夫婦情感 今日: 0 | 主題: 42771

積分: 139

101^#

發表於 07-10-25 13:02 |只看該作者

呢個"lovelife_kar" account係新開的, 之前我有另一個account, 當時老公曾經上網搵我果個account睇, 然後話我將家事拎上網同人周圍講~ 佢話呢度啲人互相感染, 佢唔鍾意我上黎呢度~

佢又摷過我的網上日記黎睇, 有d我用左password的佢睇唔到, 但有啲open的佢睇到~

我唔知今次佢會唔會摷到呢個account, 不過都想同佢講一d說話：

老公(應該係最後一次叫你了),

2003年7月10日同你一齊, 至今都四年有多了, 我對你有一定程度的了解, 知道鍾意乜野、唔鍾意乜野等等；但你並未了解到我~ 我係一個受軟唔受硬的人, 而你偏偏鍾意用強硬手法令我改變~ 的而且確我改變得心不甘、情不願~ 同你講都無用, 我地永遠達唔到並識~

初初結婚頭一年半, 我好乖、朋友叫我出街我都唔出、返工放工煮飯做家務等等, 你記得嗎? 今日點解我會變成咁? 只係我一直變差嗎? 向你表達我感受不到你的愛, 已經唔係呢幾個月的事了, 只是你一直無上心~ 我都鍾意家庭生活, 但我地似一個家庭嗎?

同你講我鍾意互相多啲溝通, 但一直改變唔到你, 於是我被你改變, 我都愈來愈少說話, 你卻向我媽媽控訴我都係一樣少說話~ 我聽到之後真係無言~
愈來愈少說話的情況下, 我對你的感情都開始退色, 對你愈來愈陌生~

今次我執哂野走, 顯出我真係下定決心要離開, 如果你真係因為覺得我係已經下定決心而唔tum一句, 我真係好失望~ 因為如果我只係拎兩件衫走, 講真, 你唔tum我我都預左要返黎的了~ 而家執哂野走, 証明我今次好認真, 你反而一句都唔tum~ 我只係覺得你唔緊我~ 就好似：『你既然要走~ 咁你走啦!』有點愛理不理、隨我的便的感覺~

無論點都好啦~ 其實我地兩個都無錯, 只係生活上、性格上大家十分唔同....
真真正正愛對方的話, 應該樂於為對方改變~ 我地兩個都唔情願, 又或者可以話我地兩個成日以為自己已經改變, 其實根本唔了解對方到底想要什麼~ 現在顯然大家都唔開心, 再一齊生活都唔好過~ 相信大家分開之後都會覺得自由左~ 不過同樣地都會有種莫明的失落感, 希望大家都可以盡快投入正常生活啦~

私人傳訊

積分: 139

102^#

發表於 07-10-25 13:04 |只看該作者

原文章由 SASA滾 於 07-10-25 12:49 發表
大家都係緊張你唔想你放棄你c6,男人少見少,但好女人處街都有，俾你找到個，好浪但無錢無前途唔顧家，但你吔好合拍，一六好開心，你係唔係要佢，不如你問清楚自己你真係想要ｄ乜，一個可以俾到下半身幸福的人，或係好浪漫的人 ...

可以選擇的話, 當然選擇幸福~
但成日冷戰、唔開心, 又何來幸福~

私人傳訊

MumMumPig

積分: 18

103^#

發表於 07-10-25 13:30 |只看該作者

樓主：你還愛他嗎？

答案若仍是有，就給他時間回話。被定罪也可以答辯。因為有些人真是完全不懂表達自己的感受！他能在你面前說真話，足見你的位置是非比他人！(他一定不會對同事這般坦白！)

