懷孕前後 今日: 2 | 主題: 330549

積分: 3971

101^#

發表於 08-12-7 09:47 |只看該作者

原文章由 mokcnine 於 08-12-5 21:55 發表
我上星期都係荃灣港安生左喇~~ 等我都分享下...

1. 我係第一胎順產, 靳嘉仁醫生接生. So far會陰個傷口只係頭一兩日痛, 之後都只係有時掂到/郁到先痛, 止痛藥都唔駛食.
2. 由我穿羊水入院到生, 我都係1/F間獨立待產 ...

mokcnine,

恭喜你呀

聽你咁講都好順利，希望大家都會好似你咁就好啦, 好多謝你生完返黎同我地分享..

我距離預產期仲有4個多星期咋, 不過而家我個b仲未掉頭, 如果過多兩星期都未掉就要開刀lu

mouth: , 我其實都好想順產, 但原來唔係話你想順產就可以架, 仲要個b想唔想先得, 我而家只有交比啊b決定..........

私人傳訊

ioi

積分: 16557

102^#

發表於 08-12-24 14:02 |只看該作者

出院喇...

原本book左月尾入院開刀, 但上星期突然流血, 所以凌晨五點幾入左港安, 六點幾護士call我醫生, 八點幾手術室有位就開刀.

護士都幾好人, 都幾helpful, 除左有兩三個無咁nice. 入去餵奶時發覺大部分都係內地人, 計埋我只係得三個香港人.

用品方面, 床墊有幾塊, 我只係用左一塊墊床, 因為惡露都唔多, 無污糟, 護士就用左一塊墊在我的網褲內先再放衛生巾在裡面. 另外仲有清洗瓶一個, 網褲就只係得第一日護士幫我著果一條. 腰封係要另外俾錢買的, 好彩我有帶定去, 唔駛再買.

bb出院時, 有d沖涼潤膚等試用裝, 但奶粉就無, 只係得一支水奶, 即係得一餐奶, 所以一出院就拿拿林去買奶粉. (之前無買定, 因為三年前出院時係有一罐細裝奶粉送的, 我以為今次都有得送.)

[ 本文章最後由 ioi 於 08-12-24 14:04 編輯 ]

私人傳訊

mokcnine

積分: 2582

103^#

發表於 08-12-24 19:21 |只看該作者

回覆 #102 ioi 的文章

恭喜你呀~~

佢地咁衰, 俾得一支奶咁少! 我出院果陣, 護士俾兩支我架...

私人傳訊

積分: 3971

104^#

發表於 08-12-24 20:34 |只看該作者

原文章由 ioi 於 08-12-24 14:02 發表
原本book左月尾入院開刀, 但上星期突然流血, 所以凌晨五點幾入左港安, 六點幾護士call我醫生, 八點幾手術室有位就開刀.

護士都幾好人, 都幾helpful, 除左有兩三個無咁nice. 入去餵奶時發覺大部分都係內地人, 計埋我 ...

請問你係用半身麻醉定係全身呀？？　出院ｔｏｔａｌ用了幾錢呀？

私人傳訊

bcmok

積分: 2939

好媽媽勳章醒目開學勳章

105^#

發表於 08-12-24 22:10 |只看該作者

原文章由 ioi 於 08-12-24 14:02 發表
原本book左月尾入院開刀, 但上星期突然流血, 所以凌晨五點幾入左港安, 六點幾護士call我醫生, 八點幾手術室有位就開刀.

護士都幾好人, 都幾helpful, 除左有兩三個無咁nice. 入去餵奶時發覺大部分都係內地人, 計埋我 ...

恭喜哂呀, 我下個月中都會去港安開刀生bb, 我想問下你個腰封係邊度買架 ? 好吾好用 ? 我到而家都重未買, 重諗緊係出面買定留返係醫院買, 我怕買左吾岩用. 另外你係搵邊個醫生開架, 我就搵左胡醫生.

