吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我亞媽好煩

婆媳關係今日: 0|主題: 27782

收藏本版

發帖

返回列表

跳至頁

樓主: mandysio

我亞媽好煩 [複製鏈接]

4 567 8...11

a776170

大宅

積分: 1600

101^#

發表於 08-6-14 12:59 |只看該作者

oh...sorry

私人傳訊

wmpl

大宅

積分: 3000

102^#

發表於 08-6-16 07:36 |只看該作者

原文章由 常平心 於 08-6-13 13:52 發表
你地阿媽都話同你地99講你地壞話,咁話晒你99都叫做同你無啦無"lun".我阿媽同返佢自己阿媽講我壞話(係咪複雜呢),問你怕未
邊有阿媽會走去離間自己屋企人既關係假, 你話佢係咪痴線假

有架,大把阿媽會離間自己屋企人感情,我阿媽係間接性嗰種,即係佢唔會特登講你壞話,但係佢一唔鍾意你呢~~~~你就慘囉,仲慘過個孤兒,佢真係可以你企喺佢隔離都唔得架,會一手就推開你,嗰個動作大到係人都睇得到,係非常之咁傷你嘅自尊心,跟住仲大對比嘅就係喺佢推開我之後,就會即時好呵護咁攬住我細妹～～

我就面懵懵加戇烚烚咁企喺度俾其他人用一種＂你梗係又唔知做錯咗啲咩啦？＂或＂你梗係又恰個妹啦！！＂咁嘅眼神嚟望住我，其實我係乜都冇做過，只係可能嗰日或者嗰一刻我阿媽心情突然唔好佢就會咁對我～～～

仲有Ｃ６阿媽～～佢就係一個好直接離間所有仔女嘅賤貨，［ｓｏｒｒｙ～我唔會稱呼佢做人］，佢喺每一個仔女面前都會數其他仔女嘅不是，唔係呻吓咁簡單，係鬧，佢賤起上嚟，連自己阿媽都開口埋口鬧死仆街～～

不過我諗佢應該只係夠膽喺我面前咁講，因為佢阿媽即係佢仔女啲婆婆，係幫佢一手湊大佢哋幾個仔女嘅，所以佢啲仔女對婆婆都好有感情，佢應該未夠膽咁樣鬧住，以後佢癲起上嚟我就唔敢擔保，總之佢係一個要全世界都要就晒佢至係啱嘅人，如果有少少阻住佢，佢就有理無理都好，開口鬧咗人先，仲係要句句惡毒嗰隻！！

私人傳訊

常平心

民房

積分: 16

103^#

發表於 08-6-16 11:29 |只看該作者

唉真係家家有本難唸的經, 一山還有一山高, 真係唔係好明白, 點解自己親身,流緊同一種血既會咁樣,以前既人成日話你第日做左阿媽就知阿媽辛苦,但我諗依家應該係, 你第日做左阿媽就天加唔明當日阿媽點解可以咁樣對自己

私人傳訊

a776170

大宅

積分: 1600

104^#

發表於 08-6-16 15:13 |只看該作者

yup..我而家日日係咁提醒自己唔好好似我亞媽咁教女...如果唔係第日我同個女的關係就好似我同佢咁...但我發覺我唔多唔少都似左佢d衰野...唯有盡量克制及改變...因為我無一個好榜樣睇到...所以盡量邊學邊點樣做人亞媽

私人傳訊

a776170

大宅

積分: 1600

105^#

發表於 08-6-16 15:23 |只看該作者

係呢...你地父母會唔會唔記得你生日架?我亞媽得我一粒女...但每年都幾乎唔記得我生日...細個同佢講:我生日喎...(期望的只係一句關懷的說話/一粒糖/一只生日蛋)我都會好開心...但永遠只得一句:咁又點呀?你生日係亞媽最辛苦個日!你應該孝敬我添呀!最後更係蛋都無只...but可能佢認為生日唔打你已經好俾面

私人傳訊

wmpl

大宅

積分: 3000

106^#

發表於 08-6-16 16:05 |只看該作者

原文章由 a776170 於 08-6-16 15:23 發表
係呢...你地父母會唔會唔記得你生日架?我亞媽得我一粒女...但每年都幾乎唔記得我生日...細個同佢講:我生日喎...(期望的只係一句關懷的說話/一粒糖/一只生日蛋)我都會好開心...但永遠只得一句:咁又點呀?你生日係亞媽 ...