相反，你已經不再愛他，這樣無他作甚麼也都不能感動你。

選擇在你手！

私人傳訊

siujanjan

珍珠宮

積分: 31385

BK Milk勳章

104^#

發表於 07-10-25 13:57 |只看該作者

兩個人一齊, 我地唔可以expect對方為自己改變, 一開始認識佢都知道佢0既為人係點, 選擇一齊生活都應該係無怨無悔0既~ 大家生活上有唔夾0既, 就儘量適應, 如果中間仲有愛0既, 絕對樂意咁做, 亦唔會計較, 如果大家愛得唔夠, 少少0既遷就都唔會願意做~ 如果樓主仲愛你老公的話, 唔好咁易放棄, 要搵到一個愛0既人唔容易呢, 努力呀

私人傳訊

sulamita

積分: 484

105^#

發表於 07-10-25 15:54 |只看該作者

睇過你對"前夫"的獨白, 我有肺話想說!

我認為我比較有經驗去分析你的case, 因為我老公正是你所說的那種人, 再加上, 我是他第二個妻子, 他前妻要求離婚的理由, 跟你現在的理由不某而合! 按他自己的理解, 他前妻投訴他對她不好, 而她身邊的朋友都讚成她離婚, 一致同意她丈夫沒有理會她的感受, 沒有情趣(因為他沒有跟她出席一班好友的聚會, 常常是她自己一個去), 常常木口木面, 做錯事唔會認, 一有爭辯時錯的一定是女方, 還要你認錯; 非常大男人主義, 發脾氣時絕不聽你解釋, 也不肯讓步, 也不會主動和解, 最喜小事化大, 大事化無限大!
老實講, 我未同佢前妻講過半句話, 但她離婚的原因,
在我跟老公結婚後不到一年便經歷過了, 我十分明白她為什麼要離開他!

但公平一點, 我老公的優點也是一羅羅, 他有風度, 對老人家小孩有愛心, 顧家, 體貼, 會分擔照顧小孩的責任, 不煙不賭不酒, 也不會玩女人.
他過去的缺點, 現在仍有, 但照他的說法, 因為第一次的婚姻失敗, 叫他改變了! 事實卻是, 他能力有限, 真正改變到的不多, 反而是因為我想通了, 在我和他相處的日子裡面, 我找到和他相處的方法, 用柔性的方法, 把他的尖角磨平。

我曾經這樣想, 多謝她前妻離開他, 使他有所反省, 跟我一起便有改變了! 但事實是不論她有否離開他, 他都是這樣, 問題在於你是否得其法而相處!
你”前夫”總會有一天遇到一個真正懂他的女人, 正如我懂我老公, 因愛而懂, 但我的重點是, 為什麼那個女人不可以是你呢? 你愛他的, 因此你會願意懂他, 何必等到他日見到”前夫”跟另一個懂他的女人幸福時, 自己才驚覺幸福何其難得, 回首前半生, 卻因為一些你老了的時候一文不值的理由而放棄了一個好老公!
再者, 我老公雖然是一個大男人, 但我看到他離婚後的生活照, 心裡竟是痛, 看他落寞的身影, 整個人十分老倒, 可想而知他當時受的打擊有多大! 我深信你”前夫”現在的光景好不了多少。

續 ...

私人傳訊

sulamita

積分: 484

106^#

發表於 07-10-25 15:56 |只看該作者

你說他或許會在這裡看到你的文章, 而你也用”前夫”這個字眼來大力的刺他, 你也許會感到一種口誅筆伐的快慰, 但他不會回頭的, 按我對這種男人的理解, 即使他心痛得要死, 他也不會回頭來和你和解, 因為你真的不懂他! 單憑你這樣的處理方法, 他就知道跟你和解了, 下一次會更難堪, 男人難堪一次夠了。
所以我有所覺悟, 知道凡事不能免強, 雖然有很多人用難聽的字眼想你覺悟, 但此時此刻你又能否領悟呢? 也有很多人說凡事隨心, 你感到開心就去做吧! 這樣的率性而為, 又能帶領你走得更遠嗎? 數年之後你再把各人跟你說的再細看一遍, 也許到時你會領會更多, 但時間不等人啊!