私人傳訊

ioi

積分: 16557

106^#

發表於 08-12-25 10:10 |只看該作者

原文章由巴士於 08-12-24 20:34 發表
請問你係用半身麻醉定係全身呀？？　出院ｔｏｔａｌ用了幾錢呀？

今次係半麻, 比起上次全麻感覺好好多, 因為可以第一時間睇到bb, 同埋個人復原的快d. 上次全麻, 第二日先親眼見到bb, 同埋迷迷糊糊咁訓左大半日, 第二日嘗試落床時, 要護士幫手, 起身有d暈, 要等左一陣先落得床, 企起身又有d暈. 但今次做完手術全日都係清醒的, 無暈的感覺, 第二日落床, 原本按鐘叫護士幫我, 但係等左一陣佢先黎, 黎到又話我未換衫, 叫我唔好落床住, 叫我在床上換衫先, 咁我叫佢幫我攞套睡衣出黎, 佢攞完俾我就走左, 我換好衫等左一陣佢又無再黎, 我咪自己落床囉, 原來又ok喎. 總結係: 半麻好好多.

醫生初時話$40,000左右, 實際用左四萬七千幾. (因為係突然流血提早入院, 以為去檢查下, 未生得, 所以無帶走佬袋, 結果要在醫院買左一包衛生巾, 不過唔知收左我幾多錢.)

私人傳訊

ioi

積分: 16557

107^#

發表於 08-12-25 10:11 |只看該作者

原文章由 mokcnine 於 08-12-24 19:21 發表
恭喜你呀~~

佢地咁衰, 俾得一支奶咁少! 我出院果陣, 護士俾兩支我架...

咪係囉, 出院時已經夠鐘食奶, 一返到屋企就餵佢, 之後我老公就即刻出去藥房買奶粉.

私人傳訊

ioi

積分: 16557

108^#

發表於 08-12-25 10:42 |只看該作者

原文章由 bcmok 於 08-12-24 22:10 發表
恭喜哂呀, 我下個月中都會去港安開刀生bb, 我想問下你個腰封係邊度買架 ? 好吾好用 ? 我到而家都重未買, 重諗緊係出面買定留返係醫院買, 我怕買左吾岩用. 另外你係搵邊個醫生開架, 我就搵左胡醫生. ...

我有兩塊腰封, 一塊係上次在醫院時買的, 好軟身, 好好用. 另一塊係六甲村的 (上次出院後先叫我老公去買黎替換的, 因為醫院果塊已用左幾日, 同埋俾d惡露整污糟左少少, 要洗), 比較硬, 加上佢外面再有一層束住中間位置, 好焗, 無咁舒服. 所以我諗如果在市面搵唔到d舒服的, 在醫院買都ok, 不過唔知幾多錢.

我聽到隔離床d醫生都係第二日就叫d產婦買腰封, 因為無腰封固定個肚同埋傷口, 轉身郁動時會痛d.

我搵鄧醫生開刀的, 即係胡醫生樓下果個, 佢手勢好好, 上次傷口都唔係好痛, 打左兩晚止痛針. 今次仲好, 真係好少好少痛, 第一晚吊鹽水(? 唔知係咪鹽水, 只係知護士話有止痛作用), 護士拆左鹽水之後打左一次止痛針, 其實我全程都無乜痛.

私人傳訊

ioi

積分: 16557

109^#

發表於 08-12-25 11:33 |只看該作者

呀... 仲有一樣野, 如果唔打算餵人奶的, 可以叫醫生早d開定回奶丸. 我就係唔知, 媽咪和醫生只係叫我著番緊身的bra, 我第二日換衫時已經著番, 但係到左第四日都係開始谷奶, 醫生第四日先開回奶丸俾我, 我諗已經太遲, 結果谷到第六/七日, 好痛, 搞到成個人都唔舒服同埋食唔落野. 第五日出院後煲左炒麥芽黎飲, 之後第六/七日都有再飲, 回奶丸就食左四日, 宜家ok了.

私人傳訊

積分: 3971

110^#

發表於 08-12-25 17:48 |只看該作者

ioi,

請問打麻醉針痛唔痛呀? 插尿喉痛唔痛? 可唔可以麻醉完後先做? 打手背吊鹽水痛唔痛? 會係幾時做?? 臨手術前一刻定係入院就打??

唔好意思咁多問題.....^_^

私人傳訊

ahpink

別墅

積分: 782

好媽媽勳章

111^#

發表於 08-12-25 23:08 |只看該作者

請問有無媽咪知搵靳嘉仁醫生係港安開刀生要大約幾多錢, thx!!

私人傳訊

ioi

積分: 16557

112^#

發表於 08-12-25 23:30 |只看該作者

原文章由巴士於 08-12-25 17:48 發表
ioi,

請問打麻醉針痛唔痛呀? 插尿喉痛唔痛? 可唔可以麻醉完後先做? 打手背吊鹽水痛唔痛? 會係幾時做?? 臨手術前一刻定係入院就打??