吓～～～我唔知ｗｏｒ～～應該話唔記得佢哋記唔記得ｌｕ，因為佢哋都賣咗咸鴨旦好多年～～～
不過印象之中我阿爸阿媽都冇幫我慶祝過生日，但係我阿爸就好錫我嘅，我要求啲咩佢都永冇托我手踭，阿媽呢就真係完全冇記憶佢有對我嘅生日有啲咩表示過，咁我唔記得又唔可以一定話佢冇嘅，不過我淨係記得一件事，就係逢親我阿爸買啲咩或俾錢我自己去買嘢都好，我阿媽都會好唔鍾意囉，仲會對我更加黑口黑面唔睬我幾日或無端端捉我嚟鬧，好似我大大吓想搞自己嘅生日會，我就會自己問阿爸攞錢，自己搞，我阿爸都好爽快咁俾幾佰蚊我，但係我阿媽知道就梗係會好多嘢哦我阿爸，不過我阿爸都唔會理佢，照舊我問親佢都會俾我，冇話因為怕阿媽哦就唔俾嘅，所以我自少都係跟我阿爸又似我阿爸多好多架～～

咁哩樣嘢其實都幾極端，因為我阿爸阿媽都因為我而好出名，就係一個出名超縱我，

一個出名唔鍾意我囉！！

私人傳訊

常平心

民房

積分: 16

107^#

發表於 08-6-16 16:36 |只看該作者

細個個陣一定唔會同你慶祝 (不過會比利是其他仔女) 到大左有d位避無可避 (例如有其他長輩都記得而且兜口兜面係佢地面前比利是我,無計情況下只好比埋一份), 不過已經唔再稀罕呢d野,只要佢唔好再攪攪震,唔好再咁多小動作就已經好安心

私人傳訊

a776170

大宅

積分: 1600

108^#

發表於 08-6-16 16:48 |只看該作者

你就好啦...有個咁錫你的老豆...我一出世父母已經離婚...我媽話我爸唔鍾意我係女所以唔要我地(因為大陸限生一個,so..

)所以每次亞媽情緒唔好又搵我出氣時...我真係覺得自己似孤兒女...人地亞爸亞媽當仔女係掌上明珠...而我?

好啦...到我懂性就要叫一個明知唔係自已老豆的人做daddy...7-8歲黎左香港...每次返上廣州都唔想走...上左火車都有鼓沖動想跳火車返屋企搵我亞婆...無幾耐我媽自己選擇離開呢個daddy...但竟然話係因為我

無話佢一心想過橋抽板...佢竟然好意思係我同d親戚面前話佢自己哩入廁所"meet"瘀自己黎屈我daddy打佢....賤...之後有3,5,7次同人拍拖帶埋我去食飯/睇戲...d男人手多多...我見我媽有避有縮...我需然得11-12歲但都知咩事...返到屋企同佢講我見到的野...佢竟然一巴二巴"com"埋黎話我屈佢 & d"朋友"唔正經

咁的情況唔知試過幾多次...所以每次我都掉轉頭好似亞媽看女咁看住佢有無蝕底...或者佢鬧得岩:我識咩朋友關你"忍"事咩?亞媽幾十歲人有咩蝕底呀...你顧掂自己好過拉

私人傳訊

a776170

大宅

積分: 1600

109^#

發表於 08-6-16 17:33 |只看該作者

梗係唔係稀罕佢封利是仔...有心的一句說話/鍚一啖已經夠拉

原文章由 常平心 於 08-6-16 16:36 發表
細個個陣一定唔會同你慶祝 (不過會比利是其他仔女) 到大左有d位避無可避 (例如有其他長輩都記得而且兜口兜面係佢地面前比利是我,無計情況下只好比埋一份), 不過已經唔再稀罕呢d野,只要佢唔好再攪攪震,唔好再咁多小 ...

私人傳訊

Leomummy

男爵府

積分: 7723

110^#

發表於 08-6-16 17:39 |只看該作者

原文章由 a776170 於 08-6-16 15:23 發表
係呢...你地父母會唔會唔記得你生日架?我亞媽得我一粒女...但每年都幾乎唔記得我生日...細個同佢講:我生日喎...(期望的只係一句關懷的說話/一粒糖/一只生日蛋)我都會好開心...但永遠只得一句:咁又點呀?你生日係亞媽 ...

我個仔就快九歲喇，我到而家都仲喺係度學緊點一個好媽咪，所以你唔好灰心，大家努力

我自細我阿媽都係唔會記得我生日，但我d阿哥，佢就一定記得，佢話好易記噃，佢只記得我係鬼節出世，乜嘢日子幾點鐘佢真完全唔知，細個果陣我都試過話俾佢知我生日噃，佢都係咁答我【咁又點呀？你邊有生日㗎，d豬d狗係唔會有生日㗎】所以我一路以嚟都唔會祈望佢會係生日果日會有d乜嘢表示，但相反，佢生日我就一定要記住，如果唔係，佢就會話我一d教心都冇，人哋生個女出嚟就錫老母，我生你出嚟真係把鬼

私人傳訊

a776170

大宅

積分: 1600

111^#

發表於 08-6-16 20:22 |只看該作者

我亞媽味又係...成Q日話人地d女買左d咩俾亞媽...俾左幾多錢亞媽

私人傳訊

wmpl

大宅

積分: 3000

112^#

發表於 08-6-17 04:43 |只看該作者

原文章由 a776170 於 08-6-16 17:33 發表
梗係唔係稀罕佢封利是仔...有心的一句說話/鍚一啖已經夠拉

其實我哋大家都心裡明白，心中有數，我哋要求父母的不是錢財或是驕縱，只要對我們有多一點點的關愛，曾經看過一套西片令我感受很深，當中的不知是父親對自己的兒子終日不瞅不睬，非常冷漠，然而他從不感覺自己有何不妥，而對於兒子對他的不依頼和疏離，還認為只是兒子性格上的缺憾完全是兒子的問題～～

