luckybaby2011 發表於 15-7-2 22:37 
其實當年都有報導、間學校評語都麻麻、但始終係悲劇、又一班細路、冇人忍心指責。
...
但當時嘅校長同老師有熱誠想搞好學校教好學生，
當時嘅行山金腳計劃原意係通過行山去訓練學生，
希望學生從中得到樂趣亦得到啟發，呢個行山計劃非該校首創，
而係由校長喺佢以前學校實行過成功而帶去嘅，以前中學都出過事，
但冇八仙嶺山火咁嚴重，主因係學生自律。差不多廿年過去，
聽說好多當年受傷學生都已經放下，重新生活，只有小部份人年年提住，
時刻借呢件事去消費，當年法庭都話係「人為」引起嘅「意外」，
唔公佈詳情好大機會係保護未成年學生，大人都想俾小朋友一個重生機會，
但原來似乎係有人不斷借關注、人脈、同情上位，點樣生活落去，
點樣行埋以後嘅人生係個人選擇，但有同理心嘅都應該考慮埋其他人，
有幾多個想不斷有人提住當年慘劇？或者佢地都未必想聽空洞讚美嘅癈話，
可以的話，我估冇人希望發生呢件悲劇，5條人命嘅教訓係咩？
兩個老師犧牲自己春風化雨背後嘅意義一定唔係單單為一個光環。
有人要年年月月去炒作，其實邊個唔想放下？邊個唔想遺忘？
或者人生嘅意義同價值係要倚仗廿年前嘅往事去肯定。
以上純屬推測，如有雷同，實為巧合。
花旗太太生活在花旗國，留意時差，你問我未必即時答到。
發表於 
返回列表