唔好意思咁多問題.....^_^ ...

未上手術室前會插尿喉, 只係有少少唔舒服的感覺, 個人放鬆d就唔痛. 上到手術室, d護士和麻醉師首先在手背插鹽水針, le樣已經算係最痛, 之後護士叫我側身睡彎起個背脊, 麻醉師就抹d野在背脊, 唔知係消毒定麻醉藥, 然後就打支麻醉針落去, 打落去果下有d痛, 之後感覺到有d凍凍地注射左入去, 好快就搞掂, 然後隔一陣醫生就準備好開刀, 好快就聽到bb喊聲, 之後護士抱左bb去一邊, 我就一直擰側頭望住bb, 都無理醫生佢地做乜, 護士處理完一輪之後包住佢抱埋黎俾我睇男仔定女仔, 抱bb埋我塊臉扮作錫我一啖, 之後就抱走左佢. 好快醫生又搞掂, 護士推番我出去, 要留在果度大約一小時先推番落病房.

私人傳訊

積分: 3971

113^#

發表於 08-12-26 10:00 |只看該作者

原文章由 ioi 於 08-12-25 23:30 發表

未上手術室前會插尿喉, 只係有少少唔舒服的感覺, 個人放鬆d就唔痛. 上到手術室, d護士和麻醉師首先在手背插鹽水針, le樣已經算係最痛, 之後護士叫我側身睡彎起個背脊, 麻醉師就抹d野在背脊, 唔知係消毒定麻醉藥, ...

唔該晒呀，明白啦．．．．

唔好意思呀，仲有ｄ野想問題呀，請問做完手術後幾時可以食得野呀？另外你住幾多人房呀？　因為我打算住５人房但唔知會唔會好嘈呢？佢地ｄ房係咪全部都唔係ｂｂ室果層架？

多謝你的回覆呀！

[ 本文章最後由巴士於 08-12-26 10:07 編輯 ]

私人傳訊

PrettyBlackRose

子爵府

積分: 11300

114^#

發表於 08-12-26 10:27 |只看該作者

To ioi,

你的資料 very very 有用呀
我二月都係 twah 開刀
聽完你講, now 無 0甘驚 la

私人傳訊

ioi

積分: 16557

115^#

發表於 08-12-26 12:32 |只看該作者

原文章由巴士於 08-12-26 10:00 發表
唔該晒呀，明白啦．．．．

唔好意思呀，仲有ｄ野想問題呀，請問做完手術後幾時可以食得野呀？另外你住幾多人房呀？　因為我打算住５人房但唔知會唔會好嘈呢？佢地ｄ房係咪全部都唔係ｂｂ室果層架？

多謝你的回覆呀！ ...

我上晝八點幾開刀, 到左下晝四點幾飲左幾啖粥水 (真係粥水, 不過煲杰d, 隔走晒d米, 我媽咪落左d瘦肉落去煲, 等d粥水好味d, 同埋有落陳皮驅風), 晚餐都係飲粥水. 醫生夜晚黎巡房時問我放唔放到庇, 我話已經放左, 咁醫生叫我第二朝繼續飲粥水, 午餐可以食粥, 晚餐可以食飯. 但我諗既然放到庇, 應該食粥無問題啦, 所以我第二朝食有少許米和瘦肉碎的粥, 午餐已經食飯. (唔想食咁多粥係因為粥始終有風, 唔好食咁多.) 但出院前醫生一定要我去到便便, 到左第三日晚未去到, 醫生就叫護士幫我用甘油條.

我住三人房, 唔知五人房咩情況, 嘈唔嘈我諗就視乎你好唔好彩隔離遇著d咩人, 我隔離果個係內地人, 幾日都無親朋戚友黎過探佢, 只係見佢老公(我諗係香港人)成日留低陪佢, 佢地都好識做, 講野都細細聲講, 但我見有d內地人就真係一大棚人黎, 講野又大聲, 又成日圍住在bb房外睇bb, 仲要求多多, 成日寫紙叫d護士推佢地個bb埋去玻璃果邊俾佢地睇, 人地寫明唔好影相, 佢地又照用閃光燈影相, 甚至有d人會敲打玻璃叫護士, 結果被護士鬧, 話佢地會嚇親bb.

多數都住在一樓bb房果層, 但我都聽到有d媽咪係住在三樓. 我諗一樓唔夠位住晒d產婦, 因為同期有廿幾個bb.

私人傳訊

ioi