到有一天因為發生了一些事他要獨力照顧兒子一段日子，但他對於自己的兒子卻完全束手無策，因兒子拒絕跟他溝通，在他遭受到親生兒子的拒絕後更惱羞成怒，對兒子如陌路人般看待，如非必要真的連一句話也不會說，父子的關係當然亦變得更惡劣，到那段日子結束後，當有人替他接手照顧兒子，那父親竟然立即執細軟意圖離去，那人便立即上前阻止並質問他為何如此狠心抛棄兒子，他便說出兒子的種種不是，但那人一早便知穿了那些只是用來掩飾他不能面對作為一個父親的失敗的籍口，更一口便拆穿了他的謊言，那父親還想狡辯自己沒有任何做錯，作為一個父親要做的都已做到，只是兒子不識抬舉不矛回應，也從來沒有故意做些什麼對他不好或傷害，為什麼他要這樣對我不瞅不睬？～～～

然而那人便說，作為父母的，你根本不須要故意做什麼來傷害自己的兒女？只要你不愛他便已經是世上最大的傷害了！

那父親頓時語塞再也無言辯駁～～～

私人傳訊

a776170

大宅

積分: 1600

113^#

發表於 08-6-17 08:28 |只看該作者

呢套咩戲?等我租黎睇下

私人傳訊

wmpl

大宅

積分: 3000

114^#

發表於 08-6-17 13:29 |只看該作者

原文章由 a776170 於 08-6-17 08:28 發表
呢套咩戲?等我租黎睇下

bk 呀bk,你幾時先至真正搞掂???你知唔知已經有好多媽咪過咗檔la ?你知唔知你咁樣又會搞到我情緒病發作架?唉~~~~

講返正題先,唔好意思!!我唔知嗰套戲叫咩名~~
因為我都係喺好偶然嘅機會之下睇到嘅,
有日我喺屋企擺住有線嘅remote control無無聊聊係咁轉台，
喺４２台度睇到，當時都已經做緊，我又俾劇情吸引住冇留意到個戲名，所以睇完都唔知嗰部戲叫咩名，不過係幾舊吓嘅戲嚟架，又唔係啲乜嘢大明星做，所以想揾俾你都好難，我連套戲嘅男女主角咩樣都唔係好記得，我而家又諗返起少少嘢，就係鬧嗰個男人嘅唔知係前妻定老婆，總之都係個細路嘅阿媽啦～～

等我再諗到多啲可以揾返套戲嗰陣，我再話俾你知吖～～

頂～～我又點樣少過十個字呀？又要再ｐｏｓｔ過～～
又乜Ｑ嘢冇標題內容呀？第二次ｐｏｓｔ～～
各位，唔好意思，我要數吓總共要ｐｏｓｔ幾多次先會成功？
又嚟～～第三次～～第四次～～第五次～～第六次～～第七次
第八次～～

私人傳訊

Leomummy

男爵府

積分: 7723

115^#

發表於 08-6-17 18:29 |只看該作者

原文章由 wmpl 於 08-6-17 13:29 發表

bk 呀bk,你幾時先至真正搞掂???你知唔知已經有好多媽咪過咗檔la ?你知唔知你咁樣又會搞到我情緒病發作架?唉~~~~

講返正題先,唔好意思!!我唔知嗰套戲叫咩名~~
因為我都係喺好偶然嘅機會之下睇到嘅,
有日我喺屋企擺 ...

哈‥哈‥你好努力噃，一直都無放棄，post咗八次先成功

私人傳訊

wmpl

大宅

積分: 3000

116^#

發表於 08-6-17 19:25 |只看該作者

原文章由 Leomummy 於 08-6-17 18:29 發表

哈‥哈‥你好努力噃，一直都無放棄，post咗八次先成功

我仲要唔係連續ｐｏｓｔ，係行開埋，又去吓厠所，又整吓嘢食咁，難為嗰啲要坐住喺度等嗰啲～～～～

私人傳訊

a776170

大宅

積分: 1600

117^#

發表於 08-6-17 19:54 |只看該作者

今日對我黎講雖然都係365日中平凡的其中1日...但世界上除左我老公外...竟然連自己親生父母都唔記得...雖然我咩都不要...只想要至親的人唔好遺棄我...因為我每年都有呢種感覺...另外多謝你呀...老公...我咁難頂...你都頂左我12年...i love you

私人傳訊

wmpl

大宅

積分: 3000

118^#

發表於 08-6-17 20:22 |只看該作者

原文章由 a776170 於 08-6-17 19:54 發表
今日對我黎講雖然都係365日中平凡的其中1日...但世界上除左我老公外...竟然連自己親生父母都唔記得...雖然我咩都不要...只想要至親的人唔好遺棄我...因為我每年都有呢種感覺...另外多謝你呀...老公...我咁難頂...你 ...

哦～～原來你真係生日，唔怪得你突然之間咁鬼感觸啦～～

唔好諗以前啲衰嘢，至少今日都唔好諗ｌａ，要對自己好啲吖嘛～～