講出先人個名及去世的年月日時，及莊香等儀式；但佢話我爸有個吾係正式既老婆，有兩個仔，仲問左一輪確定身份既問題之後，我地都覺得佢搵錯人，因為我只有一個細佬。
雲姨就話無理由，今日問個個都甘順！佢叫我姐夫再莊香，跟住雲姨就行出門口莊香。又將把刀拍在神壇上，話：你講野清楚D呀！咩有老婆又吾係正式呀？（

真係嚇死我！我當時想放棄，吾再問）

之後雲姨就問我媽係邊個，我媽就話已經離左婚十年，吾知佢出面有無老婆。
雲姨：哦！佢話你呀！吾係佢正式老婆，係你提出離婚，佢話你放棄左佢，吾敢叫你呀！(我地當時o晒咀)
我地問佢有無收到燒比佢D野，佢話我地燒得太多，洗吾晒，幾箱錢未開，仲有3間屋，吾好再'side'錢。（我地打左3堂齋，燒左3間屋同勁多錢)
雲姨話我爸過得好好，好掛住我地，又問點解個仔無黎 (我細佬當日無去)。
我問佢有無掛住D兄弟呀？佢地都掛住你！佢就話，平時都少聯絡，我入院時都無黎探我！（無錯！但因我爸只是小病入院，吾係佢地無心）
當中仲有好多對話都好中，講吾晒！
但佢提到，我有兩姐弟同佢一起，但佢地咩都無，平時燒野比佢地都收吾到！（我媽以前試過兩次人工流產)
之後雲姨話我爸吾願講野，想走。（呢樣最似，我爸生前都係甘）

請走我爸之後，雲姨話佢見到有兩個仔女跟住我爸，應該一個係家姐，一個係細佬，佢地想結婚，我可以幫手配親家，你地考慮下啦！$500一個。之前一戶人家都要搵，佢地幾好環境ga! 之後雲姨就行左去睇A太太寫成點。

我媽就話，其實以前都有睇其他人，都有講過話陰間既家姐同細佬都長大了，要結婚，但以前睇既都話最少要$3,000一個，太貴了！所以一直無做。

既然雲姨只收$500，我就叫雲姨幫手搵兩戶'好人家'做冥婚，雲姨就開始搵D差不多年紀，然後問'勝杯'。
先問我'細佬'，一問就OK。
但到我家姐時，我就多口講話：記得搵個好環境D喎！
點知，配左三個，三個都擇吾到'勝杯'；
雲姨開始火火地，佢話：你個8妹，甘奄尖呀！呢個住大埔康樂園，睇下好吾好啦！
呢次率之擇到'勝杯'。雲姨話會擇日幫佢地搞，叫我地放心！
總算了左我媽一個心願！

全個過程大約一個半鐘，問米收$200，吾算貴，但幾準！

私人傳訊