私人傳訊

kkyyn

子爵府

積分: 13857

107^#

發表於 07-10-25 16:17 |只看該作者

我拍拖九個月就和他結婚了,時間比你還短,但到現在還好恩愛,佢仲好錫我,尤其我生完二個女之後.
佢都是一個不懂浪漫/沉悶/不多說話的人,但只要佢愛我就可補償一切了.
有時你亦可自己tum下佢,令佢笑多D,攬下佢,錫下佢都可以的.

故現在你撫心自問你自己:還愛不愛他.
再問下佢還愛不愛你.
若2人的答案都是正的,咁段感情就有救了.
大家坐埋,溝通下,佢肯同你去什麼婚姻輔導証明佢還緊張你啦.

私人傳訊

kkyyn

子爵府

積分: 13857

108^#

發表於 07-10-25 16:25 |只看該作者

原文章由 lovelife_kar 於 07-10-23 12:38 發表
其實有無兩個好人真係全因為性格不合而離婚的呢?

我是拍拖九個月那個人,我和我老公的性格就是不合的了,
但只要二個人相愛,怎樣的不合都會無問題的了,

私人傳訊

JChan

翡翠宮

積分: 78366

醒目開學勳章 BK Milk勳章

109^#

發表於 07-10-25 16:29 |只看該作者

狄娜在志雲飯局上問陳志雲:
為什麼不結婚? (不喜歡妥協)
唔怕孤單? (當你不喜歡一個人的時候叫孤單,
當你享受一個人生活, 喜歡一個人生活叫寧靜)

狄娜說:
婚姻是一場永遠都爭辯不完的討論,
那確實存在著一些妥協,
愛情最大的快樂就是付出,
如果不懂得付出, (付出就是對別人的所謂妥協)
因為你要犧牲自己,
是為了別人的需要,
是為了別人的快樂.

如果不能這樣做,
你就不能欣賞愛情,
你就不能享受愛情.
你可以為你最好的朋友付出感情,
如果人生沒有這個昇華,
人生就會白白虛度.

私人傳訊

積分: 139

110^#

發表於 07-10-25 16:30 |只看該作者

sulamita,
謝謝你花時間打咁長, 我睇完之後, 我認同你第一個post所說的, 但第二個post....

我用"前夫"兩字, 並不是故意要去刺他, 而是我想說明自己思前想後, 決定真的放棄了, 所以才用"前夫"

私人傳訊

積分: 139

111^#

發表於 07-10-25 16:34 |只看該作者

原文章由 kkyyn 於 07-10-25 16:17 發表
我拍拖九個月就和他結婚了,時間比你還短,但到現在還好恩愛,佢仲好錫我,尤其我生完二個女之後.
佢都是一個不懂浪漫/沉悶/不多說話的人,但只要佢愛我就可補償一切了.
有時你亦可自己tum下佢,令佢笑多D,攬下佢,錫下佢都 ...

我求的就是"愛", 而家最大問題係我感受唔到佢愛我~
佢需要一個老婆, 但唔一定係"我"呢:-|

婚姻輔導佢係十分不情願去的~ 因為佢當時只有二選一, 一係離婚、一係去婚姻輔導~

佢唔願意離婚, 最大原因係佢要搵地方搬、屋企人會知、要搵同事幫手搬屋(佢無朋友、只有同事, 即係全公司都知佢離婚要搬)~

私人傳訊

sulamita

積分: 484

112^#

發表於 07-10-25 16:45 |只看該作者

sorry, 因為我老公的原故, 我一睇到你呢句說話, 就明你真係好亂, 但講多錯多(如果佢睇到)。
你都話你執哂野走, 顯出你真係下定決心要離開, 咁佢仲tum你做咩wor!!!!
你得閒去睇下d講男同女不同的書, 你會發現, 你而家做的和講的, 正正把你的婚姻踏踏實實的帶去離婚的門口, 入緊去添啦!

