本帖最後由 my005 於 16-4-8 17:08 編輯
由於太多亂估、杜撰，我最後再講一次，當時我既所知﹗
1. 若係嗰個年代人就知，當時有D人好無聊，鍾意亂撥電話去結識人，當然目標係男識
女，女識男啦﹗我本人都試過幾次被人亂打電話黎，無聊閒傾下，跟住佢又話有緣份，約出街佢見下咁﹗當然我唔會去啦﹗
當年，嗰個女人(錢)就係話打錯電話畀死者老公(羅)，幾次通話後，佢地見面，就識左。佢地話啱傾，羅又見錢無野做，就請左佢响舖頭幫手，(舖頭係在當時既大埔臨時街市入面，即而家新起未入伙既公屋位置。)
亦因此，死者與錢認識，其後覺得佢幾幫到手，故FRIEND左﹗(但當時唔知佢老公如何識死者架﹗只以為係普通招聘，係案件發生後，佢老公自招架。)
其後，生意好，羅要開分店，在寳湖街市開左，錢就在那邊負責喇﹗
再後來，越黎越多人講羅與錢既閒話，死者開始懷疑﹗加上當年寳湖分店唔好生意，死者就決定唔要寳湖，約滿後就唔再續，並將會辭退錢﹗
錢知道後，就...................約死者去佢屋企，即寳湖花園。
錢係有在浴缸燒屍，因太大火，連佢自己都燒到了﹗
佢殺人後，仍有返寳湖街市做生意，咁致令人聯想起炸咕嚕肉與燒屍兩者之關係。加上，事後根本揾唔返生者即大部份(包括頭)遺體，令人有以上揣測同聯想﹗
2.係死者外孫女主動帶警員去馬騮山揾屍架，因為佢有份搭的士去掉的。(更正：係兇手個外孫女才啱，我打錯了﹗)
3.若識死者，就知佢人好瘦小，我諗只係九十磅上下，好温文，而錢都唔係高大人，但都有一百一十幾磅咁上下，錢講死者襲擊佢而佢錯手殺人，呢點我唔信囉﹗(當時警方話可能兇手唔止一個，因兩人都瘦小)
4.總之，人都死左，係兇手主動約死者上佢屋企，係佢冒認死者寫信畀死者老公既，呢單有晒動機，咁都判誤殺﹗﹗
之後佢講咩都得啦﹗
5.錢生左個仔，據聞係羅既﹗
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
仲作到話個孫女係兇手嘅，更加老作就係話個孫女媽媽殺咗孫女嘅祖母
返回列表