唉! 你真係想仲有得返轉頭, 參考下我的建議:
1) 唔好諗邊個tum邊個, 而係找個機會大家傾傾
2) 你打比佢, 即使大家又再曹, 只要佢肯講野, 即使佢講d好悔氣的說話, 只要佢唔收線, 便代表佢有意思傾
3) 呢種男人唔會話 - 好啦, 我地而家傾啦! - 唔駛諗, 佢鬧緊你既時候已經係傾緊
4) 你主動返屋企, 當自己去左旅行。
5) 你要好明確咁講比佢聽, 你係返去同佢傾, 個結果係朝著一家人的方向走, 而唔係用離婚當武器, 去迫佢改變。 (你都話自己受軟唔受硬啦! 咁你又點可以要佢受硬呢?)

... 寫到呢度, 我又突然覺悟, 叫你做這5點都好難, 因為你會問, 駛唔駛呀? 駛唔駛去到咁低呀? 所以唔再寫其他的點了...
因為如果你想開開心心咁同你呢種人的老公一生一世, 要做的野太
多了, 你真係想做先再講啦!

[quote]原文章由 lovelife_kar 於 07-10-25 13:02 發表

今次我執哂野走, 顯出我真係下定決心要離開, 如果你真係因為覺得我係已經下定決心而唔tum一句, 我真係好失望~ 因為如果我只係拎兩件衫走, 講真, 你唔tum我我都預左要返黎的了~ 而家執哂野走, 証明我今次好認真, 你反而一句都唔tum~ 我只係覺得你唔緊我~ 就好似：『你既然要走~ 咁你走啦!』有點愛理不理、隨我的便的感覺~

私人傳訊

積分: 139

113^#

發表於 07-10-25 16:57 |只看該作者

原文章由 sulamita 於 07-10-25 16:45 發表
sorry, 因為我老公的原故, 我一睇到你呢句說話, 就明你真係好亂, 但講多錯多(如果佢睇到)。
你都話你執哂野走, 顯出你真係下定決心要離開, 咁佢仲tum你做咩wor!!!!
你得閒去睇下d講男同女不同的書, 你會發現, 你而家 ...

其實你話找個機會大家傾傾 - 我真係有做架~ 點解我睇到有部分太太講的會咁唔開心, 係因為我覺得被冤枉了:-| 我同佢4年半時間, 從未試過一次有共識~

我再搵唔到任何辦法去令我地呢段婚姻有轉機了~
如果只係我一個努力去令關係變好, 或者一直由得佢、而只有我自己改變去迎合佢~ 真是不能~ 我覺得婚姻係兩個人一齊行的, 我自己一個行左好耐, 希望大家關係更好, 但真係好累了~

好多謝你, 我知道你好想幫我~

私人傳訊

邱吉爾

等待驗證會員

積分: 506

114^#

發表於 07-10-25 17:17 |只看該作者

我覺得樓主好似將佢對婚姻ge祈望set得太理想，希望個老公有情趣，希望個老公成日對住佢笑，希望個老公成日製造浪漫，希望個老公成日tum佢就佢，但又真係有幾多男人可以做到咁樣？ok，拍拖時做到唔出奇，結婚初期都做到都唔出奇，但長期keep住？兩個人ge相處係會隨著時間改變ge，佢地兩個ge問題就出於，男ge己經改變緊，但女ge就仲對浪漫婚姻滿懷希望，個老公做小一樣，咪覺得好似唔再相愛咁lor，又或者覺得愛情己經死亡lor，感覺呢d嘢好過人ge，無話邊個對與錯，等佢地自己解決lor，話唔定分開咗之後，佢地兩公婆又覺得好掛住對方呢

私人傳訊

PS123

子爵府

積分: 14495

2024年龍年勳章 hashtag旅遊勳章 DHA勳章

115^#

發表於 07-10-25 18:16 |只看該作者

睇妳寫比老公既野都唔係冇彎轉呀！妳重愛佢重對佢有希望，希望佢會氹番妳！但妳好似想逼佢正視個問題，如果唔係呢，妳令願選擇離婚！

我個人覺得好多時硬碰硬都會有反效果！我以前都好硬，明知自己做錯(覺得冇面)唔識同老公講對唔住，重嬲番佢轉頭

(非常任性

)，但佢掃我背，反過來同我講："對唔住，我令到妳咁嬲！"我覺得我自己好過份同內疚，經過一段時間我慢慢學會對人講對唔住都唔係咁難講出啫！

其實我想講既係，為咗所有小問題，你哋未至去到講離婚囉！好多野逼唔到任何人去改變，但同另一半一起生活，可以好多方法去影響大家令兩個人都可以溶入係一個家！同埋每個人諗&做法未必一致，好似我講我個case咁！我唔只學到點同老公相處，對同人相處方面都好咗呀！

你哋結婚既時間話長唔長！妳决定同佢結婚時講:"我願意"就承諾咗以後既日子一起面對每個困難！雖然今時今日離婚好易，但問番自己，呢個男人係咪真係唔再直得妳去為佢付出？就算妳最終决定係點都唔係錯，但要諗清楚，冇後悔就得啦！Good luck!:-P

[ 本文章最後由 PS123 於 07-10-25 19:04 編輯 ]

私人傳訊

bloodycherry

積分: 90

116^#

發表於 07-10-25 18:42 |只看該作者

記得我24歲失戀果年, 我同樓主你諗既野都係一樣, 當時既男朋友同樣係到最後先至話忍左我好耐, 但我又同樣覺得佢對我唔好, 次次錯果個都係我, 平時冇野同我講, 個人又悶, 唔肯用心地tum我, 唔開心又唔話俾我知, 我都唔識同佢溝通...

當時我都覺得: 我咁愛你, 我排你第一位喎! 我肯為你改變咁多, 點解你唔肯為我改變少少呢? 連少少都唔肯? 咁你仲點可以話你愛我呀?

而家當然會明白, 自己果時係幾咁唔成熟, 其實佢果時已經好就得我, 亦都有為我改變, 但我就要佢做得更多... 更多... 我希望我付出幾多, 佢同時亦都付出幾多...

其實, 愛點會有計算? 有要求? 就正如細個既時候, 你駁你媽媽咀, 你媽媽轉個頭咪又錫番你, 要計算, 要求, 你就已經唔係真正愛佢喇! 你只係要求緊佢愛你咋!

可能, 呢d真係要靠人生經驗積累番黎至會明白, 相信你遲早會明白既...

私人傳訊

silvia_yu

男爵府

積分: 9658

醒目開學勳章

117^#

發表於 07-10-25 18:44 |只看該作者

樓主...點解你仲奢望你老公會再哄返你呢，因為你已經做到好決絕執左7成野走，即係代表你已經完全放棄呢段婚姻。點解你仲執著個老公點唔愛你...我覺得你老公只係唔識表達同埋個人唔多出聲，呢樣野你好應該明白。而點樣先有婚姻蜜月期，係要兩個一齊攪出黎...唔好乜都你老公諗哂。
樓主，希望你諗清楚...如果真係簽左紙離婚既話，你喊都無用。

私人傳訊

bunny223

積分: 89

118^#

發表於 07-10-25 19:47 |只看該作者

睇左咁耐都覺得其他太太俾你的建議你都係聽唔入耳, 我覺得好可惜...... 可能你要再經歷幾次相同野先會慢慢睇清楚.
你話你老公唔tum你, 唔愛你, 但係從佢的行為睇到佢好愛你, 但係你每一次都HURT佢!! 你老公一定好傷心.... 我覺得你一D都唔愛佢...你老公冇揾過個已經偷笑了!! 咁好的男人你都放棄, 不過好ge, 出面大把人會欣賞你"前夫"....

私人傳訊

bunny223